What is Sri Vallabhesa Hrdayam?

Read Sri Vallabhesa Hrdayam in Gujarati script — full lyrics with English meaning and transliteration. The heart of Vallabhesha — Ganesha as the lord of Vallabha — set as a request to Shankara: tell me, of your kindness, the heart of Vallabhesha. His answer begins by disposing of the ritual preliminaries in a single line, saying that the sage, the metre and the rest are to be declared exactly as they are for the root mantra, which is how a hridaya text signals that it belongs inside an existing worship rather than standing alone. What follows is the inner core of that worship at length. The closing verse states the fruit in the terms of the tradition it comes from: whoever meditates on him as the celibate, the inconceivable, of many forms, delighting in the good of the three worlds, destroyer of misfortune, obtains every accomplishment and union with the lord of obstacles.

Which deity is Sri Vallabhesa Hrdayam dedicated to?

Sri Vallabhesa Hrdayam is a Sanskrit hymn dedicated to Lord Ganesha.

Sri Vallabhesa Hrdayam in Gujarati – Meaning & Word-by-Word

અથ શ્રી વલ્લભેશ હૃદયમ્

શ્રીદેવ્યુવાચ।

વલ્લભેશસ્ય હૃદયં કૃપયા બ્રૂહિ શઙ્કર ।

શ્રીશિવ ઉવાચ।

ઋષ્યાદિકં મૂલમન્ત્રવદેવ પરિકીર્તિતમ્ ॥ ૧ ॥

ઓં વિઘ્નેશઃ પૂર્વતઃ પાતુ ગણનાથસ્તુ દક્ષિણે ।
પશ્ચિમે ગજવક્ત્રસ્તુ ઉત્તરે વિઘ્નનાશનઃ ॥ ૨ ॥

આગ્નેય્યાં પિતૃભક્તસ્તુ નૈઋત્યાં સ્કન્દપૂર્વજઃ ।
વાયવ્યામાખુવાહસ્તુ ઈશાન્યાં દેવપૂજિતઃ ॥ ૩ ॥

ઊર્ધ્વતઃ પાતુ સુમુખો હ્યધરાયાં ગજાનનઃ ।
એવં દશદિશો રક્ષેત્ વિકટઃ પાપનાશનઃ ॥ ૪ ॥

શિખાયાં કપિલઃ પાતુ મૂર્ધન્યાકાશરૂપધૃક્ ।
કિરીટિઃ પાતુ નઃ ફાલં ભ્રુવોર્મધ્યે વિનાયકઃ ॥ ૫ ॥

ચક્ષુષી મે ત્રિનયનઃ શ્રવણૌ ગજકર્ણકઃ ।
કપોલયોર્મદનિધિઃ કર્ણમૂલે મદોત્કટઃ ॥ ૬ ॥

સદન્તો દન્તમધ્યેઽવ્યાત્ વક્ત્રં પાતુ હરાત્મજઃ ।
ચિબુકે નાસિકે ચૈવ પાતુ માં પુષ્કરેક્ષણઃ ॥ ૭ ॥

ઉત્તરોષ્ઠે જગદ્વ્યાપી ત્વધરોષ્ઠેઽમૃતપ્રદઃ ।
જિહ્વાં વિદ્યાનિધિઃ પાતુ તાલુન્યાપત્સહાયકઃ ॥ ૮ ॥

કિન્નરૈઃ પૂજિતઃ કણ્ઠં સ્કન્ધૌ પાતુ દિશામ્પતિઃ ।
ચતુર્ભુજો ભુજૌ પાતુ બાહુમૂલેઽમરપ્રિયઃ ॥ ૯ ॥

અંસયોરમ્બિકાસૂનુરઙ્ગુલીશ્ચ હરિપ્રિયઃ ।
આન્ત્રં પાતુ સ્વતન્ત્રો મે મનઃ પ્રહ્લાદકારકઃ ॥ ૧૦ ॥

પ્રાણાઽપાનૌ તથા વ્યાનમુદાનં ચ સમાનકમ્ ।
યશો લક્ષ્મીં ચ કીર્તિં ચ પાતુ નઃ કમલાપતિઃ ॥ ૧૧ ॥

હૃદયં તુ પરમ્બ્રહ્મસ્વરૂપો જગદિપતિઃ ।
સ્તનૌ તુ પાતુ વિષ્ણુર્મે સ્તનમધ્યં તુ શાઙ્કરઃ ॥ ૧૨ ॥

ઉદરં તુન્દિલઃ પાતુ નાભિં પાતુ સુનાભિકઃ ।
કટિં પાત્વમલો નિત્યં પાતુ મધ્યં તુ પાવનઃ ॥ ૧૩ ॥

મેઢ્રં પાતુ મહાયોગી તત્પાર્શ્વં સર્વરક્ષકઃ ।
ગુહ્યં ગુહાગ્રજઃ પાતુ અણું પાતુ જિતેન્દ્રિયઃ ॥ ૧૪ ॥

શુક્લં પાતુ સુશુક્લસ્તુ ઊરૂ પાતુ સુખપ્રદઃ ।
જઙ્ઘદેશે હ્રસ્વજઙ્ઘો જાનુમધ્યે જગદ્ગુરુઃ ॥ ૧૫ ॥

ગુલ્ફૌ રક્ષાકરઃ પાતુ પાદૌ મે નર્તનપ્રિયઃ ।
સર્વાઙ્ગં સર્વસન્ધૌ ચ પાતુ દેવારિમર્દનઃ ॥ ૧૬ ॥

પુત્રમિત્રકલત્રાદીન્ પાતુ પાશાઙ્કુશાધિપઃ ।
ધનધાન્યપશૂંશ્ચૈવ ગૃહં ક્ષેત્રં નિરન્તરમ્ ॥ ૧૭ ॥

પાતુ વિશ્વાત્મકો દેવો વરદો ભક્તવત્સલઃ ।
રક્ષાહીનં તુ યત્સ્થાનં કવચેન વિના કૃતમ્ ॥ ૧૮ ॥

તત્સર્વં રક્ષયેદ્દેવો માર્ગવાસી જિતેન્દ્રિયઃ ।
અટવ્યાં પર્વતાગ્રે વા માર્ગે માનાવમાનગે ॥ ૧૯ ॥

જલસ્થલગતો વાઽપિ પાતુ માયાપહારકઃ ।
સર્વત્ર પાતુ દેવેશઃ સપ્તલોકૈકસંશ્રિતઃ ॥ ૨૦ ॥

ફલશ્રુતિઃ ।

ય ઇદં કવચં પુણ્યં પવિત્રં પાપનાશનમ્ ।
પ્રાતઃકાલે જપેન્મર્ત્યઃ સદા ભયવિનાશનમ્ ॥ ૨૧ ॥

કુક્ષિરોગપ્રશમનં લૂતાસ્ફોટનિવારણમ્ ।
મૂત્રકૃચ્છ્રપ્રશમનં બહુમૂત્રનિવારણમ્ ॥ ૨૨ ॥

બાલગ્રહાદિરોગાણાંનાશનં સર્વકામદમ્ ।
યઃ પઠેદ્ધારયેદ્વાઽપિ કરસ્થાસ્તસ્ય સિદ્ધયઃ ।
યત્ર યત્ર ગતશ્ચાઽપિ તત્ર તત્રાઽર્થસિદ્ધિદમ્ ॥ ૨૩ ॥

યશ્શૃણોતિ પઠતિ દ્વિજોત્તમો
વિઘ્નરાજકવચં દિને દિને ।
પુત્રપૌત્રસુકલત્રસમ્પદઃ
કામભોગમખિલાંશ્ચ વિન્દતિ ॥ ૨૪ ॥

યો બ્રહ્મચારિણમચિન્ત્યમનેકરૂપં
ધ્યાયેજ્જગત્રયહિતેરતમાપદઘ્નમ્ ।
સર્વાર્થસિદ્ધિં લભતે મનુષ્યો
વિઘ્નેશસાયુજ્યમુપેન્ન સંશયઃ ॥ ૨૫ ॥

ઇતિ શ્રીવિનાયકતન્ત્રે શ્રીવલ્લભેશહૃદયં સમ્પૂર્ણમ્ ।

More Ganesha Stotras

Explore More