What is Bhagavad Gita Chapter 12 — Bhakti Yoga?

Read Bhagavad Gita Chapter 12 — Bhakti Yoga in Bengali script — full lyrics with English meaning and transliteration. Arjuna asks whether it is better to worship the unmanifest Brahman or the personal form of God. Krishna answers that both paths lead to the same goal, but the path of devotion to the personal divine is easier and more natural for most seekers. He explains that the unmanifest path demands immense detachment and control of the senses, while devotion opens through emotion and grace. Krishna assures that those who fix their hearts on him with steadfast faith quickly attain union. He then lists the qualities of the true devotee: free from pride, anger, and selfishness; humble, forgiving, content, and compassionate; steady amidst pain and pleasure.

Which deity is Bhagavad Gita Chapter 12 — Bhakti Yoga dedicated to?

Bhagavad Gita Chapter 12 — Bhakti Yoga is a Sanskrit hymn dedicated to Lord Krishna.

Who composed Bhagavad Gita Chapter 12 — Bhakti Yoga?

Bhagavad Gita Chapter 12 — Bhakti Yoga is traditionally attributed to Vyasa.

Bhagavad Gita Chapter 12 — Bhakti Yoga in Bengali – Meaning

ওঁ শ্রী পরমাত্মনে নমঃ

অথ দ্বাদশোঽধ্যাযঃ ।

ভক্তিযোগঃ
অর্জুন উবাচ

এবং সততযুক্তা যে ভক্তাস্ত্বাং পর্যুপাসতে ।
যে চাপ্যক্ষরমব্যক্তং তেষাং কে যোগবিত্তমাঃ ॥ 1 ॥

শ্রীভগবানুবাচ

ময্যাবেশ্য মনো যে মাং নিত্যযুক্তা উপাসতে ।
শ্রদ্ধযা পরযোপেতাস্তে মে যুক্ততমা মতাঃ ॥ 2 ॥

যে ত্বক্ষরমনির্দেশ্যমব্যক্তং পর্যুপাসতে ।
সর্বত্রগমচিন্ত্যং চ কূটস্থমচলং ধ্রুবম্ ॥ 3 ॥

সন্নিযম্যেন্দ্রিযগ্রামং সর্বত্র সমবুদ্ধযঃ ।
তে প্রাপ্নুবন্তি মামেব সর্বভূতহিতে রতাঃ ॥ 4 ॥

ক্লেশোঽধিকতরস্তেষামব্যক্তাসক্তচেতসাম্ ।
অব্যক্তা হি গতির্দুঃখং দেহবদ্ভিরবাপ্যতে ॥ 5 ॥

যে তু সর্বাণি কর্মাণি মযি সন্ন্যস্য মত্পরাঃ ।
অনন্যেনৈব যোগেন মাং ধ্যাযন্ত উপাসতে ॥ 6 ॥

তেষামহং সমুদ্ধর্তা মৃত্যুসংসারসাগরাত্ ।
ভবামি ন চিরাত্পার্থ ময্যাবেশিতচেতসাম্ ॥ 7 ॥

ময্যেব মন আধত্স্ব মযি বুদ্ধিং নিবেশয ।
নিবসিষ্যসি ময্যেব অত ঊর্ধ্বং ন সংশযঃ ॥ 8 ॥

অথ চিত্তং সমাধাতুং ন শক্নোষি মযি স্থিরম্ ।
অভ্যাসযোগেন ততো মামিচ্ছাপ্তুং ধনঞ্জয ॥ 9 ॥

অভ্যাসেঽপ্যসমর্থোঽসি মত্কর্মপরমো ভব ।
মদর্থমপি কর্মাণি কুর্বন্সিদ্ধিমবাপ্স্যসি ॥ 10 ॥

অথৈতদপ্যশক্তোঽসি কর্তুং মদ্যোগমাশ্রিতঃ ।
সর্বকর্মফলত্যাগং ততঃ কুরু যতাত্মবান্ ॥ 11 ॥

শ্রেযো হি জ্ঞানমভ্যাসাজ্জ্ঞানাদ্ধ্যানং বিশিষ্যতে ।
ধ্যানাত্কর্মফলত্যাগস্ত্যাগাচ্ছান্তিরনন্তরম্ ॥ 12 ॥

অদ্বেষ্টা সর্বভূতানাং মৈত্রঃ করুণ এব চ ।
নির্মমো নিরহঙ্কারঃ সমদুঃখসুখঃ ক্ষমী ॥ 13 ॥

সন্তুষ্টঃ সততং যোগী যতাত্মা দৃঢনিশ্চযঃ ।
ময্যর্পিতমনোবুদ্ধির্যো মদ্ভক্তঃ স মে প্রিযঃ ॥ 14 ॥

যস্মান্নোদ্বিজতে লোকো লোকান্নোদ্বিজতে চ যঃ ।
হর্ষামর্ষভযোদ্বেগৈর্মুক্তো যঃ স চ মে প্রিযঃ ॥ 15 ॥

অনপেক্ষঃ শুচির্দক্ষ উদাসীনো গতব্যথঃ ।
সর্বারম্ভপরিত্যাগী যো মদ্ভক্তঃ স মে প্রিযঃ ॥ 16 ॥

যো ন হৃষ্যতি ন দ্বেষ্টি ন শোচতি ন কাঙ্ক্ষতি ।
শুভাশুভপরিত্যাগী ভক্তিমান্যঃ স মে প্রিযঃ ॥ 17 ॥

সমঃ শত্রৌ চ মিত্রে চ তথা মানাপমানযোঃ ।
শীতোষ্ণসুখদুঃখেষু সমঃ সঙ্গবিবর্জিতঃ ॥ 18 ॥

তুল্যনিন্দাস্তুতির্মৌনী সন্তুষ্টো যেন কেনচিত্ ।
অনিকেতঃ স্থিরমতির্ভক্তিমান্মে প্রিযো নরঃ ॥ 19 ॥

যে তু ধর্ম্যামৃতমিদং যথোক্তং পর্যুপাসতে ।
শ্রদ্দধানা মত্পরমা ভক্তাস্তেঽতীব মে প্রিযাঃ ॥ 20 ॥

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে ভক্তিযোগো নাম দ্বাদশোঽধ্যাযঃ ॥12 ॥

শ্রীমদ্ভগবদ্গীতা মূলম্ - দ্বাদশোঽধ্যাযঃ

Also Chanted For

Explore More

More Krishna Stotras

Also Chanted For

Explore More