ശ്രീ വേങ്കടേശ്വര സ്തോത്രമ്

കമലാകുച ചൂചുക കുങ്കമതോ
നിയതാരുണി താതുല നീലതനോ ।
കമലായത ലോചന ലോകപതേ
വിജയീഭവ വേങ്കട ശൈലപതേ ॥ 1 ॥

സചതുര്മുഖ ഷണ്മുഖ പഞ്ചമുഖ
പ്രമുഖാ ഖിലദൈവത മൌലിമണേ ।
ശരണാഗത വത്സല സാരനിധേ
പരിപാലയ മാം വൃഷ ശൈലപതേ ॥ 2 ॥

അതിവേലതയാ തവ ദുര്വിഷഹൈ
രനു വേലകൃതൈ രപരാധശതൈഃ ।
ഭരിതം ത്വരിതം വൃഷ ശൈലപതേ
പരയാ കൃപയാ പരിപാഹി ഹരേ ॥ 3 ॥
അധി വേങ്കട ശൈല മുദാരമതേ-
ര്ജനതാഭി മതാധിക ദാനരതാത് ।
പരദേവതയാ ഗദിതാനിഗമൈഃ
കമലാദയിതാന്ന പരങ്കലയേ ॥ 3 ॥
കല വേണുര വാവശ ഗോപവധൂ
ശത കോടി വൃതാത്സ്മര കോടി സമാത് ।
പ്രതി പല്ലവികാഭി മതാത്-സുഖദാത്
വസുദേവ സുതാന്ന പരങ്കലയേ ॥ 4 ॥
അഭിരാമ ഗുണാകര ദാശരഥേ
ജഗദേക ധനുര്ഥര ധീരമതേ ।
രഘുനായക രാമ രമേശ വിഭോ
വരദോ ഭവ ദേവ ദയാ ജലധേ ॥ 5 ॥
അവനീ തനയാ കമനീയ കരം
രജനീകര ചാരു മുഖാമ്ബുരുഹമ് ।
രജനീചര രാജത മോമി ഹിരം
മഹനീയ മഹം രഘുരാമമയേ ॥ 6 ॥
സുമുഖം സുഹൃദം സുലഭം സുഖദം
സ്വനുജം ച സുകായമ മോഘശരമ് ।
അപഹായ രഘൂദ്വയ മന്യമഹം
ന കഥഞ്ചന കഞ്ചന ജാതുഭജേ ॥ 7 ॥
വിനാ വേങ്കടേശം ന നാഥോ ന നാഥഃ
സദാ വേങ്കടേശം സ്മരാമി സ്മരാമി ।
ഹരേ വേങ്കടേശ പ്രസീദ പ്രസീദ
പ്രിയം വേങ്കടെശ പ്രയച്ഛ പ്രയച്ഛ ॥ 8 ॥
അഹം ദൂരദസ്തേ പദാം ഭോജയുഗ്മ
പ്രണാമേച്ഛയാ ഗത്യ സേവാം കരോമി ।
സകൃത്സേവയാ നിത്യ സേവാഫലം ത്വം
പ്രയച്ഛ പ്രയച്ഛ പ്രഭോ വേങ്കടേശ ॥ 9 ॥
അജ്ഞാനിനാ മയാ ദോഷാ ന ശേഷാന്വിഹിതാന് ഹരേ ।
ക്ഷമസ്വ ത്വം ക്ഷമസ്വ ത്വം ശേഷശൈല ശിഖാമണേ ॥ 10 ॥