సరస్వతీ సూక్తమ్ (యజుర్వేదీయ)

ఓమ్ ॥
(తై.సం.1.8.22)
ప్ర ణో దేవీ సరస్వతీ వాజేభిర్వాజినీవతీ ।
ధీనామవిత్ర్యవతు ॥
ఆ నో దివో బృహతః పర్వతాదా సరస్వతీ యజతా గన్తు యజ్ఞమ్ ।
హవ-న్దేవీ జుజుషాణా ఘృతాచీ శగ్మా-న్నో వాచముశతీ శృణోతు ॥
(తై.సం.4.1.11)
పావీరవీ కన్యా చిత్రాయు-స్సరస్వతీ వీరపత్నీ ధియ-న్ధాత్ ।
గ్నాభిరచ్ఛిద్రగ్ం శరణగ్ం సజోషా దురాధర్ష-ఙ్గృణతే శర్మ యగ్ంసత్ ॥
(ఋ.వే.7.95.5)
ఇమా జుహ్వానా యుష్మదా నమోభిః ప్రతి స్తోమం సరస్వతి జుషస్వ ।
తవ శర్మన్ప్రియతమే దధానా ఉప స్థేయామ శరణ-న్న వృక్షమ్ ॥
(ఋ.వే.1.164.49)
యస్తే స్తనః శశయో యో మయోభూర్యేన విశ్వా పుష్యసి వార్యాణి ।
యో రత్నధా వసువిద్య-స్సుదత్ర-స్సరస్వతి తమిహ ధాతవే కః ॥
(ఋ.వే.6.61.14)
సరస్వత్యభి నో నేషి వస్యో మాప స్ఫరీః పయసా మా న ఆ ధక్ ।
జుషస్వ న-స్సఖ్యా వేశ్యా చ మా త్వ-త్క్షేత్రాణ్యరణాని గన్మ ॥
(ఋ.వే.6.61.2)
ఇయం శుష్మేభిర్బిసఖా ఇవారుజత్సాను గిరీణా-న్తవిషేభిరూర్మిభిః ।
పారావతఘ్నీమవసే సువృక్తిభిస్సరస్వతీ మా వివాసేమ ధీతిభిః ॥
ఓం శాన్తి-శ్శాన్తి-శ్శాన్తిః ॥