Lord Ganesha

ഗണപതി അഥര്വശീര്ഷമ്

(Ganapati Atharvashirsha in Malayalam)

Sage Atharva (Atharva Veda tradition)

Also known as Ganesh Atharvashirsha · Ganesha Atharvashirsha · Ganpati Atharvashirsha

Language:Sanskrit
Translation:English

Ganapati Atharvashirsha is an Upanishad-like text appended to the Atharva Veda, dedicated entirely to Lord Ganesha. It equates Ganesha with the supreme Brahman (the ultimate reality) and identifies him with the Adi Shakti. The text contains the Ganesha Gayatri mantra and describes his cosmic form. Reciting it is said to bestow intelligence, remove obstacles, and grant the four purusharthas: dharma, artha, kama, and moksha.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ശ്രീ ഗണപത്യഥര്വശീര്ഷമ് സ്തോത്രമ് ॥
ഓം ഭദ്രം കര്ണേഭിഃ ശൃണുയാമദേവാഃ ഭദ്രം പശ്യേമാക്ഷഭിര്യജത്രാഃ।
സ്ഥിരൈരങ്ഗൈസ്തുഷ്ടുവാ സസ്തനൂഭിഃവ്യശേമ ദേവഹിതം യദായുഃ॥
സ്വസ്തി ന ഇന്ദ്രോ വൃദ്ധശ്രവാഃസ്വസ്തി നഃ പൂഷാ വിശ്വവേദാഃ।
സ്വസ്തി നസ്താര്ക്ഷ്യോ അരിഷ്ടനേമിഃസ്വസ്തി നോ ബൃഹസ്പതിര്ദധാതു॥
ഓം ശാന്തിഃ! ശാന്തിഃ!! ശാന്തിഃ!!!
ഹരിഃ ഓം നമസ്തേ ഗണപതയേ।ത്വമേവ പ്രത്യക്ഷം തത്ത്വമസി।
ത്വമേവ കേവലം കര്താസി।ത്വമേവ കേവലം ധര്താസി।
ത്വമേവ കേവലം ഹര്താസി।ത്വമേവ സര്വം ഖല്വിദം ബ്രഹ്മാസി।
ത്വം സാക്ഷാദാത്മാസി നിത്യമ്॥1॥
ഋതം വച്മി। സത്യം വച്മി॥2॥
അവ ത്വം മാമ്। അവ വക്താരമ്। അവ ശ്രോതാരമ്।
അവ ദാതാരമ്। അവ ധാതാരമ്। അവാനൂചാനമവ ശിഷ്യമ്।
അവ പശ്ചാത്താത്। അവ പുരസ്താത്। അവോത്തരാത്താത്।
അവ ദക്ഷിണാത്താത്। അവ ചോര്ധ്വാത്താത്।
അവാധരാത്താത്। സര്വതോ മാം പാഹി പാഹി സമന്താത്॥3॥
ത്വം വാങ്മയസ്ത്വം ചിന്മയഃ।
ത്വമാനന്ദമയസ്ത്വം ബ്രഹ്മമയഃ।
ത്വം സച്ചിദാനന്ദാദ്വിതീയോഽസി।
ത്വം പ്രത്യക്ഷം ബ്രഹ്മാസി।
ത്വം ജ്ഞാനമയോ വിജ്ഞാനമയോഽസി॥4॥
സര്വം ജഗദിദം ത്വത്തോ ജായതേ।
സര്വം ജഗദിദം ത്വത്തസ്തിഷ്ഠതി।
സര്വം ജഗദിദം ത്വയി ലയമേഷ്യതി।
സര്വം ജഗദിദം ത്വയി പ്രത്യേതി।
ത്വം ഭൂമിരാപോഽനലോഽനിലോ നഭഃ।
ത്വം ചത്വാരി വാക്പദാനി॥5॥
ത്വം ഗുണത്രയാതീതഃ। ത്വം അവസ്ഥാത്രയാതീതഃ।
ത്വം ദേഹത്രയാതീതഃ। ത്വം കാലത്രയാതീതഃ।
ത്വം മൂലാധാരസ്ഥിതോഽസി നിത്യമ്।
ത്വം ശക്തിത്രയാത്മകഃ। ത്വാം യോഗിനോ ധ്യായന്തി നിത്യമ്।
ത്വം ബ്രഹ്മാ ത്വം വിഷ്ണുസ്ത്വം രുദ്രസ്ത്വമിന്ദ്രസ്ത്വമഗ്നിസ്ത്വം
വായുസ്ത്വം സൂര്യസ്ത്വം ചന്ദ്രമാസ്ത്വം ബ്രഹ്മ ഭൂര്ഭുവഃ സ്വരോമ്॥6॥
ഗണാദിം പൂര്വമുച്ചാര്യ വര്ണാദിംസ്തദനന്തരമ്। അനുസ്വാരഃ പരതരഃ।
അര്ധേന്ദുലസിതമ്। താരേണ ഋദ്ധമ്। ഏതത്തവ മനുസ്വരൂപമ്।
ഗകാരഃ പൂര്വരൂപമ്। അകാരോ മധ്യമരൂപമ്। അനുസ്വാരശ്ചാന്ത്യരൂപമ്।
ബിന്ദുരുത്തരരൂപമ് നാദഃ സന്ധാനമ്। സംഹിതാ സന്ധിഃ।
സൈഷാ ഗണേശവിദ്യാ। ഗണക ഋഷിഃ। നിചൃദ്ഗായത്രീ ഛന്ദഃ।
ശ്രീമഹാഗണപതിര്ദേവതാ। ഓം ഗം ഗണപതയേ നമഃ॥7॥
ഏകദന്തായ വിദ്മഹേ വക്രതുണ്ഡായ ധീമഹി।
തന്നോ ദന്തിഃ പ്രചോദയാത്॥8॥
ഏകദന്തം ചതുര്ഹസ്തം പാശമങ്കുശധാരിണമ്।
രദം ച വരദം ഹസ്തൈര്ബിഭ്രാണം മൂഷകധ്വജമ്॥
രക്തം ലമ്ബോദരം ശൂര്പകര്ണകം രക്തവാസസമ്।
രക്തഗന്ധാനുലിപ്താങ്ഗം രക്തപുഷ്പൈഃ സുപൂജിതമ്॥
ഭക്താനുകമ്പിനം ദേവം ജഗത്കാരണമച്യുതമ്।
ആവിര്ഭൂതം ച സൃഷ്ട്യാദൌ പ്രകൃതേഃ പുരുഷാത്പരമ്॥
ഏവം ധ്യായതി യോ നിത്യം സ യോഗീ യോഗിനാം വരഃ॥9॥
നമോ വ്രാതപതയേ നമോ ഗണപതയേ നമഃ
പ്രമഥപതയേ നമസ്തേഽസ്തു ലമ്ബോദരായ ഏകദന്തായ
വിഘ്നവിനാശിനേ ശിവസുതായ ശ്രീവരദമൂര്തയേ നമഃ॥10॥
ഏതദഥര്വശീര്ഷം യോഽധീതേ। സ ബ്രഹ്മഭൂയായ കല്പതേ।
സ സര്വവിഘ്നൈര്ന ബാധ്യതേ। സ സര്വതഃ സുഖമേധതേ।
സ പഞ്ചമഹാപാപാത് പ്രമുച്യതേ।
സായമധീയാനോ ദിവസകൃതം പാപം നാശയതി।
പ്രാതരധീയാനോ രാത്രികൃതം പാപം നാശയതി।
സായം പ്രാതഃ പ്രയുഞ്ജാനഃ പാപോഽപാപോ ഭവതി।
ധര്മാര്ഥകാമമോക്ഷം ച വിന്ദതി।
ഇദമഥര്വശീര്ഷമശിഷ്യായ ന ദേയമ്।
യോ യദി മോഹാദ് ദാസ്യതി। സ പാപീയാന് ഭവതി।
സഹസ്രാവര്തനാദ്യം യം കാമമധീതേ। തം തമനേന സാധയേത്॥11॥
അനേന ഗണപതിമഭിഷിഞ്ചതി। സ വാഗ്മീ ഭവതി।
ചതുര്ഥ്യാമനശ്നന് ജപതി। സ വിദ്യാവാന് ഭവതി।
ഇത്യഥര്വണവാക്യമ്। ബ്രഹ്മാദ്യാചരണം വിദ്യാന്ന ബിഭേതി കദാചനേതി॥12॥
യോ ദൂര്വാങ്കുരൈര്യജതി സ വൈശ്രവണോപമോ ഭവതി।
യോ ലാജൈര്യജതി। സ യശോവാന് ഭവതി। സ മേധാവാന് ഭവതി।
യോ മോദകസഹസ്രേണ യജതി സ വാഞ്ഛിതഫലമവാപ്നോതി।
യഃ സാജ്യ സമിദ്ഭിര്യജതി। സ സര്വം ലഭതേ സ സര്വം ലഭതേ॥13॥
അഷ്ടൌ ബ്രാഹ്മണാന് സമ്യഗ്
ഗ്രാഹയിത്വാ സൂര്യവര്ചസ്വീ ഭവതി।
സൂര്യഗ്രഹേ മഹാനദ്യാം പ്രതിമാസന്നിധൌ
വാ ജപ്ത്വാ സിദ്ധമന്ത്രോ ഭവതി।
മഹാവിഘ്നാത് പ്രമുച്യതേ। മഹാദോഷാത് പ്രമുച്യതേ।
മഹാപാപാത് പ്രമുച്യതേ। മഹാപ്രത്യവായാത് പ്രമുച്യതേ।
സ സര്വവിദ്ഭവതി സ സര്വവിദ്ഭവതി।
യ ഏവം വേദ। ഇത്യുപനിഷത്॥14॥
ഓം ഭദ്രം കര്ണേഭിഃ ശൃണുയാമദേവാഃ ഭദ്രം പശ്യേമാക്ഷഭിര്യജത്രാഃ।
സ്ഥിരൈരങ്ഗൈസ്തുഷ്ടുവാ സസ്തനൂഭിഃവ്യശേമ ദേവഹിതം യദായുഃ॥
സ്വസ്തി ന ഇന്ദ്രോ വൃദ്ധശ്രവാഃസ്വസ്തി നഃ പൂഷാ വിശ്വവേദാഃ।
സ്വസ്തി നസ്താര്ക്ഷ്യോ അരിഷ്ടനേമിഃസ്വസ്തി നോ ബൃഹസ്പതിര്ദധാതു॥
ഓം ശാന്തിഃ! ശാന്തിഃ!! ശാന്തിഃ!!!
॥ ഇതി ശ്രീഗണപത്യഥര്വശീര്ഷം സമാപ്തമ് ॥

More Ganesha Stotras

गणपति गकार अष्टोत्तर शत नामावलि
Ganapati Gakara Ashtottara Shatanavali
गणपति गकार अष्टोत्तर शतनाम स्तोत्रम्
Ganapati Gakara Ashtottara Shatanama Stotram
गणपति माला मन्त्रम्
Ganapati Mala Mantram
गणपति नित्य पूजा विधानम्
Ganapati Nitya Puja Vidhanam
गणपति प्रार्थन घनपाठः
Ganapati Prarthana Ghanapatha
श्री गणपति स्तोत्रम्
Ganapati Stotram
श्रीगणेश आरती (कपोल झरती मदें)
Ganesh Aarti (Kapol Jharati)
गणपति की सेवा मंगल मेवा आरती
Ganesh Ji Ki Aarti
View All Ganesha Collection →

Also Chanted For

Removing ObstaclesKnowledge & Wisdom

Explore More

Ganesha CollectionWealthObstaclesHealthProtectionWisdomHome