What is Ucchista Ganapati Stotram?

Read Ucchista Ganapati Stotram in Malayalam script — full lyrics with English meaning and transliteration. From the Rudrayamala Tantra, a conversation of Hara and Gauri, with Kankola named as its seer. Ucchishta Ganapati is one of the thirty-two forms and belongs to the left-hand tradition, and the hymn does not conceal it — the second verse sets a pair of women with chamaras beside him and the fifteenth is frankly in the erotic register. What surprises is that the body of the text is domestic and tender. He sprinkles a devotee burning in the forest fire of becoming with the water running from his own temples. He sees the moon on Shiva's crest, thinks of his own broken tusk, and draws the moon down. He wants to play with Bhagirathi in his father's matted hair and his mother stops him. He beats Kumara at a game, lifts him in his trunk and dances. He brushes the bees off his ichor with his ears.

Which deity is Ucchista Ganapati Stotram dedicated to?

Ucchista Ganapati Stotram is a Sanskrit hymn dedicated to Lord Ganesha.

Ucchista Ganapati Stotram in Malayalam – Meaning

അഥ ഉച്ഛിഷ്ട ഗണപതി സ്തോത്രമ്

॥ വിനിയോഗഃ ॥

ഓം അസ്യ ശ്രീഉച്ഛിഷ്ടഗണപതിസ്തോത്രമന്ത്രസ്യ കങ്കോല ഋഷിഃ, വിരാട് ഛന്ദഃ, ശ്രീഉച്ഛിഷ്ടഗണപതിര്ദേവതാ, മമ സര്വാഭീഷ്ടസിദ്ധ്യര്ഥേ ജപേ വിനിയോഗഃ ॥

॥ ഋഷ്യാദി ന്യാസഃ ॥

ഓം കങ്കോലഋഷയേ നമഃ ശിരസി ।
വിരാട്ഛന്ദസേ നമഃ മുഖേ ।
ശ്രീഉച്ഛിഷ്ടഗണപതിദേവതായൈ നമഃ ഹൃദി ।
വിനിയോഗായ നമഃ സര്വാങ്ഗേ ॥

॥ മൂല സ്തോത്രമ് ॥

ദേവ്യുവാച।

നമാമി ദേവം സകലാര്ഥദം തം
സുവര്ണവര്ണം ഭുജഗോപവീതമ് ।
ഗജാനനം ഭാസ്കരമേകദന്തം
ലമ്ബോദരം വാരിഭവാസനം ച ॥ ൧ ॥

കേയൂരിണം ഹാരകിരീടജുഷ്ടം
ചതുര്ഭുജം പാശവരാഭയാനി ।
സൃണിം ച ഹസ്തം ഗണപം ത്രിനേത്രം
സചാമരസ്ത്രീയുഗലേന യുക്തമ് ॥ ൨ ॥

ഷഡക്ഷരാത്മാനമനല്പഭൂഷം
മുനീശ്വരൈര്ഭാര്ഗവപൂര്വകൈശ്ച ।
സംസേവിതം ദേവമനാഥകല്പം
രൂപം മനോജ്ഞം ശരണം പ്രപദ്യേ ॥ ൩ ॥

വേദാന്തവേദ്യം ജഗതാമധീശം
ദേവാദിവന്ദ്യം സുകൃതൈകഗമ്യമ് ।
സ്തമ്ബേരമാസ്യം നനു ചന്ദ്രചൂഡം
വിനായകം തം ശരണം പ്രപദ്യേ ॥ ൪ ॥

ഭവാഖ്യദാവാനലദഹ്യമാനം
ഭക്തം സ്വകീയം പരിഷിഞ്ചതേ യഃ ।
ഗണ്ഡസ്രുതാമ്ഭോഭിരനന്യതുല്യം
വന്ദേ ഗണേശം ച തമോഽരിനേത്രമ് ॥ ൫ ॥

ശിവസ്യ മൌലാവവലോക്യ ചന്ദ്രം
സുശുണ്ഡയാ മുഗ്ധതയാ സ്വകീയമ് ।
ഭഗ്നം വിഷാണം പരിഭാവ്യ ചിത്തേ
ആകൃഷ്ടചന്ദ്രോ ഗണപോഽവതാന്നഃ ॥ ൬ ॥

പിതുര്ജടാജൂടതടേ സദൈവ
ഭാഗീരഥീ തത്ര കുതൂഹലേന ।
വിഹര്തുകാമഃ സ മഹീധ്രപുത്ര്യാ
നിവാരിതഃ പാതു സദാ ഗജാസ്യഃ ॥ ൭ ॥

ലമ്ബോദരോ ദേവകുമാരസങ്ഘൈഃ
ക്രീഡന്കുമാരം ജിതവാന്നിജേന ।
കരേണ ചോത്തോല്യ നനര്ത രമ്യം
ദന്താവലാസ്യോ ഭയതഃ സ പായാത് ॥ ൮ ॥

ആഗത്യ യോച്ചൈര്ഹരിനാഭിപദ്മം
ദദര്ശ തത്രാശു കരേണ തച്ച ।
ഉദ്ധര്തുമിച്ഛന്വിധിവാദവാക്യം
മുമോച ഭൂത്വാ ചതുരോ ഗണേശഃ ॥ ൯ ॥

നിരന്തരം സംസ്കൃതദാനപട്ടേ
ലഗ്നാം തു ഗുഞ്ജദ്ഭ്രമരാവലീം വൈ ।
തം ശ്രോത്രതാലൈരപസാരയന്തം
സ്മരേദ്ഗജാസ്യം നിജഹൃത്സരോജേ ॥ ൧൦ ॥

വിശ്വേശ്വരമൌലിസ്ഥിതജഹ്നുകന്യാ
ജലം ഗൃഹീത്വാ നിജപുഷ്കരേണ ।
ഹരം സലീലം പിതരം സ്വകീയം
പ്രപൂജയന്ഹസ്തിമുഖഃ സ പായാത് ॥ ൧൧ ॥

സ്തമ്ബേരമാസ്യം ഘുസൃണാങ്ഗരാഗം
സിന്ദൂരപൂരാരുണകാന്തകുമ്ഭമ് ।
കുചന്ദനാശ്ലിഷ്ടകരം ഗണേശം
ധ്യായേത്സ്വചിത്തേ സകലേഷ്ടദം തമ് ॥ ൧൨ ॥

സ ഭീഷ്മമാതുര്നിജപുഷ്കരേണ
ജലം സമാദായ കുചൌ സ്വമാതുഃ ।
പ്രക്ഷാലയാമാസ ഷഡാസ്യപീതൌ
സ്വാര്ഥം മുദേഽസൌ കലഭാനനോഽസ്തു ॥ ൧൩ ॥

സിഞ്ചാമ നാഗം ശിശുഭാവമാപ്തം
കേനാപി സത്കാരണതോ ധരിത്ര്യാമ് ।
വക്താരമാദ്യം നിയമാദികാനാം
ലോകൈകവന്ദ്യം പ്രണമാമി വിഘ്നമ് ॥ ൧൪ ॥

ആലിങ്ഗിതം ചാരുരുചാ മൃഗാക്ഷ്യാ
സമ്ഭോഗലോലം മദവിഹ്വലാങ്ഗമ് ।
വിഘ്നൌഘവിധ്വംസനസക്തമേകം
നമാമി കാന്തം ദ്വിരദാനനം തമ് ॥ ൧൫ ॥

ഹേരമ്ബ ഉദ്യദ്രവികോടികാന്തഃ
പഞ്ചാനനേനാപി വിചുമ്ബിതാസ്യഃ ।
മുനീന്സുരാന്ഭക്തജനാംശ്ച സര്വാ-
-ന്സ പാതു രഥ്യാസു സദാ ഗജാസ്യഃ ॥ ൧൬ ॥

ദ്വൈപായനോക്താനി സ നിശ്ചയേന
സ്വദന്തകോട്യാ നിഖിലം ലിഖിത്വാ ।
ദന്തം പുരാണം ശുഭമിന്ദുമൌലി-
-സ്തപോഭിരുഗ്രം മനസാ സ്മരാമി ॥ ൧൭ ॥

ക്രീഡാതടാന്തേ ജലധാവിഭാസ്യേ
വേലാജലേ ലമ്ബപതിഃ പ്രഭീതഃ ।
വിചിന്ത്യ കസ്യേതി സുരാസ്തദാ തം
വിശ്വേശ്വരം വാഗ്ഭിരഭിഷ്ടുവന്തി ॥ ൧൮ ॥

വാചാം നിമിത്തം സ നിമിത്തമാദ്യം
പദം ത്രിലോക്യാമദദത്സ്തുതീനാമ് ।
സര്വൈശ്ച വന്ദ്യം ന ച തസ്യ വന്ദ്യഃ
സ്ഥാണോഃ പരം രൂപമസൌ സ പായാത് ॥ ൧൯ ॥

ഫലശ്രുതിഃ ।

ഇമാം സ്തുതിം യഃ പഠതീഹ ഭക്ത്യാ
സമാഹിതപ്രീതിരതീവ ശുദ്ധഃ ।
സംസേവ്യതേ ചേന്ദിരയാ നിതാന്തം
ദാരിദ്ര്യസങ്ഘം സ വിദാരയേന്നഃ ॥ ൨൦ ॥

More Ganesha Stotras

Explore More