What is Sri Ganesa Hrdayam?

Read Sri Ganesa Hrdayam in Malayalam script — full lyrics with English meaning and transliteration. A heart of Ganesha from the Mudgala Purana, spoken by Shiva, and its closing verse says what kind of text it is: the heart of the seventy-three names, given together with the meaning of each, so that whoever understands them becomes of the nature of the supreme brahman. It is a glossary as much as a hymn. Its apparatus is unusual in what it picks — Shambhu for the seer, various metres rather than one, Ganesha as the lord of his own bliss for the deity, gam for the seed, and for the power the feminine form of knowledge itself; the pin is nada, sound. What follows works name by name with each sense unfolded, and the whole is offered as the thing that gives every accomplishment and brings peace quickly to whoever practises it.

Which deity is Sri Ganesa Hrdayam dedicated to?

Sri Ganesa Hrdayam is a Sanskrit hymn dedicated to Lord Ganesha.

Sri Ganesa Hrdayam in Malayalam – Meaning & Word-by-Word

അഥ ശ്രീ ഗണേശ ഹൃദയമ്

ശിവ ഉവാച।

ഗണേശഹൃദയം വക്ഷ്യേ സര്വസിദ്ധിപ്രദായകമ് ।
സാധകായ മഹാഭാഗാഃ ശീഘ്രേണ ശാന്തിദം പരമ് ॥ ൧ ॥

വിനിയോഗഃ ।
അസ്യ ശ്രീഗണേശഹൃദയസ്തോത്രമന്ത്രസ്യ ശമ്ഭുരൃഷിഃ । നാനാവിധാനി ഛന്ദാംസി ।
ശ്രീമത്സ്വാനന്ദേശോ ഗണേശോ ദേവതാ । ഗമിതി ബീജമ് । ജ്ഞാനാത്മികാ ശക്തിഃ । നാദഃ കീലകമ് ।
ശ്രീഗണപതിപ്രീത്യര്ഥമഭീഷ്ടസിദ്ധ്യര്ഥം ജപേ വിനിയോഗഃ । ഗാം ഗീമിതി ന്യാസഃ ।

ധ്യാനമ് ।
സിന്ദൂരാഭം ത്രിനേത്രം പൃഥുതരജഠരം രക്തവസ്ത്രാവൃതം തം
പാശം ചൈവാങ്കുശം വൈ രദനമഭയദം പാണിഭിഃ സന്ദധാനമ് ॥
സിദ്ധ്യാ ബുദ്ധ്യാ ച ശ്ലിഷ്ടം ഗജവദനമഹം ചിന്തയേ ഹ്യേകദന്തം
നാനാഭൂഷാഭിരാമം നിജജനസുഖദം നാഭിശേഷം ഗണേശമ് ॥ ൨ ॥

സ്തോത്രമ് ।

ഓം ഗണേശമേകദന്തം ച ചിന്താമണിം വിനായകമ് ।
ഢുണ്ഢിരാജം മയൂരേശം ലമ്ബോദരം ഗജാനനമ് ॥ ൧ ॥

ഹേരമ്ബം വക്രതുണ്ഡം ച ജ്യേഷ്ഠരാജം നിജസ്ഥിതമ് ।
ആശാപൂരം തു വരദം വികടം ധരണീധരമ് ॥ ൨ ॥

സിദ്ധിബുദ്ധിപതിം വന്ദേ ബ്രഹ്മണസ്പതിസഞ്ജ്ഞിതമ് ।
മാങ്ഗല്യേശം സര്വപൂജ്യം വിഘ്നാനാം നായകം പരമ് ॥ ൩ ॥

ഏകവിംശതി നാമാനി ഗണേശസ്യ മഹാത്മനഃ ।
അര്ഥേന സമ്യൂതാന്യേവ ഹൃദയം പരികീര്തിതമ് ॥ ൪ ॥

ഗകാരരൂപം വിവിധം ചരാചരം
ണകാരഗം ബ്രഹ്മ തഥാ പരാത്പരമ് ।
തയോഃ സ്ഥിതാസ്തസ്യ ഗണാഃ പ്രകീര്തിതാ
ഗണേശമേകം പ്രണമാമ്യഹം പരമ് ॥ ൫ ॥

മായാസ്വരൂപം തു സദൈകവാചകം
ദന്തഃ പരോ മായികരൂപധാരകഃ ।
യോഗേ തയോരേകരദം സുമാനിനി
ധീസ്ഥം നതോഽഹം ജനഭക്തിലാലസമ് ॥ ൬ ॥

ചിത്തപ്രകാശം വിവിധേഷു സംസ്ഥം
ലേപാവലേപാദിവിവര്ജിതം ച ।
ഭോഗൈര്വിഹീനം ത്വഥ ഭോഗകാരകം
ചിന്താമണിം തം പ്രണമാമി നിത്യമ് ॥ ൭ ॥

വിനായകം നായകവര്ജിതം പ്രിയേ
വിശേഷതോ നായകമീശ്വരാത്മനാമ് ।
നിരങ്കുശം തം പ്രണമാമി സര്വദം
സദാത്മകം ഭാവയുതേന ചേതസാ ॥ ൮ ॥

വേദാഃ പുരാണാനി മഹേശ്വരാദികാഃ
ശാസ്ത്രാണി യോഗീശ്വരദേവമാനവാഃ ।
നാഗാസുരാ ബ്രഹ്മഗണാശ്ച ജന്തവോ
ഢുണ്ഢന്തി വന്ദേ ത്വഥ ഢുണ്ഢിരാജകമ് ॥ ൯ ॥

മായാര്ഥവാച്യോ മയൂരപ്രഭാവോ
നാനാഭ്രമാര്ഥം പ്രകരോതി തേന ।
തസ്മാന്മയൂരേശമഥോ വദന്തി
നമാമി മായാപതിമാസമന്താത് ॥ ൧൦ ॥

യസ്യോദരാദ്വിശ്വമിദം പ്രസൂതം
ബ്രഹ്മാണി തദ്വജ്ജഠരേ സ്ഥിതാനി ।
ആനന്ത്യരൂപം ജഠരം ഹി യസ്യ
ലമ്ബോദരം തം പ്രണതോഽസ്മി നിത്യമ് ॥ ൧൧ ॥

ജഗദ്ഗലാധോ ഗണനായകസ്യ
ഗജാത്മകം ബ്രഹ്മ ശിരഃ പരേശമ് ।
തയോശ്ച യോഗേ പ്രവദന്തി സര്വേ
ഗജാനനം തം പ്രണമാമി നിത്യമ് ॥ ൧൨ ॥

ദീനാര്ഥവാച്യസ്ത്വഥ ഹേര്ജഗച്ച
ബ്രഹ്മാര്ഥവാച്യോ നിഗമേഷു രമ്ബഃ ।
തത്പാലകത്വാച്ച തയോഃ പ്രയോഗേ
ഹേരമ്ബമേകം പ്രണമാമി നിത്യമ് ॥ ൧൩ ॥

വിശ്വാത്മകം യസ്യ ശരീരമേകം
തസ്മാച്ച വക്ത്രം പരമാത്മരൂപമ് ।
തുണ്ഡം തദേവം ഹി തയോഃ പ്രയോഗേ
തം വക്രതുണ്ഡം പ്രണമാമി നിത്യമ് ॥ ൧൪ ॥

മാതാപിതാഽയം ജഗതാം പരേഷാം
തസ്യാപി മാതാജനകാദികം ന ।
ശ്രേഷ്ഠം വദന്തി നിഗമാഃ പരേശം
തം ജ്യേഷ്ഠരാജം പ്രണമാമി നിത്യമ് ॥ ൧൫ ॥

നാനാ ചതുഃസ്ഥം വിവിധാത്മകേന
സമ്യോഗരൂപേണ നിജസ്വരൂപമ് ।
പൂര്ണസ്യ സാ പൂര്ണസമാധിരൂപാ
സ്വാനന്ദനാഥം പ്രണമാമി ചാതഃ ॥ ൧൬ ॥

മനോരഥാന് പൂരയതീഹ ഗങ്ഗേ
ചരാചരാണാം ജഗതാം പരേഷാമ് ।
അതോ ഗണേശം പ്രവദന്തി ചാശാ-
-പ്രപൂരകം തം പ്രണമാമി നിത്യമ് ॥ ൧൭ ॥

വരൈഃ സമസ്ഥാപിതമേവ സര്വം
വിശ്വം തഥാ ബ്രഹ്മവിഹാരിണാ ച ।
അതഃ പരം വിപ്രമുഖാ വദന്തി
വരപ്രദം തം വരദം നതോഽസ്മി ॥ ൧൮ ॥

മായാമയം സര്വമിദം വിഭാതി
മിഥ്യാസ്വരൂപം ഭ്രമദായകം ച ।
തസ്മാത്പരം ബ്രഹ്മ വദന്തി സത്യ-
-മേനം പരേശം വികടം നമാമി ॥ ൧൯ ॥

ചിത്തസ്യ പ്രോക്താ മുനിഭിഃ പൃഥിവ്യോ
നാനാവിധാ യോഗിഭിരേവ ഗങ്ഗേ ।
താസാം സദാ ധാരക ഏഷ വന്ദേ
ചാഹം ഹി ധരണീധരമാദിഭൂതമ് ॥ ൨൦ ॥

വിശ്വാത്മികാ ബ്രഹ്മമയീ ഹി ബുദ്ധിഃ
തസ്യാ വിമോഹപ്രദികാ ച സിദ്ധിഃ ।
താഭ്യാം സദാ ഖേലതി യോഗനാഥഃ
തം സിദ്ധിബുദ്ധീശമഥോ നമാമി ॥ ൨൧ ॥

അസത്യസത്സാമ്യതുരീയനൈജ-
-ഗനിവൃത്തിബ്രഹ്മാണി വിരച്യ ഖേലകഃ ।
സദാ സ്വയം യോഗമയേന ഭാതി
തമാനതോഽഹം ത്വഥ ബ്രഹ്മണസ്പതിമ് ॥ ൨൨ ॥

അമങ്ഗലം വിശ്വമിദം സഹാത്മഭിഃ
അയോഗസമ്യോഗയുതം പ്രണശ്വരമ് ।
തതഃ പരം മങ്ഗലരൂപധാരകം
നമാമി മാങ്ഗല്യപതിം സുശാന്തിദമ് ॥ ൨൩ ॥

സര്വത്രമാന്യം സകലാവഭാസകം
സുജ്ഞൈഃ ശുഭാദാവശുഭാദിപൂജിതമ് ।
പൂജ്യം ന തസ്മാന്നിഗമാദിസമ്മതം
തം സര്വപൂജ്യം പ്രണതോഽസ്മി നിത്യമ് ॥ ൨൪ ॥

ഭുക്തിം ച മുക്തിം ച ദദാതി തുഷ്ടോ
യോ വിഘ്നഹാ ഭക്തിപ്രിയോ നിജേഭ്യഃ ।
ഭക്ത്യാ വിഹീനായ ദദാതി വിഘ്നാന്
തം വിഘ്നരാജം പ്രണമാമി നിത്യമ് ॥ ൨൫ ॥

നാമാര്ഥയുക്തം കഥിതം പ്രിയേ തേ
വിഘ്നേശ്വരസ്യൈവ പരം രഹസ്യമ് ।
സപ്തത്രിനാമ്നാം ഹൃദയം നരോ യോ
ജ്ഞാത്വാ പരം ബ്രഹ്മമയോ ഭവേദിഹ ॥ ൨൬ ॥

ഇതി ശ്രീമുദ്ഗലപുരാണേ ഗണേശഹൃദയ സ്തോത്രമ് ।

More Ganesha Stotras

Explore More