What is Kanakadhara Stotram?

Read Kanakadhara Stotram in Gujarati script — full lyrics with English meaning and transliteration. The Kanakadhara Stotram is a powerful hymn composed by Adi Shankaracharya to invoke the grace of Goddess Lakshmi. Legend narrates that while seeking alms, Shankaracharya encountered a destitute woman and, moved by her poverty, spontaneously recited these verses. Pleased by his devotion, the Goddess showered golden amlas (gooseberries) upon the woman’s home. This stotra is highly revered for its efficacy in dispelling financial distress and bestowing prosperity. It is traditionally recited on Fridays, especially during the auspicious period of Diwali, with the belief that it purifies the devotee's surroundings and invites wealth, abundance, and spiritual upliftment.

Which deity is Kanakadhara Stotram dedicated to?

Kanakadhara Stotram is a Sanskrit hymn dedicated to Goddess Lakshmi.

Who composed Kanakadhara Stotram?

Kanakadhara Stotram is traditionally attributed to Adi Shankaracharya.

Kanakadhara Stotram in Gujarati – Meaning & Word-by-Word

શ્રીકનકધારાસ્તોત્રમ્

વન્દે વન્દારુમન્દારમિન્દિરાનન્દકન્દલમ્ ।
અમન્દાનન્દસન્દોહબન્ધુરં સિન્ધુરાનનમ્ ॥

અઙ્ગં હરેઃ પુલકભૂષણમાશ્રયન્તી
ભૃઙ્ગાઙ્ગનેવ મુકુલાભરણં તમાલમ્ ।
અઙ્ગીકૃતાખિલવિભૂતિરપાઙ્ગલીલા
માઙ્ગલ્યદાઽસ્તુ મમ મઙ્ગલદેવતાયાઃ ॥ ૧॥

મુગ્ધા મુહુર્વિદધતી વદને મુરારેઃ
પ્રેમત્રપાપ્રણિહિતાનિ ગતાગતાનિ ।
માલા દૃશોર્મધુકરીવ મહોત્પલે યા
સા મે શ્રિયં દિશતુ સાગરસમ્ભવાયાઃ ॥ ૨॥

વિશ્વામરેન્દ્રપદવિભ્રમદાનદક્ષં
આનન્દહેતુરધિકં મુરવિદ્વિષોઽપિ ।
ઈષન્નિષીદતુ મયિ ક્ષણમીક્ષણાર્ધમ્
ઇન્દીવરોદરસહોદરમિન્દિરાયાઃ ॥ ૩॥

આમીલિતાક્ષમધિગમ્ય મુદા મુકુન્દં
આનન્દકન્દમનિમેષમનઙ્ગતન્ત્રમ્ ।
આકેકરસ્થિતકનીનિકપક્ષ્મનેત્રં
ભૂત્યૈ ભવેન્મમ ભુજઙ્ગશયાઙ્ગનાયાઃ ॥ ૪॥

બાહ્વન્તરે મધુજિતઃ શ્રિતકૌસ્તુભે યા
હારાવલીવ હરિનીલમયી વિભાતિ ।
કામપ્રદા ભગવતોઽપિ કટાક્ષમાલા
કલ્યાણમાવહતુ મે કમલાલયાયાઃ ॥ ૫॥

કાલામ્બુદાલિલલિતોરસિ કૈટભારેઃ
ધારાધરે સ્ફુરતિ યા તડિદઙ્ગનેવ ।
માતુસ્સમસ્તજગતાં મહનીયમૂર્તિઃ
ભદ્રાણિ મે દિશતુ ભાર્ગવનન્દનાયાઃ ॥ ૬॥

પ્રાપ્તં પદં પ્રથમતઃ ખલુ યત્પ્રભાવાત્
માઙ્ગલ્યભાજિ મધુમાથિનિ મન્મથેન ।
મય્યાપતેત્તદિહ મન્થરમીક્ષણાર્ધં
મન્દાલસં ચ મકરાલયકન્યકાયાઃ ॥ ૭॥

દદ્યાદ્દયાનુપવનો દ્રવિણામ્બુધારાં
અસ્મિન્નકિઞ્ચનવિહઙ્ગશિશૌ વિષણ્ણે ।
દુષ્કર્મઘર્મમપનીય ચિરાય દૂરં
નારાયણપ્રણયિનીનયનામ્બુવાહઃ ॥ ૮॥

ઇષ્ટાવિશિષ્ટમતયોઽપિ યયા દયાર્દ્ર-
દૃષ્ટ્યા ત્રિવિષ્ટપપદં સુલભં લભન્તે ।
દૃષ્ટિઃ પ્રહૃષ્ટકમલોદરદીપ્તિરિષ્ટાં
પુષ્ટિં કૃષીષ્ટ મમ પુષ્કરવિષ્ટરાયાઃ ॥ ૯॥

ગીર્દેવતેતિ ગરુડધ્વજસુન્દરીતિ (ગરુડધ્વજભામિનીતિ)
શાકમ્ભરીતિ શશિશેખરવલ્લભેતિ ।
સૃષ્ટિસ્થિતિપ્રલયકેલિષુ સંસ્થિતાયૈ
તસ્યૈ નમસ્ત્રિભુવનૈકગુરોસ્તરુણ્યૈ ॥ ૧૦॥

શ્રુત્યૈ નમોઽસ્તુ શુભકર્મફલપ્રસૂત્યૈ
રત્યૈ નમોઽસ્તુ રમણીયગુણાર્ણવાયૈ ।
શક્ત્યૈ નમોઽસ્તુ શતપત્રનિકેતનાયૈ
પુષ્ટ્યૈ નમોઽસ્તુ પુરુષોત્તમવલ્લભાયૈ ॥ ૧૧॥

નમોઽસ્તુ નાલીકનિભાનનાયૈ
નમોઽસ્તુ દુગ્ધોદધિજન્મભૂમ્યૈ ।
નમોઽસ્તુ સોમામૃતસોદરાયૈ
નમોઽસ્તુ નારાયણવલ્લભાયૈ ॥ ૧૨॥

સમ્પત્કરાણિ સકલેન્દ્રિયનન્દનાનિ
સામ્રાજ્યદાનવિભવાનિ સરોરુહાક્ષિ । (સરોરુહાણિ)
ત્વદ્વન્દનાનિ દુરિતાહરણોદ્યતાનિ (દુરિતોત્તરણોદ્યતાનિ, દુરિતોદ્ધરણોદ્યતાનિ)
મામેવ માતરનિશં કલયન્તુ માન્યે ॥ ૧૩॥

યત્કટાક્ષસમુપાસનાવિધિઃ
સેવકસ્ય સકલાર્થસમ્પદઃ ।
સન્તનોતિ વચનાઙ્ગમાનસૈઃ
ત્વાં મુરારિહૃદયેશ્વરીં ભજે ॥ ૧૪॥

સરસિજનિલયે સરોજહસ્તે
ધવલતમાંશુકગન્ધમાલ્યશોભે ।
ભગવતિ હરિવલ્લભે મનોજ્ઞે
ત્રિભુવનભૂતિકરિ પ્રસીદ મહ્યમ્ ॥ ૧૫॥

દિગ્ હસ્તિભિઃ કનકકુમ્ભમુખાવસૃષ્ટ-
સ્વર્વાહિનીવિમલચારુજલપ્લુતાઙ્ગીમ્ ।
પ્રાતર્નમામિ જગતાં જનનીમશેષ-
લોકાધિનાથગૃહિણીમમૃતાબ્ધિપુત્રીમ્ ॥ ૧૬॥

કમલે કમલાક્ષવલ્લભે ત્વં
કરુણાપૂરતરઙ્ગિતૈરપાઙ્ગૈઃ ।
અવલોકય મામકિઞ્ચનાનાં
પ્રથમં પાત્રમકૃત્રિમં દયાયાઃ ॥ ૧૭॥

સ્તુવન્તિ યે સ્તુતિભિરમીભિરન્વહં
ત્રયીમયીં ત્રિભુવનમાતરં રમામ્ ।
ગુણાધિકા ગુરુતરભાગ્યભાગિનો
ભવન્તિ તે ભુવિ બુધભાવિતાશયાઃ ॥ ૧૮॥

॥ ઇતિ શ્રીમચ્છઙ્કરાચાર્યકૃત શ્રી કનકધારાસ્તોત્રં સમ્પૂર્ણમ્ ॥

કનકધારા સ્તોત્રમ્

Also Chanted For

Explore More

More Lakshmi Stotras

Also Chanted For

Explore More