ওঁ হৰ হৰ হৰ মহাদেৱ॥ (ধ্ৰু.)
জয জয জয শিৱশঙ্কৰ কৰুণাঘন ঈশ ।
কাশ্মীৰগিৰিৱিহাৰিন্ জযজয অমৰেশ ॥ ১ ॥
কাশ্মীৰগিৰিৱিহাৰিন্ জযজয অমৰেশ ॥ ১ ॥
উদ্যত্সূৰ্যসমপ্ৰভ দুগ্ধাৰ্ণৱ ধৱল।
প্ৰালেযাপ্লুতমূৰ্তে স্মৰভঞ্জনশীল॥২॥
প্ৰালেযাপ্লুতমূৰ্তে স্মৰভঞ্জনশীল॥২॥
জগদুত্পত্তিঃ সৰ্ৱা তৱ শম্ভো লাস্যম্।
অৱনেৰৱনং সুৰনৰসহিতং তৱ হাস্যম্॥৩॥
অৱনেৰৱনং সুৰনৰসহিতং তৱ হাস্যম্॥৩॥
যা তে ৰুদ্ৰ শিৱাতনুৰমৃতা হিমৱেশে।
অভিচাকশীহি ভগৱন্ তযৈৱ হৃদ্দেশে॥৪॥
অভিচাকশীহি ভগৱন্ তযৈৱ হৃদ্দেশে॥৪॥
হিমগিৰিগহ্ৱৰৱাসং কৃতকল্মষনাশম্।
ভক্তজনপ্ৰিযমীশং নমামি অৱিনাশম্॥৫॥
ভক্তজনপ্ৰিযমীশং নমামি অৱিনাশম্॥৫॥
যো ভক্ত্যাঽৰ্চযতি ত্ৱাং অনন্যভাৱেন।
কল্পতৰুশ্চিন্তামণিৰাপ্তঃ খলু তেন॥৬॥
কল্পতৰুশ্চিন্তামণিৰাপ্তঃ খলু তেন॥৬॥
ঘনদসখং ৰত্নোজ্ৱল-ৰূপং শশিশুভ্ৰম্।
স্ৱযম্ভুৱং তং ৱন্দে শিৰসাঽহমদভ্ৰম্॥৭॥
স্ৱযম্ভুৱং তং ৱন্দে শিৰসাঽহমদভ্ৰম্॥৭॥
আৰ্তিক্যং তেঽস্তু মুদা প্ৰসীদ পৰমাত্মন্।
ৱিঘ্নান্ নাশয পূৰয কামান্ সৰ্ৱাত্মন্॥৮॥
ৱিঘ্নান্ নাশয পূৰয কামান্ সৰ্ৱাত্মন্॥৮॥