॥ শ্রী প্রত্যংগিরা সূক্তম্ (অথর্ববেদোক্তম্) ॥
(অ.বে.কা-১০.সূ-১)
যাং কল্পযন্তি বহতৌ বধূমিব বিশ্বরূপাং হস্তকৃতাং চিকিত্সবঃ ।
সারাদেত্বপ নুদাম এনাম্ ॥ ১ ॥
সারাদেত্বপ নুদাম এনাম্ ॥ ১ ॥
শীর্ষণ্বতী নস্বতী কর্ণিণী কৃত্যাকৃতা সংভৃতা বিশ্বরূপা ।
সারাদেত্বপ নুদাম এনাম্ ॥ ২ ॥
সারাদেত্বপ নুদাম এনাম্ ॥ ২ ॥
শূদ্রকৃতা রাজকৃতা স্ত্রীকৃতা ব্রহ্মভিঃ কৃতা ।
জাযা পত্যা নুত্তেব কর্তারং বন্ধ্বৃচ্ছতু ॥ ৩ ॥
জাযা পত্যা নুত্তেব কর্তারং বন্ধ্বৃচ্ছতু ॥ ৩ ॥
অনযাহমোষধ্যা সর্বাঃ কৃত্যা অদূদুষম্ ।
যাং ক্ষেত্রে চক্রুর্যাং গোষু যাং বা তে পুরুষেষু ॥ ৪ ॥
যাং ক্ষেত্রে চক্রুর্যাং গোষু যাং বা তে পুরুষেষু ॥ ৪ ॥
অঘমস্ত্বঘকৃতে শপথঃ শপথীযতে ।
প্রত্যক্প্রতিপ্রহিণ্মো যথা কৃত্যাকৃতং হনত্ ॥ ৫ ॥
প্রত্যক্প্রতিপ্রহিণ্মো যথা কৃত্যাকৃতং হনত্ ॥ ৫ ॥
প্রতীচীন আঙ্গিরসোঽধ্যক্ষো নঃ পুরোহিতঃ ।
প্রতীচীঃ কৃত্যা আকৃত্যামূন্কৃত্যাকৃতো জহি ॥ ৬ ॥
প্রতীচীঃ কৃত্যা আকৃত্যামূন্কৃত্যাকৃতো জহি ॥ ৬ ॥
যস্ত্বোবাচ পরেহীতি প্রতিকূলমুদায্যঽম্ ।
তং কৃত্যেঽভিনিবর্তস্ব মাস্মানিচ্ছো অনাগসঃ ॥ ৭ ॥
তং কৃত্যেঽভিনিবর্তস্ব মাস্মানিচ্ছো অনাগসঃ ॥ ৭ ॥
যস্তে পরূংষি সংদধৌ রথস্যেবর্ভুর্ধিযা ।
তং গচ্ছ তত্র তেঽযনমজ্ঞাতস্তেঽযং জনঃ ॥ ৮ ॥
তং গচ্ছ তত্র তেঽযনমজ্ঞাতস্তেঽযং জনঃ ॥ ৮ ॥
যে ত্বা কৃত্বালেভিরে বিদ্বলা অভিচারিণঃ ।
শংভ্বীদং কৃত্যাদূষণং প্রতিবর্ত্ম পুনঃসরং তেন ত্বা স্নপযামসি ॥ ৯ ॥
শংভ্বীদং কৃত্যাদূষণং প্রতিবর্ত্ম পুনঃসরং তেন ত্বা স্নপযামসি ॥ ৯ ॥
যদ্দুর্ভগাং প্রস্নপিতাং মৃতবত্সামুপেযিম ।
অপৈতু সর্বং মত্পাপং দ্রবিণং মোপ তিষ্ঠতু ॥ ১০ ॥
অপৈতু সর্বং মত্পাপং দ্রবিণং মোপ তিষ্ঠতু ॥ ১০ ॥
যত্তে পিতৃভ্যো দদতো যজ্ঞে বা নাম জগৃহুঃ ।
সন্দেশ্যাত্সর্বস্মাত্পাপাদিমা মুঞ্চন্তু ত্বৌষধীঃ ॥ ১১ ॥
সন্দেশ্যাত্সর্বস্মাত্পাপাদিমা মুঞ্চন্তু ত্বৌষধীঃ ॥ ১১ ॥
দেবৈনসাত্পিত্র্যান্নামগ্রাহাত্সংদেশ্যাঽদভিনিষ্কৃতাত্ ।
মুঞ্চন্তু ত্বা বীরুধো বীর্যেঽণ ব্রহ্মণা ঋগ্ভিঃ পযস ঋষীণাম্ ॥ ১২ ॥
মুঞ্চন্তু ত্বা বীরুধো বীর্যেঽণ ব্রহ্মণা ঋগ্ভিঃ পযস ঋষীণাম্ ॥ ১২ ॥
যথা বাতশ্চ্যাবযতি ভূম্যা রেণুমন্তরিক্ষাচ্চাভ্রম্ ।
এবা মত্সর্বং দুর্ভূতং ব্রহ্মনুত্তমপাযতি ॥ ১৩ ॥
এবা মত্সর্বং দুর্ভূতং ব্রহ্মনুত্তমপাযতি ॥ ১৩ ॥
অপ ক্রাম নানদতী বিনদ্ধা গর্দভীব ।
কর্তৄন্নক্ষস্বেতো নুত্তা ব্রহ্মণা বীর্যাঽবতা ॥ ১৪ ॥
কর্তৄন্নক্ষস্বেতো নুত্তা ব্রহ্মণা বীর্যাঽবতা ॥ ১৪ ॥
অযং পন্থাঃ কৃত্যেতি ত্বা নযামোঽভিপ্রহিতাং প্রতি ত্বা প্র হিণ্মঃ ।
তেনাভি যাহি ভঞ্জত্যনস্বতীব বাহিনী বিশ্বরূপা কুরূটিনী ॥ ১৫ ॥
তেনাভি যাহি ভঞ্জত্যনস্বতীব বাহিনী বিশ্বরূপা কুরূটিনী ॥ ১৫ ॥
পরাক্তে জ্যোতিরপথং তে অর্বাগন্যত্রাস্মদযনা কৃণুষ্ব ।
পরেণেহি নবতিং নাব্যা অতি দুর্গাঃ স্রোত্যা মা ক্ষণিষ্ঠাঃ পরেহি ॥ ১৬ ॥
পরেণেহি নবতিং নাব্যা অতি দুর্গাঃ স্রোত্যা মা ক্ষণিষ্ঠাঃ পরেহি ॥ ১৬ ॥
বাত ইব বৃক্ষান্নি মৃণীহি পাদয মা গামশ্বং পুরুষমুচ্ছিষ এষাম্ ।
কর্তৄন্ নিবৃত্যেতঃ কৃত্যেঽপ্রজাস্ত্বায বোধয ॥ ১৭ ॥
কর্তৄন্ নিবৃত্যেতঃ কৃত্যেঽপ্রজাস্ত্বায বোধয ॥ ১৭ ॥
যাং তে বর্হিষি যাং শ্মশানে ক্ষেত্রে কৃত্যাং বলগং বা নিচখ্নুঃ ।
অগ্নৌ বা ত্বা গার্হপত্যেঽভিচেরুঃ পাকং সন্তং ধীরতরা অনাগসম্ ॥ ১৯ ॥
অগ্নৌ বা ত্বা গার্হপত্যেঽভিচেরুঃ পাকং সন্তং ধীরতরা অনাগসম্ ॥ ১৯ ॥
উপাহৃতমনুবুদ্ধং নিখাতং বৈরং ত্সার্যন্ববিদাম কর্ত্রম্ ।
তদেতু যত আভৃতং তত্রাশ্ব ইব বি বর্ততাং হংতু কৃত্যাকৃতঃ প্রজাম্ ॥ ১৯ ॥
তদেতু যত আভৃতং তত্রাশ্ব ইব বি বর্ততাং হংতু কৃত্যাকৃতঃ প্রজাম্ ॥ ১৯ ॥
স্বাযসা অসযঃ সংতি নো গৃহে বিদ্মা তে কৃত্যে যতিধা পরূংষি ।
উত্তিষ্ঠৈব পরেহীতোঽজ্ঞাতে কিমিহেচ্ছসি ॥ ২০ ॥
উত্তিষ্ঠৈব পরেহীতোঽজ্ঞাতে কিমিহেচ্ছসি ॥ ২০ ॥
গ্রীবাস্তে কৃত্যে পাদৌ চাপি কর্ত্স্যামি নির্দ্রব ।
ইন্দ্রাগ্নী অস্মান্রক্ষতাং যৌ প্রজানাং প্রজাবতী ॥ ২১ ॥
ইন্দ্রাগ্নী অস্মান্রক্ষতাং যৌ প্রজানাং প্রজাবতী ॥ ২১ ॥
সোমো রাজাধিপা মৃডিতা চ ভূতস্য নঃ পতযো মৃডযন্তু ॥ ২২ ॥
ভবাশর্বাবস্যতাং পাপকৃতে কৃত্যাকৃতে ।
দুষ্কৃতে বিদ্যুতং দেবহেতিম্ ॥ ২৩ ॥
দুষ্কৃতে বিদ্যুতং দেবহেতিম্ ॥ ২৩ ॥
যদ্যেযথ দ্বিপদী চতুষ্পদী কৃত্যাকৃতা সংভৃতা বিশ্বরূপা ।
সেতোষ্টাপদী ভূত্বা পুনঃ পরেহি দুচ্ছুনে ॥ ২৪ ॥
সেতোষ্টাপদী ভূত্বা পুনঃ পরেহি দুচ্ছুনে ॥ ২৪ ॥
অভ্যক্তাক্তা স্বঽরংকৃতা সর্বং ভরন্তী দুরিতং পরেহি ।
জানীহি কৃত্যে কর্তারং দুহিতেব পিতরং স্বম্ ॥ ২৫ ॥
জানীহি কৃত্যে কর্তারং দুহিতেব পিতরং স্বম্ ॥ ২৫ ॥
পরেহি কৃত্যে মা তিষ্ঠো বিদ্ধস্যেব পদং নয ।
মৃগঃ স মৃগযুস্ত্বং ন ত্বা নিকর্তুমর্হতি ॥ ২৬ ॥
মৃগঃ স মৃগযুস্ত্বং ন ত্বা নিকর্তুমর্হতি ॥ ২৬ ॥
উত হন্তি পূর্বাসিনং প্রত্যাদাযাপর ইষ্বা ।
উত পূর্বস্য নিঘ্নতো নি হন্ত্যপরঃ প্রতি ॥ ২৭ ॥
উত পূর্বস্য নিঘ্নতো নি হন্ত্যপরঃ প্রতি ॥ ২৭ ॥
এতদ্ধি শৃণু মে বচোঽথেহি যত এযথ ।
যস্ত্বা চকার তং প্রতি ॥ ২৮ ॥
যস্ত্বা চকার তং প্রতি ॥ ২৮ ॥
অনাগোহত্যা বৈ ভীমা কৃত্যে মা নো গামশ্বং পুরুষং বধীঃ ।
যত্রযত্রাসি নিহিতা ততস্ত্বোত্থাপযামসি পর্ণাল্লঘীযসী ভব ॥ ২৯ ॥
যত্রযত্রাসি নিহিতা ততস্ত্বোত্থাপযামসি পর্ণাল্লঘীযসী ভব ॥ ২৯ ॥
যদি স্থ তমসাবৃতা জালেনাভিহিতা ইব ।
সর্বাঃ সংলুপ্যেতঃ কৃত্যাঃ পুনঃ কর্ত্রে প্র হিণ্মসি ॥ ৩০ ॥
সর্বাঃ সংলুপ্যেতঃ কৃত্যাঃ পুনঃ কর্ত্রে প্র হিণ্মসি ॥ ৩০ ॥
কৃত্যাকৃতো বলগিনোঽভিনিষ্কারিণঃ প্রজাম্ ।
মৃণীহি কৃত্যে মোচ্ছিষোঽমূন্কৃত্যাকৃতো জহি ॥ ৩১ ॥
মৃণীহি কৃত্যে মোচ্ছিষোঽমূন্কৃত্যাকৃতো জহি ॥ ৩১ ॥
যথা সূর্যো মুচ্যতে তমসস্পরি রাত্রিং জহাত্যুষসশ্চ কেতূন্ ।
এবাহং সর্বং দুর্ভূতং কর্ত্রং কৃত্যাকৃতা কৃতং হস্তীব রজো দুরিতং জহামি ॥ ৩২ ॥
এবাহং সর্বং দুর্ভূতং কর্ত্রং কৃত্যাকৃতা কৃতং হস্তীব রজো দুরিতং জহামি ॥ ৩২ ॥
॥ ইতি অথর্ববেদোক্তং শ্রী প্রত্যংগিরা সূক্তম্ (কৃত্যাপরিহরণ সূক্তম্) সম্পূর্ণম্ ॥