கலஶ பூஜா ஶ்லோக — Kalasha Puja
கலா கலா ஹி தேவாநாம் தாநவாநாம் கலா கலா । ஸம்க்ரு'ஹ்ய நிர்மிதோ யஸ்மாத்கலஶஸ்தேந கத்யதே ॥௧॥
கலஶஸ்ய முகே விஷ்ணுஃ கண்டே ருத்ரஃ ஸமாஶ்ரிதஃ । மூலே த்வஸ்ய ஸ்திதோ ப்ரஹ்மா மத்யே மாத்ரு'கணாஃ ஸ்ம்ரு'தாஃ ॥௨॥
குக்ஷௌ து ஸாகராஃ ஸப்த ஸப்தத்வீபா ச மேதிநீ । அர்ஜுநீ கோமதீ சைவ சந்த்ரபாகா ஸரஸ்வதீ ॥௩॥
காவேரீ க்ரு'ஷ்ணஃ வேணா ச கங்கா சைவ மஹாநதீ । தாபீ கோதாவரீ சைவ மாஹேந்த்ரீ நர்மதா ததா ॥௪॥
நதாஶ்ச விவிதா ஜாதா நத்யஃ ஸர்வாஸ்ததாபராஃ । ப்ரு'திவ்யாம் யாநி தீர்தாநி கலஶஸ்தாநி தாநி வை ॥௫॥
ஸர்வே ஸமுத்ராஃ ஸரிதஸ்தீர்தாநி ஜலதா நதாஃ । ஆயாந்து மம ஶாந்த்யர்தம் துரிதக்ஷயகாரகாஃ ॥௬॥
ரு'க்வேதோ'த யஜுர்வேதஃ ஸாமவேதோ ஹ்யதர்வணஃ । அங்கைஶ்ச ஸஹிதாஃ ஸர்வே கலஶாம்பும் ஸமாஶ்ரிதாஃ ॥௭॥
அத்ர காயத்ரீ ஸவித்ரீ ஶாந்திஃ புஷ்டிகரீ ததா । ஆயாந்து தேவபூஜார்தம் துரிதக்ஷயகாரகாஃ ॥௮॥
ஶங்க பூஜா ஶ்லோக — Shankha Puja
ஶங்கம் சந்த்ரார்க தைவத்யம் மத்யே வருண தைவதம் । ப்ரு'ஷ்டே ப்ரஜாபதி வித்யாத் அக்ரே கங்கா ஸரஸ்வதீ ॥
த்வம் புரா ஸாகரோத்பந்நஃ விஷ்ணுநா வித்ரு'தஃ கரே । பூஜிதஃ ஸர்வ தேவைஶ்ச பாஞ்சஜந்ய நமோ'ஸ்து தே ॥
த்ரைலோக்யே யாநி தீர்தாநி வாஸுதேவஸ்ய ச ஆஜ்ஞயா । ஶங்கே திஷ்டந்தி விப்ரேந்த்ர தஸ்மாச்சங்கம் ப்ரபூஜயேத் ॥
பாஞ்சஜந்யாய வித்மஹே பவமாநாய தீமஹி । தந்நஃ ஶங்கஃ ப்ரசோதயாத் ॥
ஆஸநம் ஶ்லோக — Asanam
விசித்ரரத்நகசிதம் திவ்யாஸ்தரணஸம்யுதம் ॥ ஸ்வர்ணஸிம்ஹாஸநம் சாரு க்ரு'ஹ்ணீஷ்வ ஸுரபூஜித ॥
பாத்யம் ஶ்லோக — Padyam
ஸர்வதீர்தஸமுத்பூதம் பாத்யம் கந்தாதிபிர்யுதம் । விக்நராஜ க்ரு'ஹாணேதம் பகவாந் பக்தவத்ஸல ॥
அர்க்யம் ஶ்லோக — Arghyam
கணாத்யக்ஷ நமஸ்தே'ஸ்து க்ரு'ஹாண கருணாகர । அர்க்யஞ்ச பலஸம்யுக்தம் கந்தமால்யாக்ஷதைர்யுதம் ॥
ஆசமநீயம் ஶ்லோக — Achamaniyam
விநாயகம் நமஸ்துப்யம் த்ரிதஶைரபிவந்தித । கங்கோதகேந தேவேஶ குருஷ்வாசமநம் ப்ரபோ ॥
மதுபர்கம் ஶ்லோக — Madhuparkam
தத்யாஜ்யமது ஸம்யுக்தம் மதுபர்கம் மயா''ஹ்ரு'தம் । க்ரு'ஹாண ஸர்வலோகேஶ கஜவக்த்ர நமோ'ஸ்து தே ॥
வஸ்த்ரம் ஶ்லோக — Vastram
ஶீதவாதோஷ்ணஸந்த்ராணம் லஜ்ஜாயா ரக்ஷணம் பரம் । தேஹாலங்கரணம் வஸ்த்ரமதஃ ஶாந்திம் ப்ரயச்ச மே ॥
புஷ்பாஞ்ஜலி ஶ்லோக — Pushpanjali
நாநாஸுகந்திபுஷ்பாணி யதாகாலோத்பவாநி ச । புஷ்பாஞ்ஜலிர்மயாதத்த க்ரு'ஹாண பரமேஶ்வர ॥
நைவேத்யம் ஶ்லோக — Naivedyam
நைவேத்யம் க்ரு'ஹ்யதாம் தேவ பக்திம் மே ஹ்யசலாம் குரு । ஈப்ஸிதம் மே வரம் தேஹி பரத்ர ச பராம் கதிம் ॥ ஶர்கராகண்டகாத்யாநி ததிக்ஷீரக்ரு'தாநி ச । ஆஹாரம் பக்ஷ்யபோஜ்யம் ச நைவேத்யம் ப்ரதிக்ரு'ஹ்யதாம் ॥
தாம்பூலம் ஶ்லோக — Tambulam
பூகீபலம் மஹத்திவ்யம் நாகவல்லீதலைர்யுதம் । ஏலாதிசூர்ணஸம்யுக்தம் தாம்பூலம் ப்ரதிக்ரு'ஹ்யதாம் ॥
நீறாஜநம் ஶ்லோக — Neerajanam
கதலீகர்பஸம்பூதம் கர்பூரம் து ப்ரதீபிதம் । ஆரார்திகமஹம் குர்வே பஶ்ய மே வரதோ பவ ॥