કલશ પૂજા શ્લોક — Kalasha Puja
કલા કલા હિ દેવાનાં દાનવાનાં કલા કલા । સંગૃહ્ય નિર્મિતો યસ્માત્કલશસ્તેન કથ્યતે ॥૧॥
કલશસ્ય મુખે વિષ્ણુઃ કણ્ઠે રુદ્રઃ સમાશ્રિતઃ । મૂલે ત્વસ્ય સ્થિતો બ્રહ્મા મધ્યે માતૃગણાઃ સ્મૃતાઃ ॥૨॥
કુક્ષૌ તુ સાગરાઃ સપ્ત સપ્તદ્વીપા ચ મેદિની । અર્જુની ગોમતી ચૈવ ચન્દ્રભાગા સરસ્વતી ॥૩॥
કાવેરી કૃષ્ણઃ વેણા ચ ગઙ્ગા ચૈવ મહાનદી । તાપી ગોદાવરી ચૈવ માહેન્દ્રી નર્મદા તથા ॥૪॥
નદાશ્ચ વિવિધા જાતા નદ્યઃ સર્વાસ્તથાપરાઃ । પૃથિવ્યાં યાનિ તીર્થાનિ કલશસ્થાનિ તાનિ વૈ ॥૫॥
સર્વે સમુદ્રાઃ સરિતસ્તીર્થાનિ જલદા નદાઃ । આયાન્તુ મમ શાન્ત્યર્થં દુરિતક્ષયકારકાઃ ॥૬॥
ઋગ્વેદોઽથ યજુર્વેદઃ સામવેદો હ્યથર્વણઃ । અઙ્ગૈશ્ચ સહિતાઃ સર્વે કલશામ્બું સમાશ્રિતાઃ ॥૭॥
અત્ર ગાયત્રી સવિત્રી શાન્તિઃ પુષ્ટિકરી તથા । આયાન્તુ દેવપૂજાર્થં દુરિતક્ષયકારકાઃ ॥૮॥
શઙ્ખ પૂજા શ્લોક — Shankha Puja
શઙ્ખં ચન્દ્રાર્ક દૈવત્યં મધ્યે વરુણ દૈવતમ્ । પૃષ્ઠે પ્રજાપતિ વિદ્યાત્ અગ્રે ગઙ્ગા સરસ્વતી ॥
ત્વં પુરા સાગરોત્પન્નઃ વિષ્ણુના વિધૃતઃ કરે । પૂજિતઃ સર્વ દેવૈશ્ચ પાઞ્ચજન્ય નમોઽસ્તુ તે ॥
ત્રૈલોક્યે યાનિ તીર્થાનિ વાસુદેવસ્ય ચ આજ્ઞયા । શઙ્ખે તિષ્ઠન્તિ વિપ્રેન્દ્ર તસ્માચ્છઙ્ખં પ્રપૂજયેત્ ॥
પાઞ્ચજન્યાય વિદ્મહે પવમાનાય ધીમહિ । તન્નઃ શઙ્ખઃ પ્રચોદયાત્ ॥
આસનં શ્લોક — Asanam
વિચિત્રરત્નખચિતં દિવ્યાસ્તરણસંયુતમ્ ॥ સ્વર્ણસિંહાસનં ચારુ ગૃહ્ણીષ્વ સુરપૂજિત ॥
પાદ્યં શ્લોક — Padyam
સર્વતીર્થસમુદ્ભૂતં પાદ્યં ગન્ધાદિભિર્યુતમ્ । વિઘ્નરાજ ગૃહાણેદં ભગવાન્ ભક્તવત્સલ ॥
અર્ઘ્યં શ્લોક — Arghyam
ગણાધ્યક્ષ નમસ્તેઽસ્તુ ગૃહાણ કરુણાકર । અર્ઘ્યઞ્ચ ફલસંયુક્તં ગન્ધમાલ્યાક્ષતૈર્યુતમ્ ॥
આચમનીયં શ્લોક — Achamaniyam
વિનાયકં નમસ્તુભ્યં ત્રિદશૈરભિવન્દિત । ગઙ્ગોદકેન દેવેશ કુરુષ્વાચમનં પ્રભો ॥
મધુપર્કં શ્લોક — Madhuparkam
દધ્યાજ્યમધુ સંયુક્તં મધુપર્કં મયાઽઽહૃતમ્ । ગૃહાણ સર્વલોકેશ ગજવક્ત્ર નમોઽસ્તુ તે ॥
વસ્ત્રં શ્લોક — Vastram
શીતવાતોષ્ણસન્ત્રાણં લજ્જાયા રક્ષણં પરમ્ । દેહાલઙ્કરણં વસ્ત્રમતઃ શાન્તિં પ્રયચ્છ મે ॥
પુષ્પાઞ્જલિ શ્લોક — Pushpanjali
નાનાસુગન્ધિપુષ્પાણિ યથાકાલોદ્ભવાનિ ચ । પુષ્પાઞ્જલિર્મયાદત્ત ગૃહાણ પરમેશ્વર ॥
નૈવેદ્યં શ્લોક — Naivedyam
નૈવેદ્યં ગૃહ્યતાં દેવ ભક્તિં મે હ્યચલાં કુરુ । ઈપ્સિતં મે વરં દેહિ પરત્ર ચ પરાં ગતિમ્ ॥ શર્કરાખણ્ડખાદ્યાનિ દધિક્ષીરઘૃતાનિ ચ । આહારં ભક્ષ્યભોજ્યં ચ નૈવેદ્યં પ્રતિગૃહ્યતામ્ ॥
તામ્બૂલં શ્લોક — Tambulam
પૂગીફલં મહદ્દિવ્યં નાગવલ્લીદલૈર્યુતમ્ । એલાદિચૂર્ણસંયુક્તં તામ્બૂલં પ્રતિગૃહ્યતામ્ ॥
નીર઼ાજનં શ્લોક — Neerajanam
કદલીગર્ભસમ્ભૂતં કર્પૂરં તુ પ્રદીપિતમ્ । આરાર્તિકમહં કુર્વે પશ્ય મે વરદો ભવ ॥