সরস্বতী সূক্তম্ (যজুর্বেদীয)

ওম্ ॥
(তৈ.সং.1.8.22)
প্র ণো দেবী সরস্বতী বাজেভির্বাজিনীবতী ।
ধীনামবিত্র্যবতু ॥
আ নো দিবো বৃহতঃ পর্বতাদা সরস্বতী যজতা গন্তু যজ্ঞম্ ।
হব-ন্দেবী জুজুষাণা ঘৃতাচী শগ্মা-ন্নো বাচমুশতী শৃণোতু ॥
(তৈ.সং.4.1.11)
পাবীরবী কন্যা চিত্রাযু-স্সরস্বতী বীরপত্নী ধিয-ন্ধাত্ ।
গ্নাভিরচ্ছিদ্রগ্ং শরণগ্ং সজোষা দুরাধর্ষ-ঙ্গৃণতে শর্ম যগ্ংসত্ ॥
(ঋ.বে.7.95.5)
ইমা জুহ্বানা যুষ্মদা নমোভিঃ প্রতি স্তোমং সরস্বতি জুষস্ব ।
তব শর্মন্প্রিযতমে দধানা উপ স্থেযাম শরণ-ন্ন বৃক্ষম্ ॥
(ঋ.বে.1.164.49)
যস্তে স্তনঃ শশযো যো মযোভূর্যেন বিশ্বা পুষ্যসি বার্যাণি ।
যো রত্নধা বসুবিদ্য-স্সুদত্র-স্সরস্বতি তমিহ ধাতবে কঃ ॥
(ঋ.বে.6.61.14)
সরস্বত্যভি নো নেষি বস্যো মাপ স্ফরীঃ পযসা মা ন আ ধক্ ।
জুষস্ব ন-স্সখ্যা বেশ্যা চ মা ত্ব-ত্ক্ষেত্রাণ্যরণানি গন্ম ॥
(ঋ.বে.6.61.2)
ইযং শুষ্মেভির্বিসখা ইবারুজত্সানু গিরীণা-ন্তবিষেভিরূর্মিভিঃ ।
পারাবতঘ্নীমবসে সুবৃক্তিভিস্সরস্বতী মা বিবাসেম ধীতিভিঃ ॥
ওঁ শান্তি-শ্শান্তি-শ্শান্তিঃ ॥