শ্রীশুক উবাচ
ভগবানপি তত্রৈব বলদেবেন সংযুতঃ । অপশ্যন্নিবসন্গোপানিন্দ্রযাগকৃতোদ্যমান্ ॥ ১ ॥
ভগবানপি তত্রৈব বলদেবেন সংযুতঃ । অপশ্যন্নিবসন্গোপানিন্দ্রযাগকৃতোদ্যমান্ ॥ ১ ॥
তদভিজ্ঞোঽপি ভগবান্ সর্বাত্মা সর্বদর্শনঃ । প্রশ্রযাবনতোঽপৃচ্ছদ্ বৃদ্ধান্ নন্দপুরোগমান্ ॥ ২ ॥
কথ্যতাং মে পিতঃ কোঽযং সম্ভ্রমো ব উপাগতঃ । কিং ফলং কস্য বোদ্দেশঃ কেন বা সাধ্যতে মখঃ ॥ ৩ ॥
এতদ্ ব্রূহি মহান্ কামো মহ্যং শুশ্রূষবে পিতঃ । ন হি গোপ্যং হি সাধূনাং কৃত্যং সর্বাত্মনামিহ । অস্ত্যস্বপরদৃষ্টীনামমিত্রোদাস্তবিদ্বিষাম্ ॥ ৪ ॥
উদাসীনোঽরিবদ্ বর্জ্য আত্মবত্ সুহৃদুচ্যতে ॥ ৫ ॥
জ্ঞাত্বাজ্ঞাত্বা চ কর্মাণি জনোঽযমনুতিষ্ঠতি । বিদুষঃ কর্মসিদ্ধিঃ স্যাদ্ যথা নাবিদুষো ভবেত্ ॥ ৬ ॥
তত্র তাবত্ ক্রিযাযোগো ভবতাং কিং বিচারিতঃ । অথবা লৌকিকস্তন্মে পৃচ্ছতঃ সাধু ভণ্যতাম্ ॥ ৭ ॥
শ্রীনন্দ উবাচ
পর্জন্যো ভগবানিন্দ্রো মেঘাস্তস্যাত্মমূর্তযঃ । তেঽভিবর্ষন্তি ভূতানাং প্রীণনং জীবনং পযঃ ॥ ৮ ॥
পর্জন্যো ভগবানিন্দ্রো মেঘাস্তস্যাত্মমূর্তযঃ । তেঽভিবর্ষন্তি ভূতানাং প্রীণনং জীবনং পযঃ ॥ ৮ ॥
তং তাত বযমন্যে চ বার্মুচাং পতিমীশ্বরম্ । দ্রব্যৈস্তদ্রেতসা সিদ্ধৈর্যজন্তে ক্রতুভির্নরাঃ ॥ ৯ ॥
তচ্ছেষেণোপজীবন্তি ত্রিবর্গফলহেতবে । পুংসাং পুরুষকারাণাং পর্জন্যঃ ফলভাবনঃ ॥ ১০ ॥
য এনং বিসৃজেদ্ ধর্মং পরম্পর্যাগতং নরঃ । কামাদ্ দ্বেষাদ্ভযাল্লোভাত্স বৈ নাপ্নোতি শোভনম্ ॥ ১১ ॥
শ্রীশুক উবাচ
বচো নিশম্য নন্দস্য তথান্যেষাং ব্রজৌকসাম্ । ইন্দ্রায মন্যুং জনযন্ পিতরং প্রাহ কেশবঃ ॥ ১২ ॥
বচো নিশম্য নন্দস্য তথান্যেষাং ব্রজৌকসাম্ । ইন্দ্রায মন্যুং জনযন্ পিতরং প্রাহ কেশবঃ ॥ ১২ ॥
শ্রীভগবানুবাচ
কর্মণা জাযতে জন্তুঃ কর্মণৈব প্রলীযতে । সুখং দুঃখং ভযং ক্ষেমং কর্মণৈবাভিপদ্যতে ॥ ১৩ ॥
কর্মণা জাযতে জন্তুঃ কর্মণৈব প্রলীযতে । সুখং দুঃখং ভযং ক্ষেমং কর্মণৈবাভিপদ্যতে ॥ ১৩ ॥
অস্তি চেদীশ্বরঃ কশ্চিত্ফলরূপ্যন্যকর্মণাম্ । কর্তারং ভজতে সোঽপি ন হ্যকর্তুঃ প্রভুর্হি সঃ ॥ ১৪ ॥
কিমিন্দ্রেণেহ ভূতানাং স্বস্বকর্মানুবর্তিনাম্ । অনীশেনান্যথা কর্তুং স্বভাববিহিতং নৃণাম্ ॥ ১৫ ॥
স্বভাবতন্ত্রো হি জনঃ স্বভাবমনুবর্ততে । স্বভাবস্থমিদং সর্বং সদেবাসুরমানুষম্ ॥ ১৬ ॥
দেহানুচ্চাবচাঞ্জন্তুঃ প্রাপ্যোত্সৃজতি কর্মণা । শত্রুর্মিত্রমুদাসীনঃ কর্মৈব গুরুরীশ্বরঃ ॥ ১৭ ॥
তস্মাত্সম্পূজযেত্কর্ম স্বভাবস্থঃ স্বকর্মকৃত্ । অঞ্জসা যেন বর্তেত তদেবাস্য হি দৈবতম্ ॥ ১৮ ॥
আজীব্যৈকতরং ভাবং যস্ত্বন্যমুপজীবতি । ন তস্মাদ্ বিন্দতে ক্ষেমং জারান্ নার্যসতী যথা ॥ ১৯ ॥
বর্তেত ব্রহ্মণা বিপ্রো রাজন্যো রক্ষযা ভুবঃ । বৈশ্যস্তু বার্তযা জীবেচ্ছূদ্রস্তু দ্বিজসেবযা ॥ ২০ ॥
কৃষিবাণিজ্যগোরক্ষা কুসীদং তূর্যমুচ্যতে । বার্তা চতুর্বিধা তত্র বযং গোবৃত্তযোঽনিশম্ ॥ ২১ ॥
সত্ত্বং রজস্তম ইতি স্থিত্যুত্পত্ত্যন্তহেতবঃ । রজসোত্পদ্যতে বিশ্বমন্যোন্যং বিবিধং জগত্ ॥ ২২ ॥
রজসা চোদিতা মেঘা বর্ষন্ত্যম্বূনি সর্বতঃ । প্রজাস্তৈরেব সিধ্যন্তি মহেন্দ্রঃ কিং করিষ্যতি ॥ ২৩ ॥
ন নঃ পুরো জনপদা ন গ্রামা ন গৃহা বযম্ । বনৌকসস্তাত নিত্যং বনশৈলনিবাসিনঃ ॥ ২৪ ॥
তস্মাদ্ গবাং ব্রাহ্মণানামদ্রেশ্চারভ্যতাং মখঃ । য ইন্দ্রযাগসম্ভারাস্তৈরযং সাধ্যতাং মখঃ ॥ ২৫ ॥
পচ্যন্তাং বিবিধাঃ পাকাঃ সূপান্তাঃ পাযসাদযঃ । সংযাবাপূপশষ্কুল্যঃ সর্বদোহশ্চ গৃহ্যতাম্ ॥ ২৬ ॥
হূযন্তামগ্নযঃ সম্যগ্ব্রাহ্মণৈর্ব্রহ্মবাদিভিঃ । অন্নং বহুগুণং তেভ্যো দেযং বো ধেনুদক্ষিণাঃ ॥ ২৭ ॥
অন্যেভ্যশ্চাশ্বচাণ্ডালপতিতেভ্যো যথার্হতঃ । যবসং চ গবাং দত্ত্বা গিরযে দীযতাং বলিঃ ॥ ২৮ ॥
স্বলঙ্কৃতা ভুক্তবন্তঃ স্বনুলিপ্তাঃ সুবাসসঃ । প্রদক্ষিণাং চ কুরুত গোবিপ্রানলপর্বতান্ ॥ ২৯ ॥
এতন্মম মতং তাত ক্রিযতাং যদি রোচতে । অযং গোব্রাহ্মণাদ্রীণাং মহ্যং চ দযিতো মখঃ ॥ ৩০ ॥
শ্রীশুক উবাচ
কালাত্মনা ভগবতা শক্রদর্প জিঘাংসযা । প্রোক্তং নিশম্য নন্দাদ্যাঃ সাধ্বগৃহ্ণন্ত তদ্বচঃ ॥ ৩১ ॥
কালাত্মনা ভগবতা শক্রদর্প জিঘাংসযা । প্রোক্তং নিশম্য নন্দাদ্যাঃ সাধ্বগৃহ্ণন্ত তদ্বচঃ ॥ ৩১ ॥
তথা চ ব্যদধুঃ সর্বং যথাহ মধুসূদনঃ । বাচযিত্বা স্বস্ত্যযনং তদ্দ্রব্যেণ গিরিদ্বিজান্ ॥ ৩২ ॥
উপহৃত্য বলীন্ সম্যগাদৃতা যবসং গবাম্ । গোধনানি পুরস্কৃত্য গিরিং চক্রুঃ প্রদক্ষিণম্ ॥ ৩৩ ॥
অনাংস্যনডুদ্যুক্তানি তে চারুহ্য স্বলঙ্কৃতাঃ । গোপ্যশ্চ কৃষ্ণবীর্যাণি গাযন্ত্যঃ সদ্বিজাশিষঃ ॥ ৩৪ ॥
কৃষ্ণস্ত্বন্যতমং রূপং গোপবিশ্রম্ভণং গতঃ । শৈলোঽস্মীতি ব্রুবন্ ভূরি বলিমাদদ্ বৃহদ্বপুঃ ॥ ৩৫ ॥
তস্মৈ নমো ব্রজজনৈঃ সহ চক্র আত্মনাত্মনে । অহো পশ্যত শৈলোঽসৌ রূপী নোঽনুগ্রহং ব্যধাত্ ॥ ৩৬ ॥
এষোঽবজানতো মর্ত্যান্ কামরূপী বনৌকসঃ । হন্তি হ্যস্মৈ নমস্যামঃ শর্মণে আত্মনো গবাম্ ॥ ৩৭ ॥
ইত্যদ্রিগোদ্বিজমখং বাসুদেবপ্রচোদিতাঃ । যথা বিধায তে গোপা সহকৃষ্ণা ব্রজং যযুঃ ॥ ৩৮ ॥