Lord Ganesha

ಗಣಪತಿ ಅಥರ್ವಶೀರ್ಷಮ್

(Ganapati Atharvashirsha in Kannada)

Sage Atharva (Atharva Veda tradition)

Also known as Ganesh Atharvashirsha · Ganesha Atharvashirsha · Ganpati Atharvashirsha

Language:Sanskrit
Translation:English

Ganapati Atharvashirsha is an Upanishad-like text appended to the Atharva Veda, dedicated entirely to Lord Ganesha. It equates Ganesha with the supreme Brahman (the ultimate reality) and identifies him with the Adi Shakti. The text contains the Ganesha Gayatri mantra and describes his cosmic form. Reciting it is said to bestow intelligence, remove obstacles, and grant the four purusharthas: dharma, artha, kama, and moksha.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ಶ್ರೀ ಗಣಪತ್ಯಥರ್ವಶೀರ್ಷಮ್ ಸ್ತೋತ್ರಮ್ ॥
ಓಂ ಭದ್ರಂ ಕರ್ಣೇಭಿಃ ಶೃಣುಯಾಮದೇವಾಃ ಭದ್ರಂ ಪಶ್ಯೇಮಾಕ್ಷಭಿರ್ಯಜತ್ರಾಃ।
ಸ್ಥಿರೈರಙ್ಗೈಸ್ತುಷ್ಟುವಾ ಸಸ್ತನೂಭಿಃವ್ಯಶೇಮ ದೇವಹಿತಂ ಯದಾಯುಃ॥
ಸ್ವಸ್ತಿ ನ ಇನ್ದ್ರೋ ವೃದ್ಧಶ್ರವಾಃಸ್ವಸ್ತಿ ನಃ ಪೂಷಾ ವಿಶ್ವವೇದಾಃ।
ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿಃಸ್ವಸ್ತಿ ನೋ ಬೃಹಸ್ಪತಿರ್ದಧಾತು॥
ಓಂ ಶಾನ್ತಿಃ! ಶಾನ್ತಿಃ!! ಶಾನ್ತಿಃ!!!
ಹರಿಃ ಓಂ ನಮಸ್ತೇ ಗಣಪತಯೇ।ತ್ವಮೇವ ಪ್ರತ್ಯಕ್ಷಂ ತತ್ತ್ವಮಸಿ।
ತ್ವಮೇವ ಕೇವಲಂ ಕರ್ತಾಸಿ।ತ್ವಮೇವ ಕೇವಲಂ ಧರ್ತಾಸಿ।
ತ್ವಮೇವ ಕೇವಲಂ ಹರ್ತಾಸಿ।ತ್ವಮೇವ ಸರ್ವಂ ಖಲ್ವಿದಂ ಬ್ರಹ್ಮಾಸಿ।
ತ್ವಂ ಸಾಕ್ಷಾದಾತ್ಮಾಸಿ ನಿತ್ಯಮ್॥1॥
ಋತಂ ವಚ್ಮಿ। ಸತ್ಯಂ ವಚ್ಮಿ॥2॥
ಅವ ತ್ವಂ ಮಾಮ್। ಅವ ವಕ್ತಾರಮ್। ಅವ ಶ್ರೋತಾರಮ್।
ಅವ ದಾತಾರಮ್। ಅವ ಧಾತಾರಮ್। ಅವಾನೂಚಾನಮವ ಶಿಷ್ಯಮ್।
ಅವ ಪಶ್ಚಾತ್ತಾತ್। ಅವ ಪುರಸ್ತಾತ್। ಅವೋತ್ತರಾತ್ತಾತ್।
ಅವ ದಕ್ಷಿಣಾತ್ತಾತ್। ಅವ ಚೋರ್ಧ್ವಾತ್ತಾತ್।
ಅವಾಧರಾತ್ತಾತ್। ಸರ್ವತೋ ಮಾಂ ಪಾಹಿ ಪಾಹಿ ಸಮನ್ತಾತ್॥3॥
ತ್ವಂ ವಾಙ್ಮಯಸ್ತ್ವಂ ಚಿನ್ಮಯಃ।
ತ್ವಮಾನನ್ದಮಯಸ್ತ್ವಂ ಬ್ರಹ್ಮಮಯಃ।
ತ್ವಂ ಸಚ್ಚಿದಾನನ್ದಾದ್ವಿತೀಯೋಽಸಿ।
ತ್ವಂ ಪ್ರತ್ಯಕ್ಷಂ ಬ್ರಹ್ಮಾಸಿ।
ತ್ವಂ ಜ್ಞಾನಮಯೋ ವಿಜ್ಞಾನಮಯೋಽಸಿ॥4॥
ಸರ್ವಂ ಜಗದಿದಂ ತ್ವತ್ತೋ ಜಾಯತೇ।
ಸರ್ವಂ ಜಗದಿದಂ ತ್ವತ್ತಸ್ತಿಷ್ಠತಿ।
ಸರ್ವಂ ಜಗದಿದಂ ತ್ವಯಿ ಲಯಮೇಷ್ಯತಿ।
ಸರ್ವಂ ಜಗದಿದಂ ತ್ವಯಿ ಪ್ರತ್ಯೇತಿ।
ತ್ವಂ ಭೂಮಿರಾಪೋಽನಲೋಽನಿಲೋ ನಭಃ।
ತ್ವಂ ಚತ್ವಾರಿ ವಾಕ್ಪದಾನಿ॥5॥
ತ್ವಂ ಗುಣತ್ರಯಾತೀತಃ। ತ್ವಂ ಅವಸ್ಥಾತ್ರಯಾತೀತಃ।
ತ್ವಂ ದೇಹತ್ರಯಾತೀತಃ। ತ್ವಂ ಕಾಲತ್ರಯಾತೀತಃ।
ತ್ವಂ ಮೂಲಾಧಾರಸ್ಥಿತೋಽಸಿ ನಿತ್ಯಮ್।
ತ್ವಂ ಶಕ್ತಿತ್ರಯಾತ್ಮಕಃ। ತ್ವಾಂ ಯೋಗಿನೋ ಧ್ಯಾಯನ್ತಿ ನಿತ್ಯಮ್।
ತ್ವಂ ಬ್ರಹ್ಮಾ ತ್ವಂ ವಿಷ್ಣುಸ್ತ್ವಂ ರುದ್ರಸ್ತ್ವಮಿನ್ದ್ರಸ್ತ್ವಮಗ್ನಿಸ್ತ್ವಂ
ವಾಯುಸ್ತ್ವಂ ಸೂರ್ಯಸ್ತ್ವಂ ಚನ್ದ್ರಮಾಸ್ತ್ವಂ ಬ್ರಹ್ಮ ಭೂರ್ಭುವಃ ಸ್ವರೋಮ್॥6॥
ಗಣಾದಿಂ ಪೂರ್ವಮುಚ್ಚಾರ್ಯ ವರ್ಣಾದಿಂಸ್ತದನನ್ತರಮ್। ಅನುಸ್ವಾರಃ ಪರತರಃ।
ಅರ್ಧೇನ್ದುಲಸಿತಮ್। ತಾರೇಣ ಋದ್ಧಮ್। ಏತತ್ತವ ಮನುಸ್ವರೂಪಮ್।
ಗಕಾರಃ ಪೂರ್ವರೂಪಮ್। ಅಕಾರೋ ಮಧ್ಯಮರೂಪಮ್। ಅನುಸ್ವಾರಶ್ಚಾನ್ತ್ಯರೂಪಮ್।
ಬಿನ್ದುರುತ್ತರರೂಪಮ್ ನಾದಃ ಸನ್ಧಾನಮ್। ಸಂಹಿತಾ ಸನ್ಧಿಃ।
ಸೈಷಾ ಗಣೇಶವಿದ್ಯಾ। ಗಣಕ ಋಷಿಃ। ನಿಚೃದ್ಗಾಯತ್ರೀ ಛನ್ದಃ।
ಶ್ರೀಮಹಾಗಣಪತಿರ್ದೇವತಾ। ಓಂ ಗಂ ಗಣಪತಯೇ ನಮಃ॥7॥
ಏಕದನ್ತಾಯ ವಿದ್ಮಹೇ ವಕ್ರತುಣ್ಡಾಯ ಧೀಮಹಿ।
ತನ್ನೋ ದನ್ತಿಃ ಪ್ರಚೋದಯಾತ್॥8॥
ಏಕದನ್ತಂ ಚತುರ್ಹಸ್ತಂ ಪಾಶಮಙ್ಕುಶಧಾರಿಣಮ್।
ರದಂ ಚ ವರದಂ ಹಸ್ತೈರ್ಬಿಭ್ರಾಣಂ ಮೂಷಕಧ್ವಜಮ್॥
ರಕ್ತಂ ಲಮ್ಬೋದರಂ ಶೂರ್ಪಕರ್ಣಕಂ ರಕ್ತವಾಸಸಮ್।
ರಕ್ತಗನ್ಧಾನುಲಿಪ್ತಾಙ್ಗಂ ರಕ್ತಪುಷ್ಪೈಃ ಸುಪೂಜಿತಮ್॥
ಭಕ್ತಾನುಕಮ್ಪಿನಂ ದೇವಂ ಜಗತ್ಕಾರಣಮಚ್ಯುತಮ್।
ಆವಿರ್ಭೂತಂ ಚ ಸೃಷ್ಟ್ಯಾದೌ ಪ್ರಕೃತೇಃ ಪುರುಷಾತ್ಪರಮ್॥
ಏವಂ ಧ್ಯಾಯತಿ ಯೋ ನಿತ್ಯಂ ಸ ಯೋಗೀ ಯೋಗಿನಾಂ ವರಃ॥9॥
ನಮೋ ವ್ರಾತಪತಯೇ ನಮೋ ಗಣಪತಯೇ ನಮಃ
ಪ್ರಮಥಪತಯೇ ನಮಸ್ತೇಽಸ್ತು ಲಮ್ಬೋದರಾಯ ಏಕದನ್ತಾಯ
ವಿಘ್ನವಿನಾಶಿನೇ ಶಿವಸುತಾಯ ಶ್ರೀವರದಮೂರ್ತಯೇ ನಮಃ॥10॥
ಏತದಥರ್ವಶೀರ್ಷಂ ಯೋಽಧೀತೇ। ಸ ಬ್ರಹ್ಮಭೂಯಾಯ ಕಲ್ಪತೇ।
ಸ ಸರ್ವವಿಘ್ನೈರ್ನ ಬಾಧ್ಯತೇ। ಸ ಸರ್ವತಃ ಸುಖಮೇಧತೇ।
ಸ ಪಞ್ಚಮಹಾಪಾಪಾತ್ ಪ್ರಮುಚ್ಯತೇ।
ಸಾಯಮಧೀಯಾನೋ ದಿವಸಕೃತಂ ಪಾಪಂ ನಾಶಯತಿ।
ಪ್ರಾತರಧೀಯಾನೋ ರಾತ್ರಿಕೃತಂ ಪಾಪಂ ನಾಶಯತಿ।
ಸಾಯಂ ಪ್ರಾತಃ ಪ್ರಯುಞ್ಜಾನಃ ಪಾಪೋಽಪಾಪೋ ಭವತಿ।
ಧರ್ಮಾರ್ಥಕಾಮಮೋಕ್ಷಂ ಚ ವಿನ್ದತಿ।
ಇದಮಥರ್ವಶೀರ್ಷಮಶಿಷ್ಯಾಯ ನ ದೇಯಮ್।
ಯೋ ಯದಿ ಮೋಹಾದ್ ದಾಸ್ಯತಿ। ಸ ಪಾಪೀಯಾನ್ ಭವತಿ।
ಸಹಸ್ರಾವರ್ತನಾದ್ಯಂ ಯಂ ಕಾಮಮಧೀತೇ। ತಂ ತಮನೇನ ಸಾಧಯೇತ್॥11॥
ಅನೇನ ಗಣಪತಿಮಭಿಷಿಞ್ಚತಿ। ಸ ವಾಗ್ಮೀ ಭವತಿ।
ಚತುರ್ಥ್ಯಾಮನಶ್ನನ್ ಜಪತಿ। ಸ ವಿದ್ಯಾವಾನ್ ಭವತಿ।
ಇತ್ಯಥರ್ವಣವಾಕ್ಯಮ್। ಬ್ರಹ್ಮಾದ್ಯಾಚರಣಂ ವಿದ್ಯಾನ್ನ ಬಿಭೇತಿ ಕದಾಚನೇತಿ॥12॥
ಯೋ ದೂರ್ವಾಙ್ಕುರೈರ್ಯಜತಿ ಸ ವೈಶ್ರವಣೋಪಮೋ ಭವತಿ।
ಯೋ ಲಾಜೈರ್ಯಜತಿ। ಸ ಯಶೋವಾನ್ ಭವತಿ। ಸ ಮೇಧಾವಾನ್ ಭವತಿ।
ಯೋ ಮೋದಕಸಹಸ್ರೇಣ ಯಜತಿ ಸ ವಾಞ್ಛಿತಫಲಮವಾಪ್ನೋತಿ।
ಯಃ ಸಾಜ್ಯ ಸಮಿದ್ಭಿರ್ಯಜತಿ। ಸ ಸರ್ವಂ ಲಭತೇ ಸ ಸರ್ವಂ ಲಭತೇ॥13॥
ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್
ಗ್ರಾಹಯಿತ್ವಾ ಸೂರ್ಯವರ್ಚಸ್ವೀ ಭವತಿ।
ಸೂರ್ಯಗ್ರಹೇ ಮಹಾನದ್ಯಾಂ ಪ್ರತಿಮಾಸನ್ನಿಧೌ
ವಾ ಜಪ್ತ್ವಾ ಸಿದ್ಧಮನ್ತ್ರೋ ಭವತಿ।
ಮಹಾವಿಘ್ನಾತ್ ಪ್ರಮುಚ್ಯತೇ। ಮಹಾದೋಷಾತ್ ಪ್ರಮುಚ್ಯತೇ।
ಮಹಾಪಾಪಾತ್ ಪ್ರಮುಚ್ಯತೇ। ಮಹಾಪ್ರತ್ಯವಾಯಾತ್ ಪ್ರಮುಚ್ಯತೇ।
ಸ ಸರ್ವವಿದ್ಭವತಿ ಸ ಸರ್ವವಿದ್ಭವತಿ।
ಯ ಏವಂ ವೇದ। ಇತ್ಯುಪನಿಷತ್॥14॥
ಓಂ ಭದ್ರಂ ಕರ್ಣೇಭಿಃ ಶೃಣುಯಾಮದೇವಾಃ ಭದ್ರಂ ಪಶ್ಯೇಮಾಕ್ಷಭಿರ್ಯಜತ್ರಾಃ।
ಸ್ಥಿರೈರಙ್ಗೈಸ್ತುಷ್ಟುವಾ ಸಸ್ತನೂಭಿಃವ್ಯಶೇಮ ದೇವಹಿತಂ ಯದಾಯುಃ॥
ಸ್ವಸ್ತಿ ನ ಇನ್ದ್ರೋ ವೃದ್ಧಶ್ರವಾಃಸ್ವಸ್ತಿ ನಃ ಪೂಷಾ ವಿಶ್ವವೇದಾಃ।
ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿಃಸ್ವಸ್ತಿ ನೋ ಬೃಹಸ್ಪತಿರ್ದಧಾತು॥
ಓಂ ಶಾನ್ತಿಃ! ಶಾನ್ತಿಃ!! ಶಾನ್ತಿಃ!!!
॥ ಇತಿ ಶ್ರೀಗಣಪತ್ಯಥರ್ವಶೀರ್ಷಂ ಸಮಾಪ್ತಮ್ ॥

More Ganesha Stotras

गणपति गकार अष्टोत्तर शत नामावलि
Ganapati Gakara Ashtottara Shatanavali
गणपति गकार अष्टोत्तर शतनाम स्तोत्रम्
Ganapati Gakara Ashtottara Shatanama Stotram
गणपति माला मन्त्रम्
Ganapati Mala Mantram
गणपति नित्य पूजा विधानम्
Ganapati Nitya Puja Vidhanam
गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
View All Ganesha Collection →

Also Chanted For

Removing ObstaclesKnowledge & Wisdom

Explore More

Ganesha CollectionWealthObstaclesHealthProtectionWisdomHome