ॐ हर हर हर महादेव॥ (ध्रु.)
जय जय जय शिवशङ्कर करुणाघन ईश ।
काश्मीरगिरिविहारिन् जयजय अमरेश ॥ १ ॥
काश्मीरगिरिविहारिन् जयजय अमरेश ॥ १ ॥
उद्यत्सूर्यसमप्रभ दुग्धार्णव धवल।
प्रालेयाप्लुतमूर्ते स्मरभञ्जनशील॥२॥
प्रालेयाप्लुतमूर्ते स्मरभञ्जनशील॥२॥
जगदुत्पत्तिः सर्वा तव शम्भो लास्यम्।
अवनेरवनं सुरनरसहितं तव हास्यम्॥३॥
अवनेरवनं सुरनरसहितं तव हास्यम्॥३॥
या ते रुद्र शिवातनुरमृता हिमवेशे।
अभिचाकशीहि भगवन् तयैव हृद्देशे॥४॥
अभिचाकशीहि भगवन् तयैव हृद्देशे॥४॥
हिमगिरिगह्वरवासं कृतकल्मषनाशम्।
भक्तजनप्रियमीशं नमामि अविनाशम्॥५॥
भक्तजनप्रियमीशं नमामि अविनाशम्॥५॥
यो भक्त्याऽर्चयति त्वां अनन्यभावेन।
कल्पतरुश्चिन्तामणिराप्तः खलु तेन॥६॥
कल्पतरुश्चिन्तामणिराप्तः खलु तेन॥६॥
घनदसखं रत्नोज्वल-रूपं शशिशुभ्रम्।
स्वयम्भुवं तं वन्दे शिरसाऽहमदभ्रम्॥७॥
स्वयम्भुवं तं वन्दे शिरसाऽहमदभ्रम्॥७॥
आर्तिक्यं तेऽस्तु मुदा प्रसीद परमात्मन्।
विघ्नान् नाशय पूरय कामान् सर्वात्मन्॥८॥
विघ्नान् नाशय पूरय कामान् सर्वात्मन्॥८॥