Lord Ganesha

శ్రీ రత్నగర్భ గణేశ విలాస స్తుతిః

(Sri Ratnagarbha Ganesa Vilasa Stutih in Telugu)

Subrahmanya Yogi

Also known as sri ratnagarbha ganesha vilasa stotram · shri ratnagarbha ganesa vilasa stutih · shree ratnagarbha ganesa vilasa stutih

Language:Sanskrit
Translation:English

The last and longest of Subrahmanya Yogi's hymns here, and it is an alliterative feat: each verse fixes on one consonant and runs it through every phrase before handing on to the next. The first is all v — born of Vamadeva, resorting to his own left side, embracing his beloved and consecrated by the sweet glance of her face, the wind's delight, doer of what is wished for, giver of happiness. The second is all k, and slips in the one piece of geography the hymn has, that he walks about Varanasi. The third is all m — the ferry across the sea of delusion, averter of maya's deceptions, remover of the fear of death. Every verse ends alike, on the elephant-faced one in whom I take refuge, who turns obstacles aside from those who bow. Its signature verse says it was uttered for the purifying of the poet's own heart.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ శ్రీ రత్నగర్భ గణేశ విలాస స్తుతిః ॥
వామదేవతనూభవం నిజవామభాగసమాశ్రితం
వల్లభామాశ్లిష్య తన్ముఖవల్గువీక్షణదీక్షితమ్ ।
వాతనన్దన వాఞ్ఛితార్థవిధాయినం సుఖదాయినం
వారణాననమాశ్రయే వన్దారువిఘ్ననివారణమ్ ॥ ౧ ॥
కారణం జగతాం కలాధరధారిణం శుభకారిణం
కాయకాన్తి జితారుణం కృతభక్తపాపవిదారిణమ్ ।
వాదివాక్సహకారిణం వారాణసీసఞ్చారిణం
వారణాననమాశ్రయే వన్దారువిఘ్ననివారణమ్ ॥ ౨ ॥
మోహసాగరతారకం మాయావికుహనావారకం
మృత్యుభయపరిహారకం రిపుకృత్యదోషనివారకమ్ ।
పూజకాశాపూరకం పుణ్యార్థసత్కృతికారకం
వారణాననమాశ్రయే వన్దారువిఘ్ననివారణమ్ ॥ ౩ ॥
ఆఖుదైత్యరథాఙ్గమరుణమయూఖమర్థి సుఖార్థినం
శేఖరీకృత చన్ద్రరేఖముదారసుగుణమదారుణమ్ ।
శ్రీఖనిం శ్రితభక్తనిర్జరశాఖినం లేఖావనం
వారణాననమాశ్రయే వన్దారువిఘ్ననివారణమ్ ॥ ౪ ॥
తుఙ్గమూషకవాహనం సురపుఙ్గవారి విమోహనం
మఙ్గలాయతనం మహాజనభృఙ్గశాన్తివిధాయినమ్ ।
అఙ్గజాన్తకనన్దనం సుఖభృఙ్గపద్మోదఞ్చనం
వారణాననమాశ్రయే వన్దారువిఘ్ననివారణమ్ ॥ ౫ ॥
రాఘవేశ్వరరక్షకం రక్షౌఘశిక్షణదక్షకం
శ్రీఘనం శ్రితమౌనివచనామోఘతాసమ్పాదనమ్ ।
శ్లాఘనీయదయాగుణం మఘవత్తపః ఫలపూరణం
వారణాననమాశ్రయే వన్దారువిఘ్ననివారణమ్ ॥ ౬ ॥
కఞ్చనశ్చ్యుతిగోప్యభావమకిఞ్చనాంశ్చ దయారసైః
సిఞ్చతా నిజవీక్షణేన సమఞ్చితార్థసుఖాస్పదమ్ ।
పఞ్చవక్త్రసుతం సురద్విడ్వఞ్చనాధృత కౌశలం
వారణాననమాశ్రయే వన్దారువిఘ్ననివారణమ్ ॥ ౭ ॥
యచ్ఛతక్రతుకామితం ప్రాయచ్ఛదర్చితమాదరా-
-ద్యచ్ఛతచ్ఛదసామ్యమన్వనుగచ్ఛతీచ్ఛతి సౌహృదమ్ ।
తచ్ఛుభమ్యుకరామ్బుజం తవ దిక్పతిశ్రియమర్థినే
వారణాననమాశ్రయే వన్దారువిఘ్ననివారణమ్ ॥ ౮ ॥
రాజరాజ కిరీటకోటి విరాజమాన మణిప్రభా
పుఞ్జరఞ్జితమఞ్జులాఙ్ఘ్రి సరోజమజ వృజినాపహమ్ ।
భఞ్జకం దివిషద్ద్విషామనురఞ్జకం మునిసన్తతే-
-ర్వారణాననమాశ్రయే వన్దారువిఘ్ననివారణమ్ ॥ ౯ ॥
శిష్టకష్టనిబర్హణం సురజుష్టనిజపదవిష్టరం
దుష్టశిక్షణధూర్వహం మునిపుష్టితుష్టీష్టప్రదమ్ ।
అష్టమూర్తిసుతం సుకరుణావిష్టమవినష్టాదరం
వారణాననమాశ్రయే వన్దారువిఘ్ననివారణమ్ ॥ ౧౦ ॥
శుణ్ఠశుష్క వితర్కహరణాకుణ్ఠశక్తిదమర్థినే
శాఠ్యవిరహితవితరణం శ్రీకణ్ఠకృతసమ్భాషణమ్ ।
కాఠకశ్రుతిగోచరం కృతమాఠపత్యపరీక్షణం
వారణాననమాశ్రయే వన్దారువిఘ్ననివారణమ్ ॥ ౧౧ ॥
పుణ్డరీకకృతాననం శశిఖణ్డకలితశిఖణ్డకం
కుణ్డలీశ్వరమణ్డితోదరమణ్డజేశాభీష్టదమ్ ।
దణ్డపాణిభయాపహం మునిమణ్డలీ పరిమణ్డనం
వారణాననమాశ్రయే వన్దారువిఘ్ననివారణమ్ ॥ ౧౨ ॥
గూఢమామ్నాయాశయం పరిలీఢమర్థిమనోరథై-
-ర్గాఢమాశ్లిష్టం గిరీశ గిరీశజాభ్యాం సాదరమ్ ।
ప్రౌఢసరసకవిత్వసిద్ధిద మూఢనిజభక్తావనం
వారణాననమాశ్రయే వన్దారువిఘ్ననివారణమ్ ॥ ౧౩ ॥
పాణిధృతపాశాఙ్కుశం గీర్వాణగణసన్దర్శకం
శోణదీధితిమప్రమేయమపర్ణయా పరిపోషితమ్ ।
కాణఖఞ్జకుణీష్టదం విశ్రాణితద్విజనామితం
వారణాననమాశ్రయే వన్దారువిఘ్ననివారణమ్ ॥ ౧౪ ॥
భూతభవ్యభవద్విభుం పరిధూతపాతకమీశసం-
-జాతమఙ్ఘ్రి విలాస జితకఞ్జాతమజితమరాతిభిః ।
శీతరశ్మిరవీక్షణం నిర్గీతమామ్నాయోక్తిభి-
-ర్వారణాననమాశ్రయే వన్దారువిఘ్ననివారణమ్ ॥ ౧౫ ॥
ప్రార్థనీయపదం మహాత్మభిరర్థితం పురవైరిణా-
-ఽనాథవర్గమనోరథానపి సార్థయన్తమహర్నిశమ్ ।
పాన్థసత్పథదర్శకం గణనాథమస్మద్దైవతం
వారణాననమాశ్రయే వన్దారువిఘ్ననివారణమ్ ॥ ౧౬ ॥
ఖేదశామకసుచరితం స్వాభేదబోధకమద్వయం
మోదహేతుగుణాకరం వాగ్వాదవిజయదమైశ్వరమ్ ।
శ్రీమదనుపమసౌహృదం మదనాశకం రిపుసన్తతే-
-ర్వారణాననమాశ్రయే వన్దారువిఘ్ననివారణమ్ ॥ ౧౭ ॥
ముగ్ధమౌగ్ధ్యనివర్తకం రుచిముగ్ధముర్వనుకమ్పయా
దిగ్ధముద్ధృత పాదనత జనముద్ధరన్తమిమం చ మామ్ ।
శుద్ధచిత్సుఖవిగ్రహం పరిశుద్ధవృత్త్యభిలక్షితం
వారణాననమాశ్రయే వన్దారువిఘ్ననివారణమ్ ॥ ౧౮ ॥
సానుకమ్పమనారతం మునిమానసాబ్జమరాలకం
దీనదైన్యవినాశకం సితభానురేఖాశేఖరమ్ ।
గానరసవిద్గీతసుచరితమేనసామపనోదకం
వారణాననమాశ్రయే వన్దారువిఘ్ననివారణమ్ ॥ ౧౯ ॥
కోపతాపనిరాసకం సామీప్యదం నిజసత్కథా-
-లాపినాం మనుజాపి జనతాపాపహరమఖిలేశ్వరమ్ ।
సాపరాధిజనాయశాపదమాపదామపహారకం
వారణాననమాశ్రయే వన్దారువిఘ్ననివారణమ్ ॥ ౨౦ ॥
రిఫ్ఫగేషు ఖగేషు జాతో దుష్ఫలం సమవాప్నుయా-
-త్సత్ఫలాయ గణేశమర్చతు నిష్ఫలం న తదర్పణమ్ ।
యః ఫలీభూతః క్రతూనాం తత్ఫలానామీశ్వరం
వారణాననమాశ్రయే వన్దారువిఘ్ననివారణమ్ ॥ ౨౧ ॥
అమ్బరం యద్వద్వినిర్మలమమ్బుదైరాచ్ఛాద్యతే
బిమ్బభూతమముష్య జగతః సామ్బసుతమజ్ఞానతః ।
తం బహిః సఙ్గూహితం హేరమ్బమాలమ్బం సతాం
వారణాననమాశ్రయే వన్దారువిఘ్ననివారణమ్ ॥ ౨౨ ॥
దమ్భకర్మాచరణకృత సౌరమ్భయాజిముఖే మను-
-స్తమ్భకారిణమఙ్గనాకుచకుమ్భపరిరమ్భాతురైః ।
శమ్భుసుతమారాధితం కృతిసమ్భవాయ చ కామిభి-
-ర్వారణాననమాశ్రయే వన్దారువిఘ్ననివారణమ్ ॥ ౨౩ ॥
స్తౌమి భూతగణేశ్వరం సప్రేమమాత్మస్తుతిపరే
కామితప్రదమర్థినే ధృతసోమమభయదమాశ్వినే ।
శ్రీమతా నవరాత్రదీక్షోద్దామవైభవభావితం
వారణాననమాశ్రయే వన్దారువిఘ్ననివారణమ్ ॥ ౨౪ ॥
ఆయురారోగ్యాదికామితదాయినం ప్రతిహాయనం
శ్రేయసే సర్వైర్యుగాదౌ భూయసే సమ్భావితమ్ ।
కాయజీవవియోగ కాలాపాయహరమన్త్రేశ్వరం
వారణాననమాశ్రయే వన్దారువిఘ్ననివారణమ్ ॥ ౨౫ ॥
వైరిషట్కనిరాసకం కామారికామితజీవితం
శౌరిచిన్తాహారకం కృతనారికేలాహారకమ్ ।
దూరనిర్జితపాతకం సంసారసాగరసేతుకం
వారణాననమాశ్రయే వన్దారువిఘ్ననివారణమ్ ॥ ౨౬ ॥
కాలకాలకలాభవం కలికాలికాఘవిరోధినం
మూలభూతమముష్యజగతః శ్రీలతోపఘ్నాయితమ్ ।
కీలకం మన్త్రాదిసిద్ధేః పాలకం మునిసన్తతే-
-ర్వారణాననమాశ్రయే వన్దారువిఘ్ననివారణమ్ ॥ ౨౭ ॥
భావుకారమ్భావసరసమ్భావితం భర్గేప్సితం
సేవకావనదీక్షితం సహభావమోజస్తేజసోః ।
పావనం దేవేషు సామస్తావకేష్టవిధాయకం
వారణాననమాశ్రయే వన్దారువిఘ్ననివారణమ్ ॥ ౨౮ ॥
కాశికాపురకలితనివసతిమీశమస్మచ్చేతసః
పాశిశిక్షాపారవశ్యవినాశకం శశిభాసకమ్ ।
కేశవాదిసమర్చితం గౌరీశగుప్తమహాధనం
వారణాననమాశ్రయే వన్దారువిఘ్ననివారణమ్ ॥ ౨౯ ॥
పేషకం పాపస్య దుర్జనశోషకం సువిశేషకం
పోషకం సుజనస్య సున్దరవేషకం నిర్దోషకమ్ ।
మూషకం త్వధిరుహ్య భక్తమనీషిత ప్రతిపాదకం
వారణాననమాశ్రయే వన్దారువిఘ్ననివారణమ్ ॥ ౩౦ ॥
వాసవాదిసురార్చితం కృతవాసుదేవాభీప్సితం
భాసమానమురుప్రభాభిరుపాసకాధికసౌహృదమ్ ।
హ్రాసకం దురహఙ్కృతేర్నిర్యాసకం రక్షస్తతే-
-ర్వారణాననమాశ్రయే వన్దారువిఘ్ననివారణమ్ ॥ ౩౧ ॥
బాహులేయగురుం త్రయీ యం ప్రాహ సర్వగణేశ్వరం
గూహితం మునిమానసైరవ్యాహతాధికవైభవమ్ ।
ఆహితాగ్నిహితం మనీషిభిరూహితం సర్వత్ర తం
వారణాననమాశ్రయే వన్దారువిఘ్ననివారణమ్ ॥ ౩౨ ॥
కేలిజితసురశాఖినం సురపాలపూజితపాదుకం
వ్యాలపరిబృఢ కఙ్కణం భక్తాలిరక్షణదీక్షితమ్ ।
కాలికాతనయం కలానిధిమౌలిమామ్నాయస్తుతం
వారణాననమాశ్రయే వన్దారువిఘ్ననివారణమ్ ॥ ౩౩ ॥
దక్షిణేన సురేషు దుర్జనశిక్షణేషు పటీయసా
రక్షసామపనోదకేన మహోక్షవాహప్రేయసా ।
రక్షితా వయమక్షరాష్టకలక్షజపతో యేన వై
వారణాననమాశ్రయే వన్దారువిఘ్ననివారణమ్ ॥ ౩౪ ॥
రత్నగర్భగణేశ్వరస్తుతి నూత్నపద్యతతిం పఠే-
-ద్యత్నవాన్యః ప్రతిదినం ద్రాక్ప్రత్నవాక్సదృశార్థదామ్ ।
రత్నరుక్మసుఖోచ్ఛ్రయం సాపత్నవిరహితమాప్నుయా-
-ద్వారణాననమాశ్రయే వన్దారువిఘ్ననివారణమ్ ॥ ౩౫ ॥
సిద్ధినాయకసంస్తుతిం సిద్ధాన్తి సుబ్రహ్మణ్యహృ-
-చ్ఛుద్ధయే సముదీరితాం వాగ్బుద్ధిబలసన్దాయినీమ్ ।
సిద్ధయే పఠతానువాసరమీప్సితస్య మనీషిణః
శ్రద్ధయా నిర్నిఘ్నసమ్పద్వృద్ధిరపి భవితా యతః ॥ ౩౬ ॥
ఇతి శ్రీసుబ్రహ్మణ్యయోగివిరచితం రత్నగర్భ గణేశ విలాస స్తుతిః ।

More Ganesha Stotras

श्री वल्लभेश हृदयम्
Sri Vallabhesa Hrdayam
श्री विद्यागणेशाष्टोत्तरशतनामावली
Sri Vidya Ganesha Ashtottara Shatanamavali
श्री विघ्नेश्वर अष्टोत्तरशत नामावलि
Shri Vighneshwara Ashtottara Shatanamavali
श्री विनायक स्तवराजः
Shri Vinayaka Stavarajah
उच्छिष्ट गणपति स्तोत्रम्
Ucchista Ganapati Stotram
श्री उच्छिष्टगणनाथ अष्टोत्तरशतनामावलिः
Sri Ucchistagananatha Astottarasatanamavalih
वक्रतुण्ड महाकाय स्तोत्रम्
Vakratunda Mahakaya
वातापि गणपतिं भजेहं
Vatapi Ganapatim Bhajeham
View All Ganesha Collection →

Explore More

Ganesha CollectionWealthObstaclesHealthProtectionWisdomHome