What is Sri Vallabhesa Hrdayam?

Read Sri Vallabhesa Hrdayam in Bengali script — full lyrics with English meaning and transliteration. The heart of Vallabhesha — Ganesha as the lord of Vallabha — set as a request to Shankara: tell me, of your kindness, the heart of Vallabhesha. His answer begins by disposing of the ritual preliminaries in a single line, saying that the sage, the metre and the rest are to be declared exactly as they are for the root mantra, which is how a hridaya text signals that it belongs inside an existing worship rather than standing alone. What follows is the inner core of that worship at length. The closing verse states the fruit in the terms of the tradition it comes from: whoever meditates on him as the celibate, the inconceivable, of many forms, delighting in the good of the three worlds, destroyer of misfortune, obtains every accomplishment and union with the lord of obstacles.

Which deity is Sri Vallabhesa Hrdayam dedicated to?

Sri Vallabhesa Hrdayam is a Sanskrit hymn dedicated to Lord Ganesha.

Sri Vallabhesa Hrdayam in Bengali – Meaning & Word-by-Word

অথ শ্রী বল্লভেশ হৃদযম্

শ্রীদেব্যুবাচ।

বল্লভেশস্য হৃদযং কৃপযা ব্রূহি শঙ্কর ।

শ্রীশিব উবাচ।

ঋষ্যাদিকং মূলমন্ত্রবদেব পরিকীর্তিতম্ ॥ ১ ॥

ওং বিঘ্নেশঃ পূর্বতঃ পাতু গণনাথস্তু দক্ষিণে ।
পশ্চিমে গজবক্ত্রস্তু উত্তরে বিঘ্ননাশনঃ ॥ ২ ॥

আগ্নেয্যাং পিতৃভক্তস্তু নৈঋত্যাং স্কন্দপূর্বজঃ ।
বাযব্যামাখুবাহস্তু ঈশান্যাং দেবপূজিতঃ ॥ ৩ ॥

ঊর্ধ্বতঃ পাতু সুমুখো হ্যধরাযাং গজাননঃ ।
এবং দশদিশো রক্ষেত্ বিকটঃ পাপনাশনঃ ॥ ৪ ॥

শিখাযাং কপিলঃ পাতু মূর্ধন্যাকাশরূপধৃক্ ।
কিরীটিঃ পাতু নঃ ফালং ভ্রুবোর্মধ্যে বিনাযকঃ ॥ ৫ ॥

চক্ষুষী মে ত্রিনযনঃ শ্রবণৌ গজকর্ণকঃ ।
কপোলযোর্মদনিধিঃ কর্ণমূলে মদোত্কটঃ ॥ ৬ ॥

সদন্তো দন্তমধ্যেঽব্যাত্ বক্ত্রং পাতু হরাত্মজঃ ।
চিবুকে নাসিকে চৈব পাতু মাং পুষ্করেক্ষণঃ ॥ ৭ ॥

উত্তরোষ্ঠে জগদ্ব্যাপী ত্বধরোষ্ঠেঽমৃতপ্রদঃ ।
জিহ্বাং বিদ্যানিধিঃ পাতু তালুন্যাপত্সহাযকঃ ॥ ৮ ॥

কিন্নরৈঃ পূজিতঃ কণ্ঠং স্কন্ধৌ পাতু দিশাম্পতিঃ ।
চতুর্ভুজো ভুজৌ পাতু বাহুমূলেঽমরপ্রিযঃ ॥ ৯ ॥

অংসযোরম্বিকাসূনুরঙ্গুলীশ্চ হরিপ্রিযঃ ।
আন্ত্রং পাতু স্বতন্ত্রো মে মনঃ প্রহ্লাদকারকঃ ॥ ১০ ॥

প্রাণাঽপানৌ তথা ব্যানমুদানং চ সমানকম্ ।
যশো লক্ষ্মীং চ কীর্তিং চ পাতু নঃ কমলাপতিঃ ॥ ১১ ॥

হৃদযং তু পরম্ব্রহ্মস্বরূপো জগদিপতিঃ ।
স্তনৌ তু পাতু বিষ্ণুর্মে স্তনমধ্যং তু শাঙ্করঃ ॥ ১২ ॥

উদরং তুন্দিলঃ পাতু নাভিং পাতু সুনাভিকঃ ।
কটিং পাত্বমলো নিত্যং পাতু মধ্যং তু পাবনঃ ॥ ১৩ ॥

মেঢ্রং পাতু মহাযোগী তত্পার্শ্বং সর্বরক্ষকঃ ।
গুহ্যং গুহাগ্রজঃ পাতু অণুং পাতু জিতেন্দ্রিযঃ ॥ ১৪ ॥

শুক্লং পাতু সুশুক্লস্তু ঊরূ পাতু সুখপ্রদঃ ।
জঙ্ঘদেশে হ্রস্বজঙ্ঘো জানুমধ্যে জগদ্গুরুঃ ॥ ১৫ ॥

গুল্ফৌ রক্ষাকরঃ পাতু পাদৌ মে নর্তনপ্রিযঃ ।
সর্বাঙ্গং সর্বসন্ধৌ চ পাতু দেবারিমর্দনঃ ॥ ১৬ ॥

পুত্রমিত্রকলত্রাদীন্ পাতু পাশাঙ্কুশাধিপঃ ।
ধনধান্যপশূংশ্চৈব গৃহং ক্ষেত্রং নিরন্তরম্ ॥ ১৭ ॥

পাতু বিশ্বাত্মকো দেবো বরদো ভক্তবত্সলঃ ।
রক্ষাহীনং তু যত্স্থানং কবচেন বিনা কৃতম্ ॥ ১৮ ॥

তত্সর্বং রক্ষযেদ্দেবো মার্গবাসী জিতেন্দ্রিযঃ ।
অটব্যাং পর্বতাগ্রে বা মার্গে মানাবমানগে ॥ ১৯ ॥

জলস্থলগতো বাঽপি পাতু মাযাপহারকঃ ।
সর্বত্র পাতু দেবেশঃ সপ্তলোকৈকসংশ্রিতঃ ॥ ২০ ॥

ফলশ্রুতিঃ ।

য ইদং কবচং পুণ্যং পবিত্রং পাপনাশনম্ ।
প্রাতঃকালে জপেন্মর্ত্যঃ সদা ভযবিনাশনম্ ॥ ২১ ॥

কুক্ষিরোগপ্রশমনং লূতাস্ফোটনিবারণম্ ।
মূত্রকৃচ্ছ্রপ্রশমনং বহুমূত্রনিবারণম্ ॥ ২২ ॥

বালগ্রহাদিরোগাণাংনাশনং সর্বকামদম্ ।
যঃ পঠেদ্ধারযেদ্বাঽপি করস্থাস্তস্য সিদ্ধযঃ ।
যত্র যত্র গতশ্চাঽপি তত্র তত্রাঽর্থসিদ্ধিদম্ ॥ ২৩ ॥

যশ্শৃণোতি পঠতি দ্বিজোত্তমো
বিঘ্নরাজকবচং দিনে দিনে ।
পুত্রপৌত্রসুকলত্রসম্পদঃ
কামভোগমখিলাংশ্চ বিন্দতি ॥ ২৪ ॥

যো ব্রহ্মচারিণমচিন্ত্যমনেকরূপং
ধ্যাযেজ্জগত্রযহিতেরতমাপদঘ্নম্ ।
সর্বার্থসিদ্ধিং লভতে মনুষ্যো
বিঘ্নেশসাযুজ্যমুপেন্ন সংশযঃ ॥ ২৫ ॥

ইতি শ্রীবিনাযকতন্ত্রে শ্রীবল্লভেশহৃদযং সম্পূর্ণম্ ।

More Ganesha Stotras

Explore More