What is Ucchista Ganapati Stotram?

Read Ucchista Ganapati Stotram in Bengali script — full lyrics with English meaning and transliteration. From the Rudrayamala Tantra, a conversation of Hara and Gauri, with Kankola named as its seer. Ucchishta Ganapati is one of the thirty-two forms and belongs to the left-hand tradition, and the hymn does not conceal it — the second verse sets a pair of women with chamaras beside him and the fifteenth is frankly in the erotic register. What surprises is that the body of the text is domestic and tender. He sprinkles a devotee burning in the forest fire of becoming with the water running from his own temples. He sees the moon on Shiva's crest, thinks of his own broken tusk, and draws the moon down. He wants to play with Bhagirathi in his father's matted hair and his mother stops him. He beats Kumara at a game, lifts him in his trunk and dances. He brushes the bees off his ichor with his ears.

Which deity is Ucchista Ganapati Stotram dedicated to?

Ucchista Ganapati Stotram is a Sanskrit hymn dedicated to Lord Ganesha.

Ucchista Ganapati Stotram in Bengali – Meaning

অথ উচ্ছিষ্ট গণপতি স্তোত্রম্

॥ বিনিযোগঃ ॥

ওঁ অস্য শ্রীউচ্ছিষ্টগণপতিস্তোত্রমন্ত্রস্য কঙ্কোল ঋষিঃ, বিরাট্ ছন্দঃ, শ্রীউচ্ছিষ্টগণপতির্দেবতা, মম সর্বাভীষ্টসিদ্ধ্যর্থে জপে বিনিযোগঃ ॥

॥ ঋষ্যাদি ন্যাসঃ ॥

ওঁ কঙ্কোলঋষযে নমঃ শিরসি ।
বিরাট্ছন্দসে নমঃ মুখে ।
শ্রীউচ্ছিষ্টগণপতিদেবতাযৈ নমঃ হৃদি ।
বিনিযোগায নমঃ সর্বাঙ্গে ॥

॥ মূল স্তোত্রম্ ॥

দেব্যুবাচ।

নমামি দেবং সকলার্থদং তং
সুবর্ণবর্ণং ভুজগোপবীতম্ ।
গজাননং ভাস্করমেকদন্তং
লম্বোদরং বারিভবাসনং চ ॥ ১ ॥

কেযূরিণং হারকিরীটজুষ্টং
চতুর্ভুজং পাশবরাভযানি ।
সৃণিং চ হস্তং গণপং ত্রিনেত্রং
সচামরস্ত্রীযুগলেন যুক্তম্ ॥ ২ ॥

ষডক্ষরাত্মানমনল্পভূষং
মুনীশ্বরৈর্ভার্গবপূর্বকৈশ্চ ।
সংসেবিতং দেবমনাথকল্পং
রূপং মনোজ্ঞং শরণং প্রপদ্যে ॥ ৩ ॥

বেদান্তবেদ্যং জগতামধীশং
দেবাদিবন্দ্যং সুকৃতৈকগম্যম্ ।
স্তম্বেরমাস্যং ননু চন্দ্রচূডং
বিনাযকং তং শরণং প্রপদ্যে ॥ ৪ ॥

ভবাখ্যদাবানলদহ্যমানং
ভক্তং স্বকীযং পরিষিঞ্চতে যঃ ।
গণ্ডস্রুতাম্ভোভিরনন্যতুল্যং
বন্দে গণেশং চ তমোঽরিনেত্রম্ ॥ ৫ ॥

শিবস্য মৌলাববলোক্য চন্দ্রং
সুশুণ্ডযা মুগ্ধতযা স্বকীযম্ ।
ভগ্নং বিষাণং পরিভাব্য চিত্তে
আকৃষ্টচন্দ্রো গণপোঽবতান্নঃ ॥ ৬ ॥

পিতুর্জটাজূটতটে সদৈব
ভাগীরথী তত্র কুতূহলেন ।
বিহর্তুকামঃ স মহীধ্রপুত্র্যা
নিবারিতঃ পাতু সদা গজাস্যঃ ॥ ৭ ॥

লম্বোদরো দেবকুমারসঙ্ঘৈঃ
ক্রীডন্কুমারং জিতবান্নিজেন ।
করেণ চোত্তোল্য ননর্ত রম্যং
দন্তাবলাস্যো ভযতঃ স পাযাত্ ॥ ৮ ॥

আগত্য যোচ্চৈর্হরিনাভিপদ্মং
দদর্শ তত্রাশু করেণ তচ্চ ।
উদ্ধর্তুমিচ্ছন্বিধিবাদবাক্যং
মুমোচ ভূত্বা চতুরো গণেশঃ ॥ ৯ ॥

নিরন্তরং সংস্কৃতদানপট্টে
লগ্নাং তু গুঞ্জদ্ভ্রমরাবলীং বৈ ।
তং শ্রোত্রতালৈরপসারযন্তং
স্মরেদ্গজাস্যং নিজহৃত্সরোজে ॥ ১০ ॥

বিশ্বেশ্বরমৌলিস্থিতজহ্নুকন্যা
জলং গৃহীত্বা নিজপুষ্করেণ ।
হরং সলীলং পিতরং স্বকীযং
প্রপূজযন্হস্তিমুখঃ স পাযাত্ ॥ ১১ ॥

স্তম্বেরমাস্যং ঘুসৃণাঙ্গরাগং
সিন্দূরপূরারুণকান্তকুম্ভম্ ।
কুচন্দনাশ্লিষ্টকরং গণেশং
ধ্যাযেত্স্বচিত্তে সকলেষ্টদং তম্ ॥ ১২ ॥

স ভীষ্মমাতুর্নিজপুষ্করেণ
জলং সমাদায কুচৌ স্বমাতুঃ ।
প্রক্ষালযামাস ষডাস্যপীতৌ
স্বার্থং মুদেঽসৌ কলভাননোঽস্তু ॥ ১৩ ॥

সিঞ্চাম নাগং শিশুভাবমাপ্তং
কেনাপি সত্কারণতো ধরিত্র্যাম্ ।
বক্তারমাদ্যং নিযমাদিকানাং
লোকৈকবন্দ্যং প্রণমামি বিঘ্নম্ ॥ ১৪ ॥

আলিঙ্গিতং চারুরুচা মৃগাক্ষ্যা
সম্ভোগলোলং মদবিহ্বলাঙ্গম্ ।
বিঘ্নৌঘবিধ্বংসনসক্তমেকং
নমামি কান্তং দ্বিরদাননং তম্ ॥ ১৫ ॥

হেরম্ব উদ্যদ্রবিকোটিকান্তঃ
পঞ্চাননেনাপি বিচুম্বিতাস্যঃ ।
মুনীন্সুরান্ভক্তজনাংশ্চ সর্বা-
-ন্স পাতু রথ্যাসু সদা গজাস্যঃ ॥ ১৬ ॥

দ্বৈপাযনোক্তানি স নিশ্চযেন
স্বদন্তকোট্যা নিখিলং লিখিত্বা ।
দন্তং পুরাণং শুভমিন্দুমৌলি-
-স্তপোভিরুগ্রং মনসা স্মরামি ॥ ১৭ ॥

ক্রীডাতটান্তে জলধাবিভাস্যে
বেলাজলে লম্বপতিঃ প্রভীতঃ ।
বিচিন্ত্য কস্যেতি সুরাস্তদা তং
বিশ্বেশ্বরং বাগ্ভিরভিষ্টুবন্তি ॥ ১৮ ॥

বাচাং নিমিত্তং স নিমিত্তমাদ্যং
পদং ত্রিলোক্যামদদত্স্তুতীনাম্ ।
সর্বৈশ্চ বন্দ্যং ন চ তস্য বন্দ্যঃ
স্থাণোঃ পরং রূপমসৌ স পাযাত্ ॥ ১৯ ॥

ফলশ্রুতিঃ ।

ইমাং স্তুতিং যঃ পঠতীহ ভক্ত্যা
সমাহিতপ্রীতিরতীব শুদ্ধঃ ।
সংসেব্যতে চেন্দিরযা নিতান্তং
দারিদ্র্যসঙ্ঘং স বিদারযেন্নঃ ॥ ২০ ॥

More Ganesha Stotras

Explore More