കലശ പൂജാ ശ്ലോക — Kalasha Puja
കലാ കലാ ഹി ദേവാനാം ദാനവാനാം കലാ കലാ । സംഗൃഹ്യ നിര്മിതോ യസ്മാത്കലശസ്തേന കഥ്യതേ ॥൧॥
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ । മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥൨॥
കുക്ഷൌ തു സാഗരാഃ സപ്ത സപ്തദ്വീപാ ച മേദിനീ । അര്ജുനീ ഗോമതീ ചൈവ ചന്ദ്രഭാഗാ സരസ്വതീ ॥൩॥
കാവേരീ കൃഷ്ണഃ വേണാ ച ഗങ്ഗാ ചൈവ മഹാനദീ । താപീ ഗോദാവരീ ചൈവ മാഹേന്ദ്രീ നര്മദാ തഥാ ॥൪॥
നദാശ്ച വിവിധാ ജാതാ നദ്യഃ സര്വാസ്തഥാപരാഃ । പൃഥിവ്യാം യാനി തീര്ഥാനി കലശസ്ഥാനി താനി വൈ ॥൫॥
സര്വേ സമുദ്രാഃ സരിതസ്തീര്ഥാനി ജലദാ നദാഃ । ആയാന്തു മമ ശാന്ത്യര്ഥം ദുരിതക്ഷയകാരകാഃ ॥൬॥
ഋഗ്വേദോഽഥ യജുര്വേദഃ സാമവേദോ ഹ്യഥര്വണഃ । അങ്ഗൈശ്ച സഹിതാഃ സര്വേ കലശാമ്ബും സമാശ്രിതാഃ ॥൭॥
അത്ര ഗായത്രീ സവിത്രീ ശാന്തിഃ പുഷ്ടികരീ തഥാ । ആയാന്തു ദേവപൂജാര്ഥം ദുരിതക്ഷയകാരകാഃ ॥൮॥
ശങ്ഖ പൂജാ ശ്ലോക — Shankha Puja
ശങ്ഖം ചന്ദ്രാര്ക ദൈവത്യം മധ്യേ വരുണ ദൈവതമ് । പൃഷ്ഠേ പ്രജാപതി വിദ്യാത് അഗ്രേ ഗങ്ഗാ സരസ്വതീ ॥
ത്വം പുരാ സാഗരോത്പന്നഃ വിഷ്ണുനാ വിധൃതഃ കരേ । പൂജിതഃ സര്വ ദേവൈശ്ച പാഞ്ചജന്യ നമോഽസ്തു തേ ॥
ത്രൈലോക്യേ യാനി തീര്ഥാനി വാസുദേവസ്യ ച ആജ്ഞയാ । ശങ്ഖേ തിഷ്ഠന്തി വിപ്രേന്ദ്ര തസ്മാച്ഛങ്ഖം പ്രപൂജയേത് ॥
പാഞ്ചജന്യായ വിദ്മഹേ പവമാനായ ധീമഹി । തന്നഃ ശങ്ഖഃ പ്രചോദയാത് ॥
ആസനം ശ്ലോക — Asanam
വിചിത്രരത്നഖചിതം ദിവ്യാസ്തരണസംയുതമ് ॥ സ്വര്ണസിംഹാസനം ചാരു ഗൃഹ്ണീഷ്വ സുരപൂജിത ॥
പാദ്യം ശ്ലോക — Padyam
സര്വതീര്ഥസമുദ്ഭൂതം പാദ്യം ഗന്ധാദിഭിര്യുതമ് । വിഘ്നരാജ ഗൃഹാണേദം ഭഗവാന് ഭക്തവത്സല ॥
അര്ഘ്യം ശ്ലോക — Arghyam
ഗണാധ്യക്ഷ നമസ്തേഽസ്തു ഗൃഹാണ കരുണാകര । അര്ഘ്യഞ്ച ഫലസംയുക്തം ഗന്ധമാല്യാക്ഷതൈര്യുതമ് ॥
ആചമനീയം ശ്ലോക — Achamaniyam
വിനായകം നമസ്തുഭ്യം ത്രിദശൈരഭിവന്ദിത । ഗങ്ഗോദകേന ദേവേശ കുരുഷ്വാചമനം പ്രഭോ ॥
മധുപര്കം ശ്ലോക — Madhuparkam
ദധ്യാജ്യമധു സംയുക്തം മധുപര്കം മയാഽഽഹൃതമ് । ഗൃഹാണ സര്വലോകേശ ഗജവക്ത്ര നമോഽസ്തു തേ ॥
വസ്ത്രം ശ്ലോക — Vastram
ശീതവാതോഷ്ണസന്ത്രാണം ലജ്ജായാ രക്ഷണം പരമ് । ദേഹാലങ്കരണം വസ്ത്രമതഃ ശാന്തിം പ്രയച്ഛ മേ ॥
പുഷ്പാഞ്ജലി ശ്ലോക — Pushpanjali
നാനാസുഗന്ധിപുഷ്പാണി യഥാകാലോദ്ഭവാനി ച । പുഷ്പാഞ്ജലിര്മയാദത്ത ഗൃഹാണ പരമേശ്വര ॥
നൈവേദ്യം ശ്ലോക — Naivedyam
നൈവേദ്യം ഗൃഹ്യതാം ദേവ ഭക്തിം മേ ഹ്യചലാം കുരു । ഈപ്സിതം മേ വരം ദേഹി പരത്ര ച പരാം ഗതിമ് ॥ ശര്കരാഖണ്ഡഖാദ്യാനി ദധിക്ഷീരഘൃതാനി ച । ആഹാരം ഭക്ഷ്യഭോജ്യം ച നൈവേദ്യം പ്രതിഗൃഹ്യതാമ് ॥
താമ്ബൂലം ശ്ലോക — Tambulam
പൂഗീഫലം മഹദ്ദിവ്യം നാഗവല്ലീദലൈര്യുതമ് । ഏലാദിചൂര്ണസംയുക്തം താമ്ബൂലം പ്രതിഗൃഹ്യതാമ് ॥
നീറാജനം ശ്ലോക — Neerajanam
കദലീഗര്ഭസമ്ഭൂതം കര്പൂരം തു പ്രദീപിതമ് । ആരാര്തികമഹം കുര്വേ പശ്യ മേ വരദോ ഭവ ॥