What is Shri Rama Kavacham?

Read Shri Rama Kavacham in Malayalam script — full lyrics with English meaning and transliteration. Shri Rama Kavacham is a potent protective hymn derived from the Ananda Ramayana. It invokes the divine presence of Lord Rama, accompanied by Goddess Sita and Lakshmana, to form a spiritual shield around the devotee. Traditionally recited for protection against negative influences, internal fears, and external dangers, this stotra harmonizes the body and mind. By meditating on the radiant, lotus-eyed form of Lord Rama, the practitioner seeks his grace, fostering inner courage, mental clarity, and spiritual fortitude, ultimately leading to the attainment of peace and liberation under the Lord's divine guidance.

Which deity is Shri Rama Kavacham dedicated to?

Shri Rama Kavacham is a Sanskrit hymn dedicated to Lord Rama.

Who composed Shri Rama Kavacham?

Shri Rama Kavacham is traditionally attributed to From Ananda Ramayana.

Shri Rama Kavacham in Malayalam – Meaning & Word-by-Word

ആജാനുബാഹുമരവിന്ദദലായതാക്ഷ-
-മാജന്മശുദ്ധരസഹാസമുഖപ്രസാദമ് ।
ശ്യാമം ഗൃഹീത ശരചാപമുദാരരൂപം
രാമം സരാമമഭിരാമമനുസ്മരാമി ॥ 1 ॥

അസ്യ ശ്രീരാമകവചസ്യ അഗസ്ത്യ ഋഷിഃ അനുഷ്ടുപ് ഛന്ദഃ സീതാലക്ഷ്മണോപേതഃ ശ്രീരാമചന്ദ്രോ ദേവതാ ശ്രീരാമചന്ദ്രപ്രസാദസിദ്ധ്യര്ഥേ ജപേ വിനിയോഗഃ ।

അഥ ധ്യാനം
നീലജീമൂതസങ്കാശം വിദ്യുദ്വര്ണാമ്ബരാവൃതമ് ।
കോമലാങ്ഗം വിശാലാക്ഷം യുവാനമതിസുന്ദരമ് ॥ 1 ॥

സീതാസൌമിത്രിസഹിതം ജടാമുകുടധാരിണമ് ।
സാസിതൂണധനുര്ബാണപാണിം ദാനവമര്ദനമ് ॥ 2 ॥

യദാ ചോരഭയേ രാജഭയേ ശത്രുഭയേ തഥാ ।
ധ്യാത്വാ രഘുപതിം ക്രുദ്ധം കാലാനലസമപ്രഭമ് ॥ 3 ॥

ചീരകൃഷ്ണാജിനധരം ഭസ്മോദ്ധൂലിതവിഗ്രഹമ് ।
ആകര്ണാകൃഷ്ടവിശിഖകോദണ്ഡഭുജമണ്ഡിതമ് ॥ 4 ॥

രണേ രിപൂന് രാവണാദീംസ്തീക്ഷ്ണമാര്ഗണവൃഷ്ടിഭിഃ ।
സംഹരന്തം മഹാവീരമുഗ്രമൈന്ദ്രരഥസ്ഥിതമ് ॥ 5 ॥

ലക്ഷ്മണാദ്യൈര്മഹാവീരൈര്വൃതം ഹനുമദാദിഭിഃ ।
സുഗ്രീവാദ്യൈര്മാഹാവീരൈഃ ശൈലവൃക്ഷകരോദ്യതൈഃ ॥ 6 ॥

വേഗാത്കരാലഹുങ്കാരൈര്ഭുഭുക്കാരമഹാരവൈഃ ।
നദദ്ഭിഃ പരിവാദദ്ഭിഃ സമരേ രാവണം പ്രതി ॥ 7 ॥

ശ്രീരാമ ശത്രുസങ്ഘാന്മേ ഹന മര്ദയ ഖാദയ ।
ഭൂതപ്രേതപിശാചാദീന് ശ്രീരാമാശു വിനാശയ ॥ 8 ॥

ഏവം ധ്യാത്വാ ജപേദ്രാമകവചം സിദ്ധിദായകമ് ।
സുതീക്ഷ്ണ വജ്രകവചം ശൃണു വക്ഷ്യാമ്യനുത്തമമ് ॥ 9 ॥

അഥ കവചമ്
ശ്രീരാമഃ പാതു മേ മൂര്ധ്നി പൂര്വേ ച രഘുവംശജഃ ।
ദക്ഷിണേ മേ രഘുവരഃ പശ്ചിമേ പാതു പാവനഃ ॥ 10 ॥

ഉത്തരേ മേ രഘുപതിര്ഭാലം ദശരഥാത്മജഃ ।
ഭ്രുവോര്ദൂര്വാദലശ്യാമസ്തയോര്മധ്യേ ജനാര്ദനഃ ॥ 11 ॥

ശ്രോത്രം മേ പാതു രാജേന്ദ്രോ ദൃശൌ രാജീവലോചനഃ ।
ഘ്രാണം മേ പാതു രാജര്ഷിര്ഗണ്ഡൌ മേ ജാനകീപതിഃ ॥ 12 ॥

കര്ണമൂലേ ഖരധ്വംസീ ഭാലം മേ രഘുവല്ലഭഃ ।
ജിഹ്വാം മേ വാക്പതിഃ പാതു ദന്തപങ്ക്തീ രഘൂത്തമഃ ॥ 13 ॥

ഓഷ്ഠൌ ശ്രീരാമചന്ദ്രോ മേ മുഖം പാതു പരാത്പരഃ ।
കണ്ഠം പാതു ജഗദ്വന്ദ്യഃ സ്കന്ധൌ മേ രാവണാന്തകഃ ॥ 14 ॥

ധനുര്ബാണധരഃ പാതു ഭുജൌ മേ വാലിമര്ദനഃ ।
സര്വാണ്യങ്ഗുലിപര്വാണി ഹസ്തൌ മേ രാക്ഷസാന്തകഃ ॥ 15 ॥

വക്ഷോ മേ പാതു കാകുത്സ്ഥഃ പാതു മേ ഹൃദയം ഹരിഃ ।
സ്തനൌ സീതാപതിഃ പാതു പാര്ശ്വം മേ ജഗദീശ്വരഃ ॥ 16 ॥

മധ്യം മേ പാതു ലക്ഷ്മീശോ നാഭിം മേ രഘുനായകഃ ।
കൌസല്യേയഃ കടീ പാതു പൃഷ്ഠം ദുര്ഗതിനാശനഃ ॥ 17 ॥

ഗുഹ്യം പാതു ഹൃഷീകേശഃ സക്ഥിനീ സത്യവിക്രമഃ ।
ഊരൂ ശാര്ങ്ഗധരഃ പാതു ജാനുനീ ഹനുമത്പ്രിയഃ ॥ 18 ॥

ജങ്ഘേ പാതു ജഗദ്വ്യാപീ പാദൌ മേ താടകാന്തകഃ ।
സര്വാങ്ഗം പാതു മേ വിഷ്ണുഃ സര്വസന്ധീനനാമയഃ ॥ 19 ॥

ജ്ഞാനേന്ദ്രിയാണി പ്രാണാദീന് പാതു മേ മധുസൂദനഃ ।
പാതു ശ്രീരാമഭദ്രോ മേ ശബ്ദാദീന്വിഷയാനപി ॥ 20 ॥

ദ്വിപദാദീനി ഭൂതാനി മത്സമ്ബന്ധീനി യാനി ച ।
ജാമദഗ്ന്യമഹാദര്പദലനഃ പാതു താനി മേ ॥ 21 ॥

സൌമിത്രിപൂര്വജഃ പാതു വാഗാദീനീന്ദ്രിയാണി ച ।
രോമാങ്കുരാണ്യശേഷാണി പാതു സുഗ്രീവരാജ്യദഃ ॥ 22 ॥

വാങ്മനോബുദ്ധ്യഹങ്കാരൈര്ജ്ഞാനാജ്ഞാനകൃതാനി ച ।
ജന്മാന്തരകൃതാനീഹ പാപാനി വിവിധാനി ച ॥ 23 ॥

താനി സര്വാണി ദഗ്ധ്വാശു ഹരകോദണ്ഡഖണ്ഡനഃ ।
പാതു മാം സര്വതോ രാമഃ ശാര്ങ്ഗബാണധരഃ സദാ ॥ 24 ॥

ഇതി ശ്രീരാമചന്ദ്രസ്യ കവചം വജ്രസമ്മിതമ് ।
ഗുഹ്യാദ്ഗുഹ്യതമം ദിവ്യം സുതീക്ഷ്ണ മുനിസത്തമ ॥ 25 ॥

യഃ പഠേച്ഛൃണുയാദ്വാപി ശ്രാവയേദ്വാ സമാഹിതഃ ।
സ യാതി പരമം സ്ഥാനം രാമചന്ദ്രപ്രസാദതഃ ॥ 26 ॥

മഹാപാതകയുക്തോ വാ ഗോഘ്നോ വാ ഭ്രൂണഹാ തഥാ ।
ശ്രീരാമചന്ദ്രകവചപഠനാച്ഛുദ്ധിമാപ്നുയാത് ॥ 27 ॥

ബ്രഹ്മഹത്യാദിഭിഃ പാപൈര്മുച്യതേ നാത്ര സംശയഃ ।
ഭോ സുതീക്ഷ്ണ യഥാ പൃഷ്ടം ത്വയാ മമ പുരാഃ ശുഭമ് ।
തഥാ ശ്രീരാമകവചം മയാ തേ വിനിവേദിതമ് ॥ 28 ॥

ശ്രീ രാമ കവചമ്

അഗസ്തിരുവാച

Explore More

അഗസ്തിരുവാച

More Rama Stotras

Explore More