ૐ હર હર હર મહાદેવ॥ (ધ્રુ.)
જય જય જય શિવશઙ્કર કરુણાઘન ઈશ ।
કાશ્મીરગિરિવિહારિન્ જયજય અમરેશ ॥ ૧ ॥
કાશ્મીરગિરિવિહારિન્ જયજય અમરેશ ॥ ૧ ॥
ઉદ્યત્સૂર્યસમપ્રભ દુગ્ધાર્ણવ ધવલ।
પ્રાલેયાપ્લુતમૂર્તે સ્મરભઞ્જનશીલ॥૨॥
પ્રાલેયાપ્લુતમૂર્તે સ્મરભઞ્જનશીલ॥૨॥
જગદુત્પત્તિઃ સર્વા તવ શમ્ભો લાસ્યમ્।
અવનેરવનં સુરનરસહિતં તવ હાસ્યમ્॥૩॥
અવનેરવનં સુરનરસહિતં તવ હાસ્યમ્॥૩॥
યા તે રુદ્ર શિવાતનુરમૃતા હિમવેશે।
અભિચાકશીહિ ભગવન્ તયૈવ હૃદ્દેશે॥૪॥
અભિચાકશીહિ ભગવન્ તયૈવ હૃદ્દેશે॥૪॥
હિમગિરિગહ્વરવાસં કૃતકલ્મષનાશમ્।
ભક્તજનપ્રિયમીશં નમામિ અવિનાશમ્॥૫॥
ભક્તજનપ્રિયમીશં નમામિ અવિનાશમ્॥૫॥
યો ભક્ત્યાઽર્ચયતિ ત્વાં અનન્યભાવેન।
કલ્પતરુશ્ચિન્તામણિરાપ્તઃ ખલુ તેન॥૬॥
કલ્પતરુશ્ચિન્તામણિરાપ્તઃ ખલુ તેન॥૬॥
ઘનદસખં રત્નોજ્વલ-રૂપં શશિશુભ્રમ્।
સ્વયમ્ભુવં તં વન્દે શિરસાઽહમદભ્રમ્॥૭॥
સ્વયમ્ભુવં તં વન્દે શિરસાઽહમદભ્રમ્॥૭॥
આર્તિક્યં તેઽસ્તુ મુદા પ્રસીદ પરમાત્મન્।
વિઘ્નાન્ નાશય પૂરય કામાન્ સર્વાત્મન્॥૮॥
વિઘ્નાન્ નાશય પૂરય કામાન્ સર્વાત્મન્॥૮॥