Lord Ganesha

શ્રી રત્નગર્ભ ગણેશ વિલાસ સ્તુતિઃ

(Sri Ratnagarbha Ganesa Vilasa Stutih in Gujarati)

Subrahmanya Yogi

Also known as sri ratnagarbha ganesha vilasa stotram · shri ratnagarbha ganesa vilasa stutih · shree ratnagarbha ganesa vilasa stutih

Language:Sanskrit
Translation:English

The last and longest of Subrahmanya Yogi's hymns here, and it is an alliterative feat: each verse fixes on one consonant and runs it through every phrase before handing on to the next. The first is all v — born of Vamadeva, resorting to his own left side, embracing his beloved and consecrated by the sweet glance of her face, the wind's delight, doer of what is wished for, giver of happiness. The second is all k, and slips in the one piece of geography the hymn has, that he walks about Varanasi. The third is all m — the ferry across the sea of delusion, averter of maya's deceptions, remover of the fear of death. Every verse ends alike, on the elephant-faced one in whom I take refuge, who turns obstacles aside from those who bow. Its signature verse says it was uttered for the purifying of the poet's own heart.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ શ્રી રત્નગર્ભ ગણેશ વિલાસ સ્તુતિઃ ॥
વામદેવતનૂભવં નિજવામભાગસમાશ્રિતં
વલ્લભામાશ્લિષ્ય તન્મુખવલ્ગુવીક્ષણદીક્ષિતમ્ ।
વાતનન્દન વાઞ્છિતાર્થવિધાયિનં સુખદાયિનં
વારણાનનમાશ્રયે વન્દારુવિઘ્નનિવારણમ્ ॥ ૧ ॥
કારણં જગતાં કલાધરધારિણં શુભકારિણં
કાયકાન્તિ જિતારુણં કૃતભક્તપાપવિદારિણમ્ ।
વાદિવાક્સહકારિણં વારાણસીસઞ્ચારિણં
વારણાનનમાશ્રયે વન્દારુવિઘ્નનિવારણમ્ ॥ ૨ ॥
મોહસાગરતારકં માયાવિકુહનાવારકં
મૃત્યુભયપરિહારકં રિપુકૃત્યદોષનિવારકમ્ ।
પૂજકાશાપૂરકં પુણ્યાર્થસત્કૃતિકારકં
વારણાનનમાશ્રયે વન્દારુવિઘ્નનિવારણમ્ ॥ ૩ ॥
આખુદૈત્યરથાઙ્ગમરુણમયૂખમર્થિ સુખાર્થિનં
શેખરીકૃત ચન્દ્રરેખમુદારસુગુણમદારુણમ્ ।
શ્રીખનિં શ્રિતભક્તનિર્જરશાખિનં લેખાવનં
વારણાનનમાશ્રયે વન્દારુવિઘ્નનિવારણમ્ ॥ ૪ ॥
તુઙ્ગમૂષકવાહનં સુરપુઙ્ગવારિ વિમોહનં
મઙ્ગલાયતનં મહાજનભૃઙ્ગશાન્તિવિધાયિનમ્ ।
અઙ્ગજાન્તકનન્દનં સુખભૃઙ્ગપદ્મોદઞ્ચનં
વારણાનનમાશ્રયે વન્દારુવિઘ્નનિવારણમ્ ॥ ૫ ॥
રાઘવેશ્વરરક્ષકં રક્ષૌઘશિક્ષણદક્ષકં
શ્રીઘનં શ્રિતમૌનિવચનામોઘતાસમ્પાદનમ્ ।
શ્લાઘનીયદયાગુણં મઘવત્તપઃ ફલપૂરણં
વારણાનનમાશ્રયે વન્દારુવિઘ્નનિવારણમ્ ॥ ૬ ॥
કઞ્ચનશ્ચ્યુતિગોપ્યભાવમકિઞ્ચનાંશ્ચ દયારસૈઃ
સિઞ્ચતા નિજવીક્ષણેન સમઞ્ચિતાર્થસુખાસ્પદમ્ ।
પઞ્ચવક્ત્રસુતં સુરદ્વિડ્વઞ્ચનાધૃત કૌશલં
વારણાનનમાશ્રયે વન્દારુવિઘ્નનિવારણમ્ ॥ ૭ ॥
યચ્છતક્રતુકામિતં પ્રાયચ્છદર્ચિતમાદરા-
-દ્યચ્છતચ્છદસામ્યમન્વનુગચ્છતીચ્છતિ સૌહૃદમ્ ।
તચ્છુભમ્યુકરામ્બુજં તવ દિક્પતિશ્રિયમર્થિને
વારણાનનમાશ્રયે વન્દારુવિઘ્નનિવારણમ્ ॥ ૮ ॥
રાજરાજ કિરીટકોટિ વિરાજમાન મણિપ્રભા
પુઞ્જરઞ્જિતમઞ્જુલાઙ્ઘ્રિ સરોજમજ વૃજિનાપહમ્ ।
ભઞ્જકં દિવિષદ્દ્વિષામનુરઞ્જકં મુનિસન્તતે-
-ર્વારણાનનમાશ્રયે વન્દારુવિઘ્નનિવારણમ્ ॥ ૯ ॥
શિષ્ટકષ્ટનિબર્હણં સુરજુષ્ટનિજપદવિષ્ટરં
દુષ્ટશિક્ષણધૂર્વહં મુનિપુષ્ટિતુષ્ટીષ્ટપ્રદમ્ ।
અષ્ટમૂર્તિસુતં સુકરુણાવિષ્ટમવિનષ્ટાદરં
વારણાનનમાશ્રયે વન્દારુવિઘ્નનિવારણમ્ ॥ ૧૦ ॥
શુણ્ઠશુષ્ક વિતર્કહરણાકુણ્ઠશક્તિદમર્થિને
શાઠ્યવિરહિતવિતરણં શ્રીકણ્ઠકૃતસમ્ભાષણમ્ ।
કાઠકશ્રુતિગોચરં કૃતમાઠપત્યપરીક્ષણં
વારણાનનમાશ્રયે વન્દારુવિઘ્નનિવારણમ્ ॥ ૧૧ ॥
પુણ્ડરીકકૃતાનનં શશિખણ્ડકલિતશિખણ્ડકં
કુણ્ડલીશ્વરમણ્ડિતોદરમણ્ડજેશાભીષ્ટદમ્ ।
દણ્ડપાણિભયાપહં મુનિમણ્ડલી પરિમણ્ડનં
વારણાનનમાશ્રયે વન્દારુવિઘ્નનિવારણમ્ ॥ ૧૨ ॥
ગૂઢમામ્નાયાશયં પરિલીઢમર્થિમનોરથૈ-
-ર્ગાઢમાશ્લિષ્ટં ગિરીશ ગિરીશજાભ્યાં સાદરમ્ ।
પ્રૌઢસરસકવિત્વસિદ્ધિદ મૂઢનિજભક્તાવનં
વારણાનનમાશ્રયે વન્દારુવિઘ્નનિવારણમ્ ॥ ૧૩ ॥
પાણિધૃતપાશાઙ્કુશં ગીર્વાણગણસન્દર્શકં
શોણદીધિતિમપ્રમેયમપર્ણયા પરિપોષિતમ્ ।
કાણખઞ્જકુણીષ્ટદં વિશ્રાણિતદ્વિજનામિતં
વારણાનનમાશ્રયે વન્દારુવિઘ્નનિવારણમ્ ॥ ૧૪ ॥
ભૂતભવ્યભવદ્વિભું પરિધૂતપાતકમીશસં-
-જાતમઙ્ઘ્રિ વિલાસ જિતકઞ્જાતમજિતમરાતિભિઃ ।
શીતરશ્મિરવીક્ષણં નિર્ગીતમામ્નાયોક્તિભિ-
-ર્વારણાનનમાશ્રયે વન્દારુવિઘ્નનિવારણમ્ ॥ ૧૫ ॥
પ્રાર્થનીયપદં મહાત્મભિરર્થિતં પુરવૈરિણા-
-ઽનાથવર્ગમનોરથાનપિ સાર્થયન્તમહર્નિશમ્ ।
પાન્થસત્પથદર્શકં ગણનાથમસ્મદ્દૈવતં
વારણાનનમાશ્રયે વન્દારુવિઘ્નનિવારણમ્ ॥ ૧૬ ॥
ખેદશામકસુચરિતં સ્વાભેદબોધકમદ્વયં
મોદહેતુગુણાકરં વાગ્વાદવિજયદમૈશ્વરમ્ ।
શ્રીમદનુપમસૌહૃદં મદનાશકં રિપુસન્તતે-
-ર્વારણાનનમાશ્રયે વન્દારુવિઘ્નનિવારણમ્ ॥ ૧૭ ॥
મુગ્ધમૌગ્ધ્યનિવર્તકં રુચિમુગ્ધમુર્વનુકમ્પયા
દિગ્ધમુદ્ધૃત પાદનત જનમુદ્ધરન્તમિમં ચ મામ્ ।
શુદ્ધચિત્સુખવિગ્રહં પરિશુદ્ધવૃત્ત્યભિલક્ષિતં
વારણાનનમાશ્રયે વન્દારુવિઘ્નનિવારણમ્ ॥ ૧૮ ॥
સાનુકમ્પમનારતં મુનિમાનસાબ્જમરાલકં
દીનદૈન્યવિનાશકં સિતભાનુરેખાશેખરમ્ ।
ગાનરસવિદ્ગીતસુચરિતમેનસામપનોદકં
વારણાનનમાશ્રયે વન્દારુવિઘ્નનિવારણમ્ ॥ ૧૯ ॥
કોપતાપનિરાસકં સામીપ્યદં નિજસત્કથા-
-લાપિનાં મનુજાપિ જનતાપાપહરમખિલેશ્વરમ્ ।
સાપરાધિજનાયશાપદમાપદામપહારકં
વારણાનનમાશ્રયે વન્દારુવિઘ્નનિવારણમ્ ॥ ૨૦ ॥
રિફ્ફગેષુ ખગેષુ જાતો દુષ્ફલં સમવાપ્નુયા-
-ત્સત્ફલાય ગણેશમર્ચતુ નિષ્ફલં ન તદર્પણમ્ ।
યઃ ફલીભૂતઃ ક્રતૂનાં તત્ફલાનામીશ્વરં
વારણાનનમાશ્રયે વન્દારુવિઘ્નનિવારણમ્ ॥ ૨૧ ॥
અમ્બરં યદ્વદ્વિનિર્મલમમ્બુદૈરાચ્છાદ્યતે
બિમ્બભૂતમમુષ્ય જગતઃ સામ્બસુતમજ્ઞાનતઃ ।
તં બહિઃ સઙ્ગૂહિતં હેરમ્બમાલમ્બં સતાં
વારણાનનમાશ્રયે વન્દારુવિઘ્નનિવારણમ્ ॥ ૨૨ ॥
દમ્ભકર્માચરણકૃત સૌરમ્ભયાજિમુખે મનુ-
-સ્તમ્ભકારિણમઙ્ગનાકુચકુમ્ભપરિરમ્ભાતુરૈઃ ।
શમ્ભુસુતમારાધિતં કૃતિસમ્ભવાય ચ કામિભિ-
-ર્વારણાનનમાશ્રયે વન્દારુવિઘ્નનિવારણમ્ ॥ ૨૩ ॥
સ્તૌમિ ભૂતગણેશ્વરં સપ્રેમમાત્મસ્તુતિપરે
કામિતપ્રદમર્થિને ધૃતસોમમભયદમાશ્વિને ।
શ્રીમતા નવરાત્રદીક્ષોદ્દામવૈભવભાવિતં
વારણાનનમાશ્રયે વન્દારુવિઘ્નનિવારણમ્ ॥ ૨૪ ॥
આયુરારોગ્યાદિકામિતદાયિનં પ્રતિહાયનં
શ્રેયસે સર્વૈર્યુગાદૌ ભૂયસે સમ્ભાવિતમ્ ।
કાયજીવવિયોગ કાલાપાયહરમન્ત્રેશ્વરં
વારણાનનમાશ્રયે વન્દારુવિઘ્નનિવારણમ્ ॥ ૨૫ ॥
વૈરિષટ્કનિરાસકં કામારિકામિતજીવિતં
શૌરિચિન્તાહારકં કૃતનારિકેલાહારકમ્ ।
દૂરનિર્જિતપાતકં સંસારસાગરસેતુકં
વારણાનનમાશ્રયે વન્દારુવિઘ્નનિવારણમ્ ॥ ૨૬ ॥
કાલકાલકલાભવં કલિકાલિકાઘવિરોધિનં
મૂલભૂતમમુષ્યજગતઃ શ્રીલતોપઘ્નાયિતમ્ ।
કીલકં મન્ત્રાદિસિદ્ધેઃ પાલકં મુનિસન્તતે-
-ર્વારણાનનમાશ્રયે વન્દારુવિઘ્નનિવારણમ્ ॥ ૨૭ ॥
ભાવુકારમ્ભાવસરસમ્ભાવિતં ભર્ગેપ્સિતં
સેવકાવનદીક્ષિતં સહભાવમોજસ્તેજસોઃ ।
પાવનં દેવેષુ સામસ્તાવકેષ્ટવિધાયકં
વારણાનનમાશ્રયે વન્દારુવિઘ્નનિવારણમ્ ॥ ૨૮ ॥
કાશિકાપુરકલિતનિવસતિમીશમસ્મચ્ચેતસઃ
પાશિશિક્ષાપારવશ્યવિનાશકં શશિભાસકમ્ ।
કેશવાદિસમર્ચિતં ગૌરીશગુપ્તમહાધનં
વારણાનનમાશ્રયે વન્દારુવિઘ્નનિવારણમ્ ॥ ૨૯ ॥
પેષકં પાપસ્ય દુર્જનશોષકં સુવિશેષકં
પોષકં સુજનસ્ય સુન્દરવેષકં નિર્દોષકમ્ ।
મૂષકં ત્વધિરુહ્ય ભક્તમનીષિત પ્રતિપાદકં
વારણાનનમાશ્રયે વન્દારુવિઘ્નનિવારણમ્ ॥ ૩૦ ॥
વાસવાદિસુરાર્ચિતં કૃતવાસુદેવાભીપ્સિતં
ભાસમાનમુરુપ્રભાભિરુપાસકાધિકસૌહૃદમ્ ।
હ્રાસકં દુરહઙ્કૃતેર્નિર્યાસકં રક્ષસ્તતે-
-ર્વારણાનનમાશ્રયે વન્દારુવિઘ્નનિવારણમ્ ॥ ૩૧ ॥
બાહુલેયગુરું ત્રયી યં પ્રાહ સર્વગણેશ્વરં
ગૂહિતં મુનિમાનસૈરવ્યાહતાધિકવૈભવમ્ ।
આહિતાગ્નિહિતં મનીષિભિરૂહિતં સર્વત્ર તં
વારણાનનમાશ્રયે વન્દારુવિઘ્નનિવારણમ્ ॥ ૩૨ ॥
કેલિજિતસુરશાખિનં સુરપાલપૂજિતપાદુકં
વ્યાલપરિબૃઢ કઙ્કણં ભક્તાલિરક્ષણદીક્ષિતમ્ ।
કાલિકાતનયં કલાનિધિમૌલિમામ્નાયસ્તુતં
વારણાનનમાશ્રયે વન્દારુવિઘ્નનિવારણમ્ ॥ ૩૩ ॥
દક્ષિણેન સુરેષુ દુર્જનશિક્ષણેષુ પટીયસા
રક્ષસામપનોદકેન મહોક્ષવાહપ્રેયસા ।
રક્ષિતા વયમક્ષરાષ્ટકલક્ષજપતો યેન વૈ
વારણાનનમાશ્રયે વન્દારુવિઘ્નનિવારણમ્ ॥ ૩૪ ॥
રત્નગર્ભગણેશ્વરસ્તુતિ નૂત્નપદ્યતતિં પઠે-
-દ્યત્નવાન્યઃ પ્રતિદિનં દ્રાક્પ્રત્નવાક્સદૃશાર્થદામ્ ।
રત્નરુક્મસુખોચ્છ્રયં સાપત્નવિરહિતમાપ્નુયા-
-દ્વારણાનનમાશ્રયે વન્દારુવિઘ્નનિવારણમ્ ॥ ૩૫ ॥
સિદ્ધિનાયકસંસ્તુતિં સિદ્ધાન્તિ સુબ્રહ્મણ્યહૃ-
-ચ્છુદ્ધયે સમુદીરિતાં વાગ્બુદ્ધિબલસન્દાયિનીમ્ ।
સિદ્ધયે પઠતાનુવાસરમીપ્સિતસ્ય મનીષિણઃ
શ્રદ્ધયા નિર્નિઘ્નસમ્પદ્વૃદ્ધિરપિ ભવિતા યતઃ ॥ ૩૬ ॥
ઇતિ શ્રીસુબ્રહ્મણ્યયોગિવિરચિતં રત્નગર્ભ ગણેશ વિલાસ સ્તુતિઃ ।

More Ganesha Stotras

श्री वल्लभेश हृदयम्
Sri Vallabhesa Hrdayam
श्री विद्यागणेशाष्टोत्तरशतनामावली
Sri Vidya Ganesha Ashtottara Shatanamavali
श्री विघ्नेश्वर अष्टोत्तरशत नामावलि
Shri Vighneshwara Ashtottara Shatanamavali
श्री विनायक स्तवराजः
Shri Vinayaka Stavarajah
उच्छिष्ट गणपति स्तोत्रम्
Ucchista Ganapati Stotram
श्री उच्छिष्टगणनाथ अष्टोत्तरशतनामावलिः
Sri Ucchistagananatha Astottarasatanamavalih
वक्रतुण्ड महाकाय स्तोत्रम्
Vakratunda Mahakaya
वातापि गणपतिं भजेहं
Vatapi Ganapatim Bhajeham
View All Ganesha Collection →

Explore More

Ganesha CollectionWealthObstaclesHealthProtectionWisdomHome