কলশ পূজা শ্লোক — Kalasha Puja
কলা কলা হি দেৱানাং দানৱানাং কলা কলা । সংগৃহ্য নিৰ্মিতো যস্মাত্কলশস্তেন কথ্যতে ॥১॥
কলশস্য মুখে ৱিষ্ণুঃ কণ্ঠে ৰুদ্ৰঃ সমাশ্ৰিতঃ । মূলে ত্ৱস্য স্থিতো ব্ৰহ্মা মধ্যে মাতৃগণাঃ স্মৃতাঃ ॥২॥
কুক্ষৌ তু সাগৰাঃ সপ্ত সপ্তদ্ৱীপা চ মেদিনী । অৰ্জুনী গোমতী চৈৱ চন্দ্ৰভাগা সৰস্ৱতী ॥৩॥
কাৱেৰী কৃষ্ণঃ ৱেণা চ গঙ্গা চৈৱ মহানদী । তাপী গোদাৱৰী চৈৱ মাহেন্দ্ৰী নৰ্মদা তথা ॥৪॥
নদাশ্চ ৱিৱিধা জাতা নদ্যঃ সৰ্ৱাস্তথাপৰাঃ । পৃথিৱ্যাং যানি তীৰ্থানি কলশস্থানি তানি ৱৈ ॥৫॥
সৰ্ৱে সমুদ্ৰাঃ সৰিতস্তীৰ্থানি জলদা নদাঃ । আযান্তু মম শান্ত্যৰ্থং দুৰিতক্ষযকাৰকাঃ ॥৬॥
ঋগ্ৱেদোঽথ যজুৰ্ৱেদঃ সামৱেদো হ্যথৰ্ৱণঃ । অঙ্গৈশ্চ সহিতাঃ সৰ্ৱে কলশাম্বুং সমাশ্ৰিতাঃ ॥৭॥
অত্ৰ গাযত্ৰী সৱিত্ৰী শান্তিঃ পুষ্টিকৰী তথা । আযান্তু দেৱপূজাৰ্থং দুৰিতক্ষযকাৰকাঃ ॥৮॥
শঙ্খ পূজা শ্লোক — Shankha Puja
শঙ্খং চন্দ্ৰাৰ্ক দৈৱত্যং মধ্যে ৱৰুণ দৈৱতম্ । পৃষ্ঠে প্ৰজাপতি ৱিদ্যাত্ অগ্ৰে গঙ্গা সৰস্ৱতী ॥
ত্ৱং পুৰা সাগৰোত্পন্নঃ ৱিষ্ণুনা ৱিধৃতঃ কৰে । পূজিতঃ সৰ্ৱ দেৱৈশ্চ পাঞ্চজন্য নমোঽস্তু তে ॥
ত্ৰৈলোক্যে যানি তীৰ্থানি ৱাসুদেৱস্য চ আজ্ঞযা । শঙ্খে তিষ্ঠন্তি ৱিপ্ৰেন্দ্ৰ তস্মাচ্ছঙ্খং প্ৰপূজযেত্ ॥
পাঞ্চজন্যায ৱিদ্মহে পৱমানায ধীমহি । তন্নঃ শঙ্খঃ প্ৰচোদযাত্ ॥
আসনং শ্লোক — Asanam
ৱিচিত্ৰৰত্নখচিতং দিৱ্যাস্তৰণসংযুতম্ ॥ স্ৱৰ্ণসিংহাসনং চাৰু গৃহ্ণীষ্ৱ সুৰপূজিত ॥
পাদ্যং শ্লোক — Padyam
সৰ্ৱতীৰ্থসমুদ্ভূতং পাদ্যং গন্ধাদিভিৰ্যুতম্ । ৱিঘ্নৰাজ গৃহাণেদং ভগৱান্ ভক্তৱত্সল ॥
অৰ্ঘ্যং শ্লোক — Arghyam
গণাধ্যক্ষ নমস্তেঽস্তু গৃহাণ কৰুণাকৰ । অৰ্ঘ্যঞ্চ ফলসংযুক্তং গন্ধমাল্যাক্ষতৈৰ্যুতম্ ॥
আচমনীযং শ্লোক — Achamaniyam
ৱিনাযকং নমস্তুভ্যং ত্ৰিদশৈৰভিৱন্দিত । গঙ্গোদকেন দেৱেশ কুৰুষ্ৱাচমনং প্ৰভো ॥
মধুপৰ্কং শ্লোক — Madhuparkam
দধ্যাজ্যমধু সংযুক্তং মধুপৰ্কং মযাঽঽহৃতম্ । গৃহাণ সৰ্ৱলোকেশ গজৱক্ত্ৰ নমোঽস্তু তে ॥
ৱস্ত্ৰং শ্লোক — Vastram
শীতৱাতোষ্ণসন্ত্ৰাণং লজ্জাযা ৰক্ষণং পৰম্ । দেহালঙ্কৰণং ৱস্ত্ৰমতঃ শান্তিং প্ৰযচ্ছ মে ॥
পুষ্পাঞ্জলি শ্লোক — Pushpanjali
নানাসুগন্ধিপুষ্পাণি যথাকালোদ্ভৱানি চ । পুষ্পাঞ্জলিৰ্মযাদত্ত গৃহাণ পৰমেশ্ৱৰ ॥
নৈৱেদ্যং শ্লোক — Naivedyam
নৈৱেদ্যং গৃহ্যতাং দেৱ ভক্তিং মে হ্যচলাং কুৰু । ঈপ্সিতং মে ৱৰং দেহি পৰত্ৰ চ পৰাং গতিম্ ॥ শৰ্কৰাখণ্ডখাদ্যানি দধিক্ষীৰঘৃতানি চ । আহাৰং ভক্ষ্যভোজ্যং চ নৈৱেদ্যং প্ৰতিগৃহ্যতাম্ ॥
তাম্বূলং শ্লোক — Tambulam
পূগীফলং মহদ্দিৱ্যং নাগৱল্লীদলৈৰ্যুতম্ । এলাদিচূৰ্ণসংযুক্তং তাম্বূলং প্ৰতিগৃহ্যতাম্ ॥
নীৰ়াজনং শ্লোক — Neerajanam
কদলীগৰ্ভসম্ভূতং কৰ্পূৰং তু প্ৰদীপিতম্ । আৰাৰ্তিকমহং কুৰ্ৱে পশ্য মে ৱৰদো ভৱ ॥