What is Sri Ganesa Hrdayam?

Read Sri Ganesa Hrdayam in Kannada script — full lyrics with English meaning and transliteration. A heart of Ganesha from the Mudgala Purana, spoken by Shiva, and its closing verse says what kind of text it is: the heart of the seventy-three names, given together with the meaning of each, so that whoever understands them becomes of the nature of the supreme brahman. It is a glossary as much as a hymn. Its apparatus is unusual in what it picks — Shambhu for the seer, various metres rather than one, Ganesha as the lord of his own bliss for the deity, gam for the seed, and for the power the feminine form of knowledge itself; the pin is nada, sound. What follows works name by name with each sense unfolded, and the whole is offered as the thing that gives every accomplishment and brings peace quickly to whoever practises it.

Which deity is Sri Ganesa Hrdayam dedicated to?

Sri Ganesa Hrdayam is a Sanskrit hymn dedicated to Lord Ganesha.

Sri Ganesa Hrdayam in Kannada – Meaning & Word-by-Word

ಅಥ ಶ್ರೀ ಗಣೇಶ ಹೃದಯಮ್

ಶಿವ ಉವಾಚ।

ಗಣೇಶಹೃದಯಂ ವಕ್ಷ್ಯೇ ಸರ್ವಸಿದ್ಧಿಪ್ರದಾಯಕಮ್ ।
ಸಾಧಕಾಯ ಮಹಾಭಾಗಾಃ ಶೀಘ್ರೇಣ ಶಾನ್ತಿದಂ ಪರಮ್ ॥ ೧ ॥

ವಿನಿಯೋಗಃ ।
ಅಸ್ಯ ಶ್ರೀಗಣೇಶಹೃದಯಸ್ತೋತ್ರಮನ್ತ್ರಸ್ಯ ಶಮ್ಭುರೃಷಿಃ । ನಾನಾವಿಧಾನಿ ಛನ್ದಾಂಸಿ ।
ಶ್ರೀಮತ್ಸ್ವಾನನ್ದೇಶೋ ಗಣೇಶೋ ದೇವತಾ । ಗಮಿತಿ ಬೀಜಮ್ । ಜ್ಞಾನಾತ್ಮಿಕಾ ಶಕ್ತಿಃ । ನಾದಃ ಕೀಲಕಮ್ ।
ಶ್ರೀಗಣಪತಿಪ್ರೀತ್ಯರ್ಥಮಭೀಷ್ಟಸಿದ್ಧ್ಯರ್ಥಂ ಜಪೇ ವಿನಿಯೋಗಃ । ಗಾಂ ಗೀಮಿತಿ ನ್ಯಾಸಃ ।

ಧ್ಯಾನಮ್ ।
ಸಿನ್ದೂರಾಭಂ ತ್ರಿನೇತ್ರಂ ಪೃಥುತರಜಠರಂ ರಕ್ತವಸ್ತ್ರಾವೃತಂ ತಂ
ಪಾಶಂ ಚೈವಾಙ್ಕುಶಂ ವೈ ರದನಮಭಯದಂ ಪಾಣಿಭಿಃ ಸನ್ದಧಾನಮ್ ॥
ಸಿದ್ಧ್ಯಾ ಬುದ್ಧ್ಯಾ ಚ ಶ್ಲಿಷ್ಟಂ ಗಜವದನಮಹಂ ಚಿನ್ತಯೇ ಹ್ಯೇಕದನ್ತಂ
ನಾನಾಭೂಷಾಭಿರಾಮಂ ನಿಜಜನಸುಖದಂ ನಾಭಿಶೇಷಂ ಗಣೇಶಮ್ ॥ ೨ ॥

ಸ್ತೋತ್ರಮ್ ।

ಓಂ ಗಣೇಶಮೇಕದನ್ತಂ ಚ ಚಿನ್ತಾಮಣಿಂ ವಿನಾಯಕಮ್ ।
ಢುಣ್ಢಿರಾಜಂ ಮಯೂರೇಶಂ ಲಮ್ಬೋದರಂ ಗಜಾನನಮ್ ॥ ೧ ॥

ಹೇರಮ್ಬಂ ವಕ್ರತುಣ್ಡಂ ಚ ಜ್ಯೇಷ್ಠರಾಜಂ ನಿಜಸ್ಥಿತಮ್ ।
ಆಶಾಪೂರಂ ತು ವರದಂ ವಿಕಟಂ ಧರಣೀಧರಮ್ ॥ ೨ ॥

ಸಿದ್ಧಿಬುದ್ಧಿಪತಿಂ ವನ್ದೇ ಬ್ರಹ್ಮಣಸ್ಪತಿಸಞ್ಜ್ಞಿತಮ್ ।
ಮಾಙ್ಗಲ್ಯೇಶಂ ಸರ್ವಪೂಜ್ಯಂ ವಿಘ್ನಾನಾಂ ನಾಯಕಂ ಪರಮ್ ॥ ೩ ॥

ಏಕವಿಂಶತಿ ನಾಮಾನಿ ಗಣೇಶಸ್ಯ ಮಹಾತ್ಮನಃ ।
ಅರ್ಥೇನ ಸಮ್ಯೂತಾನ್ಯೇವ ಹೃದಯಂ ಪರಿಕೀರ್ತಿತಮ್ ॥ ೪ ॥

ಗಕಾರರೂಪಂ ವಿವಿಧಂ ಚರಾಚರಂ
ಣಕಾರಗಂ ಬ್ರಹ್ಮ ತಥಾ ಪರಾತ್ಪರಮ್ ।
ತಯೋಃ ಸ್ಥಿತಾಸ್ತಸ್ಯ ಗಣಾಃ ಪ್ರಕೀರ್ತಿತಾ
ಗಣೇಶಮೇಕಂ ಪ್ರಣಮಾಮ್ಯಹಂ ಪರಮ್ ॥ ೫ ॥

ಮಾಯಾಸ್ವರೂಪಂ ತು ಸದೈಕವಾಚಕಂ
ದನ್ತಃ ಪರೋ ಮಾಯಿಕರೂಪಧಾರಕಃ ।
ಯೋಗೇ ತಯೋರೇಕರದಂ ಸುಮಾನಿನಿ
ಧೀಸ್ಥಂ ನತೋಽಹಂ ಜನಭಕ್ತಿಲಾಲಸಮ್ ॥ ೬ ॥

ಚಿತ್ತಪ್ರಕಾಶಂ ವಿವಿಧೇಷು ಸಂಸ್ಥಂ
ಲೇಪಾವಲೇಪಾದಿವಿವರ್ಜಿತಂ ಚ ।
ಭೋಗೈರ್ವಿಹೀನಂ ತ್ವಥ ಭೋಗಕಾರಕಂ
ಚಿನ್ತಾಮಣಿಂ ತಂ ಪ್ರಣಮಾಮಿ ನಿತ್ಯಮ್ ॥ ೭ ॥

ವಿನಾಯಕಂ ನಾಯಕವರ್ಜಿತಂ ಪ್ರಿಯೇ
ವಿಶೇಷತೋ ನಾಯಕಮೀಶ್ವರಾತ್ಮನಾಮ್ ।
ನಿರಙ್ಕುಶಂ ತಂ ಪ್ರಣಮಾಮಿ ಸರ್ವದಂ
ಸದಾತ್ಮಕಂ ಭಾವಯುತೇನ ಚೇತಸಾ ॥ ೮ ॥

ವೇದಾಃ ಪುರಾಣಾನಿ ಮಹೇಶ್ವರಾದಿಕಾಃ
ಶಾಸ್ತ್ರಾಣಿ ಯೋಗೀಶ್ವರದೇವಮಾನವಾಃ ।
ನಾಗಾಸುರಾ ಬ್ರಹ್ಮಗಣಾಶ್ಚ ಜನ್ತವೋ
ಢುಣ್ಢನ್ತಿ ವನ್ದೇ ತ್ವಥ ಢುಣ್ಢಿರಾಜಕಮ್ ॥ ೯ ॥

ಮಾಯಾರ್ಥವಾಚ್ಯೋ ಮಯೂರಪ್ರಭಾವೋ
ನಾನಾಭ್ರಮಾರ್ಥಂ ಪ್ರಕರೋತಿ ತೇನ ।
ತಸ್ಮಾನ್ಮಯೂರೇಶಮಥೋ ವದನ್ತಿ
ನಮಾಮಿ ಮಾಯಾಪತಿಮಾಸಮನ್ತಾತ್ ॥ ೧೦ ॥

ಯಸ್ಯೋದರಾದ್ವಿಶ್ವಮಿದಂ ಪ್ರಸೂತಂ
ಬ್ರಹ್ಮಾಣಿ ತದ್ವಜ್ಜಠರೇ ಸ್ಥಿತಾನಿ ।
ಆನನ್ತ್ಯರೂಪಂ ಜಠರಂ ಹಿ ಯಸ್ಯ
ಲಮ್ಬೋದರಂ ತಂ ಪ್ರಣತೋಽಸ್ಮಿ ನಿತ್ಯಮ್ ॥ ೧೧ ॥

ಜಗದ್ಗಲಾಧೋ ಗಣನಾಯಕಸ್ಯ
ಗಜಾತ್ಮಕಂ ಬ್ರಹ್ಮ ಶಿರಃ ಪರೇಶಮ್ ।
ತಯೋಶ್ಚ ಯೋಗೇ ಪ್ರವದನ್ತಿ ಸರ್ವೇ
ಗಜಾನನಂ ತಂ ಪ್ರಣಮಾಮಿ ನಿತ್ಯಮ್ ॥ ೧೨ ॥

ದೀನಾರ್ಥವಾಚ್ಯಸ್ತ್ವಥ ಹೇರ್ಜಗಚ್ಚ
ಬ್ರಹ್ಮಾರ್ಥವಾಚ್ಯೋ ನಿಗಮೇಷು ರಮ್ಬಃ ।
ತತ್ಪಾಲಕತ್ವಾಚ್ಚ ತಯೋಃ ಪ್ರಯೋಗೇ
ಹೇರಮ್ಬಮೇಕಂ ಪ್ರಣಮಾಮಿ ನಿತ್ಯಮ್ ॥ ೧೩ ॥

ವಿಶ್ವಾತ್ಮಕಂ ಯಸ್ಯ ಶರೀರಮೇಕಂ
ತಸ್ಮಾಚ್ಚ ವಕ್ತ್ರಂ ಪರಮಾತ್ಮರೂಪಮ್ ।
ತುಣ್ಡಂ ತದೇವಂ ಹಿ ತಯೋಃ ಪ್ರಯೋಗೇ
ತಂ ವಕ್ರತುಣ್ಡಂ ಪ್ರಣಮಾಮಿ ನಿತ್ಯಮ್ ॥ ೧೪ ॥

ಮಾತಾಪಿತಾಽಯಂ ಜಗತಾಂ ಪರೇಷಾಂ
ತಸ್ಯಾಪಿ ಮಾತಾಜನಕಾದಿಕಂ ನ ।
ಶ್ರೇಷ್ಠಂ ವದನ್ತಿ ನಿಗಮಾಃ ಪರೇಶಂ
ತಂ ಜ್ಯೇಷ್ಠರಾಜಂ ಪ್ರಣಮಾಮಿ ನಿತ್ಯಮ್ ॥ ೧೫ ॥

ನಾನಾ ಚತುಃಸ್ಥಂ ವಿವಿಧಾತ್ಮಕೇನ
ಸಮ್ಯೋಗರೂಪೇಣ ನಿಜಸ್ವರೂಪಮ್ ।
ಪೂರ್ಣಸ್ಯ ಸಾ ಪೂರ್ಣಸಮಾಧಿರೂಪಾ
ಸ್ವಾನನ್ದನಾಥಂ ಪ್ರಣಮಾಮಿ ಚಾತಃ ॥ ೧೬ ॥

ಮನೋರಥಾನ್ ಪೂರಯತೀಹ ಗಙ್ಗೇ
ಚರಾಚರಾಣಾಂ ಜಗತಾಂ ಪರೇಷಾಮ್ ।
ಅತೋ ಗಣೇಶಂ ಪ್ರವದನ್ತಿ ಚಾಶಾ-
-ಪ್ರಪೂರಕಂ ತಂ ಪ್ರಣಮಾಮಿ ನಿತ್ಯಮ್ ॥ ೧೭ ॥

ವರೈಃ ಸಮಸ್ಥಾಪಿತಮೇವ ಸರ್ವಂ
ವಿಶ್ವಂ ತಥಾ ಬ್ರಹ್ಮವಿಹಾರಿಣಾ ಚ ।
ಅತಃ ಪರಂ ವಿಪ್ರಮುಖಾ ವದನ್ತಿ
ವರಪ್ರದಂ ತಂ ವರದಂ ನತೋಽಸ್ಮಿ ॥ ೧೮ ॥

ಮಾಯಾಮಯಂ ಸರ್ವಮಿದಂ ವಿಭಾತಿ
ಮಿಥ್ಯಾಸ್ವರೂಪಂ ಭ್ರಮದಾಯಕಂ ಚ ।
ತಸ್ಮಾತ್ಪರಂ ಬ್ರಹ್ಮ ವದನ್ತಿ ಸತ್ಯ-
-ಮೇನಂ ಪರೇಶಂ ವಿಕಟಂ ನಮಾಮಿ ॥ ೧೯ ॥

ಚಿತ್ತಸ್ಯ ಪ್ರೋಕ್ತಾ ಮುನಿಭಿಃ ಪೃಥಿವ್ಯೋ
ನಾನಾವಿಧಾ ಯೋಗಿಭಿರೇವ ಗಙ್ಗೇ ।
ತಾಸಾಂ ಸದಾ ಧಾರಕ ಏಷ ವನ್ದೇ
ಚಾಹಂ ಹಿ ಧರಣೀಧರಮಾದಿಭೂತಮ್ ॥ ೨೦ ॥

ವಿಶ್ವಾತ್ಮಿಕಾ ಬ್ರಹ್ಮಮಯೀ ಹಿ ಬುದ್ಧಿಃ
ತಸ್ಯಾ ವಿಮೋಹಪ್ರದಿಕಾ ಚ ಸಿದ್ಧಿಃ ।
ತಾಭ್ಯಾಂ ಸದಾ ಖೇಲತಿ ಯೋಗನಾಥಃ
ತಂ ಸಿದ್ಧಿಬುದ್ಧೀಶಮಥೋ ನಮಾಮಿ ॥ ೨೧ ॥

ಅಸತ್ಯಸತ್ಸಾಮ್ಯತುರೀಯನೈಜ-
-ಗನಿವೃತ್ತಿಬ್ರಹ್ಮಾಣಿ ವಿರಚ್ಯ ಖೇಲಕಃ ।
ಸದಾ ಸ್ವಯಂ ಯೋಗಮಯೇನ ಭಾತಿ
ತಮಾನತೋಽಹಂ ತ್ವಥ ಬ್ರಹ್ಮಣಸ್ಪತಿಮ್ ॥ ೨೨ ॥

ಅಮಙ್ಗಲಂ ವಿಶ್ವಮಿದಂ ಸಹಾತ್ಮಭಿಃ
ಅಯೋಗಸಮ್ಯೋಗಯುತಂ ಪ್ರಣಶ್ವರಮ್ ।
ತತಃ ಪರಂ ಮಙ್ಗಲರೂಪಧಾರಕಂ
ನಮಾಮಿ ಮಾಙ್ಗಲ್ಯಪತಿಂ ಸುಶಾನ್ತಿದಮ್ ॥ ೨೩ ॥

ಸರ್ವತ್ರಮಾನ್ಯಂ ಸಕಲಾವಭಾಸಕಂ
ಸುಜ್ಞೈಃ ಶುಭಾದಾವಶುಭಾದಿಪೂಜಿತಮ್ ।
ಪೂಜ್ಯಂ ನ ತಸ್ಮಾನ್ನಿಗಮಾದಿಸಮ್ಮತಂ
ತಂ ಸರ್ವಪೂಜ್ಯಂ ಪ್ರಣತೋಽಸ್ಮಿ ನಿತ್ಯಮ್ ॥ ೨೪ ॥

ಭುಕ್ತಿಂ ಚ ಮುಕ್ತಿಂ ಚ ದದಾತಿ ತುಷ್ಟೋ
ಯೋ ವಿಘ್ನಹಾ ಭಕ್ತಿಪ್ರಿಯೋ ನಿಜೇಭ್ಯಃ ।
ಭಕ್ತ್ಯಾ ವಿಹೀನಾಯ ದದಾತಿ ವಿಘ್ನಾನ್
ತಂ ವಿಘ್ನರಾಜಂ ಪ್ರಣಮಾಮಿ ನಿತ್ಯಮ್ ॥ ೨೫ ॥

ನಾಮಾರ್ಥಯುಕ್ತಂ ಕಥಿತಂ ಪ್ರಿಯೇ ತೇ
ವಿಘ್ನೇಶ್ವರಸ್ಯೈವ ಪರಂ ರಹಸ್ಯಮ್ ।
ಸಪ್ತತ್ರಿನಾಮ್ನಾಂ ಹೃದಯಂ ನರೋ ಯೋ
ಜ್ಞಾತ್ವಾ ಪರಂ ಬ್ರಹ್ಮಮಯೋ ಭವೇದಿಹ ॥ ೨೬ ॥

ಇತಿ ಶ್ರೀಮುದ್ಗಲಪುರಾಣೇ ಗಣೇಶಹೃದಯ ಸ್ತೋತ್ರಮ್ ।

More Ganesha Stotras

Explore More