What is Bhagavad Gita Chapter 1 — Arjuna Viṣāda Yoga?

Read Bhagavad Gita Chapter 1 — Arjuna Viṣāda Yoga in Assamese script — full lyrics with English meaning and transliteration. The scene opens on the battlefield of Kurukshetra, where the two armies stand ready for war. King Dhṛtarāṣṭra asks his minister Sañjaya to describe what is happening. Leaders on both sides blow their conch shells, announcing the beginning of battle. At this moment, Arjuna asks Krishna, his charioteer, to place the chariot between the two armies so he may see those assembled. When Arjuna sees his teachers, relatives, and friends arrayed against him, his resolve collapses. Overcome with sorrow and compassion, he is unable to fight. He argues that killing his kin would destroy family traditions, weaken society, and bring sin.

Which deity is Bhagavad Gita Chapter 1 — Arjuna Viṣāda Yoga dedicated to?

Bhagavad Gita Chapter 1 — Arjuna Viṣāda Yoga is a Sanskrit hymn dedicated to Lord Krishna.

Who composed Bhagavad Gita Chapter 1 — Arjuna Viṣāda Yoga?

Bhagavad Gita Chapter 1 — Arjuna Viṣāda Yoga is traditionally attributed to Vyasa.

Bhagavad Gita Chapter 1 — Arjuna Viṣāda Yoga in Assamese

ওঁ শ্ৰী পৰমাত্মনে নমঃ

অথ প্ৰথমোঽধ্যাযঃ ।

অৰ্জুনৱিষাদযোগঃ
ধৃতৰাষ্ট্ৰ উৱাচ

ধৰ্মক্ষেত্ৰে কুৰুক্ষেত্ৰে সমৱেতা যুযুত্সৱঃ ।
মামকাঃ পাণ্ডৱাশ্চৈৱ কিমকুৰ্ৱত সঞ্জয ॥ 1 ॥

সঞ্জয উৱাচ

দৃষ্ট্ৱা তু পাণ্ডৱানীকং ৱ্যূঢং দুৰ্যোধনস্তদা ।
আচাৰ্যমুপসঙ্গম্য ৰাজা ৱচনমব্ৰৱীত্ ॥ 2 ॥

পশ্যৈতাং পাণ্ডুপুত্ৰাণামাচাৰ্য মহতীং চমূম্ ।
ৱ্যূঢাং দ্ৰুপদপুত্ৰেণ তৱ শিষ্যেণ ধীমতা ॥ 3 ॥

অত্ৰ শূৰা মহেষ্ৱাসা ভীমাৰ্জুনসমা যুধি ।
যুযুধানো ৱিৰাটশ্চ দ্ৰুপদশ্চ মহাৰথঃ ॥ 4 ॥

ধৃষ্টকেতুশ্চেকিতানঃ কাশিৰাজশ্চ ৱীৰ্যৱান্ ।
পুৰুজিত্কুন্তিভোজশ্চ শৈব্যশ্চ নৰপুঙ্গৱঃ ॥ 5 ॥

যুধামন্যুশ্চ ৱিক্ৰান্ত উত্তমৌজাশ্চ ৱীৰ্যৱান্ ।
সৌভদ্ৰো দ্ৰৌপদেযাশ্চ সৰ্ৱ এৱ মহাৰথাঃ ॥ 6 ॥

অস্মাকং তু ৱিশিষ্টা যে তান্নিবোধ দ্ৱিজোত্তম ।
নাযকা মম সৈন্যস্য সঞ্জ্ঞাৰ্থং তান্ব্ৰৱীমি তে ॥ 7 ॥

ভৱান্ভীষ্মশ্চ কৰ্ণশ্চ কৃপশ্চ সমিতিঞ্জযঃ ।
অশ্ৱত্থামা ৱিকৰ্ণশ্চ সৌমদত্তিস্তথৈৱ চ ॥ 8 ॥

অন্যে চ বহৱঃ শূৰা মদৰ্থে ত্যক্তজীৱিতাঃ ।
নানাশস্ত্ৰপ্ৰহৰণাঃ সৰ্ৱে যুদ্ধৱিশাৰদাঃ ॥ 9 ॥

অপৰ্যাপ্তং তদস্মাকং বলং ভীষ্মাভিৰক্ষিতম্ ।
পৰ্যাপ্তং ত্ৱিদমেতেষাং বলং ভীমাভিৰক্ষিতম্ ॥ 10 ॥

অযনেষু চ সৰ্ৱেষু যথাভাগমৱস্থিতাঃ ।
ভীষ্মমেৱাভিৰক্ষন্তু ভৱন্তঃ সৰ্ৱ এৱ হি ॥ 11 ॥

তস্য সঞ্জনযন্হৰ্ষং কুৰুৱৃদ্ধঃ পিতামহঃ ।
সিংহনাদং ৱিনদ্যোচ্চৈঃ শঙ্খং দধ্মৌ প্ৰতাপৱান্ ॥ 12 ॥

ততঃ শঙ্খাশ্চ ভেৰ্যশ্চ পণৱানকগোমুখাঃ ।
সহসৈৱাভ্যহন্যন্ত স শব্দস্তুমুলোঽভৱত্ ॥ 13 ॥

ততঃ শ্ৱেতৈৰ্হযৈৰ্যুক্তে মহতি স্যন্দনে স্থিতৌ ।
মাধৱঃ পাণ্ডৱশ্চৈৱ দিৱ্যৌ শঙ্খৌ প্ৰদঘ্মতুঃ ॥ 14 ॥

পাঞ্চজন্যং হৃষীকেশো দেৱদত্তং ধনঞ্জযঃ ।
পৌণ্ড্ৰং দধ্মৌ মহাশঙ্খং ভীমকৰ্মা ৱৃকোদৰঃ ॥ 15 ॥

অনন্তৱিজযং ৰাজা কুন্তীপুত্ৰো যুধিষ্ঠিৰঃ ।
নকুলঃ সহদেৱশ্চ সুঘোষমণিপুষ্পকৌ ॥ 16 ॥

কাশ্যশ্চ পৰমেষ্ৱাসঃ শিখণ্ডী চ মহাৰথঃ ।
ধৃষ্টদ্যুম্নো ৱিৰাটশ্চ সাত্যকিশ্চাপৰাজিতঃ ॥ 17 ॥

দ্ৰুপদো দ্ৰৌপদেযাশ্চ সৰ্ৱশঃ পৃথিৱীপতে ।
সৌভদ্ৰশ্চ মহাবাহুঃ শঙ্খান্দধ্মুঃ পৃথক্পৃথক্ ॥ 18 ॥

স ঘোষো ধাৰ্তৰাষ্ট্ৰাণাং হৃদযানি ৱ্যদাৰযত্ ।
নভশ্চ পৃথিৱীং চৈৱ তুমুলো ৱ্যনুনাদযন্ ॥ 19 ॥

অথ ৱ্যৱস্থিতান্দৃষ্ট্ৱা ধাৰ্তৰাষ্ট্ৰান্কপিধ্ৱজঃ ।
প্ৰৱৃত্তে শস্ত্ৰসম্পাতে ধনুৰুদ্যম্য পাণ্ডৱঃ ॥ 20 ॥

হৃষীকেশং তদা ৱাক্যমিদমাহ মহীপতে।
অৰ্জুন উৱাচ
সেনযোৰুভযোৰ্মধ্যে ৰথং স্থাপয মেঽচ্যুত ॥ 21 ॥

যাৱদেতান্নিৰীক্ষেঽহং যোদ্ধুকামানৱস্থিতান্ ।
কৈৰ্মযা সহ যোদ্ধৱ্যমস্মিন্ৰণসমুদ্যমে ॥ 22 ॥

যোত্স্যমানানৱেক্ষেঽহং য এতেঽত্ৰ সমাগতাঃ ।
ধাৰ্তৰাষ্ট্ৰস্য দুৰ্বুদ্ধেৰ্যুদ্ধে প্ৰিযচিকীৰ্ষৱঃ ॥ 23 ॥

সঞ্জয উৱাচ

এৱমুক্তো হৃষীকেশো গুডাকেশেন ভাৰত ।
সেনযোৰুভযোৰ্মধ্যে স্থাপযিত্ৱা ৰথোত্তমম্ ॥ 24 ॥

ভীষ্মদ্ৰোণপ্ৰমুখতঃ সৰ্ৱেষাং চ মহীক্ষিতাম্ ।
উৱাচপাৰ্থ পশ্যৈতান্সমৱেতান্কুৰূনিতি ॥ 25 ॥

তত্ৰাপশ্যত্স্থিতান্পাৰ্থঃ পিতৄনথ পিতামহান্ ।
আচাৰ্যান্মাতুলান্ভ্ৰাতৄন্পুত্ৰান্পৌত্ৰান্সখীংস্তথা ॥ 26 ॥

শ্ৱশুৰান্সুহৃদশ্চৈৱ সেনযোৰুভযোৰপি ।
তান্সমীক্ষ্য স কৌন্তেযঃ সৰ্ৱান্বন্ধূনৱস্থিতান্ ॥ 27 ॥

কৃপযা পৰযাৱিষ্টো ৱিষীদন্নিদমব্ৰৱীত্।
অৰ্জুন উৱাচ
দৃষ্ট্ৱেমং স্ৱজনং কৃষ্ণ যুযুত্সুং সমুপস্থিতম্ ॥ 28 ॥

সীদন্তি মম গাত্ৰাণি মুখং চ পৰিশুষ্যতি ।
ৱেপথুশ্চ শৰীৰে মে ৰোমহৰ্ষশ্চ জাযতে ॥ 29 ॥

গাণ্ডীৱং স্ৰংসতে হস্তাত্ত্ৱক্চৈৱ পৰিদহ্যতে ।
ন চ শক্নোম্যৱস্থাতুং ভ্ৰমতীৱ চ মে মনঃ ॥ 30 ॥

নিমিত্তানি চ পশ্যামি ৱিপৰীতানি কেশৱ ।
ন চ শ্ৰেযোঽনুপশ্যামি হত্ৱা স্ৱজনমাহৱে ॥ 31 ॥

ন কাঙ্ক্ষে ৱিজযং কৃষ্ণ ন চ ৰাজ্যং সুখানি চ ।
কিং নো ৰাজ্যেন গোৱিন্দ কিং ভোগৈৰ্জীৱিতেন ৱা ॥ 32 ॥

যেষামৰ্থে কাঙ্ক্ষিতং নো ৰাজ্যং ভোগাঃ সুখানি চ ।
ত ইমেঽৱস্থিতা যুদ্ধে প্ৰাণাংস্ত্যক্ত্ৱা ধনানি চ ॥ 33 ॥

আচাৰ্যাঃ পিতৰঃ পুত্ৰাস্তথৈৱ চ পিতামহাঃ ।
মাতুলাঃ শ্ৱশুৰাঃ পৌত্ৰাঃ শ্যালাঃ সম্বন্ধিনস্তথা ॥ 34 ॥

এতান্ন হন্তুমিচ্ছামি ঘ্নতোঽপি মধুসূদন ।
অপি ত্ৰৈলোক্যৰাজ্যস্য হেতোঃ কিং নু মহীকৃতে ॥ 35 ॥

নিহত্য ধাৰ্তৰাষ্ট্ৰান্নঃ কা প্ৰীতিঃ স্যাজ্জনাৰ্দন ।
পাপমেৱাশ্ৰযেদস্মান্হত্ৱৈতানাততাযিনঃ ॥ 36 ॥

তস্মান্নাৰ্হা ৱযং হন্তুং ধাৰ্তৰাষ্ট্ৰান্স্ৱবান্ধৱান্ ।
স্ৱজনং হি কথং হত্ৱা সুখিনঃ স্যাম মাধৱ ॥ 37 ॥

যদ্যপ্যেতে ন পশ্যন্তি লোভোপহতচেতসঃ ।
কুলক্ষযকৃতং দোষং মিত্ৰদ্ৰোহে চ পাতকম্ ॥ 38 ॥

কথং ন জ্ঞেযমস্মাভিঃ পাপাদস্মান্নিৱৰ্তিতুম্ ।
কুলক্ষযকৃতং দোষং প্ৰপশ্যদ্ভিৰ্জনাৰ্দন ॥ 39 ॥

কুলক্ষযে প্ৰণশ্যন্তি কুলধৰ্মাঃ সনাতনাঃ ।
ধৰ্মে নষ্টে কুলং কৃত্স্নমধৰ্মোঽভিভৱত্যুত ॥ 40 ॥

অধৰ্মাভিভৱাত্কৃষ্ণ প্ৰদুষ্যন্তি কুলস্ত্ৰিযঃ ।
স্ত্ৰীষু দুষ্টাসু ৱাৰ্ষ্ণেয জাযতে ৱৰ্ণসঙ্কৰঃ ॥ 41 ॥

সঙ্কৰো নৰকাযৈৱ কুলঘ্নানাং কুলস্য চ ।
পতন্তি পিতৰো হ্যেষাং লুপ্তপিণ্ডোদকক্ৰিযাঃ ॥ 42 ॥

দোষৈৰেতৈঃ কুলঘ্নানাং ৱৰ্ণসঙ্কৰকাৰকৈঃ ।
উত্সাদ্যন্তে জাতিধৰ্মাঃ কুলধৰ্মাশ্চ শাশ্ৱতাঃ ॥ 43 ॥

উত্সন্নকুলধৰ্মাণাং মনুষ্যাণাং জনাৰ্দন ।
নৰকেঽনিযতং ৱাসো ভৱতীত্যনুশুশ্ৰুম ॥ 44 ॥

অহো বত মহত্পাপং কৰ্তুং ৱ্যৱসিতা ৱযম্ ।
যদ্ৰাজ্যসুখলোভেন হন্তুং স্ৱজনমুদ্যতাঃ ॥ 45 ॥

যদি মামপ্ৰতীকাৰমশস্ত্ৰং শস্ত্ৰপাণযঃ ।
ধাৰ্তৰাষ্ট্ৰা ৰণে হন্যুস্তন্মে ক্ষেমতৰং ভৱেত্ ॥ 46 ॥

সঞ্জয উৱাচ।
এৱমুক্ত্ৱাৰ্জুনঃ সঙ্খ্যে ৰথোপস্থ উপাৱিশত্ ।
ৱিসৃজ্য সশৰং চাপং শোকসংৱিগ্নমানসঃ ॥ 47 ॥

ওঁ তত্সদিতি শ্ৰীমদ্ভগৱদ্গীতাসূপনিষত্সু ব্ৰহ্মৱিদ্যাযাং যোগশাস্ত্ৰে
শ্ৰীকৃষ্ণাৰ্জুনসংৱাদে অৰ্জুনৱিষাদযোগো নাম প্ৰথমোঽধ্যাযঃ ॥1 ॥

শ্ৰীমদ্ভগৱদ্গীতা মূলম্ - প্ৰথমোঽধ্যাযঃ

Explore More

More Krishna Stotras

Explore More