Lord Ganesha

देवाकृता श्रीगजाननस्तुतिः

(Devakrta Srigajananastutih)

From Mudgala Purana

Also known as shri gajanana stuti devakrita · deva krita gajanana stuti · gods hymn to gajanana

Language:Sanskrit
Translation:English

The gods' hymn to Gajanana in the Mudgala Purana, its verse numbers beginning at twenty-two where the passage falls in its chapter. To Gajanana, the complete, whose form is made of the Sankhya, who stands everywhere without a body, salutation upon salutation; to the immeasurable, to Heramba, to you the bearer of the axe, to the mouse-mounted, to the lord of obstacles. The gods are given a plainer register than the demons who praise him elsewhere in the same text — no bargaining and no terror, only the epithets in order — and the answer they receive is correspondingly plain: this hymn you have made will be mine and will give everything, and for gods who read it and who hear it, it will grant the state of brahman.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)

Script: Devanagari (देवनागरी) — also the script of Hindi, Marathi, Nepali and Konkani.

Reading depth
Lyrics
गजाननाय पूर्णाय साङ्ख्यरूपमयाय ते ।
विदेहेन च सर्वत्र संस्थिताय नमो नमः ॥ २२॥
अमेयाय च हेरम्बाय ते परशुधारक ।
मूषकवाहनायैव विघ्नेशाय नमो नमः ॥ २३॥
अनन्तविभवायैव परेषां पररूपिणे ।
गुहाग्रजाय देवाय शिवपुत्राय ते नमः ॥ २४॥
पार्वतीनन्दनायैव देवानां पालकाय ते ।
सर्वेषां पूज्यदेहाय गणेशाय नमो नमः ॥ २५॥
स्वानन्दवासिने तुभ्यं शिवस्य कुलदैवत ।
विष्ण्वादीनां विशेषेण कुलदेवाय ते नमः ॥ २६॥
योगाकाराय सर्वेषां योगशान्तिप्रदाय च ।
ब्रह्मेशाय नमस्तुभ्यं ब्रह्मभूयप्रदाय ते ॥ २७॥
सिद्धिबुद्धिपते नाथ सिद्धिबुद्धिप्रदायिने ।
मायिने मायिकेभ्यश्च मोहदाय नमो नमः ॥ २८॥
लम्बोदराय वै तुभ्यं सर्वोदरगताय च ।
अमायिने च मायाया आधाराय नमो नमः ॥ २९॥
गजः सर्वस्य बीजं यत्तेन चिह्नेन विघ्नप ।
योगिनस्त्वां प्रजानन्ति तदाकारा भवन्ति ते ॥ ३०॥
तेन त्वं गजवक्रश्च किं स्तुमस्त्वां गजानन ।
वेदादयो विकुण्ठाश्च शङ्कराद्याश्च देवपाः ॥ ३१॥
शुकादयश्च शेषाद्याः स्तोतुं शक्ता भवन्ति न ।
तथापि संस्तुतोऽसि त्वं स्फूर्त्या त्वद्दर्शनात्मना ॥ ३२॥
गजाननं प्रणेमुस्तमेवमुक्त्वा शिवादयः ।
स तानुवाच प्रीतात्मा भक्तिभावेन तोषितः ॥ ३३॥
भवत्कृतमिदं स्तोत्रं मदीयं सर्वदं भवेत् ।
पठते शृण्वते देवा ब्रह्मभूयप्रदायकम् ॥ ३४॥
॥ इति देवाकृता श्रीगजाननस्तुतिः सम्पूर्णा ॥

More Ganesha Stotras

गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
श्री विनायकाष्टकम्
Shri Vinayaka Ashtakam
शुक्लाम्बरधरं
Shuklambaradharam
सिद्धि विनायक स्तोत्रम्
Siddhi Vinayaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome