Lord Ganesha

গণপতি অথর্বশীর্ষম্

(Ganapati Atharvashirsha in Bengali)

Sage Atharva (Atharva Veda tradition)

Also known as Ganesh Atharvashirsha · Ganesha Atharvashirsha · Ganpati Atharvashirsha

Language:Sanskrit
Translation:English

Ganapati Atharvashirsha is an Upanishad-like text appended to the Atharva Veda, dedicated entirely to Lord Ganesha. It equates Ganesha with the supreme Brahman (the ultimate reality) and identifies him with the Adi Shakti. The text contains the Ganesha Gayatri mantra and describes his cosmic form. Reciting it is said to bestow intelligence, remove obstacles, and grant the four purusharthas: dharma, artha, kama, and moksha.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ শ্রী গণপত্যথর্বশীর্ষম্ স্তোত্রম্ ॥
ওঁ ভদ্রং কর্ণেভিঃ শৃণুযামদেবাঃ ভদ্রং পশ্যেমাক্ষভির্যজত্রাঃ।
স্থিরৈরঙ্গৈস্তুষ্টুবা সস্তনূভিঃব্যশেম দেবহিতং যদাযুঃ॥
স্বস্তি ন ইন্দ্রো বৃদ্ধশ্রবাঃস্বস্তি নঃ পূষা বিশ্ববেদাঃ।
স্বস্তি নস্তার্ক্ষ্যো অরিষ্টনেমিঃস্বস্তি নো বৃহস্পতির্দধাতু॥
ওঁ শান্তিঃ! শান্তিঃ!! শান্তিঃ!!!
হরিঃ ওঁ নমস্তে গণপতযে।ত্বমেব প্রত্যক্ষং তত্ত্বমসি।
ত্বমেব কেবলং কর্তাসি।ত্বমেব কেবলং ধর্তাসি।
ত্বমেব কেবলং হর্তাসি।ত্বমেব সর্বং খল্বিদং ব্রহ্মাসি।
ত্বং সাক্ষাদাত্মাসি নিত্যম্॥1॥
ঋতং বচ্মি। সত্যং বচ্মি॥2॥
অব ত্বং মাম্। অব বক্তারম্। অব শ্রোতারম্।
অব দাতারম্। অব ধাতারম্। অবানূচানমব শিষ্যম্।
অব পশ্চাত্তাত্। অব পুরস্তাত্। অবোত্তরাত্তাত্।
অব দক্ষিণাত্তাত্। অব চোর্ধ্বাত্তাত্।
অবাধরাত্তাত্। সর্বতো মাং পাহি পাহি সমন্তাত্॥3॥
ত্বং বাঙ্মযস্ত্বং চিন্মযঃ।
ত্বমানন্দমযস্ত্বং ব্রহ্মমযঃ।
ত্বং সচ্চিদানন্দাদ্বিতীযোঽসি।
ত্বং প্রত্যক্ষং ব্রহ্মাসি।
ত্বং জ্ঞানমযো বিজ্ঞানমযোঽসি॥4॥
সর্বং জগদিদং ত্বত্তো জাযতে।
সর্বং জগদিদং ত্বত্তস্তিষ্ঠতি।
সর্বং জগদিদং ত্বযি লযমেষ্যতি।
সর্বং জগদিদং ত্বযি প্রত্যেতি।
ত্বং ভূমিরাপোঽনলোঽনিলো নভঃ।
ত্বং চত্বারি বাক্পদানি॥5॥
ত্বং গুণত্রযাতীতঃ। ত্বং অবস্থাত্রযাতীতঃ।
ত্বং দেহত্রযাতীতঃ। ত্বং কালত্রযাতীতঃ।
ত্বং মূলাধারস্থিতোঽসি নিত্যম্।
ত্বং শক্তিত্রযাত্মকঃ। ত্বাং যোগিনো ধ্যাযন্তি নিত্যম্।
ত্বং ব্রহ্মা ত্বং বিষ্ণুস্ত্বং রুদ্রস্ত্বমিন্দ্রস্ত্বমগ্নিস্ত্বং
বাযুস্ত্বং সূর্যস্ত্বং চন্দ্রমাস্ত্বং ব্রহ্ম ভূর্ভুবঃ স্বরোম্॥6॥
গণাদিং পূর্বমুচ্চার্য বর্ণাদিংস্তদনন্তরম্। অনুস্বারঃ পরতরঃ।
অর্ধেন্দুলসিতম্। তারেণ ঋদ্ধম্। এতত্তব মনুস্বরূপম্।
গকারঃ পূর্বরূপম্। অকারো মধ্যমরূপম্। অনুস্বারশ্চান্ত্যরূপম্।
বিন্দুরুত্তররূপম্ নাদঃ সন্ধানম্। সংহিতা সন্ধিঃ।
সৈষা গণেশবিদ্যা। গণক ঋষিঃ। নিচৃদ্গাযত্রী ছন্দঃ।
শ্রীমহাগণপতির্দেবতা। ওঁ গং গণপতযে নমঃ॥7॥
একদন্তায বিদ্মহে বক্রতুণ্ডায ধীমহি।
তন্নো দন্তিঃ প্রচোদযাত্॥8॥
একদন্তং চতুর্হস্তং পাশমঙ্কুশধারিণম্।
রদং চ বরদং হস্তৈর্বিভ্রাণং মূষকধ্বজম্॥
রক্তং লম্বোদরং শূর্পকর্ণকং রক্তবাসসম্।
রক্তগন্ধানুলিপ্তাঙ্গং রক্তপুষ্পৈঃ সুপূজিতম্॥
ভক্তানুকম্পিনং দেবং জগত্কারণমচ্যুতম্।
আবির্ভূতং চ সৃষ্ট্যাদৌ প্রকৃতেঃ পুরুষাত্পরম্॥
এবং ধ্যাযতি যো নিত্যং স যোগী যোগিনাং বরঃ॥9॥
নমো ব্রাতপতযে নমো গণপতযে নমঃ
প্রমথপতযে নমস্তেঽস্তু লম্বোদরায একদন্তায
বিঘ্নবিনাশিনে শিবসুতায শ্রীবরদমূর্তযে নমঃ॥10॥
এতদথর্বশীর্ষং যোঽধীতে। স ব্রহ্মভূযায কল্পতে।
স সর্ববিঘ্নৈর্ন বাধ্যতে। স সর্বতঃ সুখমেধতে।
স পঞ্চমহাপাপাত্ প্রমুচ্যতে।
সাযমধীযানো দিবসকৃতং পাপং নাশযতি।
প্রাতরধীযানো রাত্রিকৃতং পাপং নাশযতি।
সাযং প্রাতঃ প্রযুঞ্জানঃ পাপোঽপাপো ভবতি।
ধর্মার্থকামমোক্ষং চ বিন্দতি।
ইদমথর্বশীর্ষমশিষ্যায ন দেযম্।
যো যদি মোহাদ্ দাস্যতি। স পাপীযান্ ভবতি।
সহস্রাবর্তনাদ্যং যং কামমধীতে। তং তমনেন সাধযেত্॥11॥
অনেন গণপতিমভিষিঞ্চতি। স বাগ্মী ভবতি।
চতুর্থ্যামনশ্নন্ জপতি। স বিদ্যাবান্ ভবতি।
ইত্যথর্বণবাক্যম্। ব্রহ্মাদ্যাচরণং বিদ্যান্ন বিভেতি কদাচনেতি॥12॥
যো দূর্বাঙ্কুরৈর্যজতি স বৈশ্রবণোপমো ভবতি।
যো লাজৈর্যজতি। স যশোবান্ ভবতি। স মেধাবান্ ভবতি।
যো মোদকসহস্রেণ যজতি স বাঞ্ছিতফলমবাপ্নোতি।
যঃ সাজ্য সমিদ্ভির্যজতি। স সর্বং লভতে স সর্বং লভতে॥13॥
অষ্টৌ ব্রাহ্মণান্ সম্যগ্
গ্রাহযিত্বা সূর্যবর্চস্বী ভবতি।
সূর্যগ্রহে মহানদ্যাং প্রতিমাসন্নিধৌ
বা জপ্ত্বা সিদ্ধমন্ত্রো ভবতি।
মহাবিঘ্নাত্ প্রমুচ্যতে। মহাদোষাত্ প্রমুচ্যতে।
মহাপাপাত্ প্রমুচ্যতে। মহাপ্রত্যবাযাত্ প্রমুচ্যতে।
স সর্ববিদ্ভবতি স সর্ববিদ্ভবতি।
য এবং বেদ। ইত্যুপনিষত্॥14॥
ওঁ ভদ্রং কর্ণেভিঃ শৃণুযামদেবাঃ ভদ্রং পশ্যেমাক্ষভির্যজত্রাঃ।
স্থিরৈরঙ্গৈস্তুষ্টুবা সস্তনূভিঃব্যশেম দেবহিতং যদাযুঃ॥
স্বস্তি ন ইন্দ্রো বৃদ্ধশ্রবাঃস্বস্তি নঃ পূষা বিশ্ববেদাঃ।
স্বস্তি নস্তার্ক্ষ্যো অরিষ্টনেমিঃস্বস্তি নো বৃহস্পতির্দধাতু॥
ওঁ শান্তিঃ! শান্তিঃ!! শান্তিঃ!!!
॥ ইতি শ্রীগণপত্যথর্বশীর্ষং সমাপ্তম্ ॥

More Ganesha Stotras

गणपति गकार अष्टोत्तर शत नामावलि
Ganapati Gakara Ashtottara Shatanavali
गणपति गकार अष्टोत्तर शतनाम स्तोत्रम्
Ganapati Gakara Ashtottara Shatanama Stotram
गणपति माला मन्त्रम्
Ganapati Mala Mantram
गणपति नित्य पूजा विधानम्
Ganapati Nitya Puja Vidhanam
गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
View All Ganesha Collection →

Also Chanted For

Removing ObstaclesKnowledge & Wisdom

Explore More

Ganesha CollectionWealthObstaclesHealthProtectionWisdomHome