Lord Ganesha

শ্ৰী গণেশ হৃদযম্

(Sri Ganesa Hrdayam in Assamese)

Also known as ganesha hrudayam · shri ganesa hrdayam · shree ganesa hrdayam

Language:Sanskrit
Translation:English

A heart of Ganesha from the Mudgala Purana, spoken by Shiva, and its closing verse says what kind of text it is: the heart of the seventy-three names, given together with the meaning of each, so that whoever understands them becomes of the nature of the supreme brahman. It is a glossary as much as a hymn. Its apparatus is unusual in what it picks — Shambhu for the seer, various metres rather than one, Ganesha as the lord of his own bliss for the deity, gam for the seed, and for the power the feminine form of knowledge itself; the pin is nada, sound. What follows works name by name with each sense unfolded, and the whole is offered as the thing that gives every accomplishment and brings peace quickly to whoever practises it.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
অথ শ্ৰী গণেশ হৃদযম্
শিৱ উৱাচ।
গণেশহৃদযং ৱক্ষ্যে সৰ্ৱসিদ্ধিপ্ৰদাযকম্ ।
সাধকায মহাভাগাঃ শীঘ্ৰেণ শান্তিদং পৰম্ ॥ ১ ॥
ৱিনিযোগঃ ।
অস্য শ্ৰীগণেশহৃদযস্তোত্ৰমন্ত্ৰস্য শম্ভুৰৃষিঃ । নানাৱিধানি ছন্দাংসি ।
শ্ৰীমত্স্ৱানন্দেশো গণেশো দেৱতা । গমিতি বীজম্ । জ্ঞানাত্মিকা শক্তিঃ । নাদঃ কীলকম্ ।
শ্ৰীগণপতিপ্ৰীত্যৰ্থমভীষ্টসিদ্ধ্যৰ্থং জপে ৱিনিযোগঃ । গাং গীমিতি ন্যাসঃ ।
ধ্যানম্ ।
সিন্দূৰাভং ত্ৰিনেত্ৰং পৃথুতৰজঠৰং ৰক্তৱস্ত্ৰাৱৃতং তং
পাশং চৈৱাঙ্কুশং ৱৈ ৰদনমভযদং পাণিভিঃ সন্দধানম্ ॥
সিদ্ধ্যা বুদ্ধ্যা চ শ্লিষ্টং গজৱদনমহং চিন্তযে হ্যেকদন্তং
নানাভূষাভিৰামং নিজজনসুখদং নাভিশেষং গণেশম্ ॥ ২ ॥
স্তোত্ৰম্ ।
ওং গণেশমেকদন্তং চ চিন্তামণিং ৱিনাযকম্ ।
ঢুণ্ঢিৰাজং মযূৰেশং লম্বোদৰং গজাননম্ ॥ ১ ॥
হেৰম্বং ৱক্ৰতুণ্ডং চ জ্যেষ্ঠৰাজং নিজস্থিতম্ ।
আশাপূৰং তু ৱৰদং ৱিকটং ধৰণীধৰম্ ॥ ২ ॥
সিদ্ধিবুদ্ধিপতিং ৱন্দে ব্ৰহ্মণস্পতিসঞ্জ্ঞিতম্ ।
মাঙ্গল্যেশং সৰ্ৱপূজ্যং ৱিঘ্নানাং নাযকং পৰম্ ॥ ৩ ॥
একৱিংশতি নামানি গণেশস্য মহাত্মনঃ ।
অৰ্থেন সম্যূতান্যেৱ হৃদযং পৰিকীৰ্তিতম্ ॥ ৪ ॥
গকাৰৰূপং ৱিৱিধং চৰাচৰং
ণকাৰগং ব্ৰহ্ম তথা পৰাত্পৰম্ ।
তযোঃ স্থিতাস্তস্য গণাঃ প্ৰকীৰ্তিতা
গণেশমেকং প্ৰণমাম্যহং পৰম্ ॥ ৫ ॥
মাযাস্ৱৰূপং তু সদৈকৱাচকং
দন্তঃ পৰো মাযিকৰূপধাৰকঃ ।
যোগে তযোৰেকৰদং সুমানিনি
ধীস্থং নতোঽহং জনভক্তিলালসম্ ॥ ৬ ॥
চিত্তপ্ৰকাশং ৱিৱিধেষু সংস্থং
লেপাৱলেপাদিৱিৱৰ্জিতং চ ।
ভোগৈৰ্ৱিহীনং ত্ৱথ ভোগকাৰকং
চিন্তামণিং তং প্ৰণমামি নিত্যম্ ॥ ৭ ॥
ৱিনাযকং নাযকৱৰ্জিতং প্ৰিযে
ৱিশেষতো নাযকমীশ্ৱৰাত্মনাম্ ।
নিৰঙ্কুশং তং প্ৰণমামি সৰ্ৱদং
সদাত্মকং ভাৱযুতেন চেতসা ॥ ৮ ॥
ৱেদাঃ পুৰাণানি মহেশ্ৱৰাদিকাঃ
শাস্ত্ৰাণি যোগীশ্ৱৰদেৱমানৱাঃ ।
নাগাসুৰা ব্ৰহ্মগণাশ্চ জন্তৱো
ঢুণ্ঢন্তি ৱন্দে ত্ৱথ ঢুণ্ঢিৰাজকম্ ॥ ৯ ॥
মাযাৰ্থৱাচ্যো মযূৰপ্ৰভাৱো
নানাভ্ৰমাৰ্থং প্ৰকৰোতি তেন ।
তস্মান্মযূৰেশমথো ৱদন্তি
নমামি মাযাপতিমাসমন্তাত্ ॥ ১০ ॥
যস্যোদৰাদ্ৱিশ্ৱমিদং প্ৰসূতং
ব্ৰহ্মাণি তদ্ৱজ্জঠৰে স্থিতানি ।
আনন্ত্যৰূপং জঠৰং হি যস্য
লম্বোদৰং তং প্ৰণতোঽস্মি নিত্যম্ ॥ ১১ ॥
জগদ্গলাধো গণনাযকস্য
গজাত্মকং ব্ৰহ্ম শিৰঃ পৰেশম্ ।
তযোশ্চ যোগে প্ৰৱদন্তি সৰ্ৱে
গজাননং তং প্ৰণমামি নিত্যম্ ॥ ১২ ॥
দীনাৰ্থৱাচ্যস্ত্ৱথ হেৰ্জগচ্চ
ব্ৰহ্মাৰ্থৱাচ্যো নিগমেষু ৰম্বঃ ।
তত্পালকত্ৱাচ্চ তযোঃ প্ৰযোগে
হেৰম্বমেকং প্ৰণমামি নিত্যম্ ॥ ১৩ ॥
ৱিশ্ৱাত্মকং যস্য শৰীৰমেকং
তস্মাচ্চ ৱক্ত্ৰং পৰমাত্মৰূপম্ ।
তুণ্ডং তদেৱং হি তযোঃ প্ৰযোগে
তং ৱক্ৰতুণ্ডং প্ৰণমামি নিত্যম্ ॥ ১৪ ॥
মাতাপিতাঽযং জগতাং পৰেষাং
তস্যাপি মাতাজনকাদিকং ন ।
শ্ৰেষ্ঠং ৱদন্তি নিগমাঃ পৰেশং
তং জ্যেষ্ঠৰাজং প্ৰণমামি নিত্যম্ ॥ ১৫ ॥
নানা চতুঃস্থং ৱিৱিধাত্মকেন
সম্যোগৰূপেণ নিজস্ৱৰূপম্ ।
পূৰ্ণস্য সা পূৰ্ণসমাধিৰূপা
স্ৱানন্দনাথং প্ৰণমামি চাতঃ ॥ ১৬ ॥
মনোৰথান্ পূৰযতীহ গঙ্গে
চৰাচৰাণাং জগতাং পৰেষাম্ ।
অতো গণেশং প্ৰৱদন্তি চাশা-
-প্ৰপূৰকং তং প্ৰণমামি নিত্যম্ ॥ ১৭ ॥
ৱৰৈঃ সমস্থাপিতমেৱ সৰ্ৱং
ৱিশ্ৱং তথা ব্ৰহ্মৱিহাৰিণা চ ।
অতঃ পৰং ৱিপ্ৰমুখা ৱদন্তি
ৱৰপ্ৰদং তং ৱৰদং নতোঽস্মি ॥ ১৮ ॥
মাযামযং সৰ্ৱমিদং ৱিভাতি
মিথ্যাস্ৱৰূপং ভ্ৰমদাযকং চ ।
তস্মাত্পৰং ব্ৰহ্ম ৱদন্তি সত্য-
-মেনং পৰেশং ৱিকটং নমামি ॥ ১৯ ॥
চিত্তস্য প্ৰোক্তা মুনিভিঃ পৃথিৱ্যো
নানাৱিধা যোগিভিৰেৱ গঙ্গে ।
তাসাং সদা ধাৰক এষ ৱন্দে
চাহং হি ধৰণীধৰমাদিভূতম্ ॥ ২০ ॥
ৱিশ্ৱাত্মিকা ব্ৰহ্মমযী হি বুদ্ধিঃ
তস্যা ৱিমোহপ্ৰদিকা চ সিদ্ধিঃ ।
তাভ্যাং সদা খেলতি যোগনাথঃ
তং সিদ্ধিবুদ্ধীশমথো নমামি ॥ ২১ ॥
অসত্যসত্সাম্যতুৰীযনৈজ-
-গনিৱৃত্তিব্ৰহ্মাণি ৱিৰচ্য খেলকঃ ।
সদা স্ৱযং যোগমযেন ভাতি
তমানতোঽহং ত্ৱথ ব্ৰহ্মণস্পতিম্ ॥ ২২ ॥
অমঙ্গলং ৱিশ্ৱমিদং সহাত্মভিঃ
অযোগসম্যোগযুতং প্ৰণশ্ৱৰম্ ।
ততঃ পৰং মঙ্গলৰূপধাৰকং
নমামি মাঙ্গল্যপতিং সুশান্তিদম্ ॥ ২৩ ॥
সৰ্ৱত্ৰমান্যং সকলাৱভাসকং
সুজ্ঞৈঃ শুভাদাৱশুভাদিপূজিতম্ ।
পূজ্যং ন তস্মান্নিগমাদিসম্মতং
তং সৰ্ৱপূজ্যং প্ৰণতোঽস্মি নিত্যম্ ॥ ২৪ ॥
ভুক্তিং চ মুক্তিং চ দদাতি তুষ্টো
যো ৱিঘ্নহা ভক্তিপ্ৰিযো নিজেভ্যঃ ।
ভক্ত্যা ৱিহীনায দদাতি ৱিঘ্নান্
তং ৱিঘ্নৰাজং প্ৰণমামি নিত্যম্ ॥ ২৫ ॥
নামাৰ্থযুক্তং কথিতং প্ৰিযে তে
ৱিঘ্নেশ্ৱৰস্যৈৱ পৰং ৰহস্যম্ ।
সপ্তত্ৰিনাম্নাং হৃদযং নৰো যো
জ্ঞাত্ৱা পৰং ব্ৰহ্মমযো ভৱেদিহ ॥ ২৬ ॥
ইতি শ্ৰীমুদ্গলপুৰাণে গণেশহৃদয স্তোত্ৰম্ ।

More Ganesha Stotras

श्री गणेश-लक्ष्मी स्तोत्र
Ganesha Lakshmi Stotra
गणेश महिम्ना स्तोत्रम्
Ganesha Mahimna Stotram
गणेश मानस पूजा
Ganesha Manasa Puja
गणेश मङ्गलाष्टकम्
Ganesha Mangalashtakam
गणेश पञ्चरत्नम्
Ganesha Pancharatnam
श्री गणेश प्रातः स्मरणम्
Sri Ganesa Pratah Smaranam
गणेश षोडश नामावलि, षोडशनाम स्तोत्रम्
Ganesha Shodasha Namavali
श्री वाल्मीकि कृत श्रीगणेश स्तोत्र
Ganesha Stavan Hymns to Lord Ganesha
View All Ganesha Collection →

Explore More

Ganesha CollectionWealthObstaclesHealthProtectionWisdomHome