Lord Ganesha

શ્રી એકદંત સ્તોત્ર

(Shri Ekdant Stotra in Gujarati)

Also known as mahasuram susamtam vai drstva visnumukha sura

Language:Sanskrit
Translation:English

The Ekadanta Stotram from the Ganesha Purana, in which the gods led by Vishnu, seeing the great asura subdued, praise Ganesha as the one-tusked.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 69
॥ શ્રી ગણેશાય નમઃ ॥
મહાસુરં સુશાંતં વૈ દૃષ્ટ્વા વિષ્ણુમુખાઃ સુરાઃ ।
ભ્રગ્વાદયશ્ર્ચ મુનય એકદન્તં સમાયયુઃ ।। 1 ।।
પ્રણમ્ય તં પ્રપૂજ્યાદૌ પુનસ્તં નેમુરાદરાત્ ।
તુષ્ટુવુર્હર્ષસંયુક્તા એકદન્તં ગણેશ્ર્વરમ્ ।। 2 ।।
દેવર્ષય ઊચુઃ
સદાત્મરૂપં સકલાદિભૂતમમાયિનં સોઽહમચિન્ત્યબોધમ્ ।
અનાદિમધ્યાંતવિહીનમેકં તમેકદન્તં શરણં વ્રજામઃ ।। 3 ।।
અનન્તચિદ્રૂપમયં ગણેશં હ્મભેદભેદાદિવિહીનમાદ્યમ્ ।
હૃદિ પ્રકાશસ્ય ધરં સ્વધીસ્થં તમેકદન્તં શરણં વ્રજામઃ ।। 4 ।।
વિશ્ર્વાદિભૂતં હ્રદિ યોગિનાં વૈ પ્રત્યક્ષરૂપેણ વિભાન્તમેકમ્ ।
સદા નિરાલમ્બસમાધિગમ્યં તમેકદન્તં શરણં વ્રજામઃ ।। 5 ।।
સ્વબિમ્બભાવેન વિલાસયુક્તં બિંદુસ્વરૂપા રચિતા સ્વમાયા ।
તસ્યા સ્વવીર્ય પ્રદદાતિ યો વૈ તમેકદન્તં શરણં વ્રજામઃ ।। 6 ।।
ત્વદીયવીર્યેણ સમર્થભૂતા માયા તયા સંરચિતં ચ વિશ્ર્વમ્ ।
નાદત્મકં હ્માત્મતયા પ્રતીતં તમેકદન્તં શરણં વ્રજામઃ ।। 7 ।।
ત્વદીયસત્તાધરમેકદન્તં ગણેશમેકં ત્રયબોધિતારમ્ ।
સેવન્ત આપુસ્તમજં ત્રિસંસ્થાસ્તમેકદન્તં શરણં વ્રજામઃ ।। 8 ।।
તતસ્ત્વયા પ્રેરિત એવ નાદસ્તેનેદમેવં રચિતં જગદ્વૈતમ્ ।
આનન્દરૂપં સમભાવસંસ્થં તમેકદન્તં શરણં વ્રજામઃ ।। 9 ।।
તદેવ વિશ્ર્વં કૃપયા તવૈવ સમ્ભૂતમાદ્યં તમસા વિભાતમ્ ।
અનેકરૂપં હ્મજમેકભૂતં તમેકદન્તં શરણં વ્રજામઃ ।। 10 ।।
તતસ્ત્વયા પ્રેરિતમેવ તેન સૃષ્ટં સુસૂક્ષ્મં જગદેકસંસ્થમ્ ।
સત્ત્વાત્મ્કં શ્ર્વેતમનન્તમાદ્યં તમેકદન્તં શરણં વ્રજામઃ ।। 11 ।।
તદેવ સ્વપ્નં તપસા ગણેશં સંસિદ્ધિરૂપં વિવિધં વભૂવ ।
તદેકરૂપં કૃપયા તવાપિ તમેકદન્તં શરણં વ્રજામઃ ।। 12 ।।
સમ્પ્રેરિતં તચ્ય ત્વયા હ્રદિસ્થં તથા સુસૃષ્ટં જગદંશરૂપમ્ ।
તેનૈવ જાગ્રન્મયમપ્રમેયં તમેકદન્તં શરણં વ્રજામઃ ।। 13 ।।
જાગ્રત્સ્વરૂપં રજસા વિભાતં વિલોકિતં તત્કૃપયા યદૈવ ।
તદા વિભિન્નં ભવદેકરૂપં તમેકદન્તં શરણં વ્રજામઃ ।। 14 ।।
એવં ચ સૃષ્ટ્વા પ્રક્રતિસ્વભાવાત્તદન્તરે ત્વં ચ વિભાસિ નિત્યમ્ ।
બુદ્ધિપ્રદાતા ગણનાથ એકસ્તમેકદન્તં શરણં વ્રજામઃ ।। 15 ।।
ત્વદાજ્ઞયા ભાંતિ ગ્રહાશ્ર્ચ સર્વે નક્ષત્રરૂપાણિ વિભાન્તિ ખે વૈ ।
આધારહીનાનિ ત્વયા ધૃતાનિ તમેકદન્તં શરણં વ્રજામઃ ।। 16 ।।
ત્વદાજ્ઞયા સૃષ્ટિકરો વિધાતા ત્વદાજ્ઞયા પાલક એવ વિષ્ણુઃ ।
ત્વદાજ્ઞયા સંહરતે હરોઽપિ તમેકદન્તં શરણં વ્રજામઃ ।। 17 ।।
યદાજ્ઞયા ભૂર્જલમધ્યસંસ્થા યદાજ્ઞયાઽઽપઃ પ્રવહન્તિ નદ્યઃ ।
સીમાં સદા રક્ષતિ વૈ સમુદ્રસ્તમેકદન્તં શરણં વ્રજામઃ ।। 18 ।।
યદાજ્ઞયા દેવગણો દિવિસ્થો દદાતિ વૈ કર્મફલાનિ નિત્યમ્ ।
યદાજ્ઞયા શૈલગણોઽચલો વૈ તમેકદન્તં શરણં વ્રજામઃ ।। 19 ।।
યદાજ્ઞયા શેષ ઇલાધરો વૈ યદાજ્ઞયા મોહકરશ્ર્ચ કાલઃ ।
યદાજ્ઞયા કાલધરોઽર્યમા ચ તમેકદન્તં શરણં વ્રજામઃ ।। 20 ।।
યદાજ્ઞયા વાતિ વિભાતિ વાયુર્યદાજ્ઞયાઽગ્નિર્જઠરાદિસંસ્થઃ ।
યદાજ્ઞયા વૈ સચરાચરં ચ તમેકદન્તં શરણં વ્રજામઃ ।। 21 ।।
સર્વાન્તરે સંસ્થિતતેકગૂઢં યદાજ્ઞયા સર્વમિદં વિભાતિ ।
અનન્તરૂપં હ્રદિ બોધકં વૈ તમેકદન્તં શરણં વ્રજામઃ ।। 22 ।।
યં યોગિનો યોગબલેન સાધ્યં કુર્વન્તિ તં કઃ સ્તવનેન નૌતિ ।
અતઃ પ્રણામેન સુસિદ્ધિદોઽસ્તુ તમેકદન્તં શરણં વ્રજામઃ ।। 23 ।।
ગ્રત્સપ્તદ ઉવાચ
એવં સ્તુત્વા ચ પ્રહ્લાદં દેવાઃ સમુનયશ્ર્ચ વૈ ।
તૂષ્ણીંભાવં પ્રપદ્યેવ નનૃતુર્હર્ષસંયુતાઃ ।। 24 ।।
સ તાનુવાચ પ્રોતાત્મા હ્મેકદંતઃ સ્તવેન વૈ ।
જગાદ તાન્મહાભાગાન્દેવર્ષીન્ભક્તવત્સલઃ ।। 25 ।।
એકદંત ઉવાચ
પ્રસન્નોસ્મિ ચ સ્તોત્રેણ સુરાઃ સર્ષિગણાઃ કિલ ।
વૃણુતાં વરદોઽહં વો દાસ્યામિ મનસીપ્સિતમ્ ।। 26 ।।
ભવત્કૃતં મદીયં વૈ સ્તોત્રં પ્રીતિપ્રદં મમ ।
ભવિષ્યતિ ન સંદેહઃ સર્વસિદ્ધિપ્રદાયકમ્ ।। 27 ।।
યં યમિચ્છતિ તં તં વૈ દાસ્યામિ સ્તોત્રપાઠતઃ ।
પુત્રપૌત્રાદિકં સર્વં લભતે ધનધાન્યકમ્ ।। 28 ।।
ગજાશ્ર્વાદિકમત્મ્યન્તં રાજ્યભોગં લભેદ્ધ્રુવમ્ ।
ભુક્તિં મુક્તિં ચ યોગં વૈ લભતે શાન્તિદાયકમ્ ।। 29 ।।
મારણોંચટનાદીનિ રાજ્યબંધાદિકં ચ યત્ ।
પઠતાં શ્રૃણ્વતાં ન્રણાં ભવેચ્ચ બંધહીનતા ।। 30 ।।
એકવિંશતિવારં ચ શ્લોકાચ્શ્રૈવૈકવિંશતિમ્ ।
પઠતે નિત્યમેવં ચ દિનાનિ ત્વેકવિંશતિમ્ ।। 31 ।।
ન તસ્ય દુર્લભં કિંચિત્ત્રિષુ લોકેશુ વૈ ભવેત્ ।
અસાધ્યં સાધયેન્મત્ર્યઃ સર્વત્ર વિજયી ભવેત્ ।। 32 ।।
નિત્યં યઃ પઠેત સ્તોત્રં બ્રહ્મભૂતઃ સ વૈ નરઃ ।
તસ્ય દર્શનતઃ સર્વે દેવાઃ પૂતા ભવન્તિ વૈ ।। 33 ।।
એવં તસ્ય વચઃ શ્રુત્વા પ્રહ્રષ્ટા દેવતર્ષયઃ ।
ઊચુઃ કરપુટાઃ સર્વે ભક્તિયુક્તા ગજાનનમ્ ।। 34 ।।

More Ganesha Stotras

श्री गजानन स्तोत्रम् (देवर्षि कृतम्)
Gajanana Stotram (Devarshi Kritam)
श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
View All Ganesha Collection →

Explore More

Ganesha CollectionWealthObstaclesHealthProtectionWisdomHome