କଲଶ ପୂଜା ଶ୍ଲୋକ — Kalasha Puja
କଲା କଲା ହି ଦେଵାନାଂ ଦାନଵାନାଂ କଲା କଲା । ସଂଗୃହ୍ଯ ନିର୍ମିତୋ ଯସ୍ମାତ୍କଲଶସ୍ତେନ କଥ୍ଯତେ ॥୧॥
କଲଶସ୍ଯ ମୁଖେ ଵିଷ୍ଣୁଃ କଣ୍ଠେ ରୁଦ୍ରଃ ସମାଶ୍ରିତଃ । ମୂଲେ ତ୍ଵସ୍ଯ ସ୍ଥିତୋ ବ୍ରହ୍ମା ମଧ୍ଯେ ମାତୃଗଣାଃ ସ୍ମୃତାଃ ॥୨॥
କୁକ୍ଷୌ ତୁ ସାଗରାଃ ସପ୍ତ ସପ୍ତଦ୍ଵୀପା ଚ ମେଦିନୀ । ଅର୍ଜୁନୀ ଗୋମତୀ ଚୈଵ ଚନ୍ଦ୍ରଭାଗା ସରସ୍ଵତୀ ॥୩॥
କାଵେରୀ କୃଷ୍ଣଃ ଵେଣା ଚ ଗଙ୍ଗା ଚୈଵ ମହାନଦୀ । ତାପୀ ଗୋଦାଵରୀ ଚୈଵ ମାହେନ୍ଦ୍ରୀ ନର୍ମଦା ତଥା ॥୪॥
ନଦାଶ୍ଚ ଵିଵିଧା ଜାତା ନଦ୍ଯଃ ସର୍ଵାସ୍ତଥାପରାଃ । ପୃଥିଵ୍ଯାଂ ଯାନି ତୀର୍ଥାନି କଲଶସ୍ଥାନି ତାନି ଵୈ ॥୫॥
ସର୍ଵେ ସମୁଦ୍ରାଃ ସରିତସ୍ତୀର୍ଥାନି ଜଲଦା ନଦାଃ । ଆଯାନ୍ତୁ ମମ ଶାନ୍ତ୍ଯର୍ଥଂ ଦୁରିତକ୍ଷଯକାରକାଃ ॥୬॥
ଋଗ୍ଵେଦୋଽଥ ଯଜୁର୍ଵେଦଃ ସାମଵେଦୋ ହ୍ଯଥର୍ଵଣଃ । ଅଙ୍ଗୈଶ୍ଚ ସହିତାଃ ସର୍ଵେ କଲଶାମ୍ବୁଂ ସମାଶ୍ରିତାଃ ॥୭॥
ଅତ୍ର ଗାଯତ୍ରୀ ସଵିତ୍ରୀ ଶାନ୍ତିଃ ପୁଷ୍ଟିକରୀ ତଥା । ଆଯାନ୍ତୁ ଦେଵପୂଜାର୍ଥଂ ଦୁରିତକ୍ଷଯକାରକାଃ ॥୮॥
ଶଙ୍ଖ ପୂଜା ଶ୍ଲୋକ — Shankha Puja
ଶଙ୍ଖଂ ଚନ୍ଦ୍ରାର୍କ ଦୈଵତ୍ଯଂ ମଧ୍ଯେ ଵରୁଣ ଦୈଵତମ୍ । ପୃଷ୍ଠେ ପ୍ରଜାପତି ଵିଦ୍ଯାତ୍ ଅଗ୍ରେ ଗଙ୍ଗା ସରସ୍ଵତୀ ॥
ତ୍ଵଂ ପୁରା ସାଗରୋତ୍ପନ୍ନଃ ଵିଷ୍ଣୁନା ଵିଧୃତଃ କରେ । ପୂଜିତଃ ସର୍ଵ ଦେଵୈଶ୍ଚ ପାଞ୍ଚଜନ୍ଯ ନମୋଽସ୍ତୁ ତେ ॥
ତ୍ରୈଲୋକ୍ଯେ ଯାନି ତୀର୍ଥାନି ଵାସୁଦେଵସ୍ଯ ଚ ଆଜ୍ଞଯା । ଶଙ୍ଖେ ତିଷ୍ଠନ୍ତି ଵିପ୍ରେନ୍ଦ୍ର ତସ୍ମାଚ୍ଛଙ୍ଖଂ ପ୍ରପୂଜଯେତ୍ ॥
ପାଞ୍ଚଜନ୍ଯାଯ ଵିଦ୍ମହେ ପଵମାନାଯ ଧୀମହି । ତନ୍ନଃ ଶଙ୍ଖଃ ପ୍ରଚୋଦଯାତ୍ ॥
ଆସନଂ ଶ୍ଲୋକ — Asanam
ଵିଚିତ୍ରରତ୍ନଖଚିତଂ ଦିଵ୍ଯାସ୍ତରଣସଂଯୁତମ୍ ॥ ସ୍ଵର୍ଣସିଂହାସନଂ ଚାରୁ ଗୃହ୍ଣୀଷ୍ଵ ସୁରପୂଜିତ ॥
ପାଦ୍ଯଂ ଶ୍ଲୋକ — Padyam
ସର୍ଵତୀର୍ଥସମୁଦ୍ଭୂତଂ ପାଦ୍ଯଂ ଗନ୍ଧାଦିଭିର୍ଯୁତମ୍ । ଵିଘ୍ନରାଜ ଗୃହାଣେଦଂ ଭଗଵାନ୍ ଭକ୍ତଵତ୍ସଲ ॥
ଅର୍ଘ୍ଯଂ ଶ୍ଲୋକ — Arghyam
ଗଣାଧ୍ଯକ୍ଷ ନମସ୍ତେଽସ୍ତୁ ଗୃହାଣ କରୁଣାକର । ଅର୍ଘ୍ଯଞ୍ଚ ଫଲସଂଯୁକ୍ତଂ ଗନ୍ଧମାଲ୍ଯାକ୍ଷତୈର୍ଯୁତମ୍ ॥
ଆଚମନୀଯଂ ଶ୍ଲୋକ — Achamaniyam
ଵିନାଯକଂ ନମସ୍ତୁଭ୍ଯଂ ତ୍ରିଦଶୈରଭିଵନ୍ଦିତ । ଗଙ୍ଗୋଦକେନ ଦେଵେଶ କୁରୁଷ୍ଵାଚମନଂ ପ୍ରଭୋ ॥
ମଧୁପର୍କଂ ଶ୍ଲୋକ — Madhuparkam
ଦଧ୍ଯାଜ୍ଯମଧୁ ସଂଯୁକ୍ତଂ ମଧୁପର୍କଂ ମଯାଽଽହୃତମ୍ । ଗୃହାଣ ସର୍ଵଲୋକେଶ ଗଜଵକ୍ତ୍ର ନମୋଽସ୍ତୁ ତେ ॥
ଵସ୍ତ୍ରଂ ଶ୍ଲୋକ — Vastram
ଶୀତଵାତୋଷ୍ଣସନ୍ତ୍ରାଣଂ ଲଜ୍ଜାଯା ରକ୍ଷଣଂ ପରମ୍ । ଦେହାଲଙ୍କରଣଂ ଵସ୍ତ୍ରମତଃ ଶାନ୍ତିଂ ପ୍ରଯଚ୍ଛ ମେ ॥
ପୁଷ୍ପାଞ୍ଜଲି ଶ୍ଲୋକ — Pushpanjali
ନାନାସୁଗନ୍ଧିପୁଷ୍ପାଣି ଯଥାକାଲୋଦ୍ଭଵାନି ଚ । ପୁଷ୍ପାଞ୍ଜଲିର୍ମଯାଦତ୍ତ ଗୃହାଣ ପରମେଶ୍ଵର ॥
ନୈଵେଦ୍ଯଂ ଶ୍ଲୋକ — Naivedyam
ନୈଵେଦ୍ଯଂ ଗୃହ୍ଯତାଂ ଦେଵ ଭକ୍ତିଂ ମେ ହ୍ଯଚଲାଂ କୁରୁ । ଈପ୍ସିତଂ ମେ ଵରଂ ଦେହି ପରତ୍ର ଚ ପରାଂ ଗତିମ୍ ॥ ଶର୍କରାଖଣ୍ଡଖାଦ୍ଯାନି ଦଧିକ୍ଷୀରଘୃତାନି ଚ । ଆହାରଂ ଭକ୍ଷ୍ଯଭୋଜ୍ଯଂ ଚ ନୈଵେଦ୍ଯଂ ପ୍ରତିଗୃହ୍ଯତାମ୍ ॥
ତାମ୍ବୂଲଂ ଶ୍ଲୋକ — Tambulam
ପୂଗୀଫଲଂ ମହଦ୍ଦିଵ୍ଯଂ ନାଗଵଲ୍ଲୀଦଲୈର୍ଯୁତମ୍ । ଏଲାଦିଚୂର୍ଣସଂଯୁକ୍ତଂ ତାମ୍ବୂଲଂ ପ୍ରତିଗୃହ୍ଯତାମ୍ ॥
ନୀର଼ାଜନଂ ଶ୍ଲୋକ — Neerajanam
କଦଲୀଗର୍ଭସମ୍ଭୂତଂ କର୍ପୂରଂ ତୁ ପ୍ରଦୀପିତମ୍ । ଆରାର୍ତିକମହଂ କୁର୍ଵେ ପଶ୍ଯ ମେ ଵରଦୋ ଭଵ ॥