What is Ucchista Ganapati Stotram?

Read Ucchista Ganapati Stotram in Gujarati script — full lyrics with English meaning and transliteration. From the Rudrayamala Tantra, a conversation of Hara and Gauri, with Kankola named as its seer. Ucchishta Ganapati is one of the thirty-two forms and belongs to the left-hand tradition, and the hymn does not conceal it — the second verse sets a pair of women with chamaras beside him and the fifteenth is frankly in the erotic register. What surprises is that the body of the text is domestic and tender. He sprinkles a devotee burning in the forest fire of becoming with the water running from his own temples. He sees the moon on Shiva's crest, thinks of his own broken tusk, and draws the moon down. He wants to play with Bhagirathi in his father's matted hair and his mother stops him. He beats Kumara at a game, lifts him in his trunk and dances. He brushes the bees off his ichor with his ears.

Which deity is Ucchista Ganapati Stotram dedicated to?

Ucchista Ganapati Stotram is a Sanskrit hymn dedicated to Lord Ganesha.

Ucchista Ganapati Stotram in Gujarati – Meaning

અથ ઉચ્છિષ્ટ ગણપતિ સ્તોત્રમ્

॥ વિનિયોગઃ ॥

ૐ અસ્ય શ્રીઉચ્છિષ્ટગણપતિસ્તોત્રમન્ત્રસ્ય કઙ્કોલ ઋષિઃ, વિરાટ્ છન્દઃ, શ્રીઉચ્છિષ્ટગણપતિર્દેવતા, મમ સર્વાભીષ્ટસિદ્ધ્યર્થે જપે વિનિયોગઃ ॥

॥ ઋષ્યાદિ ન્યાસઃ ॥

ૐ કઙ્કોલઋષયે નમઃ શિરસિ ।
વિરાટ્છન્દસે નમઃ મુખે ।
શ્રીઉચ્છિષ્ટગણપતિદેવતાયૈ નમઃ હૃદિ ।
વિનિયોગાય નમઃ સર્વાઙ્ગે ॥

॥ મૂલ સ્તોત્રમ્ ॥

દેવ્યુવાચ।

નમામિ દેવં સકલાર્થદં તં
સુવર્ણવર્ણં ભુજગોપવીતમ્ ।
ગજાનનં ભાસ્કરમેકદન્તં
લમ્બોદરં વારિભવાસનં ચ ॥ ૧ ॥

કેયૂરિણં હારકિરીટજુષ્ટં
ચતુર્ભુજં પાશવરાભયાનિ ।
સૃણિં ચ હસ્તં ગણપં ત્રિનેત્રં
સચામરસ્ત્રીયુગલેન યુક્તમ્ ॥ ૨ ॥

ષડક્ષરાત્માનમનલ્પભૂષં
મુનીશ્વરૈર્ભાર્ગવપૂર્વકૈશ્ચ ।
સંસેવિતં દેવમનાથકલ્પં
રૂપં મનોજ્ઞં શરણં પ્રપદ્યે ॥ ૩ ॥

વેદાન્તવેદ્યં જગતામધીશં
દેવાદિવન્દ્યં સુકૃતૈકગમ્યમ્ ।
સ્તમ્બેરમાસ્યં નનુ ચન્દ્રચૂડં
વિનાયકં તં શરણં પ્રપદ્યે ॥ ૪ ॥

ભવાખ્યદાવાનલદહ્યમાનં
ભક્તં સ્વકીયં પરિષિઞ્ચતે યઃ ।
ગણ્ડસ્રુતામ્ભોભિરનન્યતુલ્યં
વન્દે ગણેશં ચ તમોઽરિનેત્રમ્ ॥ ૫ ॥

શિવસ્ય મૌલાવવલોક્ય ચન્દ્રં
સુશુણ્ડયા મુગ્ધતયા સ્વકીયમ્ ।
ભગ્નં વિષાણં પરિભાવ્ય ચિત્તે
આકૃષ્ટચન્દ્રો ગણપોઽવતાન્નઃ ॥ ૬ ॥

પિતુર્જટાજૂટતટે સદૈવ
ભાગીરથી તત્ર કુતૂહલેન ।
વિહર્તુકામઃ સ મહીધ્રપુત્ર્યા
નિવારિતઃ પાતુ સદા ગજાસ્યઃ ॥ ૭ ॥

લમ્બોદરો દેવકુમારસઙ્ઘૈઃ
ક્રીડન્કુમારં જિતવાન્નિજેન ।
કરેણ ચોત્તોલ્ય નનર્ત રમ્યં
દન્તાવલાસ્યો ભયતઃ સ પાયાત્ ॥ ૮ ॥

આગત્ય યોચ્ચૈર્હરિનાભિપદ્મં
દદર્શ તત્રાશુ કરેણ તચ્ચ ।
ઉદ્ધર્તુમિચ્છન્વિધિવાદવાક્યં
મુમોચ ભૂત્વા ચતુરો ગણેશઃ ॥ ૯ ॥

નિરન્તરં સંસ્કૃતદાનપટ્ટે
લગ્નાં તુ ગુઞ્જદ્ભ્રમરાવલીં વૈ ।
તં શ્રોત્રતાલૈરપસારયન્તં
સ્મરેદ્ગજાસ્યં નિજહૃત્સરોજે ॥ ૧૦ ॥

વિશ્વેશ્વરમૌલિસ્થિતજહ્નુકન્યા
જલં ગૃહીત્વા નિજપુષ્કરેણ ।
હરં સલીલં પિતરં સ્વકીયં
પ્રપૂજયન્હસ્તિમુખઃ સ પાયાત્ ॥ ૧૧ ॥

સ્તમ્બેરમાસ્યં ઘુસૃણાઙ્ગરાગં
સિન્દૂરપૂરારુણકાન્તકુમ્ભમ્ ।
કુચન્દનાશ્લિષ્ટકરં ગણેશં
ધ્યાયેત્સ્વચિત્તે સકલેષ્ટદં તમ્ ॥ ૧૨ ॥

સ ભીષ્મમાતુર્નિજપુષ્કરેણ
જલં સમાદાય કુચૌ સ્વમાતુઃ ।
પ્રક્ષાલયામાસ ષડાસ્યપીતૌ
સ્વાર્થં મુદેઽસૌ કલભાનનોઽસ્તુ ॥ ૧૩ ॥

સિઞ્ચામ નાગં શિશુભાવમાપ્તં
કેનાપિ સત્કારણતો ધરિત્ર્યામ્ ।
વક્તારમાદ્યં નિયમાદિકાનાં
લોકૈકવન્દ્યં પ્રણમામિ વિઘ્નમ્ ॥ ૧૪ ॥

આલિઙ્ગિતં ચારુરુચા મૃગાક્ષ્યા
સમ્ભોગલોલં મદવિહ્વલાઙ્ગમ્ ।
વિઘ્નૌઘવિધ્વંસનસક્તમેકં
નમામિ કાન્તં દ્વિરદાનનં તમ્ ॥ ૧૫ ॥

હેરમ્બ ઉદ્યદ્રવિકોટિકાન્તઃ
પઞ્ચાનનેનાપિ વિચુમ્બિતાસ્યઃ ।
મુનીન્સુરાન્ભક્તજનાંશ્ચ સર્વા-
-ન્સ પાતુ રથ્યાસુ સદા ગજાસ્યઃ ॥ ૧૬ ॥

દ્વૈપાયનોક્તાનિ સ નિશ્ચયેન
સ્વદન્તકોટ્યા નિખિલં લિખિત્વા ।
દન્તં પુરાણં શુભમિન્દુમૌલિ-
-સ્તપોભિરુગ્રં મનસા સ્મરામિ ॥ ૧૭ ॥

ક્રીડાતટાન્તે જલધાવિભાસ્યે
વેલાજલે લમ્બપતિઃ પ્રભીતઃ ।
વિચિન્ત્ય કસ્યેતિ સુરાસ્તદા તં
વિશ્વેશ્વરં વાગ્ભિરભિષ્ટુવન્તિ ॥ ૧૮ ॥

વાચાં નિમિત્તં સ નિમિત્તમાદ્યં
પદં ત્રિલોક્યામદદત્સ્તુતીનામ્ ।
સર્વૈશ્ચ વન્દ્યં ન ચ તસ્ય વન્દ્યઃ
સ્થાણોઃ પરં રૂપમસૌ સ પાયાત્ ॥ ૧૯ ॥

ફલશ્રુતિઃ ।

ઇમાં સ્તુતિં યઃ પઠતીહ ભક્ત્યા
સમાહિતપ્રીતિરતીવ શુદ્ધઃ ।
સંસેવ્યતે ચેન્દિરયા નિતાન્તં
દારિદ્ર્યસઙ્ઘં સ વિદારયેન્નઃ ॥ ૨૦ ॥

More Ganesha Stotras

Explore More