ಕಲಶ ಪೂಜಾ ಶ್ಲೋಕ — Kalasha Puja
ಕಲಾ ಕಲಾ ಹಿ ದೇವಾನಾಂ ದಾನವಾನಾಂ ಕಲಾ ಕಲಾ । ಸಂಗೃಹ್ಯ ನಿರ್ಮಿತೋ ಯಸ್ಮಾತ್ಕಲಶಸ್ತೇನ ಕಥ್ಯತೇ ॥೧॥
ಕಲಶಸ್ಯ ಮುಖೇ ವಿಷ್ಣುಃ ಕಣ್ಠೇ ರುದ್ರಃ ಸಮಾಶ್ರಿತಃ । ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾಃ ॥೨॥
ಕುಕ್ಷೌ ತು ಸಾಗರಾಃ ಸಪ್ತ ಸಪ್ತದ್ವೀಪಾ ಚ ಮೇದಿನೀ । ಅರ್ಜುನೀ ಗೋಮತೀ ಚೈವ ಚನ್ದ್ರಭಾಗಾ ಸರಸ್ವತೀ ॥೩॥
ಕಾವೇರೀ ಕೃಷ್ಣಃ ವೇಣಾ ಚ ಗಙ್ಗಾ ಚೈವ ಮಹಾನದೀ । ತಾಪೀ ಗೋದಾವರೀ ಚೈವ ಮಾಹೇನ್ದ್ರೀ ನರ್ಮದಾ ತಥಾ ॥೪॥
ನದಾಶ್ಚ ವಿವಿಧಾ ಜಾತಾ ನದ್ಯಃ ಸರ್ವಾಸ್ತಥಾಪರಾಃ । ಪೃಥಿವ್ಯಾಂ ಯಾನಿ ತೀರ್ಥಾನಿ ಕಲಶಸ್ಥಾನಿ ತಾನಿ ವೈ ॥೫॥
ಸರ್ವೇ ಸಮುದ್ರಾಃ ಸರಿತಸ್ತೀರ್ಥಾನಿ ಜಲದಾ ನದಾಃ । ಆಯಾನ್ತು ಮಮ ಶಾನ್ತ್ಯರ್ಥಂ ದುರಿತಕ್ಷಯಕಾರಕಾಃ ॥೬॥
ಋಗ್ವೇದೋಽಥ ಯಜುರ್ವೇದಃ ಸಾಮವೇದೋ ಹ್ಯಥರ್ವಣಃ । ಅಙ್ಗೈಶ್ಚ ಸಹಿತಾಃ ಸರ್ವೇ ಕಲಶಾಮ್ಬುಂ ಸಮಾಶ್ರಿತಾಃ ॥೭॥
ಅತ್ರ ಗಾಯತ್ರೀ ಸವಿತ್ರೀ ಶಾನ್ತಿಃ ಪುಷ್ಟಿಕರೀ ತಥಾ । ಆಯಾನ್ತು ದೇವಪೂಜಾರ್ಥಂ ದುರಿತಕ್ಷಯಕಾರಕಾಃ ॥೮॥
ಶಙ್ಖ ಪೂಜಾ ಶ್ಲೋಕ — Shankha Puja
ಶಙ್ಖಂ ಚನ್ದ್ರಾರ್ಕ ದೈವತ್ಯಂ ಮಧ್ಯೇ ವರುಣ ದೈವತಮ್ । ಪೃಷ್ಠೇ ಪ್ರಜಾಪತಿ ವಿದ್ಯಾತ್ ಅಗ್ರೇ ಗಙ್ಗಾ ಸರಸ್ವತೀ ॥
ತ್ವಂ ಪುರಾ ಸಾಗರೋತ್ಪನ್ನಃ ವಿಷ್ಣುನಾ ವಿಧೃತಃ ಕರೇ । ಪೂಜಿತಃ ಸರ್ವ ದೇವೈಶ್ಚ ಪಾಞ್ಚಜನ್ಯ ನಮೋಽಸ್ತು ತೇ ॥
ತ್ರೈಲೋಕ್ಯೇ ಯಾನಿ ತೀರ್ಥಾನಿ ವಾಸುದೇವಸ್ಯ ಚ ಆಜ್ಞಯಾ । ಶಙ್ಖೇ ತಿಷ್ಠನ್ತಿ ವಿಪ್ರೇನ್ದ್ರ ತಸ್ಮಾಚ್ಛಙ್ಖಂ ಪ್ರಪೂಜಯೇತ್ ॥
ಪಾಞ್ಚಜನ್ಯಾಯ ವಿದ್ಮಹೇ ಪವಮಾನಾಯ ಧೀಮಹಿ । ತನ್ನಃ ಶಙ್ಖಃ ಪ್ರಚೋದಯಾತ್ ॥
ಆಸನಂ ಶ್ಲೋಕ — Asanam
ವಿಚಿತ್ರರತ್ನಖಚಿತಂ ದಿವ್ಯಾಸ್ತರಣಸಂಯುತಮ್ ॥ ಸ್ವರ್ಣಸಿಂಹಾಸನಂ ಚಾರು ಗೃಹ್ಣೀಷ್ವ ಸುರಪೂಜಿತ ॥
ಪಾದ್ಯಂ ಶ್ಲೋಕ — Padyam
ಸರ್ವತೀರ್ಥಸಮುದ್ಭೂತಂ ಪಾದ್ಯಂ ಗನ್ಧಾದಿಭಿರ್ಯುತಮ್ । ವಿಘ್ನರಾಜ ಗೃಹಾಣೇದಂ ಭಗವಾನ್ ಭಕ್ತವತ್ಸಲ ॥
ಅರ್ಘ್ಯಂ ಶ್ಲೋಕ — Arghyam
ಗಣಾಧ್ಯಕ್ಷ ನಮಸ್ತೇಽಸ್ತು ಗೃಹಾಣ ಕರುಣಾಕರ । ಅರ್ಘ್ಯಞ್ಚ ಫಲಸಂಯುಕ್ತಂ ಗನ್ಧಮಾಲ್ಯಾಕ್ಷತೈರ್ಯುತಮ್ ॥
ಆಚಮನೀಯಂ ಶ್ಲೋಕ — Achamaniyam
ವಿನಾಯಕಂ ನಮಸ್ತುಭ್ಯಂ ತ್ರಿದಶೈರಭಿವನ್ದಿತ । ಗಙ್ಗೋದಕೇನ ದೇವೇಶ ಕುರುಷ್ವಾಚಮನಂ ಪ್ರಭೋ ॥
ಮಧುಪರ್ಕಂ ಶ್ಲೋಕ — Madhuparkam
ದಧ್ಯಾಜ್ಯಮಧು ಸಂಯುಕ್ತಂ ಮಧುಪರ್ಕಂ ಮಯಾಽಽಹೃತಮ್ । ಗೃಹಾಣ ಸರ್ವಲೋಕೇಶ ಗಜವಕ್ತ್ರ ನಮೋಽಸ್ತು ತೇ ॥
ವಸ್ತ್ರಂ ಶ್ಲೋಕ — Vastram
ಶೀತವಾತೋಷ್ಣಸನ್ತ್ರಾಣಂ ಲಜ್ಜಾಯಾ ರಕ್ಷಣಂ ಪರಮ್ । ದೇಹಾಲಙ್ಕರಣಂ ವಸ್ತ್ರಮತಃ ಶಾನ್ತಿಂ ಪ್ರಯಚ್ಛ ಮೇ ॥
ಪುಷ್ಪಾಞ್ಜಲಿ ಶ್ಲೋಕ — Pushpanjali
ನಾನಾಸುಗನ್ಧಿಪುಷ್ಪಾಣಿ ಯಥಾಕಾಲೋದ್ಭವಾನಿ ಚ । ಪುಷ್ಪಾಞ್ಜಲಿರ್ಮಯಾದತ್ತ ಗೃಹಾಣ ಪರಮೇಶ್ವರ ॥
ನೈವೇದ್ಯಂ ಶ್ಲೋಕ — Naivedyam
ನೈವೇದ್ಯಂ ಗೃಹ್ಯತಾಂ ದೇವ ಭಕ್ತಿಂ ಮೇ ಹ್ಯಚಲಾಂ ಕುರು । ಈಪ್ಸಿತಂ ಮೇ ವರಂ ದೇಹಿ ಪರತ್ರ ಚ ಪರಾಂ ಗತಿಮ್ ॥ ಶರ್ಕರಾಖಣ್ಡಖಾದ್ಯಾನಿ ದಧಿಕ್ಷೀರಘೃತಾನಿ ಚ । ಆಹಾರಂ ಭಕ್ಷ್ಯಭೋಜ್ಯಂ ಚ ನೈವೇದ್ಯಂ ಪ್ರತಿಗೃಹ್ಯತಾಮ್ ॥
ತಾಮ್ಬೂಲಂ ಶ್ಲೋಕ — Tambulam
ಪೂಗೀಫಲಂ ಮಹದ್ದಿವ್ಯಂ ನಾಗವಲ್ಲೀದಲೈರ್ಯುತಮ್ । ಏಲಾದಿಚೂರ್ಣಸಂಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ನೀಱಾಜನಂ ಶ್ಲೋಕ — Neerajanam
ಕದಲೀಗರ್ಭಸಮ್ಭೂತಂ ಕರ್ಪೂರಂ ತು ಪ್ರದೀಪಿತಮ್ । ಆರಾರ್ತಿಕಮಹಂ ಕುರ್ವೇ ಪಶ್ಯ ಮೇ ವರದೋ ಭವ ॥