Lord Ganesha

ಶ್ರೀ ರತ್ನಗರ್ಭ ಗಣೇಶ ವಿಲಾಸ ಸ್ತುತಿಃ

(Sri Ratnagarbha Ganesa Vilasa Stutih in Kannada)

Subrahmanya Yogi

Also known as sri ratnagarbha ganesha vilasa stotram · shri ratnagarbha ganesa vilasa stutih · shree ratnagarbha ganesa vilasa stutih

Language:Sanskrit
Translation:English

The last and longest of Subrahmanya Yogi's hymns here, and it is an alliterative feat: each verse fixes on one consonant and runs it through every phrase before handing on to the next. The first is all v — born of Vamadeva, resorting to his own left side, embracing his beloved and consecrated by the sweet glance of her face, the wind's delight, doer of what is wished for, giver of happiness. The second is all k, and slips in the one piece of geography the hymn has, that he walks about Varanasi. The third is all m — the ferry across the sea of delusion, averter of maya's deceptions, remover of the fear of death. Every verse ends alike, on the elephant-faced one in whom I take refuge, who turns obstacles aside from those who bow. Its signature verse says it was uttered for the purifying of the poet's own heart.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ಶ್ರೀ ರತ್ನಗರ್ಭ ಗಣೇಶ ವಿಲಾಸ ಸ್ತುತಿಃ ॥
ವಾಮದೇವತನೂಭವಂ ನಿಜವಾಮಭಾಗಸಮಾಶ್ರಿತಂ
ವಲ್ಲಭಾಮಾಶ್ಲಿಷ್ಯ ತನ್ಮುಖವಲ್ಗುವೀಕ್ಷಣದೀಕ್ಷಿತಮ್ ।
ವಾತನನ್ದನ ವಾಞ್ಛಿತಾರ್ಥವಿಧಾಯಿನಂ ಸುಖದಾಯಿನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧ ॥
ಕಾರಣಂ ಜಗತಾಂ ಕಲಾಧರಧಾರಿಣಂ ಶುಭಕಾರಿಣಂ
ಕಾಯಕಾನ್ತಿ ಜಿತಾರುಣಂ ಕೃತಭಕ್ತಪಾಪವಿದಾರಿಣಮ್ ।
ವಾದಿವಾಕ್ಸಹಕಾರಿಣಂ ವಾರಾಣಸೀಸಞ್ಚಾರಿಣಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨ ॥
ಮೋಹಸಾಗರತಾರಕಂ ಮಾಯಾವಿಕುಹನಾವಾರಕಂ
ಮೃತ್ಯುಭಯಪರಿಹಾರಕಂ ರಿಪುಕೃತ್ಯದೋಷನಿವಾರಕಮ್ ।
ಪೂಜಕಾಶಾಪೂರಕಂ ಪುಣ್ಯಾರ್ಥಸತ್ಕೃತಿಕಾರಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩ ॥
ಆಖುದೈತ್ಯರಥಾಙ್ಗಮರುಣಮಯೂಖಮರ್ಥಿ ಸುಖಾರ್ಥಿನಂ
ಶೇಖರೀಕೃತ ಚನ್ದ್ರರೇಖಮುದಾರಸುಗುಣಮದಾರುಣಮ್ ।
ಶ್ರೀಖನಿಂ ಶ್ರಿತಭಕ್ತನಿರ್ಜರಶಾಖಿನಂ ಲೇಖಾವನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೪ ॥
ತುಙ್ಗಮೂಷಕವಾಹನಂ ಸುರಪುಙ್ಗವಾರಿ ವಿಮೋಹನಂ
ಮಙ್ಗಲಾಯತನಂ ಮಹಾಜನಭೃಙ್ಗಶಾನ್ತಿವಿಧಾಯಿನಮ್ ।
ಅಙ್ಗಜಾನ್ತಕನನ್ದನಂ ಸುಖಭೃಙ್ಗಪದ್ಮೋದಞ್ಚನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೫ ॥
ರಾಘವೇಶ್ವರರಕ್ಷಕಂ ರಕ್ಷೌಘಶಿಕ್ಷಣದಕ್ಷಕಂ
ಶ್ರೀಘನಂ ಶ್ರಿತಮೌನಿವಚನಾಮೋಘತಾಸಮ್ಪಾದನಮ್ ।
ಶ್ಲಾಘನೀಯದಯಾಗುಣಂ ಮಘವತ್ತಪಃ ಫಲಪೂರಣಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೬ ॥
ಕಞ್ಚನಶ್ಚ್ಯುತಿಗೋಪ್ಯಭಾವಮಕಿಞ್ಚನಾಂಶ್ಚ ದಯಾರಸೈಃ
ಸಿಞ್ಚತಾ ನಿಜವೀಕ್ಷಣೇನ ಸಮಞ್ಚಿತಾರ್ಥಸುಖಾಸ್ಪದಮ್ ।
ಪಞ್ಚವಕ್ತ್ರಸುತಂ ಸುರದ್ವಿಡ್ವಞ್ಚನಾಧೃತ ಕೌಶಲಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೭ ॥
ಯಚ್ಛತಕ್ರತುಕಾಮಿತಂ ಪ್ರಾಯಚ್ಛದರ್ಚಿತಮಾದರಾ-
-ದ್ಯಚ್ಛತಚ್ಛದಸಾಮ್ಯಮನ್ವನುಗಚ್ಛತೀಚ್ಛತಿ ಸೌಹೃದಮ್ ।
ತಚ್ಛುಭಮ್ಯುಕರಾಮ್ಬುಜಂ ತವ ದಿಕ್ಪತಿಶ್ರಿಯಮರ್ಥಿನೇ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೮ ॥
ರಾಜರಾಜ ಕಿರೀಟಕೋಟಿ ವಿರಾಜಮಾನ ಮಣಿಪ್ರಭಾ
ಪುಞ್ಜರಞ್ಜಿತಮಞ್ಜುಲಾಙ್ಘ್ರಿ ಸರೋಜಮಜ ವೃಜಿನಾಪಹಮ್ ।
ಭಞ್ಜಕಂ ದಿವಿಷದ್ದ್ವಿಷಾಮನುರಞ್ಜಕಂ ಮುನಿಸನ್ತತೇ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೯ ॥
ಶಿಷ್ಟಕಷ್ಟನಿಬರ್ಹಣಂ ಸುರಜುಷ್ಟನಿಜಪದವಿಷ್ಟರಂ
ದುಷ್ಟಶಿಕ್ಷಣಧೂರ್ವಹಂ ಮುನಿಪುಷ್ಟಿತುಷ್ಟೀಷ್ಟಪ್ರದಮ್ ।
ಅಷ್ಟಮೂರ್ತಿಸುತಂ ಸುಕರುಣಾವಿಷ್ಟಮವಿನಷ್ಟಾದರಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೦ ॥
ಶುಣ್ಠಶುಷ್ಕ ವಿತರ್ಕಹರಣಾಕುಣ್ಠಶಕ್ತಿದಮರ್ಥಿನೇ
ಶಾಠ್ಯವಿರಹಿತವಿತರಣಂ ಶ್ರೀಕಣ್ಠಕೃತಸಮ್ಭಾಷಣಮ್ ।
ಕಾಠಕಶ್ರುತಿಗೋಚರಂ ಕೃತಮಾಠಪತ್ಯಪರೀಕ್ಷಣಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೧ ॥
ಪುಣ್ಡರೀಕಕೃತಾನನಂ ಶಶಿಖಣ್ಡಕಲಿತಶಿಖಣ್ಡಕಂ
ಕುಣ್ಡಲೀಶ್ವರಮಣ್ಡಿತೋದರಮಣ್ಡಜೇಶಾಭೀಷ್ಟದಮ್ ।
ದಣ್ಡಪಾಣಿಭಯಾಪಹಂ ಮುನಿಮಣ್ಡಲೀ ಪರಿಮಣ್ಡನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೨ ॥
ಗೂಢಮಾಮ್ನಾಯಾಶಯಂ ಪರಿಲೀಢಮರ್ಥಿಮನೋರಥೈ-
-ರ್ಗಾಢಮಾಶ್ಲಿಷ್ಟಂ ಗಿರೀಶ ಗಿರೀಶಜಾಭ್ಯಾಂ ಸಾದರಮ್ ।
ಪ್ರೌಢಸರಸಕವಿತ್ವಸಿದ್ಧಿದ ಮೂಢನಿಜಭಕ್ತಾವನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೩ ॥
ಪಾಣಿಧೃತಪಾಶಾಙ್ಕುಶಂ ಗೀರ್ವಾಣಗಣಸನ್ದರ್ಶಕಂ
ಶೋಣದೀಧಿತಿಮಪ್ರಮೇಯಮಪರ್ಣಯಾ ಪರಿಪೋಷಿತಮ್ ।
ಕಾಣಖಞ್ಜಕುಣೀಷ್ಟದಂ ವಿಶ್ರಾಣಿತದ್ವಿಜನಾಮಿತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೪ ॥
ಭೂತಭವ್ಯಭವದ್ವಿಭುಂ ಪರಿಧೂತಪಾತಕಮೀಶಸಂ-
-ಜಾತಮಙ್ಘ್ರಿ ವಿಲಾಸ ಜಿತಕಞ್ಜಾತಮಜಿತಮರಾತಿಭಿಃ ।
ಶೀತರಶ್ಮಿರವೀಕ್ಷಣಂ ನಿರ್ಗೀತಮಾಮ್ನಾಯೋಕ್ತಿಭಿ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೫ ॥
ಪ್ರಾರ್ಥನೀಯಪದಂ ಮಹಾತ್ಮಭಿರರ್ಥಿತಂ ಪುರವೈರಿಣಾ-
-ಽನಾಥವರ್ಗಮನೋರಥಾನಪಿ ಸಾರ್ಥಯನ್ತಮಹರ್ನಿಶಮ್ ।
ಪಾನ್ಥಸತ್ಪಥದರ್ಶಕಂ ಗಣನಾಥಮಸ್ಮದ್ದೈವತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೬ ॥
ಖೇದಶಾಮಕಸುಚರಿತಂ ಸ್ವಾಭೇದಬೋಧಕಮದ್ವಯಂ
ಮೋದಹೇತುಗುಣಾಕರಂ ವಾಗ್ವಾದವಿಜಯದಮೈಶ್ವರಮ್ ।
ಶ್ರೀಮದನುಪಮಸೌಹೃದಂ ಮದನಾಶಕಂ ರಿಪುಸನ್ತತೇ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೭ ॥
ಮುಗ್ಧಮೌಗ್ಧ್ಯನಿವರ್ತಕಂ ರುಚಿಮುಗ್ಧಮುರ್ವನುಕಮ್ಪಯಾ
ದಿಗ್ಧಮುದ್ಧೃತ ಪಾದನತ ಜನಮುದ್ಧರನ್ತಮಿಮಂ ಚ ಮಾಮ್ ।
ಶುದ್ಧಚಿತ್ಸುಖವಿಗ್ರಹಂ ಪರಿಶುದ್ಧವೃತ್ತ್ಯಭಿಲಕ್ಷಿತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೮ ॥
ಸಾನುಕಮ್ಪಮನಾರತಂ ಮುನಿಮಾನಸಾಬ್ಜಮರಾಲಕಂ
ದೀನದೈನ್ಯವಿನಾಶಕಂ ಸಿತಭಾನುರೇಖಾಶೇಖರಮ್ ।
ಗಾನರಸವಿದ್ಗೀತಸುಚರಿತಮೇನಸಾಮಪನೋದಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೧೯ ॥
ಕೋಪತಾಪನಿರಾಸಕಂ ಸಾಮೀಪ್ಯದಂ ನಿಜಸತ್ಕಥಾ-
-ಲಾಪಿನಾಂ ಮನುಜಾಪಿ ಜನತಾಪಾಪಹರಮಖಿಲೇಶ್ವರಮ್ ।
ಸಾಪರಾಧಿಜನಾಯಶಾಪದಮಾಪದಾಮಪಹಾರಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೦ ॥
ರಿಫ್ಫಗೇಷು ಖಗೇಷು ಜಾತೋ ದುಷ್ಫಲಂ ಸಮವಾಪ್ನುಯಾ-
-ತ್ಸತ್ಫಲಾಯ ಗಣೇಶಮರ್ಚತು ನಿಷ್ಫಲಂ ನ ತದರ್ಪಣಮ್ ।
ಯಃ ಫಲೀಭೂತಃ ಕ್ರತೂನಾಂ ತತ್ಫಲಾನಾಮೀಶ್ವರಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೧ ॥
ಅಮ್ಬರಂ ಯದ್ವದ್ವಿನಿರ್ಮಲಮಮ್ಬುದೈರಾಚ್ಛಾದ್ಯತೇ
ಬಿಮ್ಬಭೂತಮಮುಷ್ಯ ಜಗತಃ ಸಾಮ್ಬಸುತಮಜ್ಞಾನತಃ ।
ತಂ ಬಹಿಃ ಸಙ್ಗೂಹಿತಂ ಹೇರಮ್ಬಮಾಲಮ್ಬಂ ಸತಾಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೨ ॥
ದಮ್ಭಕರ್ಮಾಚರಣಕೃತ ಸೌರಮ್ಭಯಾಜಿಮುಖೇ ಮನು-
-ಸ್ತಮ್ಭಕಾರಿಣಮಙ್ಗನಾಕುಚಕುಮ್ಭಪರಿರಮ್ಭಾತುರೈಃ ।
ಶಮ್ಭುಸುತಮಾರಾಧಿತಂ ಕೃತಿಸಮ್ಭವಾಯ ಚ ಕಾಮಿಭಿ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೩ ॥
ಸ್ತೌಮಿ ಭೂತಗಣೇಶ್ವರಂ ಸಪ್ರೇಮಮಾತ್ಮಸ್ತುತಿಪರೇ
ಕಾಮಿತಪ್ರದಮರ್ಥಿನೇ ಧೃತಸೋಮಮಭಯದಮಾಶ್ವಿನೇ ।
ಶ್ರೀಮತಾ ನವರಾತ್ರದೀಕ್ಷೋದ್ದಾಮವೈಭವಭಾವಿತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೪ ॥
ಆಯುರಾರೋಗ್ಯಾದಿಕಾಮಿತದಾಯಿನಂ ಪ್ರತಿಹಾಯನಂ
ಶ್ರೇಯಸೇ ಸರ್ವೈರ್ಯುಗಾದೌ ಭೂಯಸೇ ಸಮ್ಭಾವಿತಮ್ ।
ಕಾಯಜೀವವಿಯೋಗ ಕಾಲಾಪಾಯಹರಮನ್ತ್ರೇಶ್ವರಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೫ ॥
ವೈರಿಷಟ್ಕನಿರಾಸಕಂ ಕಾಮಾರಿಕಾಮಿತಜೀವಿತಂ
ಶೌರಿಚಿನ್ತಾಹಾರಕಂ ಕೃತನಾರಿಕೇಲಾಹಾರಕಮ್ ।
ದೂರನಿರ್ಜಿತಪಾತಕಂ ಸಂಸಾರಸಾಗರಸೇತುಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೬ ॥
ಕಾಲಕಾಲಕಲಾಭವಂ ಕಲಿಕಾಲಿಕಾಘವಿರೋಧಿನಂ
ಮೂಲಭೂತಮಮುಷ್ಯಜಗತಃ ಶ್ರೀಲತೋಪಘ್ನಾಯಿತಮ್ ।
ಕೀಲಕಂ ಮನ್ತ್ರಾದಿಸಿದ್ಧೇಃ ಪಾಲಕಂ ಮುನಿಸನ್ತತೇ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೭ ॥
ಭಾವುಕಾರಮ್ಭಾವಸರಸಮ್ಭಾವಿತಂ ಭರ್ಗೇಪ್ಸಿತಂ
ಸೇವಕಾವನದೀಕ್ಷಿತಂ ಸಹಭಾವಮೋಜಸ್ತೇಜಸೋಃ ।
ಪಾವನಂ ದೇವೇಷು ಸಾಮಸ್ತಾವಕೇಷ್ಟವಿಧಾಯಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೮ ॥
ಕಾಶಿಕಾಪುರಕಲಿತನಿವಸತಿಮೀಶಮಸ್ಮಚ್ಚೇತಸಃ
ಪಾಶಿಶಿಕ್ಷಾಪಾರವಶ್ಯವಿನಾಶಕಂ ಶಶಿಭಾಸಕಮ್ ।
ಕೇಶವಾದಿಸಮರ್ಚಿತಂ ಗೌರೀಶಗುಪ್ತಮಹಾಧನಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೨೯ ॥
ಪೇಷಕಂ ಪಾಪಸ್ಯ ದುರ್ಜನಶೋಷಕಂ ಸುವಿಶೇಷಕಂ
ಪೋಷಕಂ ಸುಜನಸ್ಯ ಸುನ್ದರವೇಷಕಂ ನಿರ್ದೋಷಕಮ್ ।
ಮೂಷಕಂ ತ್ವಧಿರುಹ್ಯ ಭಕ್ತಮನೀಷಿತ ಪ್ರತಿಪಾದಕಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೦ ॥
ವಾಸವಾದಿಸುರಾರ್ಚಿತಂ ಕೃತವಾಸುದೇವಾಭೀಪ್ಸಿತಂ
ಭಾಸಮಾನಮುರುಪ್ರಭಾಭಿರುಪಾಸಕಾಧಿಕಸೌಹೃದಮ್ ।
ಹ್ರಾಸಕಂ ದುರಹಙ್ಕೃತೇರ್ನಿರ್ಯಾಸಕಂ ರಕ್ಷಸ್ತತೇ-
-ರ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೧ ॥
ಬಾಹುಲೇಯಗುರುಂ ತ್ರಯೀ ಯಂ ಪ್ರಾಹ ಸರ್ವಗಣೇಶ್ವರಂ
ಗೂಹಿತಂ ಮುನಿಮಾನಸೈರವ್ಯಾಹತಾಧಿಕವೈಭವಮ್ ।
ಆಹಿತಾಗ್ನಿಹಿತಂ ಮನೀಷಿಭಿರೂಹಿತಂ ಸರ್ವತ್ರ ತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೨ ॥
ಕೇಲಿಜಿತಸುರಶಾಖಿನಂ ಸುರಪಾಲಪೂಜಿತಪಾದುಕಂ
ವ್ಯಾಲಪರಿಬೃಢ ಕಙ್ಕಣಂ ಭಕ್ತಾಲಿರಕ್ಷಣದೀಕ್ಷಿತಮ್ ।
ಕಾಲಿಕಾತನಯಂ ಕಲಾನಿಧಿಮೌಲಿಮಾಮ್ನಾಯಸ್ತುತಂ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೩ ॥
ದಕ್ಷಿಣೇನ ಸುರೇಷು ದುರ್ಜನಶಿಕ್ಷಣೇಷು ಪಟೀಯಸಾ
ರಕ್ಷಸಾಮಪನೋದಕೇನ ಮಹೋಕ್ಷವಾಹಪ್ರೇಯಸಾ ।
ರಕ್ಷಿತಾ ವಯಮಕ್ಷರಾಷ್ಟಕಲಕ್ಷಜಪತೋ ಯೇನ ವೈ
ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೪ ॥
ರತ್ನಗರ್ಭಗಣೇಶ್ವರಸ್ತುತಿ ನೂತ್ನಪದ್ಯತತಿಂ ಪಠೇ-
-ದ್ಯತ್ನವಾನ್ಯಃ ಪ್ರತಿದಿನಂ ದ್ರಾಕ್ಪ್ರತ್ನವಾಕ್ಸದೃಶಾರ್ಥದಾಮ್ ।
ರತ್ನರುಕ್ಮಸುಖೋಚ್ಛ್ರಯಂ ಸಾಪತ್ನವಿರಹಿತಮಾಪ್ನುಯಾ-
-ದ್ವಾರಣಾನನಮಾಶ್ರಯೇ ವನ್ದಾರುವಿಘ್ನನಿವಾರಣಮ್ ॥ ೩೫ ॥
ಸಿದ್ಧಿನಾಯಕಸಂಸ್ತುತಿಂ ಸಿದ್ಧಾನ್ತಿ ಸುಬ್ರಹ್ಮಣ್ಯಹೃ-
-ಚ್ಛುದ್ಧಯೇ ಸಮುದೀರಿತಾಂ ವಾಗ್ಬುದ್ಧಿಬಲಸನ್ದಾಯಿನೀಮ್ ।
ಸಿದ್ಧಯೇ ಪಠತಾನುವಾಸರಮೀಪ್ಸಿತಸ್ಯ ಮನೀಷಿಣಃ
ಶ್ರದ್ಧಯಾ ನಿರ್ನಿಘ್ನಸಮ್ಪದ್ವೃದ್ಧಿರಪಿ ಭವಿತಾ ಯತಃ ॥ ೩೬ ॥
ಇತಿ ಶ್ರೀಸುಬ್ರಹ್ಮಣ್ಯಯೋಗಿವಿರಚಿತಂ ರತ್ನಗರ್ಭ ಗಣೇಶ ವಿಲಾಸ ಸ್ತುತಿಃ ।

More Ganesha Stotras

श्री वल्लभेश हृदयम्
Sri Vallabhesa Hrdayam
श्री विद्यागणेशाष्टोत्तरशतनामावली
Sri Vidya Ganesha Ashtottara Shatanamavali
श्री विघ्नेश्वर अष्टोत्तरशत नामावलि
Shri Vighneshwara Ashtottara Shatanamavali
श्री विनायक स्तवराजः
Shri Vinayaka Stavarajah
उच्छिष्ट गणपति स्तोत्रम्
Ucchista Ganapati Stotram
श्री उच्छिष्टगणनाथ अष्टोत्तरशतनामावलिः
Sri Ucchistagananatha Astottarasatanamavalih
वक्रतुण्ड महाकाय स्तोत्रम्
Vakratunda Mahakaya
वातापि गणपतिं भजेहं
Vatapi Ganapatim Bhajeham
View All Ganesha Collection →

Explore More

Ganesha CollectionWealthObstaclesHealthProtectionWisdomHome