What is Shri Rama Kavacham?

Read Shri Rama Kavacham in Gujarati script — full lyrics with English meaning and transliteration. Shri Rama Kavacham is a potent protective hymn derived from the Ananda Ramayana. It invokes the divine presence of Lord Rama, accompanied by Goddess Sita and Lakshmana, to form a spiritual shield around the devotee. Traditionally recited for protection against negative influences, internal fears, and external dangers, this stotra harmonizes the body and mind. By meditating on the radiant, lotus-eyed form of Lord Rama, the practitioner seeks his grace, fostering inner courage, mental clarity, and spiritual fortitude, ultimately leading to the attainment of peace and liberation under the Lord's divine guidance.

Which deity is Shri Rama Kavacham dedicated to?

Shri Rama Kavacham is a Sanskrit hymn dedicated to Lord Rama.

Who composed Shri Rama Kavacham?

Shri Rama Kavacham is traditionally attributed to From Ananda Ramayana.

Shri Rama Kavacham in Gujarati – Meaning & Word-by-Word

આજાનુબાહુમરવિન્દદલાયતાક્ષ-
-માજન્મશુદ્ધરસહાસમુખપ્રસાદમ્ ।
શ્યામં ગૃહીત શરચાપમુદારરૂપં
રામં સરામમભિરામમનુસ્મરામિ ॥ 1 ॥

અસ્ય શ્રીરામકવચસ્ય અગસ્ત્ય ઋષિઃ અનુષ્ટુપ્ છન્દઃ સીતાલક્ષ્મણોપેતઃ શ્રીરામચન્દ્રો દેવતા શ્રીરામચન્દ્રપ્રસાદસિદ્ધ્યર્થે જપે વિનિયોગઃ ।

અથ ધ્યાનં
નીલજીમૂતસઙ્કાશં વિદ્યુદ્વર્ણામ્બરાવૃતમ્ ।
કોમલાઙ્ગં વિશાલાક્ષં યુવાનમતિસુન્દરમ્ ॥ 1 ॥

સીતાસૌમિત્રિસહિતં જટામુકુટધારિણમ્ ।
સાસિતૂણધનુર્બાણપાણિં દાનવમર્દનમ્ ॥ 2 ॥

યદા ચોરભયે રાજભયે શત્રુભયે તથા ।
ધ્યાત્વા રઘુપતિં ક્રુદ્ધં કાલાનલસમપ્રભમ્ ॥ 3 ॥

ચીરકૃષ્ણાજિનધરં ભસ્મોદ્ધૂલિતવિગ્રહમ્ ।
આકર્ણાકૃષ્ટવિશિખકોદણ્ડભુજમણ્ડિતમ્ ॥ 4 ॥

રણે રિપૂન્ રાવણાદીંસ્તીક્ષ્ણમાર્ગણવૃષ્ટિભિઃ ।
સંહરન્તં મહાવીરમુગ્રમૈન્દ્રરથસ્થિતમ્ ॥ 5 ॥

લક્ષ્મણાદ્યૈર્મહાવીરૈર્વૃતં હનુમદાદિભિઃ ।
સુગ્રીવાદ્યૈર્માહાવીરૈઃ શૈલવૃક્ષકરોદ્યતૈઃ ॥ 6 ॥

વેગાત્કરાલહુઙ્કારૈર્ભુભુક્કારમહારવૈઃ ।
નદદ્ભિઃ પરિવાદદ્ભિઃ સમરે રાવણં પ્રતિ ॥ 7 ॥

શ્રીરામ શત્રુસઙ્ઘાન્મે હન મર્દય ખાદય ।
ભૂતપ્રેતપિશાચાદીન્ શ્રીરામાશુ વિનાશય ॥ 8 ॥

એવં ધ્યાત્વા જપેદ્રામકવચં સિદ્ધિદાયકમ્ ।
સુતીક્ષ્ણ વજ્રકવચં શૃણુ વક્ષ્યામ્યનુત્તમમ્ ॥ 9 ॥

અથ કવચમ્
શ્રીરામઃ પાતુ મે મૂર્ધ્નિ પૂર્વે ચ રઘુવંશજઃ ।
દક્ષિણે મે રઘુવરઃ પશ્ચિમે પાતુ પાવનઃ ॥ 10 ॥

ઉત્તરે મે રઘુપતિર્ભાલં દશરથાત્મજઃ ।
ભ્રુવોર્દૂર્વાદલશ્યામસ્તયોર્મધ્યે જનાર્દનઃ ॥ 11 ॥

શ્રોત્રં મે પાતુ રાજેન્દ્રો દૃશૌ રાજીવલોચનઃ ।
ઘ્રાણં મે પાતુ રાજર્ષિર્ગણ્ડૌ મે જાનકીપતિઃ ॥ 12 ॥

કર્ણમૂલે ખરધ્વંસી ભાલં મે રઘુવલ્લભઃ ।
જિહ્વાં મે વાક્પતિઃ પાતુ દન્તપઙ્ક્તી રઘૂત્તમઃ ॥ 13 ॥

ઓષ્ઠૌ શ્રીરામચન્દ્રો મે મુખં પાતુ પરાત્પરઃ ।
કણ્ઠં પાતુ જગદ્વન્દ્યઃ સ્કન્ધૌ મે રાવણાન્તકઃ ॥ 14 ॥

ધનુર્બાણધરઃ પાતુ ભુજૌ મે વાલિમર્દનઃ ।
સર્વાણ્યઙ્ગુલિપર્વાણિ હસ્તૌ મે રાક્ષસાન્તકઃ ॥ 15 ॥

વક્ષો મે પાતુ કાકુત્સ્થઃ પાતુ મે હૃદયં હરિઃ ।
સ્તનૌ સીતાપતિઃ પાતુ પાર્શ્વં મે જગદીશ્વરઃ ॥ 16 ॥

મધ્યં મે પાતુ લક્ષ્મીશો નાભિં મે રઘુનાયકઃ ।
કૌસલ્યેયઃ કટી પાતુ પૃષ્ઠં દુર્ગતિનાશનઃ ॥ 17 ॥

ગુહ્યં પાતુ હૃષીકેશઃ સક્થિની સત્યવિક્રમઃ ।
ઊરૂ શાર્ઙ્ગધરઃ પાતુ જાનુની હનુમત્પ્રિયઃ ॥ 18 ॥

જઙ્ઘે પાતુ જગદ્વ્યાપી પાદૌ મે તાટકાન્તકઃ ।
સર્વાઙ્ગં પાતુ મે વિષ્ણુઃ સર્વસન્ધીનનામયઃ ॥ 19 ॥

જ્ઞાનેન્દ્રિયાણિ પ્રાણાદીન્ પાતુ મે મધુસૂદનઃ ।
પાતુ શ્રીરામભદ્રો મે શબ્દાદીન્વિષયાનપિ ॥ 20 ॥

દ્વિપદાદીનિ ભૂતાનિ મત્સમ્બન્ધીનિ યાનિ ચ ।
જામદગ્ન્યમહાદર્પદલનઃ પાતુ તાનિ મે ॥ 21 ॥

સૌમિત્રિપૂર્વજઃ પાતુ વાગાદીનીન્દ્રિયાણિ ચ ।
રોમાઙ્કુરાણ્યશેષાણિ પાતુ સુગ્રીવરાજ્યદઃ ॥ 22 ॥

વાઙ્મનોબુદ્ધ્યહઙ્કારૈર્જ્ઞાનાજ્ઞાનકૃતાનિ ચ ।
જન્માન્તરકૃતાનીહ પાપાનિ વિવિધાનિ ચ ॥ 23 ॥

તાનિ સર્વાણિ દગ્ધ્વાશુ હરકોદણ્ડખણ્ડનઃ ।
પાતુ માં સર્વતો રામઃ શાર્ઙ્ગબાણધરઃ સદા ॥ 24 ॥

ઇતિ શ્રીરામચન્દ્રસ્ય કવચં વજ્રસમ્મિતમ્ ।
ગુહ્યાદ્ગુહ્યતમં દિવ્યં સુતીક્ષ્ણ મુનિસત્તમ ॥ 25 ॥

યઃ પઠેચ્છૃણુયાદ્વાપિ શ્રાવયેદ્વા સમાહિતઃ ।
સ યાતિ પરમં સ્થાનં રામચન્દ્રપ્રસાદતઃ ॥ 26 ॥

મહાપાતકયુક્તો વા ગોઘ્નો વા ભ્રૂણહા તથા ।
શ્રીરામચન્દ્રકવચપઠનાચ્છુદ્ધિમાપ્નુયાત્ ॥ 27 ॥

બ્રહ્મહત્યાદિભિઃ પાપૈર્મુચ્યતે નાત્ર સંશયઃ ।
ભો સુતીક્ષ્ણ યથા પૃષ્ટં ત્વયા મમ પુરાઃ શુભમ્ ।
તથા શ્રીરામકવચં મયા તે વિનિવેદિતમ્ ॥ 28 ॥

શ્રી રામ કવચમ્

અગસ્તિરુવાચ

Explore More

અગસ્તિરુવાચ

More Rama Stotras

Explore More