কলশ পূজা শ্লোক — Kalasha Puja
কলা কলা হি দেবানাং দানবানাং কলা কলা । সংগৃহ্য নির্মিতো যস্মাত্কলশস্তেন কথ্যতে ॥১॥
কলশস্য মুখে বিষ্ণুঃ কণ্ঠে রুদ্রঃ সমাশ্রিতঃ । মূলে ত্বস্য স্থিতো ব্রহ্মা মধ্যে মাতৃগণাঃ স্মৃতাঃ ॥২॥
কুক্ষৌ তু সাগরাঃ সপ্ত সপ্তদ্বীপা চ মেদিনী । অর্জুনী গোমতী চৈব চন্দ্রভাগা সরস্বতী ॥৩॥
কাবেরী কৃষ্ণঃ বেণা চ গঙ্গা চৈব মহানদী । তাপী গোদাবরী চৈব মাহেন্দ্রী নর্মদা তথা ॥৪॥
নদাশ্চ বিবিধা জাতা নদ্যঃ সর্বাস্তথাপরাঃ । পৃথিব্যাং যানি তীর্থানি কলশস্থানি তানি বৈ ॥৫॥
সর্বে সমুদ্রাঃ সরিতস্তীর্থানি জলদা নদাঃ । আযান্তু মম শান্ত্যর্থং দুরিতক্ষযকারকাঃ ॥৬॥
ঋগ্বেদোঽথ যজুর্বেদঃ সামবেদো হ্যথর্বণঃ । অঙ্গৈশ্চ সহিতাঃ সর্বে কলশাম্বুং সমাশ্রিতাঃ ॥৭॥
অত্র গাযত্রী সবিত্রী শান্তিঃ পুষ্টিকরী তথা । আযান্তু দেবপূজার্থং দুরিতক্ষযকারকাঃ ॥৮॥
শঙ্খ পূজা শ্লোক — Shankha Puja
শঙ্খং চন্দ্রার্ক দৈবত্যং মধ্যে বরুণ দৈবতম্ । পৃষ্ঠে প্রজাপতি বিদ্যাত্ অগ্রে গঙ্গা সরস্বতী ॥
ত্বং পুরা সাগরোত্পন্নঃ বিষ্ণুনা বিধৃতঃ করে । পূজিতঃ সর্ব দেবৈশ্চ পাঞ্চজন্য নমোঽস্তু তে ॥
ত্রৈলোক্যে যানি তীর্থানি বাসুদেবস্য চ আজ্ঞযা । শঙ্খে তিষ্ঠন্তি বিপ্রেন্দ্র তস্মাচ্ছঙ্খং প্রপূজযেত্ ॥
পাঞ্চজন্যায বিদ্মহে পবমানায ধীমহি । তন্নঃ শঙ্খঃ প্রচোদযাত্ ॥
আসনং শ্লোক — Asanam
বিচিত্ররত্নখচিতং দিব্যাস্তরণসংযুতম্ ॥ স্বর্ণসিংহাসনং চারু গৃহ্ণীষ্ব সুরপূজিত ॥
পাদ্যং শ্লোক — Padyam
সর্বতীর্থসমুদ্ভূতং পাদ্যং গন্ধাদিভির্যুতম্ । বিঘ্নরাজ গৃহাণেদং ভগবান্ ভক্তবত্সল ॥
অর্ঘ্যং শ্লোক — Arghyam
গণাধ্যক্ষ নমস্তেঽস্তু গৃহাণ করুণাকর । অর্ঘ্যঞ্চ ফলসংযুক্তং গন্ধমাল্যাক্ষতৈর্যুতম্ ॥
আচমনীযং শ্লোক — Achamaniyam
বিনাযকং নমস্তুভ্যং ত্রিদশৈরভিবন্দিত । গঙ্গোদকেন দেবেশ কুরুষ্বাচমনং প্রভো ॥
মধুপর্কং শ্লোক — Madhuparkam
দধ্যাজ্যমধু সংযুক্তং মধুপর্কং মযাঽঽহৃতম্ । গৃহাণ সর্বলোকেশ গজবক্ত্র নমোঽস্তু তে ॥
বস্ত্রং শ্লোক — Vastram
শীতবাতোষ্ণসন্ত্রাণং লজ্জাযা রক্ষণং পরম্ । দেহালঙ্করণং বস্ত্রমতঃ শান্তিং প্রযচ্ছ মে ॥
পুষ্পাঞ্জলি শ্লোক — Pushpanjali
নানাসুগন্ধিপুষ্পাণি যথাকালোদ্ভবানি চ । পুষ্পাঞ্জলির্মযাদত্ত গৃহাণ পরমেশ্বর ॥
নৈবেদ্যং শ্লোক — Naivedyam
নৈবেদ্যং গৃহ্যতাং দেব ভক্তিং মে হ্যচলাং কুরু । ঈপ্সিতং মে বরং দেহি পরত্র চ পরাং গতিম্ ॥ শর্করাখণ্ডখাদ্যানি দধিক্ষীরঘৃতানি চ । আহারং ভক্ষ্যভোজ্যং চ নৈবেদ্যং প্রতিগৃহ্যতাম্ ॥
তাম্বূলং শ্লোক — Tambulam
পূগীফলং মহদ্দিব্যং নাগবল্লীদলৈর্যুতম্ । এলাদিচূর্ণসংযুক্তং তাম্বূলং প্রতিগৃহ্যতাম্ ॥
নীর়াজনং শ্লোক — Neerajanam
কদলীগর্ভসম্ভূতং কর্পূরং তু প্রদীপিতম্ । আরার্তিকমহং কুর্বে পশ্য মে বরদো ভব ॥