Lord Ganesha

శ్రీ గణేశ హృదయమ్

(Sri Ganesa Hrdayam in Telugu)

Also known as ganesha hrudayam · shri ganesa hrdayam · shree ganesa hrdayam

Language:Sanskrit
Translation:English

A heart of Ganesha from the Mudgala Purana, spoken by Shiva, and its closing verse says what kind of text it is: the heart of the seventy-three names, given together with the meaning of each, so that whoever understands them becomes of the nature of the supreme brahman. It is a glossary as much as a hymn. Its apparatus is unusual in what it picks — Shambhu for the seer, various metres rather than one, Ganesha as the lord of his own bliss for the deity, gam for the seed, and for the power the feminine form of knowledge itself; the pin is nada, sound. What follows works name by name with each sense unfolded, and the whole is offered as the thing that gives every accomplishment and brings peace quickly to whoever practises it.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
అథ శ్రీ గణేశ హృదయమ్
శివ ఉవాచ।
గణేశహృదయం వక్ష్యే సర్వసిద్ధిప్రదాయకమ్ ।
సాధకాయ మహాభాగాః శీఘ్రేణ శాన్తిదం పరమ్ ॥ ౧ ॥
వినియోగః ।
అస్య శ్రీగణేశహృదయస్తోత్రమన్త్రస్య శమ్భురృషిః । నానావిధాని ఛన్దాంసి ।
శ్రీమత్స్వానన్దేశో గణేశో దేవతా । గమితి బీజమ్ । జ్ఞానాత్మికా శక్తిః । నాదః కీలకమ్ ।
శ్రీగణపతిప్రీత్యర్థమభీష్టసిద్ధ్యర్థం జపే వినియోగః । గాం గీమితి న్యాసః ।
ధ్యానమ్ ।
సిన్దూరాభం త్రినేత్రం పృథుతరజఠరం రక్తవస్త్రావృతం తం
పాశం చైవాఙ్కుశం వై రదనమభయదం పాణిభిః సన్దధానమ్ ॥
సిద్ధ్యా బుద్ధ్యా చ శ్లిష్టం గజవదనమహం చిన్తయే హ్యేకదన్తం
నానాభూషాభిరామం నిజజనసుఖదం నాభిశేషం గణేశమ్ ॥ ౨ ॥
స్తోత్రమ్ ।
ఓం గణేశమేకదన్తం చ చిన్తామణిం వినాయకమ్ ।
ఢుణ్ఢిరాజం మయూరేశం లమ్బోదరం గజాననమ్ ॥ ౧ ॥
హేరమ్బం వక్రతుణ్డం చ జ్యేష్ఠరాజం నిజస్థితమ్ ।
ఆశాపూరం తు వరదం వికటం ధరణీధరమ్ ॥ ౨ ॥
సిద్ధిబుద్ధిపతిం వన్దే బ్రహ్మణస్పతిసఞ్జ్ఞితమ్ ।
మాఙ్గల్యేశం సర్వపూజ్యం విఘ్నానాం నాయకం పరమ్ ॥ ౩ ॥
ఏకవింశతి నామాని గణేశస్య మహాత్మనః ।
అర్థేన సమ్యూతాన్యేవ హృదయం పరికీర్తితమ్ ॥ ౪ ॥
గకారరూపం వివిధం చరాచరం
ణకారగం బ్రహ్మ తథా పరాత్పరమ్ ।
తయోః స్థితాస్తస్య గణాః ప్రకీర్తితా
గణేశమేకం ప్రణమామ్యహం పరమ్ ॥ ౫ ॥
మాయాస్వరూపం తు సదైకవాచకం
దన్తః పరో మాయికరూపధారకః ।
యోగే తయోరేకరదం సుమానిని
ధీస్థం నతోఽహం జనభక్తిలాలసమ్ ॥ ౬ ॥
చిత్తప్రకాశం వివిధేషు సంస్థం
లేపావలేపాదివివర్జితం చ ।
భోగైర్విహీనం త్వథ భోగకారకం
చిన్తామణిం తం ప్రణమామి నిత్యమ్ ॥ ౭ ॥
వినాయకం నాయకవర్జితం ప్రియే
విశేషతో నాయకమీశ్వరాత్మనామ్ ।
నిరఙ్కుశం తం ప్రణమామి సర్వదం
సదాత్మకం భావయుతేన చేతసా ॥ ౮ ॥
వేదాః పురాణాని మహేశ్వరాదికాః
శాస్త్రాణి యోగీశ్వరదేవమానవాః ।
నాగాసురా బ్రహ్మగణాశ్చ జన్తవో
ఢుణ్ఢన్తి వన్దే త్వథ ఢుణ్ఢిరాజకమ్ ॥ ౯ ॥
మాయార్థవాచ్యో మయూరప్రభావో
నానాభ్రమార్థం ప్రకరోతి తేన ।
తస్మాన్మయూరేశమథో వదన్తి
నమామి మాయాపతిమాసమన్తాత్ ॥ ౧౦ ॥
యస్యోదరాద్విశ్వమిదం ప్రసూతం
బ్రహ్మాణి తద్వజ్జఠరే స్థితాని ।
ఆనన్త్యరూపం జఠరం హి యస్య
లమ్బోదరం తం ప్రణతోఽస్మి నిత్యమ్ ॥ ౧౧ ॥
జగద్గలాధో గణనాయకస్య
గజాత్మకం బ్రహ్మ శిరః పరేశమ్ ।
తయోశ్చ యోగే ప్రవదన్తి సర్వే
గజాననం తం ప్రణమామి నిత్యమ్ ॥ ౧౨ ॥
దీనార్థవాచ్యస్త్వథ హేర్జగచ్చ
బ్రహ్మార్థవాచ్యో నిగమేషు రమ్బః ।
తత్పాలకత్వాచ్చ తయోః ప్రయోగే
హేరమ్బమేకం ప్రణమామి నిత్యమ్ ॥ ౧౩ ॥
విశ్వాత్మకం యస్య శరీరమేకం
తస్మాచ్చ వక్త్రం పరమాత్మరూపమ్ ।
తుణ్డం తదేవం హి తయోః ప్రయోగే
తం వక్రతుణ్డం ప్రణమామి నిత్యమ్ ॥ ౧౪ ॥
మాతాపితాఽయం జగతాం పరేషాం
తస్యాపి మాతాజనకాదికం న ।
శ్రేష్ఠం వదన్తి నిగమాః పరేశం
తం జ్యేష్ఠరాజం ప్రణమామి నిత్యమ్ ॥ ౧౫ ॥
నానా చతుఃస్థం వివిధాత్మకేన
సమ్యోగరూపేణ నిజస్వరూపమ్ ।
పూర్ణస్య సా పూర్ణసమాధిరూపా
స్వానన్దనాథం ప్రణమామి చాతః ॥ ౧౬ ॥
మనోరథాన్ పూరయతీహ గఙ్గే
చరాచరాణాం జగతాం పరేషామ్ ।
అతో గణేశం ప్రవదన్తి చాశా-
-ప్రపూరకం తం ప్రణమామి నిత్యమ్ ॥ ౧౭ ॥
వరైః సమస్థాపితమేవ సర్వం
విశ్వం తథా బ్రహ్మవిహారిణా చ ।
అతః పరం విప్రముఖా వదన్తి
వరప్రదం తం వరదం నతోఽస్మి ॥ ౧౮ ॥
మాయామయం సర్వమిదం విభాతి
మిథ్యాస్వరూపం భ్రమదాయకం చ ।
తస్మాత్పరం బ్రహ్మ వదన్తి సత్య-
-మేనం పరేశం వికటం నమామి ॥ ౧౯ ॥
చిత్తస్య ప్రోక్తా మునిభిః పృథివ్యో
నానావిధా యోగిభిరేవ గఙ్గే ।
తాసాం సదా ధారక ఏష వన్దే
చాహం హి ధరణీధరమాదిభూతమ్ ॥ ౨౦ ॥
విశ్వాత్మికా బ్రహ్మమయీ హి బుద్ధిః
తస్యా విమోహప్రదికా చ సిద్ధిః ।
తాభ్యాం సదా ఖేలతి యోగనాథః
తం సిద్ధిబుద్ధీశమథో నమామి ॥ ౨౧ ॥
అసత్యసత్సామ్యతురీయనైజ-
-గనివృత్తిబ్రహ్మాణి విరచ్య ఖేలకః ।
సదా స్వయం యోగమయేన భాతి
తమానతోఽహం త్వథ బ్రహ్మణస్పతిమ్ ॥ ౨౨ ॥
అమఙ్గలం విశ్వమిదం సహాత్మభిః
అయోగసమ్యోగయుతం ప్రణశ్వరమ్ ।
తతః పరం మఙ్గలరూపధారకం
నమామి మాఙ్గల్యపతిం సుశాన్తిదమ్ ॥ ౨౩ ॥
సర్వత్రమాన్యం సకలావభాసకం
సుజ్ఞైః శుభాదావశుభాదిపూజితమ్ ।
పూజ్యం న తస్మాన్నిగమాదిసమ్మతం
తం సర్వపూజ్యం ప్రణతోఽస్మి నిత్యమ్ ॥ ౨౪ ॥
భుక్తిం చ ముక్తిం చ దదాతి తుష్టో
యో విఘ్నహా భక్తిప్రియో నిజేభ్యః ।
భక్త్యా విహీనాయ దదాతి విఘ్నాన్
తం విఘ్నరాజం ప్రణమామి నిత్యమ్ ॥ ౨౫ ॥
నామార్థయుక్తం కథితం ప్రియే తే
విఘ్నేశ్వరస్యైవ పరం రహస్యమ్ ।
సప్తత్రినామ్నాం హృదయం నరో యో
జ్ఞాత్వా పరం బ్రహ్మమయో భవేదిహ ॥ ౨౬ ॥
ఇతి శ్రీముద్గలపురాణే గణేశహృదయ స్తోత్రమ్ ।

More Ganesha Stotras

श्री गणेश-लक्ष्मी स्तोत्र
Ganesha Lakshmi Stotra
गणेश महिम्ना स्तोत्रम्
Ganesha Mahimna Stotram
गणेश मानस पूजा
Ganesha Manasa Puja
गणेश मङ्गलाष्टकम्
Ganesha Mangalashtakam
गणेश पञ्चरत्नम्
Ganesha Pancharatnam
श्री गणेश प्रातः स्मरणम्
Sri Ganesa Pratah Smaranam
गणेश षोडश नामावलि, षोडशनाम स्तोत्रम्
Ganesha Shodasha Namavali
श्री वाल्मीकि कृत श्रीगणेश स्तोत्र
Ganesha Stavan Hymns to Lord Ganesha
View All Ganesha Collection →

Explore More

Ganesha CollectionWealthObstaclesHealthProtectionWisdomHome