Lord Ganesha

ଗଣପତି ଅଥର୍ଵଶୀର୍ଷମ୍

(Ganapati Atharvashirsha in Odia)

Sage Atharva (Atharva Veda tradition)

Also known as Ganesh Atharvashirsha · Ganesha Atharvashirsha · Ganpati Atharvashirsha

Language:Sanskrit
Translation:English

Ganapati Atharvashirsha is an Upanishad-like text appended to the Atharva Veda, dedicated entirely to Lord Ganesha. It equates Ganesha with the supreme Brahman (the ultimate reality) and identifies him with the Adi Shakti. The text contains the Ganesha Gayatri mantra and describes his cosmic form. Reciting it is said to bestow intelligence, remove obstacles, and grant the four purusharthas: dharma, artha, kama, and moksha.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ଶ୍ରୀ ଗଣପତ୍ଯଥର୍ଵଶୀର୍ଷମ୍ ସ୍ତୋତ୍ରମ୍ ॥
ଓଁ ଭଦ୍ରଂ କର୍ଣେଭିଃ ଶୃଣୁଯାମଦେଵାଃ ଭଦ୍ରଂ ପଶ୍ଯେମାକ୍ଷଭିର୍ଯଜତ୍ରାଃ।
ସ୍ଥିରୈରଙ୍ଗୈସ୍ତୁଷ୍ଟୁଵା ସସ୍ତନୂଭିଃଵ୍ଯଶେମ ଦେଵହିତଂ ଯଦାଯୁଃ॥
ସ୍ଵସ୍ତି ନ ଇନ୍ଦ୍ରୋ ଵୃଦ୍ଧଶ୍ରଵାଃସ୍ଵସ୍ତି ନଃ ପୂଷା ଵିଶ୍ଵଵେଦାଃ।
ସ୍ଵସ୍ତି ନସ୍ତାର୍କ୍ଷ୍ଯୋ ଅରିଷ୍ଟନେମିଃସ୍ଵସ୍ତି ନୋ ବୃହସ୍ପତିର୍ଦଧାତୁ॥
ଓଁ ଶାନ୍ତିଃ! ଶାନ୍ତିଃ!! ଶାନ୍ତିଃ!!!
ହରିଃ ଓଁ ନମସ୍ତେ ଗଣପତଯେ।ତ୍ଵମେଵ ପ୍ରତ୍ଯକ୍ଷଂ ତତ୍ତ୍ଵମସି।
ତ୍ଵମେଵ କେଵଲଂ କର୍ତାସି।ତ୍ଵମେଵ କେଵଲଂ ଧର୍ତାସି।
ତ୍ଵମେଵ କେଵଲଂ ହର୍ତାସି।ତ୍ଵମେଵ ସର୍ଵଂ ଖଲ୍ଵିଦଂ ବ୍ରହ୍ମାସି।
ତ୍ଵଂ ସାକ୍ଷାଦାତ୍ମାସି ନିତ୍ଯମ୍॥1॥
ଋତଂ ଵଚ୍ମି। ସତ୍ଯଂ ଵଚ୍ମି॥2॥
ଅଵ ତ୍ଵଂ ମାମ୍। ଅଵ ଵକ୍ତାରମ୍। ଅଵ ଶ୍ରୋତାରମ୍।
ଅଵ ଦାତାରମ୍। ଅଵ ଧାତାରମ୍। ଅଵାନୂଚାନମଵ ଶିଷ୍ଯମ୍।
ଅଵ ପଶ୍ଚାତ୍ତାତ୍। ଅଵ ପୁରସ୍ତାତ୍। ଅଵୋତ୍ତରାତ୍ତାତ୍।
ଅଵ ଦକ୍ଷିଣାତ୍ତାତ୍। ଅଵ ଚୋର୍ଧ୍ଵାତ୍ତାତ୍।
ଅଵାଧରାତ୍ତାତ୍। ସର୍ଵତୋ ମାଂ ପାହି ପାହି ସମନ୍ତାତ୍॥3॥
ତ୍ଵଂ ଵାଙ୍ମଯସ୍ତ୍ଵଂ ଚିନ୍ମଯଃ।
ତ୍ଵମାନନ୍ଦମଯସ୍ତ୍ଵଂ ବ୍ରହ୍ମମଯଃ।
ତ୍ଵଂ ସଚ୍ଚିଦାନନ୍ଦାଦ୍ଵିତୀଯୋଽସି।
ତ୍ଵଂ ପ୍ରତ୍ଯକ୍ଷଂ ବ୍ରହ୍ମାସି।
ତ୍ଵଂ ଜ୍ଞାନମଯୋ ଵିଜ୍ଞାନମଯୋଽସି॥4॥
ସର୍ଵଂ ଜଗଦିଦଂ ତ୍ଵତ୍ତୋ ଜାଯତେ।
ସର୍ଵଂ ଜଗଦିଦଂ ତ୍ଵତ୍ତସ୍ତିଷ୍ଠତି।
ସର୍ଵଂ ଜଗଦିଦଂ ତ୍ଵଯି ଲଯମେଷ୍ଯତି।
ସର୍ଵଂ ଜଗଦିଦଂ ତ୍ଵଯି ପ୍ରତ୍ଯେତି।
ତ୍ଵଂ ଭୂମିରାପୋଽନଲୋଽନିଲୋ ନଭଃ।
ତ୍ଵଂ ଚତ୍ଵାରି ଵାକ୍ପଦାନି॥5॥
ତ୍ଵଂ ଗୁଣତ୍ରଯାତୀତଃ। ତ୍ଵଂ ଅଵସ୍ଥାତ୍ରଯାତୀତଃ।
ତ୍ଵଂ ଦେହତ୍ରଯାତୀତଃ। ତ୍ଵଂ କାଲତ୍ରଯାତୀତଃ।
ତ୍ଵଂ ମୂଲାଧାରସ୍ଥିତୋଽସି ନିତ୍ଯମ୍।
ତ୍ଵଂ ଶକ୍ତିତ୍ରଯାତ୍ମକଃ। ତ୍ଵାଂ ଯୋଗିନୋ ଧ୍ଯାଯନ୍ତି ନିତ୍ଯମ୍।
ତ୍ଵଂ ବ୍ରହ୍ମା ତ୍ଵଂ ଵିଷ୍ଣୁସ୍ତ୍ଵଂ ରୁଦ୍ରସ୍ତ୍ଵମିନ୍ଦ୍ରସ୍ତ୍ଵମଗ୍ନିସ୍ତ୍ଵଂ
ଵାଯୁସ୍ତ୍ଵଂ ସୂର୍ଯସ୍ତ୍ଵଂ ଚନ୍ଦ୍ରମାସ୍ତ୍ଵଂ ବ୍ରହ୍ମ ଭୂର୍ଭୁଵଃ ସ୍ଵରୋମ୍॥6॥
ଗଣାଦିଂ ପୂର୍ଵମୁଚ୍ଚାର୍ଯ ଵର୍ଣାଦିଂସ୍ତଦନନ୍ତରମ୍। ଅନୁସ୍ଵାରଃ ପରତରଃ।
ଅର୍ଧେନ୍ଦୁଲସିତମ୍। ତାରେଣ ଋଦ୍ଧମ୍। ଏତତ୍ତଵ ମନୁସ୍ଵରୂପମ୍।
ଗକାରଃ ପୂର୍ଵରୂପମ୍। ଅକାରୋ ମଧ୍ଯମରୂପମ୍। ଅନୁସ୍ଵାରଶ୍ଚାନ୍ତ୍ଯରୂପମ୍।
ବିନ୍ଦୁରୁତ୍ତରରୂପମ୍ ନାଦଃ ସନ୍ଧାନମ୍। ସଂହିତା ସନ୍ଧିଃ।
ସୈଷା ଗଣେଶଵିଦ୍ଯା। ଗଣକ ଋଷିଃ। ନିଚୃଦ୍ଗାଯତ୍ରୀ ଛନ୍ଦଃ।
ଶ୍ରୀମହାଗଣପତିର୍ଦେଵତା। ଓଁ ଗଂ ଗଣପତଯେ ନମଃ॥7॥
ଏକଦନ୍ତାଯ ଵିଦ୍ମହେ ଵକ୍ରତୁଣ୍ଡାଯ ଧୀମହି।
ତନ୍ନୋ ଦନ୍ତିଃ ପ୍ରଚୋଦଯାତ୍॥8॥
ଏକଦନ୍ତଂ ଚତୁର୍ହସ୍ତଂ ପାଶମଙ୍କୁଶଧାରିଣମ୍।
ରଦଂ ଚ ଵରଦଂ ହସ୍ତୈର୍ବିଭ୍ରାଣଂ ମୂଷକଧ୍ଵଜମ୍॥
ରକ୍ତଂ ଲମ୍ବୋଦରଂ ଶୂର୍ପକର୍ଣକଂ ରକ୍ତଵାସସମ୍।
ରକ୍ତଗନ୍ଧାନୁଲିପ୍ତାଙ୍ଗଂ ରକ୍ତପୁଷ୍ପୈଃ ସୁପୂଜିତମ୍॥
ଭକ୍ତାନୁକମ୍ପିନଂ ଦେଵଂ ଜଗତ୍କାରଣମଚ୍ଯୁତମ୍।
ଆଵିର୍ଭୂତଂ ଚ ସୃଷ୍ଟ୍ଯାଦୌ ପ୍ରକୃତେଃ ପୁରୁଷାତ୍ପରମ୍॥
ଏଵଂ ଧ୍ଯାଯତି ଯୋ ନିତ୍ଯଂ ସ ଯୋଗୀ ଯୋଗିନାଂ ଵରଃ॥9॥
ନମୋ ଵ୍ରାତପତଯେ ନମୋ ଗଣପତଯେ ନମଃ
ପ୍ରମଥପତଯେ ନମସ୍ତେଽସ୍ତୁ ଲମ୍ବୋଦରାଯ ଏକଦନ୍ତାଯ
ଵିଘ୍ନଵିନାଶିନେ ଶିଵସୁତାଯ ଶ୍ରୀଵରଦମୂର୍ତଯେ ନମଃ॥10॥
ଏତଦଥର୍ଵଶୀର୍ଷଂ ଯୋଽଧୀତେ। ସ ବ୍ରହ୍ମଭୂଯାଯ କଲ୍ପତେ।
ସ ସର୍ଵଵିଘ୍ନୈର୍ନ ବାଧ୍ଯତେ। ସ ସର୍ଵତଃ ସୁଖମେଧତେ।
ସ ପଞ୍ଚମହାପାପାତ୍ ପ୍ରମୁଚ୍ଯତେ।
ସାଯମଧୀଯାନୋ ଦିଵସକୃତଂ ପାପଂ ନାଶଯତି।
ପ୍ରାତରଧୀଯାନୋ ରାତ୍ରିକୃତଂ ପାପଂ ନାଶଯତି।
ସାଯଂ ପ୍ରାତଃ ପ୍ରଯୁଞ୍ଜାନଃ ପାପୋଽପାପୋ ଭଵତି।
ଧର୍ମାର୍ଥକାମମୋକ୍ଷଂ ଚ ଵିନ୍ଦତି।
ଇଦମଥର୍ଵଶୀର୍ଷମଶିଷ୍ଯାଯ ନ ଦେଯମ୍।
ଯୋ ଯଦି ମୋହାଦ୍ ଦାସ୍ଯତି। ସ ପାପୀଯାନ୍ ଭଵତି।
ସହସ୍ରାଵର୍ତନାଦ୍ଯଂ ଯଂ କାମମଧୀତେ। ତଂ ତମନେନ ସାଧଯେତ୍॥11॥
ଅନେନ ଗଣପତିମଭିଷିଞ୍ଚତି। ସ ଵାଗ୍ମୀ ଭଵତି।
ଚତୁର୍ଥ୍ଯାମନଶ୍ନନ୍ ଜପତି। ସ ଵିଦ୍ଯାଵାନ୍ ଭଵତି।
ଇତ୍ଯଥର୍ଵଣଵାକ୍ଯମ୍। ବ୍ରହ୍ମାଦ୍ଯାଚରଣଂ ଵିଦ୍ଯାନ୍ନ ବିଭେତି କଦାଚନେତି॥12॥
ଯୋ ଦୂର୍ଵାଙ୍କୁରୈର୍ଯଜତି ସ ଵୈଶ୍ରଵଣୋପମୋ ଭଵତି।
ଯୋ ଲାଜୈର୍ଯଜତି। ସ ଯଶୋଵାନ୍ ଭଵତି। ସ ମେଧାଵାନ୍ ଭଵତି।
ଯୋ ମୋଦକସହସ୍ରେଣ ଯଜତି ସ ଵାଞ୍ଛିତଫଲମଵାପ୍ନୋତି।
ଯଃ ସାଜ୍ଯ ସମିଦ୍ଭିର୍ଯଜତି। ସ ସର୍ଵଂ ଲଭତେ ସ ସର୍ଵଂ ଲଭତେ॥13॥
ଅଷ୍ଟୌ ବ୍ରାହ୍ମଣାନ୍ ସମ୍ଯଗ୍
ଗ୍ରାହଯିତ୍ଵା ସୂର୍ଯଵର୍ଚସ୍ଵୀ ଭଵତି।
ସୂର୍ଯଗ୍ରହେ ମହାନଦ୍ଯାଂ ପ୍ରତିମାସନ୍ନିଧୌ
ଵା ଜପ୍ତ୍ଵା ସିଦ୍ଧମନ୍ତ୍ରୋ ଭଵତି।
ମହାଵିଘ୍ନାତ୍ ପ୍ରମୁଚ୍ଯତେ। ମହାଦୋଷାତ୍ ପ୍ରମୁଚ୍ଯତେ।
ମହାପାପାତ୍ ପ୍ରମୁଚ୍ଯତେ। ମହାପ୍ରତ୍ଯଵାଯାତ୍ ପ୍ରମୁଚ୍ଯତେ।
ସ ସର୍ଵଵିଦ୍ଭଵତି ସ ସର୍ଵଵିଦ୍ଭଵତି।
ଯ ଏଵଂ ଵେଦ। ଇତ୍ଯୁପନିଷତ୍॥14॥
ଓଁ ଭଦ୍ରଂ କର୍ଣେଭିଃ ଶୃଣୁଯାମଦେଵାଃ ଭଦ୍ରଂ ପଶ୍ଯେମାକ୍ଷଭିର୍ଯଜତ୍ରାଃ।
ସ୍ଥିରୈରଙ୍ଗୈସ୍ତୁଷ୍ଟୁଵା ସସ୍ତନୂଭିଃଵ୍ଯଶେମ ଦେଵହିତଂ ଯଦାଯୁଃ॥
ସ୍ଵସ୍ତି ନ ଇନ୍ଦ୍ରୋ ଵୃଦ୍ଧଶ୍ରଵାଃସ୍ଵସ୍ତି ନଃ ପୂଷା ଵିଶ୍ଵଵେଦାଃ।
ସ୍ଵସ୍ତି ନସ୍ତାର୍କ୍ଷ୍ଯୋ ଅରିଷ୍ଟନେମିଃସ୍ଵସ୍ତି ନୋ ବୃହସ୍ପତିର୍ଦଧାତୁ॥
ଓଁ ଶାନ୍ତିଃ! ଶାନ୍ତିଃ!! ଶାନ୍ତିଃ!!!
॥ ଇତି ଶ୍ରୀଗଣପତ୍ଯଥର୍ଵଶୀର୍ଷଂ ସମାପ୍ତମ୍ ॥

More Ganesha Stotras

गणपति गकार अष्टोत्तर शत नामावलि
Ganapati Gakara Ashtottara Shatanavali
गणपति गकार अष्टोत्तर शतनाम स्तोत्रम्
Ganapati Gakara Ashtottara Shatanama Stotram
गणपति माला मन्त्रम्
Ganapati Mala Mantram
गणपति नित्य पूजा विधानम्
Ganapati Nitya Puja Vidhanam
गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
View All Ganesha Collection →

Also Chanted For

Removing ObstaclesKnowledge & Wisdom

Explore More

Ganesha CollectionWealthObstaclesHealthProtectionWisdomHome