What is Sri Rama Bhujanga Prayata Stotram?

Read Sri Rama Bhujanga Prayata Stotram in Gujarati script — full lyrics with English meaning and transliteration. Attributed to the legendary philosopher Adi Shankaracharya, this stotra is composed in the rhythmic Bhujanga Prayata meter, mimicking the graceful movement of a serpent. The hymn venerates Lord Rama not merely as an epic hero, but as the transcendent Brahman—the formless, eternal, and blissful supreme reality. By chanting these verses with devotion, seekers aim to transcend worldly limitations, dissolve ego, and attain profound spiritual clarity. The stotra serves as a powerful meditative tool to fix the mind upon the divine attributes of Rama, bestowing inner peace, liberation, and protection from the sufferings of material existence.

Which deity is Sri Rama Bhujanga Prayata Stotram dedicated to?

Sri Rama Bhujanga Prayata Stotram is a Sanskrit hymn dedicated to Lord Rama.

Who composed Sri Rama Bhujanga Prayata Stotram?

Sri Rama Bhujanga Prayata Stotram is traditionally attributed to Adi Shankaracharya.

Sri Rama Bhujanga Prayata Stotram in Gujarati – Meaning

વિશુદ્ધં પરં સચ્ચિદાનન્દરૂપં
ગુણાધારમાધારહીનં વરેણ્યમ્ ।
મહાન્તં વિભાન્તં ગુહાન્તં ગુણાન્તં
સુખાન્તં સ્વયં ધામ રામં પ્રપદ્યે ॥ 1 ॥

શિવં નિત્યમેકં વિભું તારકાખ્યં
સુખાકારમાકારશૂન્યં સુમાન્યમ્ ।
મહેશં કલેશં સુરેશં પરેશં
નરેશં નિરીશં મહીશં પ્રપદ્યે ॥ 2 ॥

યદાવર્ણયત્કર્ણમૂલેઽન્તકાલે
શિવો રામ રામેતિ રામેતિ કાશ્યામ્ ।
તદેકં પરં તારકબ્રહ્મરૂપં
ભજેઽહં ભજેઽહં ભજેઽહં ભજેઽહમ્ ॥ 3 ॥

મહારત્નપીઠે શુભે કલ્પમૂલે
સુખાસીનમાદિત્યકોટિપ્રકાશમ્ ।
સદા જાનકીલક્ષ્મણોપેતમેકં
સદા રામચન્દ્રં ભજેઽહં ભજેઽહમ્ ॥ 4 ॥

ક્વણદ્રત્નમઞ્જીરપાદારવિન્દં
લસન્મેખલાચારુપીતામ્બરાઢ્યમ્ ।
મહારત્નહારોલ્લસત્કૌસ્તુભાઙ્ગં
નદચ્ચઞ્ચરીમઞ્જરીલોલમાલમ્ ॥ 5 ॥

લસચ્ચન્દ્રિકાસ્મેરશોણાધરાભં
સમુદ્યત્પતઙ્ગેન્દુકોટિપ્રકાશમ્ ।
નમદ્બ્રહ્મરુદ્રાદિકોટીરરત્ન
સ્ફુરત્કાન્તિનીરાજનારાધિતાઙ્ઘ્રિમ્ ॥ 6 ॥

પુરઃ પ્રાઞ્જલીનાઞ્જનેયાદિભક્તાન્
સ્વચિન્મુદ્રયા ભદ્રયા બોધયન્તમ્ ।
ભજેઽહં ભજેઽહં સદા રામચન્દ્રં
ત્વદન્યં ન મન્યે ન મન્યે ન મન્યે ॥ 7 ॥

યદા મત્સમીપં કૃતાન્તઃ સમેત્ય
પ્રચણ્ડપ્રકોપૈર્ભટૈર્ભીષયેન્મામ્ ।
તદાવિષ્કરોષિ ત્વદીયં સ્વરૂપં
સદાપત્પ્રણાશં સકોદણ્ડબાણમ્ ॥ 8 ॥

નિજે માનસે મન્દિરે સન્નિધેહિ
પ્રસીદ પ્રસીદ પ્રભો રામચન્દ્ર ।
સસૌમિત્રિણા કૈકયીનન્દનેન
સ્વશક્ત્યાનુભક્ત્યા ચ સંસેવ્યમાન ॥ 9 ॥

સ્વભક્તાગ્રગણ્યૈઃ કપીશૈર્મહીશૈ-
-રનીકૈરનેકૈશ્ચ રામ પ્રસીદ ।
નમસ્તે નમોઽસ્ત્વીશ રામ પ્રસીદ
પ્રશાધિ પ્રશાધિ પ્રકાશં પ્રભો મામ્ ॥ 10 ॥

ત્વમેવાસિ દૈવં પરં મે યદેકં
સુચૈતન્યમેતત્ત્વદન્યં ન મન્યે ।
યતોઽભૂદમેયં વિયદ્વાયુતેજો
જલોર્વ્યાદિકાર્યં ચરં ચાચરં ચ ॥ 11 ॥

નમઃ સચ્ચિદાનન્દરૂપાય તસ્મૈ
નમો દેવદેવાય રામાય તુભ્યમ્ ।
નમો જાનકીજીવિતેશાય તુભ્યં
નમઃ પુણ્ડરીકાયતાક્ષાય તુભ્યમ્ ॥ 12 ॥

નમો ભક્તિયુક્તાનુરક્તાય તુભ્યં
નમઃ પુણ્યપુઞ્જૈકલભ્યાય તુભ્યમ્ ।
નમો વેદવેદ્યાય ચાદ્યાય પુંસે
નમઃ સુન્દરાયેન્દિરાવલ્લભાય ॥ 13 ॥

નમો વિશ્વકર્ત્રે નમો વિશ્વહર્ત્રે
નમો વિશ્વભોક્ત્રે નમો વિશ્વમાત્રે ।
નમો વિશ્વનેત્રે નમો વિશ્વજેત્રે
નમો વિશ્વપિત્રે નમો વિશ્વમાત્રે ॥ 14 ॥

નમસ્તે નમસ્તે સમસ્તપ્રપઞ્ચ-
-પ્રભોગપ્રયોગપ્રમાણપ્રવીણ ।
મદીયં મનસ્ત્વત્પદદ્વન્દ્વસેવાં
વિધાતું પ્રવૃત્તં સુચૈતન્યસિદ્ધ્યૈ ॥ 15 ॥

શિલાપિ ત્વદઙ્ઘ્રિક્ષમાસઙ્ગિરેણુ
પ્રસાદાદ્ધિ ચૈતન્યમાધત્ત રામ ।
નરસ્ત્વત્પદદ્વન્દ્વસેવાવિધાના-
-ત્સુચૈતન્યમેતીતિ કિં ચિત્રમત્ર ॥ 16 ॥

પવિત્રં ચરિત્રં વિચિત્રં ત્વદીયં
નરા યે સ્મરન્ત્યન્વહં રામચન્દ્ર ।
ભવન્તં ભવાન્તં ભરન્તં ભજન્તો
લભન્તે કૃતાન્તં ન પશ્યન્ત્યતોઽન્તે ॥ 17 ॥

સ પુણ્યઃ સ ગણ્યઃ શરણ્યો મમાયં
નરો વેદ યો દેવચૂડામણિં ત્વામ્ ।
સદાકારમેકં ચિદાનન્દરૂપં
મનોવાગગમ્યં પરં ધામ રામ ॥ 18 ॥

પ્રચણ્ડપ્રતાપપ્રભાવાભિભૂત-
-પ્રભૂતારિવીર પ્રભો રામચન્દ્ર ।
બલં તે કથં વર્ણ્યતેઽતીવ બાલ્યે
યતોઽખણ્ડિ ચણ્ડીશકોદણ્ડદણ્ડમ્ ॥ 19 ॥

દશગ્રીવમુગ્રં સપુત્રં સમિત્રં
સરિદ્દુર્ગમધ્યસ્થરક્ષોગણેશમ્ ।
ભવન્તં વિના રામ વીરો નરો વા
સુરો વાઽમરો વા જયેત્કસ્ત્રિલોક્યામ્ ॥ 20 ॥

સદા રામ રામેતિ રામામૃતં તે
સદારામમાનન્દનિષ્યન્દકન્દમ્ ।
પિબન્તં નમન્તં સુદન્તં હસન્તં
હનૂમન્તમન્તર્ભજે તં નિતાન્તમ્ ॥ 21 ॥

સદા રામ રામેતિ રામામૃતં તે
સદારામમાનન્દનિષ્યન્દકન્દમ્ ।
પિબન્નન્વહં નન્વહં નૈવ મૃત્યો-
-ર્બિભેમિ પ્રસાદાદસાદાત્તવૈવ ॥ 22 ॥

અસીતાસમેતૈરકોદણ્ડભૂષૈ-
-રસૌમિત્રિવન્દ્યૈરચણ્ડપ્રતાપૈઃ ।
અલઙ્કેશકાલૈરસુગ્રીવમિત્રૈ-
-રરામાભિધેયૈરલં દૈવતૈર્નઃ ॥ 23 ॥

અવીરાસનસ્થૈરચિન્મુદ્રિકાઢ્યૈ-
-રભક્તાઞ્જનેયાદિતત્ત્વપ્રકાશૈઃ ।
અમન્દારમૂલૈરમન્દારમાલૈ-
-રરામાભિધેયૈરલં દૈવતૈર્નઃ ॥ 24 ॥

અસિન્ધુપ્રકોપૈરવન્દ્યપ્રતાપૈ-
-રબન્ધુપ્રયાણૈરમન્દસ્મિતાઢ્યૈઃ ।
અદણ્ડપ્રવાસૈરખણ્ડપ્રબોધૈ-
-રરામાભિધેયૈરલં દૈવતૈર્નઃ ॥ 25 ॥

હરે રામ સીતાપતે રાવણારે
ખરારે મુરારેઽસુરારે પરેતિ ।
લપન્તં નયન્તં સદાકાલમેવં
સમાલોકયાલોકયાશેષબન્ધો ॥ 26 ॥

નમસ્તે સુમિત્રાસુપુત્રાભિવન્દ્ય
નમસ્તે સદા કૈકયીનન્દનેડ્ય ।
નમસ્તે સદા વાનરાધીશવન્દ્ય
નમસ્તે નમસ્તે સદા રામચન્દ્ર ॥ 27 ॥

પ્રસીદ પ્રસીદ પ્રચણ્ડપ્રતાપ
પ્રસીદ પ્રસીદ પ્રચણ્ડારિકાલ ।
પ્રસીદ પ્રસીદ પ્રપન્નાનુકમ્પિન્
પ્રસીદ પ્રસીદ પ્રભો રામચન્દ્ર ॥ 28 ॥

ભુજઙ્ગપ્રયાતં પરં વેદસારં
મુદા રામચન્દ્રસ્ય ભક્ત્યા ચ નિત્યમ્ ।
પઠન્સન્તતં ચિન્તયન્સ્વાન્તરઙ્ગે
સ એવ સ્વયં રામચન્દ્રઃ સ ધન્યઃ ॥ 29 ॥

શ્રી રામ ભુજઙ્ગ પ્રયાત સ્તોત્રમ્

Explore More

More Rama Stotras

Explore More