What is Vakya Vritti?

Read Vakya Vritti in Bengali script — full lyrics with English meaning and transliteration. The Vakya Vritti is a short but profound Vedantic text by Adi Shankaracharya that unpacks the meaning of one of the four great sayings of the Upanishads — "Prajnanam Brahma" (Consciousness is Brahman), found in the Aitareya Upanishad of the Rigveda. Written as a dialogue between a teacher and a sincere student, it walks step by step through what the words "Prajnanam" and "Brahman" really mean, and how the two can be identical. The text is short — around fifty verses — but it covers the essential Advaita teaching with precision.

Which deity is Vakya Vritti dedicated to?

Vakya Vritti is a Sanskrit hymn dedicated to Brahman.

Vakya Vritti in Bengali – Lyrics & Meaning

বাক্যবৃত্তিঃ
সর্গস্থিতিপ্রলযহেতুমচিন্ত্যশক্তিং
বিশ্বেশ্বরং বিদিতবিশ্বমনন্তমূর্তিম্।
নির্মুক্তবন্ধনমপারসুখাম্বুরাশিং
শ্রীবল্লভং বিমলবোধঘনং নমামি।।1।।

যস্য প্রসাদাদহমেব বিষ্ণু
র্ময্যেব সর্বং পরিকল্পিতং চ।
ইত্থং বিজানামি সদাত্মরূপং
তস্যাঙ্ঘ্রিপদ্মং প্রণতোঽস্মি নিত্যম্।।2।।

তাপত্রযার্কসংতপ্তঃ কশ্চিদুদ্বিগ্নমানসঃ।
শমাদিসাধনৈর্যুক্তঃ সদ্গুরুং পরিপৃচ্ছতি।।3।।

অনাযাসেন যেনাস্মান্মুচ্যেয ভববন্ধনাত্।
তন্মে সংক্ষিপ্য ভগবন্কেবলং কৃপযা বদ।।4।।

সাধ্বী তে বচনব্যক্তিঃ প্রতিভাতি বদামি তে।
ইদং তদিতি বিস্পষ্টং সাবধানমনাঃ শ্রৃণু।।5।।

তত্ত্বমস্যাদিবাক্যোত্থং যজ্জীবপরমাত্মনোঃ।
তাদাত্ম্যবিষযং জ্ঞানং তদিদং মুক্তিসাধনম্।।6।।

কো জীবঃ কঃ পরশ্চাত্মা তাদাত্ম্যং বা কথং তযোঃ।
তত্ত্বমস্যাদিবাক্যং বা কথং তত্প্রতিপাদযেত্।।7।।

অত্র ব্রূমঃ সমাধানং কোঽন্যো জীবস্ত্বমেব হি।
যস্ত্বং পৃচ্ছসি মাং কোঽহং ব্রহ্মৈবাসি ন সংশযঃ।।8।।

পদার্থমেব জানামি নাদ্যাপি ভগবন্স্ফুটম্।
অহং ব্রহ্মেতি বাক্যার্থং প্রতিপদ্যে কথং বদ।।9।।

সত্যমাহ ভবানত্র বিগানং নৈব বিদ্যতে।
হেতুঃ পদার্থবোধো হি বাক্যার্থাবগতেরিহ।।10।।

অন্তঃকরণতদ্বৃত্তিসাক্ষী চৈতন্যবিগ্রহঃ।
আনন্দরূপঃ সত্যঃ সন্কিং নাত্মানং প্রপদ্যসে।।11।।

সত্যানন্দস্বরূপং ধীসাক্ষিণং জ্ঞানবিগ্রহম্।
চিন্তযাত্মতযা নিত্যং ত্যক্ত্বা দেহাদিগাং ধিযম্।।12।।

রূপাদিমান্যতঃ পিণ্ডস্ততো নাত্মা ঘটাদিবত্।
বিযদাদিমহাভূতবিকারত্বাচ্চ কুম্ভবত্।।13।।

অনাত্মা যদি পিণ্ডোঽযমুক্তহেতুবলান্মতঃ।
করামলকবত্সাক্ষাদাত্মানং প্রতিপাদয।।14।।

ঘটদ্রষ্টা ঘটাদ্ভিন্নঃ সর্বথা ন ঘটো যথা।
দেহদ্রষ্টা তথা দেহো নাহমিত্যবধারয।।15।।

এবমিন্দ্রিযদৃঙ্ নাহমিন্দ্রিযাণীতি নিশ্চিনু।
মনো বুদ্ধিস্তথা প্রাণো নাহমিত্যবধারয।।16।।

সংঘাতোঽপি তথা নাহমিতি দৃশ্যবিলক্ষণম্।
দ্রষ্টারমনুমানেন নিপুণং সংপ্রধারয।।17।।

দেহেন্দ্রিযাদযো ভাবা হানাদিব্যাপৃতিক্ষমাঃ।
যস্য সংনিধিমাত্রেণ সোঽহমিত্যবধারয।।18।।

অনাপন্নবিকারঃ সন্নযস্কান্তবদেব যঃ।
বুদ্ধ্যাদীংশ্চালযেত্প্রত্যক্সোঽহমিত্যবধারয।।19।।

অজডাত্মবদাভান্তি যত্সাংনিধ্যাজ্জডা অপি।
দেহেন্দ্রিযমনঃপ্রাণাঃ সোঽহমিত্যবধারয।।20।।

অগমন্মে মনোঽন্যত্র সাংপ্রতং চ স্থিরীকৃতম্।
এবং যো বেদ ধীবৃত্তিং সোঽহমিত্যবধারয।।21।।

স্বপ্নজাগরিতে সুপ্তি ভাবাভাবৌ ধিযাং তথা।
যো বেত্ত্যবিক্রিযঃ সাক্ষাত্সোঽহমিত্যবধারয।।22।।

ঘটাবভাসকো দীপো ঘটাদন্যো যথেষ্যতে।
দেহাবভাসকো দেহী তথাহং বোধবিগ্রহঃ।।23।।

পুত্রবিত্তাদযো ভাবা যস্য শেষতযা প্রিযাঃ।
দ্রষ্টা সর্বপ্রিযতমঃ সোঽহমিত্যবধারয।।24।।

পরপ্রেমাস্পদতযা মা ন ভূবমহং সদা।
ভূযাসমিতি যো দ্রষ্টা সোঽহমিত্যবধারয।।25।।

যঃ সাক্ষিলক্ষণো বোধস্ত্বংপদার্থঃ স উচ্যতে।
সাক্ষিত্বমপি বোদ্ধৃত্বমবিকারিতযাত্মনঃ।।26।।

দেহেন্দ্রিযমনঃপ্রাণাহংকৃতিভ্যো বিলক্ষণঃ।
প্রোজ্ঝিতাশেষষড্ভাববিকারস্ত্বংপদাভিধঃ।।27।।

ত্বমর্থমেবং নিশ্চিত্য তদর্থং চিন্তযেত্পুনঃ।
অতদ্ব্যাবৃত্তিরূপেণ সাক্ষাদ্বিধিমুখেন চ।।28।।

নিরস্তাশেষসংসারদোষোঽস্থূলাদিলক্ষণঃ।
অদৃশ্যত্বাদিগুণকঃ পরাকৃততমোমলঃ।।29।।

নিরস্তাতিশযানন্দঃ সত্যঃ প্রজ্ঞানবিগ্রহঃ।
সত্তাস্বলক্ষণঃ পূর্ণঃ পরমাত্মেতি গীযতে।।30।।

সর্বজ্ঞত্বং পরেশত্বং তথা সংপূর্ণশক্তিতা।
বেদৈঃ সমর্থ্যতে যস্য তদ্ব্রহ্মেত্যবধারয।।31।।

যজ্জ্ঞানাত্সর্ববিজ্ঞানং শ্রুতিষু প্রতিপাদিতম্।
মৃদাদ্যনেকদৃষ্টান্তৈস্তদ্ব্রহ্মেত্যবধারয।।32।।

যদানন্ত্যং প্রতিজ্ঞায শ্রুতিস্তত্সিদ্ধযে জগৌ।
তত্কার্যত্বং প্রপঞ্চস্য তদ্ব্রহ্মেত্যবধারয।।33।।

বিজিজ্ঞাস্যতযা যচ্চ বেদান্তেষু মুমুক্ষুভিঃ।
সমর্থ্যতেঽতিযত্নেন তদ্ব্রহ্মেত্যবধারয।।34।।

জীবাত্মনা প্রবেশশ্চ নিযন্তৃত্বং চ তান্প্রতি।
শ্রূযতে যস্য বেদেষু তদ্ব্রহ্মেত্যবধারয।।35।।

কর্মণাং ফলদাতৃত্বং যস্যৈব শ্রূযতে শ্রুতৌ।
জীবানাং হেতুকর্তৃত্বং তদ্ব্রহ্মেত্যবধারয।।36।।

তত্ত্বংপদার্থৌ নির্ণীতৌ বাক্যার্থশ্চিন্ত্যতেঽধুনা।
তাদাত্ম্যমত্র বাক্যার্থস্তযোরেব পদার্থযোঃ।।37।।

সংসর্গো বা বিশিষ্টো বা বাক্যার্থো নাত্র সংমতঃ।
অখণ্ডৈকরসত্বেন বাক্যার্থো বিদুষাং মতঃ।।38।।

প্রত্যগ্বোধো য আভাতি সোঽদ্বযানন্দলক্ষণঃ।
অদ্বযানন্দরূপশ্চ প্রত্যগ্বোধৈকলক্ষণঃ।।39।।

ইত্থমন্যোন্যতাদাত্ম্যপ্রতিপত্তির্যদা ভবেত্।
অব্রহ্মত্বং ত্বমর্থস্য ব্যাবর্তেত তদৈব হি।।40।।

তদর্থস্য চ পারোক্ষ্যং যদ্যেবং কিং ততঃ শ্রৃণু।
পূর্ণানন্দৈকরূপেণ প্রত্যগ্বোধোঽবতিষ্ঠতে।।41।।

তত্ত্বমস্যাদিবাক্যং চ তাদাত্ম্যপ্রতিপাদনে।
লক্ষ্যৌ তত্ত্বংপদার্থৌ দ্বাবুপাদায প্রবর্ততে।।42।।

হিত্বা দ্বৌ শবলৌ বাচ্যৌ বাক্যং বাক্যার্থবোধনে।
যথা প্রবর্ততেঽস্মাভিস্তথা ব্যাখ্যাতমাদরাত্।।43।।

আলম্বনতযা ভাতি যোঽস্মত্প্রত্যযশব্দযোঃ।
অন্তঃকরণসংভিন্নবোধঃ স ত্বংপদাভিধঃ।।44।।

মাযোপাধির্জগদ্যোনিঃ সর্বজ্ঞত্বাদিলক্ষণঃ।
পারোক্ষ্যশবলঃ সত্যাদ্যাত্মকস্তত্পদাভিধঃ।।45।।

প্রত্যক্পরোক্ষতৈকস্য সদ্বিতীযত্বপূর্ণতা।
বিরুধ্যতে যতস্তস্মাল্লক্ষণা সংপ্রবর্ততে।।46।।

মানান্তরবিরোধে তু মুখ্যার্থস্যাপরিগ্রহে।
মুখ্যার্থেনাবিনাভূতে প্রতীতির্লক্ষণোচ্যতে।।47।।

তত্ত্বমস্যাদিবাক্যেষু লক্ষণা ভাগলক্ষণা।
সোঽযমিত্যাদিবাক্যস্থপদযোরিব নাপরা।।48।।

অহং ব্রহ্মেতি বাক্যার্থবোধো যাবদ্দৃঢীভবেত্।
শমাদিসহিতস্তাবদভ্যস্যেচ্ছ্রবণাদিকম্।।49।।

শ্রুত্যাচার্যপ্রসাদেন দৃঢো বোধো যদা ভবেত্।
নিরস্তাশেষসংসারনিদানঃ পুরুষস্তদা।।50।।

বিশীর্ণকার্যকরণো ভূতসূক্ষ্মৈরনাবৃতঃ।
বিমুক্তকর্মনিগলঃ সদ্য এব বিমুচ্যতে।।51।।

প্রারব্ধকর্মবেগেণ জীবন্মুক্তো যদা ভবেত্।
কিঞ্চিত্কালমনারব্ধকর্মবন্ধস্য সংক্ষযে।।52।।

নিরস্তাতিশযানন্দং বৈষ্ণবং পরমং পদম্।
পুনরাবৃত্তিরহিতং কৈবল্যং প্রতিপদ্যতে।।53।।

ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ
বাক্যবৃত্তিঃ সমাপ্তা।।

More Brahman Stotras

Explore More