What is Ucchista Ganapati Stotram?

Read Ucchista Ganapati Stotram in Kannada script — full lyrics with English meaning and transliteration. From the Rudrayamala Tantra, a conversation of Hara and Gauri, with Kankola named as its seer. Ucchishta Ganapati is one of the thirty-two forms and belongs to the left-hand tradition, and the hymn does not conceal it — the second verse sets a pair of women with chamaras beside him and the fifteenth is frankly in the erotic register. What surprises is that the body of the text is domestic and tender. He sprinkles a devotee burning in the forest fire of becoming with the water running from his own temples. He sees the moon on Shiva's crest, thinks of his own broken tusk, and draws the moon down. He wants to play with Bhagirathi in his father's matted hair and his mother stops him. He beats Kumara at a game, lifts him in his trunk and dances. He brushes the bees off his ichor with his ears.

Which deity is Ucchista Ganapati Stotram dedicated to?

Ucchista Ganapati Stotram is a Sanskrit hymn dedicated to Lord Ganesha.

Ucchista Ganapati Stotram in Kannada – Meaning

ಅಥ ಉಚ್ಛಿಷ್ಟ ಗಣಪತಿ ಸ್ತೋತ್ರಮ್

॥ ವಿನಿಯೋಗಃ ॥

ಓಂ ಅಸ್ಯ ಶ್ರೀಉಚ್ಛಿಷ್ಟಗಣಪತಿಸ್ತೋತ್ರಮನ್ತ್ರಸ್ಯ ಕಙ್ಕೋಲ ಋಷಿಃ, ವಿರಾಟ್ ಛನ್ದಃ, ಶ್ರೀಉಚ್ಛಿಷ್ಟಗಣಪತಿರ್ದೇವತಾ, ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

॥ ಋಷ್ಯಾದಿ ನ್ಯಾಸಃ ॥

ಓಂ ಕಙ್ಕೋಲಋಷಯೇ ನಮಃ ಶಿರಸಿ ।
ವಿರಾಟ್ಛನ್ದಸೇ ನಮಃ ಮುಖೇ ।
ಶ್ರೀಉಚ್ಛಿಷ್ಟಗಣಪತಿದೇವತಾಯೈ ನಮಃ ಹೃದಿ ।
ವಿನಿಯೋಗಾಯ ನಮಃ ಸರ್ವಾಙ್ಗೇ ॥

॥ ಮೂಲ ಸ್ತೋತ್ರಮ್ ॥

ದೇವ್ಯುವಾಚ।

ನಮಾಮಿ ದೇವಂ ಸಕಲಾರ್ಥದಂ ತಂ
ಸುವರ್ಣವರ್ಣಂ ಭುಜಗೋಪವೀತಮ್ ।
ಗಜಾನನಂ ಭಾಸ್ಕರಮೇಕದನ್ತಂ
ಲಮ್ಬೋದರಂ ವಾರಿಭವಾಸನಂ ಚ ॥ ೧ ॥

ಕೇಯೂರಿಣಂ ಹಾರಕಿರೀಟಜುಷ್ಟಂ
ಚತುರ್ಭುಜಂ ಪಾಶವರಾಭಯಾನಿ ।
ಸೃಣಿಂ ಚ ಹಸ್ತಂ ಗಣಪಂ ತ್ರಿನೇತ್ರಂ
ಸಚಾಮರಸ್ತ್ರೀಯುಗಲೇನ ಯುಕ್ತಮ್ ॥ ೨ ॥

ಷಡಕ್ಷರಾತ್ಮಾನಮನಲ್ಪಭೂಷಂ
ಮುನೀಶ್ವರೈರ್ಭಾರ್ಗವಪೂರ್ವಕೈಶ್ಚ ।
ಸಂಸೇವಿತಂ ದೇವಮನಾಥಕಲ್ಪಂ
ರೂಪಂ ಮನೋಜ್ಞಂ ಶರಣಂ ಪ್ರಪದ್ಯೇ ॥ ೩ ॥

ವೇದಾನ್ತವೇದ್ಯಂ ಜಗತಾಮಧೀಶಂ
ದೇವಾದಿವನ್ದ್ಯಂ ಸುಕೃತೈಕಗಮ್ಯಮ್ ।
ಸ್ತಮ್ಬೇರಮಾಸ್ಯಂ ನನು ಚನ್ದ್ರಚೂಡಂ
ವಿನಾಯಕಂ ತಂ ಶರಣಂ ಪ್ರಪದ್ಯೇ ॥ ೪ ॥

ಭವಾಖ್ಯದಾವಾನಲದಹ್ಯಮಾನಂ
ಭಕ್ತಂ ಸ್ವಕೀಯಂ ಪರಿಷಿಞ್ಚತೇ ಯಃ ।
ಗಣ್ಡಸ್ರುತಾಮ್ಭೋಭಿರನನ್ಯತುಲ್ಯಂ
ವನ್ದೇ ಗಣೇಶಂ ಚ ತಮೋಽರಿನೇತ್ರಮ್ ॥ ೫ ॥

ಶಿವಸ್ಯ ಮೌಲಾವವಲೋಕ್ಯ ಚನ್ದ್ರಂ
ಸುಶುಣ್ಡಯಾ ಮುಗ್ಧತಯಾ ಸ್ವಕೀಯಮ್ ।
ಭಗ್ನಂ ವಿಷಾಣಂ ಪರಿಭಾವ್ಯ ಚಿತ್ತೇ
ಆಕೃಷ್ಟಚನ್ದ್ರೋ ಗಣಪೋಽವತಾನ್ನಃ ॥ ೬ ॥

ಪಿತುರ್ಜಟಾಜೂಟತಟೇ ಸದೈವ
ಭಾಗೀರಥೀ ತತ್ರ ಕುತೂಹಲೇನ ।
ವಿಹರ್ತುಕಾಮಃ ಸ ಮಹೀಧ್ರಪುತ್ರ್ಯಾ
ನಿವಾರಿತಃ ಪಾತು ಸದಾ ಗಜಾಸ್ಯಃ ॥ ೭ ॥

ಲಮ್ಬೋದರೋ ದೇವಕುಮಾರಸಙ್ಘೈಃ
ಕ್ರೀಡನ್ಕುಮಾರಂ ಜಿತವಾನ್ನಿಜೇನ ।
ಕರೇಣ ಚೋತ್ತೋಲ್ಯ ನನರ್ತ ರಮ್ಯಂ
ದನ್ತಾವಲಾಸ್ಯೋ ಭಯತಃ ಸ ಪಾಯಾತ್ ॥ ೮ ॥

ಆಗತ್ಯ ಯೋಚ್ಚೈರ್ಹರಿನಾಭಿಪದ್ಮಂ
ದದರ್ಶ ತತ್ರಾಶು ಕರೇಣ ತಚ್ಚ ।
ಉದ್ಧರ್ತುಮಿಚ್ಛನ್ವಿಧಿವಾದವಾಕ್ಯಂ
ಮುಮೋಚ ಭೂತ್ವಾ ಚತುರೋ ಗಣೇಶಃ ॥ ೯ ॥

ನಿರನ್ತರಂ ಸಂಸ್ಕೃತದಾನಪಟ್ಟೇ
ಲಗ್ನಾಂ ತು ಗುಞ್ಜದ್ಭ್ರಮರಾವಲೀಂ ವೈ ।
ತಂ ಶ್ರೋತ್ರತಾಲೈರಪಸಾರಯನ್ತಂ
ಸ್ಮರೇದ್ಗಜಾಸ್ಯಂ ನಿಜಹೃತ್ಸರೋಜೇ ॥ ೧೦ ॥

ವಿಶ್ವೇಶ್ವರಮೌಲಿಸ್ಥಿತಜಹ್ನುಕನ್ಯಾ
ಜಲಂ ಗೃಹೀತ್ವಾ ನಿಜಪುಷ್ಕರೇಣ ।
ಹರಂ ಸಲೀಲಂ ಪಿತರಂ ಸ್ವಕೀಯಂ
ಪ್ರಪೂಜಯನ್ಹಸ್ತಿಮುಖಃ ಸ ಪಾಯಾತ್ ॥ ೧೧ ॥

ಸ್ತಮ್ಬೇರಮಾಸ್ಯಂ ಘುಸೃಣಾಙ್ಗರಾಗಂ
ಸಿನ್ದೂರಪೂರಾರುಣಕಾನ್ತಕುಮ್ಭಮ್ ।
ಕುಚನ್ದನಾಶ್ಲಿಷ್ಟಕರಂ ಗಣೇಶಂ
ಧ್ಯಾಯೇತ್ಸ್ವಚಿತ್ತೇ ಸಕಲೇಷ್ಟದಂ ತಮ್ ॥ ೧೨ ॥

ಸ ಭೀಷ್ಮಮಾತುರ್ನಿಜಪುಷ್ಕರೇಣ
ಜಲಂ ಸಮಾದಾಯ ಕುಚೌ ಸ್ವಮಾತುಃ ।
ಪ್ರಕ್ಷಾಲಯಾಮಾಸ ಷಡಾಸ್ಯಪೀತೌ
ಸ್ವಾರ್ಥಂ ಮುದೇಽಸೌ ಕಲಭಾನನೋಽಸ್ತು ॥ ೧೩ ॥

ಸಿಞ್ಚಾಮ ನಾಗಂ ಶಿಶುಭಾವಮಾಪ್ತಂ
ಕೇನಾಪಿ ಸತ್ಕಾರಣತೋ ಧರಿತ್ರ್ಯಾಮ್ ।
ವಕ್ತಾರಮಾದ್ಯಂ ನಿಯಮಾದಿಕಾನಾಂ
ಲೋಕೈಕವನ್ದ್ಯಂ ಪ್ರಣಮಾಮಿ ವಿಘ್ನಮ್ ॥ ೧೪ ॥

ಆಲಿಙ್ಗಿತಂ ಚಾರುರುಚಾ ಮೃಗಾಕ್ಷ್ಯಾ
ಸಮ್ಭೋಗಲೋಲಂ ಮದವಿಹ್ವಲಾಙ್ಗಮ್ ।
ವಿಘ್ನೌಘವಿಧ್ವಂಸನಸಕ್ತಮೇಕಂ
ನಮಾಮಿ ಕಾನ್ತಂ ದ್ವಿರದಾನನಂ ತಮ್ ॥ ೧೫ ॥

ಹೇರಮ್ಬ ಉದ್ಯದ್ರವಿಕೋಟಿಕಾನ್ತಃ
ಪಞ್ಚಾನನೇನಾಪಿ ವಿಚುಮ್ಬಿತಾಸ್ಯಃ ।
ಮುನೀನ್ಸುರಾನ್ಭಕ್ತಜನಾಂಶ್ಚ ಸರ್ವಾ-
-ನ್ಸ ಪಾತು ರಥ್ಯಾಸು ಸದಾ ಗಜಾಸ್ಯಃ ॥ ೧೬ ॥

ದ್ವೈಪಾಯನೋಕ್ತಾನಿ ಸ ನಿಶ್ಚಯೇನ
ಸ್ವದನ್ತಕೋಟ್ಯಾ ನಿಖಿಲಂ ಲಿಖಿತ್ವಾ ।
ದನ್ತಂ ಪುರಾಣಂ ಶುಭಮಿನ್ದುಮೌಲಿ-
-ಸ್ತಪೋಭಿರುಗ್ರಂ ಮನಸಾ ಸ್ಮರಾಮಿ ॥ ೧೭ ॥

ಕ್ರೀಡಾತಟಾನ್ತೇ ಜಲಧಾವಿಭಾಸ್ಯೇ
ವೇಲಾಜಲೇ ಲಮ್ಬಪತಿಃ ಪ್ರಭೀತಃ ।
ವಿಚಿನ್ತ್ಯ ಕಸ್ಯೇತಿ ಸುರಾಸ್ತದಾ ತಂ
ವಿಶ್ವೇಶ್ವರಂ ವಾಗ್ಭಿರಭಿಷ್ಟುವನ್ತಿ ॥ ೧೮ ॥

ವಾಚಾಂ ನಿಮಿತ್ತಂ ಸ ನಿಮಿತ್ತಮಾದ್ಯಂ
ಪದಂ ತ್ರಿಲೋಕ್ಯಾಮದದತ್ಸ್ತುತೀನಾಮ್ ।
ಸರ್ವೈಶ್ಚ ವನ್ದ್ಯಂ ನ ಚ ತಸ್ಯ ವನ್ದ್ಯಃ
ಸ್ಥಾಣೋಃ ಪರಂ ರೂಪಮಸೌ ಸ ಪಾಯಾತ್ ॥ ೧೯ ॥

ಫಲಶ್ರುತಿಃ ।

ಇಮಾಂ ಸ್ತುತಿಂ ಯಃ ಪಠತೀಹ ಭಕ್ತ್ಯಾ
ಸಮಾಹಿತಪ್ರೀತಿರತೀವ ಶುದ್ಧಃ ।
ಸಂಸೇವ್ಯತೇ ಚೇನ್ದಿರಯಾ ನಿತಾನ್ತಂ
ದಾರಿದ್ರ್ಯಸಙ್ಘಂ ಸ ವಿದಾರಯೇನ್ನಃ ॥ ೨೦ ॥

More Ganesha Stotras

Explore More