জনমেজয উবাচবিচিত্রমিদমাখ্যানং হরিশ্চন্দ্রস্য কীর্তিতম্ ।
শতাক্ষীপাদভক্তস্য রাজর্ষেধার্মিকস্য চ ॥১॥
শতাক্ষীপাদভক্তস্য রাজর্ষেধার্মিকস্য চ ॥১॥
শতাক্ষী সা কুতো জাতা দেবী ভগবতী শিবা ।
তত্কারণং বদ মুনে সার্থকং জন্ম মে কুরু ॥২॥
তত্কারণং বদ মুনে সার্থকং জন্ম মে কুরু ॥২॥
কো হি দেব্যা গুণাঞ্ছৃণ্বংস্তৃপ্তিং যাস্যতি শুদ্ধধীঃ ।
পদে পদেঽশ্বমেধস্য ফলমক্ষয্যমশ্নুতে ॥৩॥
পদে পদেঽশ্বমেধস্য ফলমক্ষয্যমশ্নুতে ॥৩॥
ব্যাস উবাচশৃণু রাজন্প্রবক্ষ্যামি শতাক্ষীসম্ভবং শুভম্ ।
তবাবাচ্যং ন মে কিংচিদ্দেবীভক্তস্য বিদ্যতে ॥৪॥
তবাবাচ্যং ন মে কিংচিদ্দেবীভক্তস্য বিদ্যতে ॥৪॥
দুর্গমাখ্যো মহাদৈত্যঃ পূর্বং পরমদারুণঃ ।
হিরণ্যাক্ষান্বযে জাতো রুরুপুত্রো মহাখলঃ ॥৫॥
হিরণ্যাক্ষান্বযে জাতো রুরুপুত্রো মহাখলঃ ॥৫॥
দেবানাং তু বলং বেদো নাশে সুরা অপি ।
নক্ষ্যংত্যেব ন সন্দেহো বিধেযং তাবদেব তত্ ॥৬॥
নক্ষ্যংত্যেব ন সন্দেহো বিধেযং তাবদেব তত্ ॥৬॥
বিমৃশ্যৈতত্তপশ্চর্যাং গতঃ কর্তুং হিমালযে ।
ব্রহ্মাণং মনসা ধ্যাত্বা বাযুভক্ষো ব্যতিষ্ঠত ॥৭॥
ব্রহ্মাণং মনসা ধ্যাত্বা বাযুভক্ষো ব্যতিষ্ঠত ॥৭॥
সহস্রবর্ষপর্যন্তং চকার পরমং তপঃ ।
তেজসা তস্য লোকাস্তু সংতপ্তাঃ সসুরাসুরাঃ ॥৮॥
তেজসা তস্য লোকাস্তু সংতপ্তাঃ সসুরাসুরাঃ ॥৮॥
ততঃ প্রসন্নো ভগবান্হংসারূঢশ্চতুর্মুখঃ ।
যযৌ তস্মৈ বরং দাতুং প্রসন্নমুখপঙ্কজঃ ॥৯॥
যযৌ তস্মৈ বরং দাতুং প্রসন্নমুখপঙ্কজঃ ॥৯॥
সমাধিস্থং মীলিতাক্ষং স্ফুটমাহ চতুর্মুখঃ ।
বরং বরয ভদ্রং তে যস্তে মনসি বর্ততে ॥১০॥
বরং বরয ভদ্রং তে যস্তে মনসি বর্ততে ॥১০॥
তবাদ্য তপসা তুষ্টো বরদেশোঽহমাগতঃ ।
শ্রুত্বা ব্রহ্মমুখাদ্বাণীং ব্যুত্থিতঃ স সমাধিতঃ ॥১১॥
শ্রুত্বা ব্রহ্মমুখাদ্বাণীং ব্যুত্থিতঃ স সমাধিতঃ ॥১১॥
পূজযিত্বা বরং বব্রে বেদান্দেহি সুরেশ্বর ।
ত্রিষু লোকেষু যে মন্ত্রা ব্রাহ্মণেষু সুরেষ্বপি ॥১২॥
ত্রিষু লোকেষু যে মন্ত্রা ব্রাহ্মণেষু সুরেষ্বপি ॥১২॥
বিদ্যন্তে তে তু সান্নিধ্যে মম সন্তু মহেশ্বর ।
বলং চ দেহি যেন স্যাদ্দেবানাং চ পরাজযঃ ॥১৩॥
বলং চ দেহি যেন স্যাদ্দেবানাং চ পরাজযঃ ॥১৩॥
ইতি তস্য বচঃ শ্রুত্বা তথাঽস্ত্বিতি বচো বদন্ ।
জগাম সত্যলোকং তু চতুর্বেদেশ্বরঃ পরঃ ॥১৪॥
জগাম সত্যলোকং তু চতুর্বেদেশ্বরঃ পরঃ ॥১৪॥
ততঃ প্রভৃতি বিপ্রৈস্তু বিস্মৃতা বেদরাশযঃ ।
স্নানসংধ্যানিত্যহোমশ্রাদ্ধ্যজ্ঞজপাদযঃ ॥১৫॥
স্নানসংধ্যানিত্যহোমশ্রাদ্ধ্যজ্ঞজপাদযঃ ॥১৫॥
বিলুপ্তা ধরণীপৃষ্ঠে হাহাকারো মহানভূত্ ।
কিমিদং কিমিদং চেতি বিপ্রা ঊচুঃ পরস্পরম্ ॥১৬॥
কিমিদং কিমিদং চেতি বিপ্রা ঊচুঃ পরস্পরম্ ॥১৬॥
বেদাভাবাত্তদস্যাভিঃ কর্তব্যং কিমতঃ পরম্ ।
ইতি ভূমৌ মহানর্থে জাতে পরমদারুণে ॥১৭॥
ইতি ভূমৌ মহানর্থে জাতে পরমদারুণে ॥১৭॥
নির্জরাঃ সজরা জাতা হবির্ভাগাদ্যভাবতঃ ।
রুরোধ স তদা দৈত্যো নগরীমমরাবতীম্ ॥১৮॥
রুরোধ স তদা দৈত্যো নগরীমমরাবতীম্ ॥১৮॥
অশক্তাস্তেন তে যোদ্ধুং বজ্রদেহাসুরেণ চ ।
পলাযনং তদা কৃত্বা নির্গতা নির্জরাঃ ক্কচিত্ ॥১৯॥
পলাযনং তদা কৃত্বা নির্গতা নির্জরাঃ ক্কচিত্ ॥১৯॥
নিলযং গিরিদুর্গেষু রত্নসানুগুহাসু চ ।
সংস্থিতাঃ পরমাং শক্তিং ধ্যাযংতস্তে পরাংবিকাম্ ॥২০॥
সংস্থিতাঃ পরমাং শক্তিং ধ্যাযংতস্তে পরাংবিকাম্ ॥২০॥
অগ্নৌ হোমাদ্যভাবাত্তু বৃষ্ট্যভাবোঽপ্যভূন্নৃপ ।
বৃষ্টেরভাবে সংশুষ্কং নির্জলং চাপি ভূতলম্ ॥২১॥
বৃষ্টেরভাবে সংশুষ্কং নির্জলং চাপি ভূতলম্ ॥২১॥
কূপবাপীতডাগাশ্চ সরিতঃ শুষ্কতাং গতাঃ ।
অনাবৃষ্টিরিযং রাজন্নভূচ্চ শতবার্ষিকী ॥২২॥
অনাবৃষ্টিরিযং রাজন্নভূচ্চ শতবার্ষিকী ॥২২॥
মৃতাঃ প্রজাশ্চ বহুধা গোমহিষ্যাদযস্তথা ।
গৃহে গৃহে মনুষ্যাণামভবচ্ছবসংগ্রহ ॥২৩॥
গৃহে গৃহে মনুষ্যাণামভবচ্ছবসংগ্রহ ॥২৩॥
অনর্থে ত্বেবমুদ্ভূতে ব্রাহ্মণাঃ শাংতচেতসঃ । গ
ত্বা হিমবতঃ পার্শ্বে রিরাধযিষবঃ শিবাম্ ॥২৪॥
ত্বা হিমবতঃ পার্শ্বে রিরাধযিষবঃ শিবাম্ ॥২৪॥
সমাধিধ্যানপূজাভির্দেবীং তুষ্টুবুরন্বহম্ ।
নিরাহারাস্তদাসক্তাস্তামেব শরণং যযুঃ ॥২৫॥
নিরাহারাস্তদাসক্তাস্তামেব শরণং যযুঃ ॥২৫॥
দযাং কুরু মহেশানি পামরেষু জনেষু হি ।
সর্বাপরাধযুক্তেষু নৈতচ্ছ্লাঘ্যং তবাংবিকে ॥২৬॥
সর্বাপরাধযুক্তেষু নৈতচ্ছ্লাঘ্যং তবাংবিকে ॥২৬॥
কোপং সংহর দেবেশি সর্বাংতর্যামিরূপিণি ।
ত্বযা যথাপ্রের্যতেঽযং করোতি স তথা জনঃ ॥২৭॥
ত্বযা যথাপ্রের্যতেঽযং করোতি স তথা জনঃ ॥২৭॥
নান্যা গতির্জনস্যাস্য কিং পশ্যসি পুনঃ পুনঃ ।
যথেচ্ছসি তথা কর্তুং সমর্থাঽসি মহেশ্বর ি ॥২৮॥
যথেচ্ছসি তথা কর্তুং সমর্থাঽসি মহেশ্বর ি ॥২৮॥
সমুদ্ধর মহেশানি সংকটাত্পরমোত্থিতাত্ ।
জীবনেন বিনাঽস্মাকং কথং স্যাত্স্থিতিরংবিকে ॥২৯॥
জীবনেন বিনাঽস্মাকং কথং স্যাত্স্থিতিরংবিকে ॥২৯॥
প্রসীদ ত্বং মহেশানি প্রসীদ জগদম্বিকে ।
অনন্তকোটিব্রহ্মাণ্ডনাযিকে তে নমো নমঃ ॥৩০॥
অনন্তকোটিব্রহ্মাণ্ডনাযিকে তে নমো নমঃ ॥৩০॥
নমঃ কূটস্থংরূপাযৈ চিদ্রূপাযৈ নমো নমঃ ।
নমো বেদান্তবেদ্যাযৈ ভুবনেশ্যৈ নমো নমঃ ॥৩১॥
নমো বেদান্তবেদ্যাযৈ ভুবনেশ্যৈ নমো নমঃ ॥৩১॥
নেতি নেতীতি বাক্যৈর্যা বোধ্যতে সকলাগমৈঃ ।
তাং সর্বকারণাং দেবীং সর্বভাবেন সন্নতাঃ ॥৩২॥
তাং সর্বকারণাং দেবীং সর্বভাবেন সন্নতাঃ ॥৩২॥
ইতি সংপ্রার্থিতা দেবী ভুবনেশী মহেশ্বরী ।
অনংতাক্ষিমযং রূপং দর্শযামাস পার্বতী ॥৩৩॥
অনংতাক্ষিমযং রূপং দর্শযামাস পার্বতী ॥৩৩॥
নীলাংজনসমপ্রখ্যং নীলপদ্মাযতেক্ষণম্ ।
সুকর্কশসমোত্তুঙ্গবৃত্তপীনঘনস্তনম্ ॥৩৪॥
সুকর্কশসমোত্তুঙ্গবৃত্তপীনঘনস্তনম্ ॥৩৪॥
বাণমুষ্টিং চ কমলং পুষ্পপল্লবমূলকান্ ।
শাকাদীন্ফলসংযুক্তননন্তরসসংযুতান্ ॥৩৫॥
শাকাদীন্ফলসংযুক্তননন্তরসসংযুতান্ ॥৩৫॥
ক্ষুত্তৃঙ্জরাপহান্হস্তৈর্বিভ্রতী চ মহাদ্ধনুঃ ।
সর্বসৌংদর্যসারং তদ্রূপং লাবণ্যশোভিতম্ ॥৩৬॥
সর্বসৌংদর্যসারং তদ্রূপং লাবণ্যশোভিতম্ ॥৩৬॥
কোটিসূর্যপ্রতীকাশং করুণারসসাগরম্ ।
দর্শযিত্বা জগদ্ধাত্রী সাঽনংতনযনোদ্ভবো ॥৩৭॥
দর্শযিত্বা জগদ্ধাত্রী সাঽনংতনযনোদ্ভবো ॥৩৭॥
মোচযামাস লোকেষু বারিধারাঃ সহস্রশঃ ।
নবরাত্রং মহাবৃষ্টিরভূন্নেত্রোদ্ভবৈর্জলঃ ॥৩৮॥
নবরাত্রং মহাবৃষ্টিরভূন্নেত্রোদ্ভবৈর্জলঃ ॥৩৮॥
দুঃখিতান্বীক্ষ্য সকলান্নেত্রাশ্রূণি বিমুঞ্চতী ।
তর্পিতাস্তেন তে লোকা ওষধ্যঃ সকলা অপি ॥৩৯॥
তর্পিতাস্তেন তে লোকা ওষধ্যঃ সকলা অপি ॥৩৯॥
নদীনদপ্রবাহাস্তৈর্জলৈঃ সমভবন্নৃপ ।
নিলীয সংস্থিতাঃ পূর্বং সুরাস্তে নির্গতা বহীঃ ॥৪০॥
নিলীয সংস্থিতাঃ পূর্বং সুরাস্তে নির্গতা বহীঃ ॥৪০॥
মিলিত্বা সসুরা বিপ্রা দেবীং সমভিতুষ্টুবুঃ ।
নমো বেদান্তবেদ্যে তে নমো ব্রহ্মস্বরূপিণি ॥৪১॥
নমো বেদান্তবেদ্যে তে নমো ব্রহ্মস্বরূপিণি ॥৪১॥
স্বমাযযা সর্বজগদ্বিধাত্র্যৈ তে নমো নমঃ ।
ভক্তকল্পদ্রুমে দেবি ভক্তার্থং দেহধারিণী ॥৪২॥
ভক্তকল্পদ্রুমে দেবি ভক্তার্থং দেহধারিণী ॥৪২॥
নিত্যতৃপ্তে নিরূপমে ভুবনেশ্বরি তে নমঃ ।
অস্মচ্ছান্ত্যর্থমতুলং লোচনানাং সহস্রকম্ ॥৪৩॥
অস্মচ্ছান্ত্যর্থমতুলং লোচনানাং সহস্রকম্ ॥৪৩॥
ত্বযা যতো ধৃতং দেবি শতাক্ষী ত্বং ততো ভব ।
ক্ষুধযা পীডিতা মাতঃ স্তোতুংশক্তির্ন চাস্তি নঃ ॥৪৪॥
ক্ষুধযা পীডিতা মাতঃ স্তোতুংশক্তির্ন চাস্তি নঃ ॥৪৪॥
কৃপাং কুরু মহেশানি বেদানপ্যাহরাংবিকে ।
ব্যাস উবাচইতি তেষাং বচঃ শ্রুত্বা শাকান্স্বকরসংস্থিতান্ ॥৪৫॥
ব্যাস উবাচইতি তেষাং বচঃ শ্রুত্বা শাকান্স্বকরসংস্থিতান্ ॥৪৫॥
স্বাদূনি ফলমূলানি ভক্ষণার্থং দদৌ শিবা ।
নানাবিধানি চান্নানি পশুভোজ্যানি যানি চ ॥৪৬॥
নানাবিধানি চান্নানি পশুভোজ্যানি যানি চ ॥৪৬॥
কাম্যানন্তরসৈর্যুক্তান্যানবীনোদ্ভবং দদৌ ।
শাকংভরীতি নামাপি তদ্দিনাত্সমভূন্নৃপ ॥৪৭॥
শাকংভরীতি নামাপি তদ্দিনাত্সমভূন্নৃপ ॥৪৭॥
ততঃ কোলাহলে জাতে দূতবাক্যেন বোধিতঃ ।
সসৈন্যঃ সাযুধো যোদ্ধুং দুর্গমাখ্যোঽসুরো যযৌ ॥৪৮॥
সসৈন্যঃ সাযুধো যোদ্ধুং দুর্গমাখ্যোঽসুরো যযৌ ॥৪৮॥
সহস্রাক্ষৌহিণীযুক্তঃ শরান্মুংচংস্ত্বরান্বিতঃ ।
রুরোধ দেবসৈন্যং তদ্যদ্দেব্যগ্রে স্থিতং পুরা ॥৪৯॥
রুরোধ দেবসৈন্যং তদ্যদ্দেব্যগ্রে স্থিতং পুরা ॥৪৯॥
তথা বিপ্রগণং চৈব রোধযামাস সর্বতঃ ।
ততঃ কিলকিলাশব্দঃ সমভূদ্দেবমণ্ডলে ॥৫০॥
ততঃ কিলকিলাশব্দঃ সমভূদ্দেবমণ্ডলে ॥৫০॥
ত্রাহি ত্রাহীতি বাক্যানি প্রোচুঃ সর্বে দ্বিজামরাঃ ।
ততস্তেজোমযং চক্রং দেবানাং পরিতঃ শিবা ॥৫১॥
ততস্তেজোমযং চক্রং দেবানাং পরিতঃ শিবা ॥৫১॥
চকার রক্ষণার্থায স্বযং তস্মাদ্বহিঃ স্থিতা ।
ততঃ সমভবদ্যুদ্ধং দেব্যা দৈত্যস্থ চোভযোঃ ॥৫২॥
ততঃ সমভবদ্যুদ্ধং দেব্যা দৈত্যস্থ চোভযোঃ ॥৫২॥
শরবর্ষসমাচ্ছন্নং সূর্যমণ্ডলমদ্ভুতম্ ।
পরস্পরশরোদ্ধর্ষসমুদ্ভূতাগ্রিসুপ্রভম্ ॥৫৩॥
পরস্পরশরোদ্ধর্ষসমুদ্ভূতাগ্রিসুপ্রভম্ ॥৫৩॥
কঠোরজ্যাটণত্কারবধিরীকৃদিক্তটম্ ।
ততো দেবীশরীরাত্তু নির্গতাস্তীব্রশক্তযঃ ॥৫৪॥
ততো দেবীশরীরাত্তু নির্গতাস্তীব্রশক্তযঃ ॥৫৪॥
কালিকা তারিণী বালা ত্রিপুরা ভৈরবী রমা ।
বগলা চৈব মাতংগী তথা ত্রিপুরসুন্দরী ॥৫৫॥
বগলা চৈব মাতংগী তথা ত্রিপুরসুন্দরী ॥৫৫॥
কামাক্ষী তুলজা দেবি জংভিনী মোহিনী তথা ।
ছিন্নমস্তা গুহ্যকালী দশসাহস্রবাহুকা ॥৫৬॥
ছিন্নমস্তা গুহ্যকালী দশসাহস্রবাহুকা ॥৫৬॥
দ্বাত্রিংশচ্ছক্তযশ্চান্যাশ্চতুঃষষ্টিমিতাঃ পরাঃ ।
অসংখ্যাতাস্ততো দেব্যঃ সমুদ্ভূতাস্তু সাযুধাঃ ॥৫৭॥
অসংখ্যাতাস্ততো দেব্যঃ সমুদ্ভূতাস্তু সাযুধাঃ ॥৫৭॥
মৃদংগশংখবীণাদিনাদিতং সংগরস্থলম্ ।
শক্তিভির্দৈত্যসৈন্যে তু নাশিতেঽক্ষৌহিণীশতে ॥৫৮॥
শক্তিভির্দৈত্যসৈন্যে তু নাশিতেঽক্ষৌহিণীশতে ॥৫৮॥
অগ্রেসরঃ সমভবদ্দুর্গমো বাহিনীপতিঃ ।
শক্তিভিঃ সহ যুদ্ধং চ চকার প্রথমং রিপুঃ ॥৫৯॥
শক্তিভিঃ সহ যুদ্ধং চ চকার প্রথমং রিপুঃ ॥৫৯॥
মহদ্যুদ্ধং সমভবদ্যত্রাভূদ্ক্তবাহিনী ।
অক্ষৌহিণ্যস্তু তাঃ সর্বা বিনষ্টা দশাভির্দিনৈঃ ॥৬০॥
অক্ষৌহিণ্যস্তু তাঃ সর্বা বিনষ্টা দশাভির্দিনৈঃ ॥৬০॥
তত একাদশে প্রাপ্তে দিনেপরমদারুণে ।
রক্তমাল্যাংবরধরো রক্তগন্ধানুলেপনঃ ॥৬১॥
রক্তমাল্যাংবরধরো রক্তগন্ধানুলেপনঃ ॥৬১॥
কৃত্বোত্সবং মহান্তং তু যুদ্ধায রথসংস্থিতঃ ।
সরংভেণৈব মহতা শক্তী সর্বা বিজিত্য চ ॥৬২॥
সরংভেণৈব মহতা শক্তী সর্বা বিজিত্য চ ॥৬২॥
মহাদেবীরথাগ্রে তু স্বরথং সংন্যবেশযত্ ।
ততোঽভবন্মহদ্যুদ্ধং দেব্যা দৈত্যস্য চোভযোঃ ॥৬৩॥
ততোঽভবন্মহদ্যুদ্ধং দেব্যা দৈত্যস্য চোভযোঃ ॥৬৩॥
প্রহরদ্বযপর্যংতং হৃদযত্রাসকারকম্ ।
ততঃ পঞ্চদশাত্যুগ্রবাণান্দেবীমুমোচ হ ॥৬৪॥
ততঃ পঞ্চদশাত্যুগ্রবাণান্দেবীমুমোচ হ ॥৬৪॥
চতুর্ভিশ্চতুরো বাহান্বাণেনৈকেন সারথিম্ ।
দ্বাভ্যাং নেত্রে ভুজৌ দ্বাভ্যাং ধ্বজমেকেন পত্রিণা ॥৬৫॥
দ্বাভ্যাং নেত্রে ভুজৌ দ্বাভ্যাং ধ্বজমেকেন পত্রিণা ॥৬৫॥
পঞ্চভির্হৃদযং তস্য বিব্যাধ জগদম্বিকা ।
ততো বমন্স রুধিরং মমার পুর ঈশিতুঃ ॥৬৬॥
ততো বমন্স রুধিরং মমার পুর ঈশিতুঃ ॥৬৬॥
তস্য তেজস্তু নির্গত্য দেবীরূপে বিবেশ হ ।
হতে তস্মিন্মহাবীর্যে শান্তমাসীজ্জগত্ত্রযম্ ॥৬৭॥
হতে তস্মিন্মহাবীর্যে শান্তমাসীজ্জগত্ত্রযম্ ॥৬৭॥
ততো ব্রহ্মাদযঃ সর্বে তুষ্টুবুর্জগদংবিকাম্ ।
পুরস্কৃত্য হরীশানৌ ভক্ত্যা গদ্গদযা গিরা ॥৬৮॥
পুরস্কৃত্য হরীশানৌ ভক্ত্যা গদ্গদযা গিরা ॥৬৮॥
দেবা ঊচুঃ জগদ্ভ্রমবিবর্তৈককারণে পরমেশ্বরি ।
নমঃ শাকংভরি শিবে নমস্তে শতলোচনে ॥৬৯॥
নমঃ শাকংভরি শিবে নমস্তে শতলোচনে ॥৬৯॥
সর্বোপনিষদুদ্ঘুষ্টে দুর্গমাসুরনাশিনি ।
নমো মাহেশ্বরি শিবে পঞ্চকোশান্তরস্থিতে ॥৭০॥
নমো মাহেশ্বরি শিবে পঞ্চকোশান্তরস্থিতে ॥৭০॥
চেতসা নির্বিকল্পেন যাং ধ্যাযংতি মুনীশ্বরাঃ ।
প্রণবার্থস্বরূপাং তাং ভজামো ভুবনেশ্বরীম্ ॥৭১॥
প্রণবার্থস্বরূপাং তাং ভজামো ভুবনেশ্বরীম্ ॥৭১॥
অনন্তকোটিব্রহ্মাণ্ডজননীং দিব্যবিগ্রহাম্ ।
ব্রহ্মবিষ্ণ্বাদিজননীং সর্বভাবৈর্নতা বযম্ ॥৭২॥
ব্রহ্মবিষ্ণ্বাদিজননীং সর্বভাবৈর্নতা বযম্ ॥৭২॥
কঃ কুর্যাত্পামরান্দৃষ্ট্বা রোদনং সকলেশ্বরঃ ।
সদযাং পরমেশানীং শতাক্ষীং মাতরং বিনা ॥৭৩॥
সদযাং পরমেশানীং শতাক্ষীং মাতরং বিনা ॥৭৩॥
ব্যাস উবাচইতি স্তুতা সুরৈর্দেবী ব্রহ্মবিষ্ণবাদিভির্বরৈঃ ।
পূজিতা বিবিধৈর্দ্রব্যৈঃ সংতুষ্টাঽভূচ্চ তত্ক্ষণে ॥৭৪॥
পূজিতা বিবিধৈর্দ্রব্যৈঃ সংতুষ্টাঽভূচ্চ তত্ক্ষণে ॥৭৪॥
প্রসন্না সা তদাদেবী বেদানাহৃত্য সা দদৌ ।
ব্রাহ্মণেভ্যো বিশেষণ প্রোবাচ পিকভাষিণী ॥৭৫॥
ব্রাহ্মণেভ্যো বিশেষণ প্রোবাচ পিকভাষিণী ॥৭৫॥
মমেযং তনুরুত্কৃষ্টা পালনীযা বিশেষতঃ ।
যযা বিনাঽনর্থ এব জাতো দৃষ্টোঽধুনৈব হি ॥৭৬॥
যযা বিনাঽনর্থ এব জাতো দৃষ্টোঽধুনৈব হি ॥৭৬॥
পূজ্যাঽহং সর্বদা সেব্যা যুষ্মাভি সর্বদৈব হি ।
নাত পরতরং কিংচিত্কল্যাণাযোপদিশ্যতে ॥৭৭॥
নাত পরতরং কিংচিত্কল্যাণাযোপদিশ্যতে ॥৭৭॥
পঠনীযং মমৈতদ্ধি মাহাত্ম্যং সর্বদোত্তমম্ ।
তেন তুষ্টা ভবিষ্যামি হরিষ্যামি তথাঽঽপদ ॥৭৮॥
তেন তুষ্টা ভবিষ্যামি হরিষ্যামি তথাঽঽপদ ॥৭৮॥
দুর্গমাসুরহন্ত্রীংত্বাদ্দুর্গেতি মম নাম যঃ ।
গৃহ্ণাতি চ শতাক্ষীতি মাযাং ভিত্ত্বা ব্রজত্যসৌ ॥৭৯॥
গৃহ্ণাতি চ শতাক্ষীতি মাযাং ভিত্ত্বা ব্রজত্যসৌ ॥৭৯॥
কিমুক্তেনাত্র বহুনা সারং বক্ষ্যামি তত্ত্বতঃ ।
সংসেব্যাঽহং সদা দেবা সর্বৈরতি সুরাসুরৈঃ ॥৮০॥
সংসেব্যাঽহং সদা দেবা সর্বৈরতি সুরাসুরৈঃ ॥৮০॥
ব্যাস উবাচইত্যুক্ত্বাংতর্হিতা দেবী দেবানাং চৈব পশ্যতাম্ ।
সন্তোষং জনযংত্যেবং সচ্চিদানন্দরূপিণী ॥৮১॥
সন্তোষং জনযংত্যেবং সচ্চিদানন্দরূপিণী ॥৮১॥
এতত্তে সর্বমাখ্যাতং রহস্যং পরমং মহত্ ।
গোপনীযং প্রযত্নেন সর্বকল্যাণকারকম্ ॥৮২॥
গোপনীযং প্রযত্নেন সর্বকল্যাণকারকম্ ॥৮২॥
য ইমং শৃণুযান্নিত্যমধ্যাযং ভক্তিতত্পরঃ ।
সর্বান্কামানবাপ্নোতি দেবীলোকে মহিযতে ॥৮৩॥
সর্বান্কামানবাপ্নোতি দেবীলোকে মহিযতে ॥৮৩॥