Lord Shiva

শিৱ মহিম্ন স্তোত্ৰম্

(Shiva Mahimna Stotram in Assamese)

Pushpadanta

Also known as mahimnah param te paramaviduso yadyasadrsi

Language:Sanskrit
Translation:English

The Shiva Mahimna Stotram is a very popular hymn in praise of Lord Shiva, composed by the Gandharva Pushpadanta. It beautifully articulates the immense greatness, attributes, and divine acts of Lord Shiva.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ওঁ নমঃ শিৱায ॥

॥ অথ শ্ৰী শিৱমহিম্নস্তোত্ৰম্ ॥

মহিম্নঃ পাৰং তে পৰমৱিদুষো যদ্যসদৃশী
স্তুতিৰ্ব্ৰহ্মাদীনামপি তদৱসন্নাস্ত্ৱযি গিৰঃ ।
অথাঽৱাচ্যঃ সৰ্ৱঃ স্ৱমতিপৰিণামাৱধি গৃণন্
মমাপ্যেষ স্তোত্ৰে হৰ নিৰপৱাদঃ পৰিকৰঃ ॥ ১॥
অতীতঃ পংথানং তৱ চ মহিমা ৱাঙ্মনসযোঃ
অতদ্ৱ্যাৱৃত্ত্যা যং চকিতমভিধত্তে শ্ৰুতিৰপি ।
স কস্য স্তোতৱ্যঃ কতিৱিধগুণঃ কস্য ৱিষযঃ
পদে ত্ৱৰ্ৱাচীনে পততি ন মনঃ কস্য ন ৱচঃ ॥ ২॥
মধুস্ফীতা ৱাচঃ পৰমমমৃতং নিৰ্মিতৱতঃ
তৱ ব্ৰহ্মন্ কিং ৱাগপি সুৰগুৰোৰ্ৱিস্মযপদম্ ।
মম ত্ৱেতাং ৱাণীং গুণকথনপুণ্যেন ভৱতঃ
পুনামীত্যৰ্থেঽস্মিন্ পুৰমথন বুদ্ধিৰ্ৱ্যৱসিতা ॥ ৩॥
তৱৈশ্ৱৰ্যং যত্তজ্জগদুদযৰক্ষাপ্ৰলযকৃত্
ত্ৰযীৱস্তু ৱ্যস্তং তিস্ৰুষু গুণভিন্নাসু তনুষু ।
অভৱ্যানামস্মিন্ ৱৰদ ৰমণীযামৰমণীং
ৱিহন্তুং ৱ্যাক্ৰোশীং ৱিদধত ইহৈকে জডধিযঃ ॥ ৪॥
কিমীহঃ কিংকাযঃ স খলু কিমুপাযস্ত্ৰিভুৱনং
কিমাধাৰো ধাতা সৃজতি কিমুপাদান ইতি চ ।
অতৰ্ক্যৈশ্ৱৰ্যে ত্ৱয্যনৱসৰ দুঃস্থো হতধিযঃ
কুতৰ্কোঽযং কাংশ্চিত্ মুখৰযতি মোহায জগতঃ ॥ ৫॥
অজন্মানো লোকাঃ কিমৱযৱৱন্তোঽপি জগতাং
অধিষ্ঠাতাৰং কিং ভৱৱিধিৰনাদৃত্য ভৱতি ।
অনীশো ৱা কুৰ্যাদ্ ভুৱনজননে কঃ পৰিকৰো
যতো মন্দাস্ত্ৱাং প্ৰত্যমৰৱৰ সংশেৰত ইমে ॥ ৬॥
ত্ৰযী সাঙ্খ্যং যোগঃ পশুপতিমতং ৱৈষ্ণৱমিতি
প্ৰভিন্নে প্ৰস্থানে পৰমিদমদঃ পথ্যমিতি চ ।
ৰুচীনাং ৱৈচিত্ৰ্যাদৃজুকুটিল নানাপথজুষাং
নৃণামেকো গম্যস্ত্ৱমসি পযসামৰ্ণৱ ইৱ ॥ ৭॥
মহোক্ষঃ খট্ৱাঙ্গং পৰশুৰজিনং ভস্ম ফণিনঃ
কপালং চেতীযত্তৱ ৱৰদ তন্ত্ৰোপকৰণম্ ।
সুৰাস্তাং তামৃদ্ধিং দধতি তু ভৱদ্ভূপ্ৰণিহিতাং
ন হি স্ৱাত্মাৰামং ৱিষযমৃগতৃষ্ণা ভ্ৰমযতি ॥ ৮॥
ধ্ৰুৱং কশ্চিত্ সৰ্ৱং সকলমপৰস্ত্ৱধ্ৰুৱমিদং
পৰো ধ্ৰৌৱ্যাঽধ্ৰৌৱ্যে জগতি গদতি ৱ্যস্তৱিষযে ।
সমস্তেঽপ্যেতস্মিন্ পুৰমথন তৈৰ্ৱিস্মিত ইৱ
স্তুৱন্ জিহ্ৰেমি ত্ৱাং ন খলু ননু ধৃষ্টা মুখৰতা ॥ ৯॥
তৱৈশ্ৱৰ্যং যত্নাদ্ যদুপৰি ৱিৰিঞ্চিৰ্হৰিৰধঃ
পৰিচ্ছেতুং যাতাৱনিলমনলস্কন্ধৱপুষঃ ।
ততো ভক্তিশ্ৰদ্ধা-ভৰগুৰু-গৃণদ্ভ্যাং গিৰিশ যত্
স্ৱযং তস্থে তাভ্যাং তৱ কিমনুৱৃত্তিৰ্ন ফলতি ॥ ১০॥
অযত্নাদাসাদ্য ত্ৰিভুৱনমৱৈৰৱ্যতিকৰং
দশাস্যো যদ্বাহূনভৃত-ৰণকণ্ডূ-পৰৱশান্ ।
শিৰঃপদ্মশ্ৰেণী-ৰচিতচৰণাম্ভোৰুহ-বলেঃ
স্থিৰাযাস্ত্ৱদ্ভক্তেস্ত্ৰিপুৰহৰ ৱিস্ফূৰ্জিতমিদম্ ॥ ১১॥
অমুষ্য ত্ৱত্সেৱা-সমধিগতসাৰং ভুজৱনং
বলাত্ কৈলাসেঽপি ত্ৱদধিৱসতৌ ৱিক্ৰমযতঃ ।
অলভ্যাপাতালেঽপ্যলসচলিতাংগুষ্ঠশিৰসি
প্ৰতিষ্ঠা ত্ৱয্যাসীদ্ ধ্ৰুৱমুপচিতো মুহ্যতি খলঃ ॥ ১২॥
যদৃদ্ধিং সুত্ৰাম্ণো ৱৰদ পৰমোচ্চৈৰপি সতীং
অধশ্চক্ৰে বাণঃ পৰিজনৱিধেযত্ৰিভুৱনঃ ।
ন তচ্চিত্ৰং তস্মিন্ ৱৰিৱসিতৰি ত্ৱচ্চৰণযোঃ
ন কস্যাপ্যুন্নত্যৈ ভৱতি শিৰসস্ত্ৱয্যৱনতিঃ ॥ ১৩॥
অকাণ্ড-ব্ৰহ্মাণ্ড-ক্ষযচকিত-দেৱাসুৰকৃপা
ৱিধেযস্যাঽঽসীদ্ যস্ত্ৰিনযন ৱিষং সংহৃতৱতঃ ।
স কল্মাষঃ কণ্ঠে তৱ ন কুৰুতে ন শ্ৰিযমহো
ৱিকাৰোঽপি শ্লাঘ্যো ভুৱন-ভয- ভঙ্গ- ৱ্যসনিনঃ ॥ ১৪॥
অসিদ্ধাৰ্থা নৈৱ ক্ৱচিদপি সদেৱাসুৰনৰে
নিৱৰ্তন্তে নিত্যং জগতি জযিনো যস্য ৱিশিখাঃ ।
স পশ্যন্নীশ ত্ৱামিতৰসুৰসাধাৰণমভূত্
স্মৰঃ স্মৰ্তৱ্যাত্মা ন হি ৱশিষু পথ্যঃ পৰিভৱঃ ॥ ১৫॥
মহী পাদাঘাতাদ্ ৱ্ৰজতি সহসা সংশযপদং
পদং ৱিষ্ণোৰ্ভ্ৰাম্যদ্ ভুজ-পৰিঘ-ৰুগ্ণ-গ্ৰহ- গণম্ ।
মুহুৰ্দ্যৌৰ্দৌস্থ্যং যাত্যনিভৃত-জটা-তাডিত-তটা
জগদ্ৰক্ষাযৈ ত্ৱং নটসি ননু ৱামৈৱ ৱিভুতা ॥ ১৬॥
ৱিযদ্ৱ্যাপী তাৰা-গণ-গুণিত-ফেনোদ্গম-ৰুচিঃ
প্ৰৱাহো ৱাৰাং যঃ পৃষতলঘুদৃষ্টঃ শিৰসি তে ।
জগদ্দ্ৱীপাকাৰং জলধিৱলযং তেন কৃতমিতি
অনেনৈৱোন্নেযং ধৃতমহিম দিৱ্যং তৱ ৱপুঃ ॥ ১৭॥
ৰথঃ ক্ষোণী যন্তা শতধৃতিৰগেন্দ্ৰো ধনুৰথো
ৰথাঙ্গে চন্দ্ৰাৰ্কৌ ৰথ-চৰণ-পাণিঃ শৰ ইতি ।
দিধক্ষোস্তে কোঽযং ত্ৰিপুৰতৃণমাডম্বৰ ৱিধিঃ
ৱিধেযৈঃ ক্ৰীডন্ত্যো ন খলু পৰতন্ত্ৰাঃ প্ৰভুধিযঃ ॥ ১৮॥
হৰিস্তে সাহস্ৰং কমল বলিমাধায পদযোঃ
যদেকোনে তস্মিন্ নিজমুদহৰন্নেত্ৰকমলম্ ।
গতো ভক্ত্যুদ্ৰেকঃ পৰিণতিমসৌ চক্ৰৱপুষঃ
ত্ৰযাণাং ৰক্ষাযৈ ত্ৰিপুৰহৰ জাগৰ্তি জগতাম্ ॥ ১৯॥
ক্ৰতৌ সুপ্তে জাগ্ৰত্ ত্ৱমসি ফলযোগে ক্ৰতুমতাং
ক্ৱ কৰ্ম প্ৰধ্ৱস্তং ফলতি পুৰুষাৰাধনমৃতে ।
অতস্ত্ৱাং সম্প্ৰেক্ষ্য ক্ৰতুষু ফলদান-প্ৰতিভুৱং
শ্ৰুতৌ শ্ৰদ্ধাং বধ্ৱা দৃঢপৰিকৰঃ কৰ্মসু জনঃ ॥ ২০॥
ক্ৰিযাদক্ষো দক্ষঃ ক্ৰতুপতিৰধীশস্তনুভৃতাং
ঋষীণামাৰ্ত্ৱিজ্যং শৰণদ সদস্যাঃ সুৰ-গণাঃ ।
ক্ৰতুভ্ৰংশস্ত্ৱত্তঃ ক্ৰতুফল-ৱিধান-ৱ্যসনিনঃ
ধ্ৰুৱং কৰ্তুং শ্ৰদ্ধা ৱিধুৰমভিচাৰায হি মখাঃ ॥ ২১॥
প্ৰজানাথং নাথ প্ৰসভমভিকং স্ৱাং দুহিতৰং
গতং ৰোহিদ্ ভূতাং ৰিৰমযিষুমৃষ্যস্য ৱপুষা ।
ধনুষ্পাণেৰ্যাতং দিৱমপি সপত্ৰাকৃতমমুং
ত্ৰসন্তং তেঽদ্যাপি ত্যজতি ন মৃগৱ্যাধৰভসঃ ॥ ২২॥
স্ৱলাৱণ্যাশংসা ধৃতধনুষমহ্নায তৃণৱত্
পুৰঃ প্লুষ্টং দৃষ্ট্ৱা পুৰমথন পুষ্পাযুধমপি ।
যদি স্ত্ৰৈণং দেৱী যমনিৰত-দেহাৰ্ধ-ঘটনাত্
অৱৈতি ত্ৱামদ্ধা বত ৱৰদ মুগ্ধা যুৱতযঃ ॥ ২৩॥
শ্মশানেষ্ৱাক্ৰীডা স্মৰহৰ পিশাচাঃ সহচৰাঃ
চিতা-ভস্মালেপঃ স্ৰগপি নৃকৰোটী-পৰিকৰঃ ।
অমঙ্গল্যং শীলং তৱ ভৱতু নামৈৱমখিলং
তথাপি স্মৰ্তৄণাং ৱৰদ পৰমং মঙ্গলমসি ॥ ২৪॥
মনঃ প্ৰত্যক্ চিত্তে সৱিধমৱিধাযাত্ত-মৰুতঃ
প্ৰহৃষ্যদ্ৰোমাণঃ প্ৰমদ-সলিলোত্সঙ্গতি-দৃশঃ ।
যদালোক্যাহ্লাদং হ্ৰদ ইৱ নিমজ্যামৃতমযে
দধত্যন্তস্তত্ত্ৱং কিমপি যমিনস্তত্ কিল ভৱান্ ॥ ২৫॥
ত্ৱমৰ্কস্ত্ৱং সোমস্ত্ৱমসি পৱনস্ত্ৱং হুতৱহঃ
ত্ৱমাপস্ত্ৱং ৱ্যোম ত্ৱমু ধৰণিৰাত্মা ত্ৱমিতি চ ।
পৰিচ্ছিন্নামেৱং ত্ৱযি পৰিণতা বিভ্ৰতি গিৰং
ন ৱিদ্মস্তত্তত্ত্ৱং ৱযমিহ তু যত্ ত্ৱং ন ভৱসি ॥ ২৬॥
ত্ৰযীং তিস্ৰো ৱৃত্তীস্ত্ৰিভুৱনমথো ত্ৰীনপি সুৰান্
অকাৰাদ্যৈৰ্ৱৰ্ণৈস্ত্ৰিভিৰভিদধত্ তীৰ্ণৱিকৃতি ।
তুৰীযং তে ধাম ধ্ৱনিভিৰৱৰুন্ধানমণুভিঃ
সমস্ত-ৱ্যস্তং ত্ৱাং শৰণদ গৃণাত্যোমিতি পদম্ ॥ ২৭॥
ভৱঃ শৰ্ৱো ৰুদ্ৰঃ পশুপতিৰথোগ্ৰঃ সহমহান্
তথা ভীমেশানাৱিতি যদভিধানাষ্টকমিদম্ ।
অমুষ্মিন্ প্ৰত্যেকং প্ৰৱিচৰতি দেৱ শ্ৰুতিৰপি
প্ৰিযাযাস্মৈধাম্নে প্ৰণিহিত-নমস্যোঽস্মি ভৱতে ॥ ২৮॥
নমো নেদিষ্ঠায প্ৰিযদৱ দৱিষ্ঠায চ নমঃ
নমঃ ক্ষোদিষ্ঠায স্মৰহৰ মহিষ্ঠায চ নমঃ ।
নমো ৱৰ্ষিষ্ঠায ত্ৰিনযন যৱিষ্ঠায চ নমঃ
নমঃ সৰ্ৱস্মৈ তে তদিদমতিসৰ্ৱায চ নমঃ ॥ ২৯॥
বহুল-ৰজসে ৱিশ্ৱোত্পত্তৌ ভৱায নমো নমঃ
প্ৰবল-তমসে তত্ সংহাৰে হৰায নমো নমঃ ।
জন-সুখকৃতে সত্ত্ৱোদ্ৰিক্তৌ মৃডায নমো নমঃ
প্ৰমহসি পদে নিস্ত্ৰৈগুণ্যে শিৱায নমো নমঃ ॥ ৩০॥
কৃশ-পৰিণতি-চেতঃ ক্লেশৱশ্যং ক্ৱ চেদং
ক্ৱ চ তৱ গুণ-সীমোল্লঙ্ঘিনী শশ্ৱদৃদ্ধিঃ ।
ইতি চকিতমমন্দীকৃত্য মাং ভক্তিৰাধাদ্
ৱৰদ চৰণযোস্তে ৱাক্য-পুষ্পোপহাৰম্ ॥ ৩১॥
অসিত-গিৰি-সমং স্যাত্ কজ্জলং সিন্ধু-পাত্ৰে
সুৰ-তৰুৱৰ-শাখা লেখনী পত্ৰমুৰ্ৱী ।
লিখতি যদি গৃহীত্ৱা শাৰদা সৰ্ৱকালং
তদপি তৱ গুণানামীশ পাৰং ন যাতি ॥ ৩২॥
অসুৰ-সুৰ-মুনীন্দ্ৰৈৰৰ্চিতস্যেন্দু-মৌলেঃ
গ্ৰথিত-গুণমহিম্নো নিৰ্গুণস্যেশ্ৱৰস্য ।
সকল-গণ-ৱৰিষ্ঠঃ পুষ্পদন্তাভিধানঃ
ৰুচিৰমলঘুৱৃত্তৈঃ স্তোত্ৰমেতচ্চকাৰ ॥ ৩৩॥
অহৰহৰনৱদ্যং ধূৰ্জটেঃ স্তোত্ৰমেতত্
পঠতি পৰমভক্ত্যা শুদ্ধ-চিত্তঃ পুমান্ যঃ ।
স ভৱতি শিৱলোকে ৰুদ্ৰতুল্যস্তথাঽত্ৰ
প্ৰচুৰতৰ-ধনাযুঃ পুত্ৰৱান্ কীৰ্তিমাংশ্চ ॥ ৩৪॥
মহেশান্নাপৰো দেৱো মহিম্নো নাপৰা স্তুতিঃ ।
অঘোৰান্নাপৰো মন্ত্ৰো নাস্তি তত্ত্ৱং গুৰোঃ পৰম্ ॥ ৩৫॥
দীক্ষা দানং তপস্তীৰ্থং জ্ঞানং যাগাদিকাঃ ক্ৰিযাঃ ।
মহিম্নস্তৱ পাঠস্য কলাং নাৰ্হন্তি ষোডশীম্ ॥ ৩৬॥
কুসুমদশন-নামা সৰ্ৱ-গন্ধৰ্ৱ-ৰাজঃ
শশিধৰৱৰ-মৌলেৰ্দেৱদেৱস্য দাসঃ ।
স খলু নিজ-মহিম্নো ভ্ৰষ্ট এৱাস্য ৰোষাত্
স্তৱনমিদমকাৰ্ষীদ্ দিৱ্য-দিৱ্যং মহিম্নঃ ॥ ৩৭॥
সুৰগুৰুমভিপূজ্য স্ৱৰ্গ-মোক্ষৈক-হেতুং
পঠতি যদি মনুষ্যঃ প্ৰাঞ্জলিৰ্নান্য-চেতাঃ ।
ৱ্ৰজতি শিৱ-সমীপং কিন্নৰৈঃ স্তূযমানঃ
স্তৱনমিদমমোঘং পুষ্পদন্তপ্ৰণীতম্ ॥ ৩৮॥
আসমাপ্তমিদং স্তোত্ৰং পুণ্যং গন্ধৰ্ৱ-ভাষিতম্ ।
অনৌপম্যং মনোহাৰি সৰ্ৱমীশ্ৱৰৱৰ্ণনম্ ॥ ৩৯॥
ইত্যেষা ৱাঙ্মযী পূজা শ্ৰীমচ্ছঙ্কৰ-পাদযোঃ ।
অৰ্পিতা তেন দেৱেশঃ প্ৰীযতাং মে সদাশিৱঃ ॥ ৪০॥
তৱ তত্ত্ৱং ন জানামি কীদৃশোঽসি মহেশ্ৱৰ ।
যাদৃশোঽসি মহাদেৱ তাদৃশায নমো নমঃ ॥ ৪১॥
এককালং দ্ৱিকালং ৱা ত্ৰিকালং যঃ পঠেন্নৰঃ ।
সৰ্ৱপাপ-ৱিনিৰ্মুক্তঃ শিৱ লোকে মহীযতে ॥ ৪২॥
শ্ৰী পুষ্পদন্ত-মুখ-পঙ্কজ-নিৰ্গতেন
স্তোত্ৰেণ কিল্বিষ-হৰেণ হৰ-প্ৰিযেণ ।
কণ্ঠস্থিতেন পঠিতেন সমাহিতেন
সুপ্ৰীণিতো ভৱতি ভূতপতিৰ্মহেশঃ ॥ ৪৩॥

॥ ইতি শ্ৰী পুষ্পদন্ত ৱিৰচিতং শিৱমহিম্নঃ
স্তোত্ৰং সমাপ্তম্ ॥

More Shiva Stotras

शिव मानस पूजा
Shiva Manasa Puja
मार्गबन्धुस्तोत्रम्
Margabandhu Stotram
शिव नित्य पूजा विधानम्
Shiva Nitya Puja Vidhanam
श्री शिवपदमणिमाला स्तोत्रम्
Sri Sivapadamanimala Stotram
शिव पादादि केशान्त वर्णन स्तोत्रं
Shiva Padadi Keshanta Varnana Stotram
शिवपंचाक्षरस्तोत्रम्
Shiva Panchakshara Stotram
श्री शिव पञ्चाक्षरनक्षत्रमाला स्तोत्रम्
Sri Siva Pancaksaranaksatramala Stotram
शिव पञ्चामृत स्नानाभिषेकम्
Shiva Panchamrita Snanabhishekam
View All Shiva Collection →

Also Chanted For

Health & Healing

Explore More

Shiva CollectionWealthObstaclesHealthProtectionWisdomHome