ಗಿರಿತನಯಾಸುತ ಗಾಙ್ಗಪಯೋದಿತ ಗನ್ಧಸುವಾಸಿತ ಬಾಲತನೋ
ಗುಣಗಣಭೂಷಣ ಕೋಮಲಭಾಷಣ ಕ್ರೌಞ್ಚವಿದಾರಣ ಕುನ್ದತನೋ ।
ಗಜಮುಖಸೋದರ ದುರ್ಜಯದಾನವಸಙ್ಘವಿನಾಶಕ ದಿವ್ಯತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 1 ॥
ಗುಣಗಣಭೂಷಣ ಕೋಮಲಭಾಷಣ ಕ್ರೌಞ್ಚವಿದಾರಣ ಕುನ್ದತನೋ ।
ಗಜಮುಖಸೋದರ ದುರ್ಜಯದಾನವಸಙ್ಘವಿನಾಶಕ ದಿವ್ಯತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 1 ॥
ಪ್ರತಿಗಿರಿಸಂಸ್ಥಿತ ಭಕ್ತಹೃದಿಸ್ಥಿತ ಪುತ್ರಧನಪ್ರದ ರಮ್ಯತನೋ
ಭವಭಯಮೋಚಕ ಭಾಗ್ಯವಿಧಾಯಕ ಭೂಸುತವಾರ ಸುಪೂಜ್ಯತನೋ ।
ಬಹುಭುಜಶೋಭಿತ ಬನ್ಧವಿಮೋಚಕ ಬೋಧಫಲಪ್ರದ ಬೋಧತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 2 ॥
ಭವಭಯಮೋಚಕ ಭಾಗ್ಯವಿಧಾಯಕ ಭೂಸುತವಾರ ಸುಪೂಜ್ಯತನೋ ।
ಬಹುಭುಜಶೋಭಿತ ಬನ್ಧವಿಮೋಚಕ ಬೋಧಫಲಪ್ರದ ಬೋಧತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 2 ॥
ಶಮಧನಮಾನಿತ ಮೌನಿಹೃದಾಲಯ ಮೋಕ್ಷಕೃದಾಲಯ ಮುಗ್ಧತನೋ
ಶತಮಖಪಾಲಕ ಶಙ್ಕರತೋಷಕ ಶಙ್ಖಸುವಾದಕ ಶಕ್ತಿತನೋ ।
ದಶಶತಮನ್ಮಥ ಸನ್ನಿಭಸುನ್ದರ ಕುಣ್ಡಲಮಣ್ಡಿತ ಕರ್ಣವಿಭೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 3 ॥
ಶತಮಖಪಾಲಕ ಶಙ್ಕರತೋಷಕ ಶಙ್ಖಸುವಾದಕ ಶಕ್ತಿತನೋ ।
ದಶಶತಮನ್ಮಥ ಸನ್ನಿಭಸುನ್ದರ ಕುಣ್ಡಲಮಣ್ಡಿತ ಕರ್ಣವಿಭೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 3 ॥
ಗುಹ ತರುಣಾರುಣಚೇಲಪರಿಷ್ಕೃತ ತಾರಕಮಾರಕ ಮಾರತನೋ
ಜಲನಿಧಿತೀರಸುಶೋಭಿವರಾಲಯ ಶಙ್ಕರಸನ್ನುತ ದೇವಗುರೋ ।
ವಿಹಿತಮಹಾಧ್ವರಸಾಮನಿಮನ್ತ್ರಿತ ಸೌಮ್ಯಹೃದನ್ತರ ಸೋಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 4 ॥
ಜಲನಿಧಿತೀರಸುಶೋಭಿವರಾಲಯ ಶಙ್ಕರಸನ್ನುತ ದೇವಗುರೋ ।
ವಿಹಿತಮಹಾಧ್ವರಸಾಮನಿಮನ್ತ್ರಿತ ಸೌಮ್ಯಹೃದನ್ತರ ಸೋಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 4 ॥
ಲವಲಿಕಯಾ ಸಹ ಕೇಲಿಕಲಾಪರ ದೇವಸುತಾರ್ಪಿತ ಮಾಲ್ಯತನೋ
ಗುರುಪದಸಂಸ್ಥಿತ ಶಙ್ಕರದರ್ಶಿತ ತತ್ತ್ವಮಯಪ್ರಣವಾರ್ಥವಿಭೋ ।
ವಿಧಿಹರಿಪೂಜಿತ ಬ್ರಹ್ಮಸುತಾರ್ಪಿತ ಭಾಗ್ಯಸುಪೂರಕ ಯೋಗಿತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 5 ॥
ಗುರುಪದಸಂಸ್ಥಿತ ಶಙ್ಕರದರ್ಶಿತ ತತ್ತ್ವಮಯಪ್ರಣವಾರ್ಥವಿಭೋ ।
ವಿಧಿಹರಿಪೂಜಿತ ಬ್ರಹ್ಮಸುತಾರ್ಪಿತ ಭಾಗ್ಯಸುಪೂರಕ ಯೋಗಿತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 5 ॥
ಕಲಿಜನಪಾಲನ ಕಞ್ಜಸುಲೋಚನ ಕುಕ್ಕುಟಕೇತನ ಕೇಲಿತನೋ
ಕೃತಬಲಿಪಾಲನ ಬರ್ಹಿಣವಾಹನ ಫಾಲವಿಲೋಚನಶಮ್ಭುತನೋ ।
ಶರವಣಸಮ್ಭವ ಶತ್ರುನಿಬರ್ಹಣ ಚನ್ದ್ರಸಮಾನನ ಶರ್ಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 6 ॥
ಕೃತಬಲಿಪಾಲನ ಬರ್ಹಿಣವಾಹನ ಫಾಲವಿಲೋಚನಶಮ್ಭುತನೋ ।
ಶರವಣಸಮ್ಭವ ಶತ್ರುನಿಬರ್ಹಣ ಚನ್ದ್ರಸಮಾನನ ಶರ್ಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 6 ॥
ಸುಖದಮನನ್ತಪದಾನ್ವಿತ ರಾಮಸುದೀಕ್ಷಿತ ಸತ್ಕವಿಪದ್ಯಮಿದಂ
ಶರವಣ ಸಮ್ಭವ ತೋಷದಮಿಷ್ಟದಮಷ್ಟಸುಸಿದ್ಧಿದಮಾರ್ತಿಹರಮ್ ।
ಪಠತಿ ಶೃಣೋತಿ ಚ ಭಕ್ತಿಯುತೋ ಯದಿ ಭಾಗ್ಯಸಮೃದ್ಧಿಮಥೋ ಲಭತೇ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 7 ॥
ಶರವಣ ಸಮ್ಭವ ತೋಷದಮಿಷ್ಟದಮಷ್ಟಸುಸಿದ್ಧಿದಮಾರ್ತಿಹರಮ್ ।
ಪಠತಿ ಶೃಣೋತಿ ಚ ಭಕ್ತಿಯುತೋ ಯದಿ ಭಾಗ್ಯಸಮೃದ್ಧಿಮಥೋ ಲಭತೇ
ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 7 ॥
ಇತಿ ಶ್ರೀಅನನ್ತರಾಮದೀಕ್ಷಿತ ಕೃತಂ ಷಣ್ಮುಖ ಷಟ್ಕಮ್ ॥