Lord Vishnu

শ্ৰী ৱিষ্ণু সহস্ৰনাম স্তোত্ৰম্

(Vishnu Sahasranama Stotram in Assamese)

From Mahabharata (Anushasana Parva), attributed to Vyasa

Also known as Vishnu Sahasranamam · Vishnu Sahasranama · Sri Vishnu Sahasranamam

Language:Sanskrit
Translation:English

The Vishnu Sahasranama is one of the most sacred and widely recited hymns in Hinduism, comprising one thousand names of Lord Vishnu. As recorded in the Mahabharata, these names were imparted by Bhishma Pitamaha to Yudhishthira while he lay on a bed of arrows. It is a profound philosophical synthesis, asserting that the Supreme Being is omnipresent, omnipotent, and the ultimate essence of the universe. Devotees recite this stotra daily to cultivate inner peace, mental clarity, and spiritual liberation. It is believed that sincere chanting removes obstacles, purifies the mind, and grants the grace of the Supreme Lord.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 215

Table of Contents

শ্ৰীৱিষ্ণুসহস্ৰনামস্তোত্ৰম্
ওঁ
শ্ৰীপৰমাত্মনে নমঃ ।
নাৰাযণং নমস্কৃত্য নৰং চৈৱ নৰোত্তমম্ ।
দেৱীং সৰস্ৱতীং ৱ্যাসং ততো জযমুদীৰযেত্ ॥
ওঁ অথ সকলসৌভাগ্যদাযকং শ্ৰীৱিষ্ণুসহস্ৰনামস্তোত্ৰম্ ।
হৰিঃ ওঁ ॥
শুক্লাম্বৰধৰং ৱিষ্ণুং শশিৱৰ্ণং চতুৰ্ভুজম্ ।
প্ৰসন্নৱদনং ধ্যাযেত্ সৰ্ৱৱিঘ্নোপশান্তযে ॥ ১॥
যস্য দ্ৱিৰদৱক্ত্ৰাদ্যাঃ পাৰিষদ্যাঃ পৰঃ শতম্ ।
ৱিঘ্নং নিঘ্নন্তি সততং ৱিষ্ৱক্সেনং তমাশ্ৰযে ॥ ২॥
ৱ্যাসং ৱসিষ্ঠনপ্তাৰং শক্তেঃ পৌত্ৰমকল্মষম্ ।
পৰাশৰাত্মজং ৱন্দে শুকতাতং তপোনিধিম্ ॥ ৩॥
ৱ্যাসায ৱিষ্ণুৰূপায ৱ্যাসৰূপায ৱিষ্ণৱে ।
নমো ৱৈ ব্ৰহ্মনিধযে ৱাসিষ্ঠায নমো নমঃ ॥ ৪॥
অৱিকাৰায শুদ্ধায নিত্যায পৰমাত্মনে ।
সদৈকৰূপৰূপায ৱিষ্ণৱে সৰ্ৱজিষ্ণৱে ॥ ৫॥
যস্য স্মৰণমাত্ৰেণ জন্মসংসাৰবন্ধনাত্ ।
ৱিমুচ্যতে নমস্তস্মৈ ৱিষ্ণৱে প্ৰভৱিষ্ণৱে ॥ ৬॥
(নমঃ সমস্তভূতানামাদিভূতায ভূভৃতে ।
অনেকৰূপৰূপায ৱিষ্ণৱে প্ৰভৱিষ্ণৱে ॥)
ওঁ নমো ৱিষ্ণৱে প্ৰভৱিষ্ণৱে ॥
শ্ৰীৱৈশম্পাযন উৱাচ---
শ্ৰুত্ৱা ধৰ্মানশেষেণ পাৱনানি চ সৰ্ৱশঃ ।
যুধিষ্ঠিৰঃ শান্তনৱং পুনৰেৱাভ্যভাষত ॥ ৭॥
যুধিষ্ঠিৰ উৱাচ---
কিমেকং দৈৱতং লোকে কিং ৱাপ্যেকং পৰাযণম্ ।
স্তুৱন্তঃ কং কমৰ্চন্তঃ প্ৰাপ্নুযুৰ্মানৱাঃ শুভম্ ॥ ৮॥
কো ধৰ্মঃ সৰ্ৱধৰ্মাণাং ভৱতঃ পৰমো মতঃ ।
কিং জপন্মুচ্যতে জন্তুৰ্জন্মসংসাৰবন্ধনাত্ ॥ ৯॥
ভীষ্ম উৱাচ---
জগত্প্ৰভুং দেৱদেৱমনন্তং পুৰুষোত্তমম্ ।
স্তুৱন্ নামসহস্ৰেণ পুৰুষঃ সততোত্থিতঃ ॥ ১০॥
তমেৱ চাৰ্চযন্নিত্যং ভক্ত্যা পুৰুষমৱ্যযম্ ।
ধ্যাযন্ স্তুৱন্ নমস্যংশ্চ যজমানস্তমেৱ চ ॥ ১১॥
অনাদিনিধনং ৱিষ্ণুং সৰ্ৱলোকমহেশ্ৱৰম্ ।
লোকাধ্যক্ষং স্তুৱন্নিত্যং সৰ্ৱদুঃখাতিগো ভৱেত্ ॥ ১২॥
ব্ৰহ্মণ্যং সৰ্ৱধৰ্মজ্ঞং লোকানাং কীৰ্তিৱৰ্ধনম্ ।
লোকনাথং মহদ্ভূতং সৰ্ৱভূতভৱোদ্ভৱম্ ॥ ১৩॥
এষ মে সৰ্ৱধৰ্মাণাং ধৰ্মোঽধিকতমো মতঃ ।
যদ্ভক্ত্যা পুণ্ডৰীকাক্ষং স্তৱৈৰৰ্চেন্নৰঃ সদা ॥ ১৪॥
পৰমং যো মহত্তেজঃ পৰমং যো মহত্তপঃ ।
পৰমং যো মহদ্ব্ৰহ্ম পৰমং যঃ পৰাযণম্ ॥ ১৫॥
পৱিত্ৰাণাং পৱিত্ৰং যো মঙ্গলানাং চ মঙ্গলম্ ।
দৈৱতং দৈৱতানাং চ ভূতানাং যোঽৱ্যযঃ পিতা ॥ ১৬॥
যতঃ সৰ্ৱাণি ভূতানি ভৱন্ত্যাদিযুগাগমে ।
যস্মিংশ্চ প্ৰলযং যান্তি পুনৰেৱ যুগক্ষযে ॥ ১৭॥
তস্য লোকপ্ৰধানস্য জগন্নাথস্য ভূপতে ।
ৱিষ্ণোৰ্নামসহস্ৰং মে শৃণু পাপভযাপহম্ ॥ ১৮॥
যানি নামানি গৌণানি ৱিখ্যাতানি মহাত্মনঃ ।
ঋষিভিঃ পৰিগীতানি তানি ৱক্ষ্যামি ভূতযে ॥ ১৯॥
ঋষিৰ্নাম্নাং সহস্ৰস্য ৱেদৱ্যাসো মহামুনিঃ ।
ছন্দোঽনুষ্টুপ্ তথা দেৱো ভগৱান্ দেৱকীসুতঃ ॥ ২০॥
অমৃতাংশূদ্ভৱো বীজং শক্তিৰ্দেৱকীনন্দনঃ ।
ত্ৰিসামা হৃদযং তস্য শান্ত্যৰ্থে ৱিনিযোজ্যতে ॥ ২১॥
ৱিষ্ণুং জিষ্ণুং মহাৱিষ্ণুং প্ৰভৱিষ্ণুং মহেশ্ৱৰম্ ।
অনেকৰূপদৈত্যান্তং নমামি পুৰুষোত্তমম্ ॥ ২২॥
পূৰ্ৱন্যাসঃ
শ্ৰীৱেদৱ্যাস উৱাচ---
ওঁ অস্য শ্ৰীৱিষ্ণোৰ্দিৱ্যসহস্ৰনামস্তোত্ৰমহামন্ত্ৰস্য ।
শ্ৰীৱেদৱ্যাসো ভগৱান্ ঋষিঃ ।
অনুষ্টুপ্ ছন্দঃ ।
শ্ৰীমহাৱিষ্ণুঃ পৰমাত্মা শ্ৰীমন্নাৰাযণো দেৱতা ।
অমৃতাংশূদ্ভৱো ভানুৰিতি বীজম্ ।
দেৱকীনন্দনঃ স্ৰষ্টেতি শক্তিঃ ।
উদ্ভৱঃ ক্ষোভণো দেৱ ইতি পৰমো মন্ত্ৰঃ ।
শঙ্খভৃন্নন্দকী চক্ৰীতি কীলকম্ ।
শাৰ্ঙ্গধন্ৱা গদাধৰ ইত্যস্ত্ৰম্ ।
ৰথাঙ্গপাণিৰক্ষোভ্য ইতি নেত্ৰম্ ।
ত্ৰিসামা সামগঃ সামেতি কৱচম্ ।
আনন্দং পৰব্ৰহ্মেতি যোনিঃ ।
ঋতুঃ সুদৰ্শনঃ কাল ইতি দিগ্বন্ধঃ ।
শ্ৰীৱিশ্ৱৰূপ ইতি ধ্যানম্ ।
শ্ৰীমহাৱিষ্ণুপ্ৰীত্যৰ্থে সহস্ৰনামস্তোত্ৰপাঠে ৱিনিযোগঃ ॥
অথ ন্যাসঃ ।
ওঁ শিৰসি ৱেদৱ্যাসৰ্ষযে নমঃ ।
মুখে অনুষ্টুপ্ছন্দসে নমঃ ।
হৃদি শ্ৰীকৃষ্ণপৰমাত্মদেৱতাযৈ নমঃ ।
গুহ্যে অমৃতাংশূদ্ভৱো ভানুৰিতি বীজায নমঃ ।
পাদযোৰ্দেৱকীনন্দনঃ স্ৰষ্টেতি শক্তযে নমঃ ।
সৰ্ৱাঙ্গে শঙ্খভৃন্নন্দকী চক্ৰীতি কীলকায নমঃ ।
কৰসম্পূটে মম শ্ৰীকৃষ্ণপ্ৰীত্যৰ্থে জপে ৱিনিযোগঃ ॥
ইতি ঋষ্যাদিন্যাসঃ ॥
অথ কৰন্যাসঃ ।
ওঁ ৱিশ্ৱং ৱিষ্ণুৰ্ৱষট্কাৰ ইত্যঙ্গুষ্ঠাভ্যাং নমঃ ।
অমৃতাংশূদ্ভৱো ভানুৰিতি তৰ্জনীভ্যাং নমঃ ।
ব্ৰহ্মণ্যো ব্ৰহ্মকৃদ্ব্ৰহ্মেতি মধ্যমাভ্যাং নমঃ ।
সুৱৰ্ণবিন্দুৰক্ষোভ্য ইত্যনামিকাভ্যাং নমঃ ।
নিমিষোঽনিমিষঃ স্ৰগ্ৱীতি কনিষ্ঠিকাভ্যাং নমঃ ।
ৰথাঙ্গপাণিৰক্ষোভ্য ইতি কৰতলকৰপৃষ্ঠাভ্যাং নমঃ ।
ইতি কৰন্যাসঃ ॥
অথ ষডঙ্গন্যাসঃ ।
ওঁ ৱিশ্ৱং ৱিষ্ণুৰ্ৱষট্কাৰ ইতি হৃদযায নমঃ ।
অমৃতাংশূদ্ভৱো ভানুৰিতি শিৰসে স্ৱাহা ।
ব্ৰহ্মণ্যো ব্ৰহ্মকৃদ্ব্ৰহ্মেতি শিখাযৈ ৱষট্ ।
সুৱৰ্ণবিন্দুৰক্ষোভ্য ইতি কৱচায হুম্ ।
নিমিষোঽনিমিষঃ স্ৰগ্ৱীতি নেত্ৰত্ৰযায ৱৌষট্ ।
ৰথাঙ্গপাণিৰক্ষোভ্য ইত্যস্ত্ৰায ফট্ ।

(সুৱ্ৰতঃ সুমুখঃ সূক্ষ্মেতি জ্ঞানায হৃদযায নমঃ ।
সহস্ৰমূৰ্ধা ৱিশ্ৱাত্মেতি ঐশ্ৱৰায শিৰসে স্ৱাহা ।
সহস্ৰাৰ্চিঃ সপ্তজিহ্ৱেতি শক্ত্যৈ শিখাযৈ ৱষট্ ।
ত্ৰিসামা সামগঃ সামেতি বলায কৱচায হুম্ ।
ৰথাঙ্গপাণিৰক্ষোভ্য ইতি তেজসে নেত্ৰত্ৰযায ৱৌষট্ ।
শাৰ্ঙ্গধন্ৱা গদাধৰ ইতি ৱীৰ্যায অস্ত্ৰায ফট্ ।
ঋতুঃ সুদৰ্শনঃ কাল ইতি ভূৰ্ভুৱঃসুৱৰোমিতি দিগ্বন্ধঃ ॥)
ইতি ষডঙ্গন্যাসঃ ॥
শ্ৰীকৃষ্ণপ্ৰীত্যৰ্থে ৱিষ্ণোৰ্দিৱ্যসহস্ৰনামজপমহং
কৰিষ্যে ইতি সঙ্কল্পঃ ।

অথ ধ্যানম্ ।
ক্ষীৰোদন্ৱত্প্ৰদেশে শুচিমণিৱিলসত্সৈকতে মৌক্তিকানাং
মালাকৢপ্তাসনস্থঃ স্ফটিকমণিনিভৈৰ্মৌক্তিকৈৰ্মণ্ডিতাঙ্গঃ ।
শুভ্ৰৈৰভ্ৰৈৰদভ্ৰৈৰুপৰিৱিৰচিতৈৰ্মুক্তপীযূষৱৰ্ষৈ-
ৰানন্দী নঃ পুনীযাদৰিনলিনগদাশঙ্খপাণিৰ্মুকুন্দঃ ॥ ১॥
ভূঃ পাদৌ যস্য নাভিৰ্ৱিযদসুৰনিলশ্চন্দ্ৰসূৰ্যৌ চ নেত্ৰে
কৰ্ণাৱাশাঃ শিৰো দ্যৌৰ্মুখমপি দহনো যস্য ৱাস্তেযমব্ধিঃ ।
অন্তঃস্থং যস্য ৱিশ্ৱং সুৰনৰখগগোভোগিগন্ধৰ্ৱদৈত্যৈঃ
চিত্ৰং ৰংৰম্যতে তং ত্ৰিভুৱনৱপুষং ৱিষ্ণুমীশং নমামি ॥ ২॥
ওঁ নমো ভগৱতে ৱাসুদেৱায ॥
ওঁ শান্তাকাৰং ভুজগশযনং পদ্মনাভং সুৰেশং
ৱিশ্ৱাধাৰং গগনসদৃশং মেঘৱৰ্ণং শুভাঙ্গম্ ।
লক্ষ্মীকান্তং কমলনযনং যোগিভিৰ্ধ্যানগম্যং (যোগিহৃদ্ধ্যানগম্যং)
ৱন্দে ৱিষ্ণুং ভৱভযহৰং সৰ্ৱলোকৈকনাথম্ ॥ ৩॥
মেঘশ্যামং পীতকৌশেযৱাসং
শ্ৰীৱত্সাঙ্কং কৌস্তুভোদ্ভাসিতাঙ্গম্ ।
পুণ্যোপেতং পুণ্ডৰীকাযতাক্ষং
ৱিষ্ণুং ৱন্দে সৰ্ৱলোকৈকনাথম্ ॥ ৪॥
নমঃ সমস্তভূতানামাদিভূতায ভূভৃতে ।
অনেকৰূপৰূপায ৱিষ্ণৱে প্ৰভৱিষ্ণৱে ॥ ৫॥
সশঙ্খচক্ৰং সকিৰীটকুণ্ডলং
সপীতৱস্ত্ৰং সৰসীৰুহেক্ষণম্ ।
সহাৰৱক্ষঃস্থলকৌস্তুভশ্ৰিযং (স্থলশোভিকৌস্তুভং)
নমামি ৱিষ্ণুং শিৰসা চতুৰ্ভুজম্ ॥ ৬॥
ছাযাযাং পাৰিজাতস্য হেমসিংহাসনোপৰি
আসীনমম্বুদশ্যামমাযতাক্ষমলংকৃতম্ ।
চন্দ্ৰাননং চতুৰ্বাহুং শ্ৰীৱত্সাঙ্কিতৱক্ষসং
ৰুক্মিণীসত্যভামাভ্যাং সহিতং কৃষ্ণমাশ্ৰযে ॥ ৭॥
স্তোত্ৰম্
হৰিঃ ওঁ ।
ওঁ ৱিশ্ৱং ৱিষ্ণুৰ্ৱষট্কাৰো ভূতভৱ্যভৱত্প্ৰভুঃ ।
ভূতকৃদ্ভূতভৃদ্ভাৱো ভূতাত্মা ভূতভাৱনঃ ॥ ১॥
পূতাত্মা পৰমাত্মা চ মুক্তানাং পৰমা গতিঃ ।
অৱ্যযঃ পুৰুষঃ সাক্ষী ক্ষেত্ৰজ্ঞোঽক্ষৰ এৱ চ ॥ ২॥
যোগো যোগৱিদাং নেতা প্ৰধানপুৰুষেশ্ৱৰঃ ।
নাৰসিংহৱপুঃ শ্ৰীমান্ কেশৱঃ পুৰুষোত্তমঃ ॥ ৩॥
সৰ্ৱঃ শৰ্ৱঃ শিৱঃ স্থাণুৰ্ভূতাদিৰ্নিধিৰৱ্যযঃ ।
সম্ভৱো ভাৱনো ভৰ্তা প্ৰভৱঃ প্ৰভুৰীশ্ৱৰঃ ॥ ৪॥
স্ৱযম্ভূঃ শম্ভুৰাদিত্যঃ পুষ্কৰাক্ষো মহাস্ৱনঃ ।
অনাদিনিধনো ধাতা ৱিধাতা ধাতুৰুত্তমঃ ॥ ৫॥
অপ্ৰমেযো হৃষীকেশঃ পদ্মনাভোঽমৰপ্ৰভুঃ ।
ৱিশ্ৱকৰ্মা মনুস্ত্ৱষ্টা স্থৱিষ্ঠঃ স্থৱিৰো ধ্ৰুৱঃ ॥ ৬॥
অগ্ৰাহ্যঃ শাশ্ৱতঃ কৃষ্ণো লোহিতাক্ষঃ প্ৰতৰ্দনঃ ।
প্ৰভূতস্ত্ৰিককুব্ধাম পৱিত্ৰং মঙ্গলং পৰম্ ॥ ৭॥
ঈশানঃ প্ৰাণদঃ প্ৰাণো জ্যেষ্ঠঃ শ্ৰেষ্ঠঃ প্ৰজাপতিঃ ।
হিৰণ্যগৰ্ভো ভূগৰ্ভো মাধৱো মধুসূদনঃ ॥ ৮॥
ঈশ্ৱৰো ৱিক্ৰমী ধন্ৱী মেধাৱী ৱিক্ৰমঃ ক্ৰমঃ ।
অনুত্তমো দুৰাধৰ্ষঃ কৃতজ্ঞঃ কৃতিৰাত্মৱান্ ॥ ৯॥
সুৰেশঃ শৰণং শৰ্ম ৱিশ্ৱৰেতাঃ প্ৰজাভৱঃ ।
অহঃ সংৱত্সৰো ৱ্যালঃ প্ৰত্যযঃ সৰ্ৱদৰ্শনঃ ॥ ১০॥
অজঃ সৰ্ৱেশ্ৱৰঃ সিদ্ধঃ সিদ্ধিঃ সৰ্ৱাদিৰচ্যুতঃ ।
ৱৃষাকপিৰমেযাত্মা সৰ্ৱযোগৱিনিঃসৃতঃ ॥ ১১॥
ৱসুৰ্ৱসুমনাঃ সত্যঃ সমাত্মাঽসম্মিতঃ সমঃ ।
অমোঘঃ পুণ্ডৰীকাক্ষো ৱৃষকৰ্মা ৱৃষাকৃতিঃ ॥ ১২॥
ৰুদ্ৰো বহুশিৰা বভ্ৰুৰ্ৱিশ্ৱযোনিঃ শুচিশ্ৰৱাঃ ।
অমৃতঃ শাশ্ৱতস্থাণুৰ্ৱৰাৰোহো মহাতপাঃ ॥ ১৩॥
সৰ্ৱগঃ সৰ্ৱৱিদ্ভানুৰ্ৱিষ্ৱক্সেনো জনাৰ্দনঃ ।
ৱেদো ৱেদৱিদৱ্যঙ্গো ৱেদাঙ্গো ৱেদৱিত্ কৱিঃ ॥ ১৪॥
লোকাধ্যক্ষঃ সুৰাধ্যক্ষো ধৰ্মাধ্যক্ষঃ কৃতাকৃতঃ ।
চতুৰাত্মা চতুৰ্ৱ্যূহশ্চতুৰ্দংষ্ট্ৰশ্চতুৰ্ভুজঃ ॥ ১৫॥
ভ্ৰাজিষ্ণুৰ্ভোজনং ভোক্তা সহিষ্ণুৰ্জগদাদিজঃ ।
অনঘো ৱিজযো জেতা ৱিশ্ৱযোনিঃ পুনৰ্ৱসুঃ ॥ ১৬॥
উপেন্দ্ৰো ৱামনঃ প্ৰাংশুৰমোঘঃ শুচিৰূৰ্জিতঃ ।
অতীন্দ্ৰঃ সঙ্গ্ৰহঃ সৰ্গো ধৃতাত্মা নিযমো যমঃ ॥ ১৭॥
ৱেদ্যো ৱৈদ্যঃ সদাযোগী ৱীৰহা মাধৱো মধুঃ ।
অতীন্দ্ৰিযো মহামাযো মহোত্সাহো মহাবলঃ ॥ ১৮॥
মহাবুদ্ধিৰ্মহাৱীৰ্যো মহাশক্তিৰ্মহাদ্যুতিঃ ।
অনিৰ্দেশ্যৱপুঃ শ্ৰীমানমেযাত্মা মহাদ্ৰিধৃক্ ॥ ১৯॥
মহেষ্ৱাসো মহীভৰ্তা শ্ৰীনিৱাসঃ সতাং গতিঃ ।
অনিৰুদ্ধঃ সুৰানন্দো গোৱিন্দো গোৱিদাং পতিঃ ॥ ২০॥
মৰীচিৰ্দমনো হংসঃ সুপৰ্ণো ভুজগোত্তমঃ ।
হিৰণ্যনাভঃ সুতপাঃ পদ্মনাভঃ প্ৰজাপতিঃ ॥ ২১॥
অমৃত্যুঃ সৰ্ৱদৃক্ সিংহঃ সন্ধাতা সন্ধিমান্ স্থিৰঃ ।
অজো দুৰ্মৰ্ষণঃ শাস্তা ৱিশ্ৰুতাত্মা সুৰাৰিহা ॥ ২২॥
গুৰুৰ্গুৰুতমো ধাম সত্যঃ সত্যপৰাক্ৰমঃ ।
নিমিষোঽনিমিষঃ স্ৰগ্ৱী ৱাচস্পতিৰুদাৰধীঃ ॥ ২৩॥
অগ্ৰণীৰ্গ্ৰামণীঃ শ্ৰীমান্ ন্যাযো নেতা সমীৰণঃ ।
সহস্ৰমূৰ্ধা ৱিশ্ৱাত্মা সহস্ৰাক্ষঃ সহস্ৰপাত্ ॥ ২৪॥
আৱৰ্তনো নিৱৃত্তাত্মা সংৱৃতঃ সম্প্ৰমৰ্দনঃ ।
অহঃ সংৱৰ্তকো ৱহ্নিৰনিলো ধৰণীধৰঃ ॥ ২৫॥
সুপ্ৰসাদঃ প্ৰসন্নাত্মা ৱিশ্ৱধৃগ্ৱিশ্ৱভুগ্ৱিভুঃ ।
সত্কৰ্তা সত্কৃতঃ সাধুৰ্জহ্নুৰ্নাৰাযণো নৰঃ ॥ ২৬॥
অসঙ্খ্যেযোঽপ্ৰমেযাত্মা ৱিশিষ্টঃ শিষ্টকৃচ্ছুচিঃ ।
সিদ্ধাৰ্থঃ সিদ্ধসঙ্কল্পঃ সিদ্ধিদঃ সিদ্ধিসাধনঃ ॥ ২৭॥
ৱৃষাহী ৱৃষভো ৱিষ্ণুৰ্ৱৃষপৰ্ৱা ৱৃষোদৰঃ ।
ৱৰ্ধনো ৱৰ্ধমানশ্চ ৱিৱিক্তঃ শ্ৰুতিসাগৰঃ ॥ ২৮॥
সুভুজো দুৰ্ধৰো ৱাগ্মী মহেন্দ্ৰো ৱসুদো ৱসুঃ ।
নৈকৰূপো বৃহদ্ৰূপঃ শিপিৱিষ্টঃ প্ৰকাশনঃ ॥ ২৯॥
ওজস্তেজোদ্যুতিধৰঃ প্ৰকাশাত্মা প্ৰতাপনঃ ।
ঋদ্ধঃ স্পষ্টাক্ষৰো মন্ত্ৰশ্চন্দ্ৰাংশুৰ্ভাস্কৰদ্যুতিঃ ॥ ৩০॥
অমৃতাংশূদ্ভৱো ভানুঃ শশবিন্দুঃ সুৰেশ্ৱৰঃ ।
ঔষধং জগতঃ সেতুঃ সত্যধৰ্মপৰাক্ৰমঃ ॥ ৩১॥
ভূতভৱ্যভৱন্নাথঃ পৱনঃ পাৱনোঽনলঃ ।
কামহা কামকৃত্কান্তঃ কামঃ কামপ্ৰদঃ প্ৰভুঃ ॥ ৩২॥
যুগাদিকৃদ্যুগাৱৰ্তো নৈকমাযো মহাশনঃ ।
অদৃশ্যো ৱ্যক্তৰূপশ্চ সহস্ৰজিদনন্তজিত্ ॥ ৩৩॥
ইষ্টোঽৱিশিষ্টঃ শিষ্টেষ্টঃ শিখণ্ডী নহুষো ৱৃষঃ ।
ক্ৰোধহা ক্ৰোধকৃত্কৰ্তা ৱিশ্ৱবাহুৰ্মহীধৰঃ ॥ ৩৪॥
অচ্যুতঃ প্ৰথিতঃ প্ৰাণঃ প্ৰাণদো ৱাসৱানুজঃ ।
অপাংনিধিৰধিষ্ঠানমপ্ৰমত্তঃ প্ৰতিষ্ঠিতঃ ॥ ৩৫॥
স্কন্দঃ স্কন্দধৰো ধুৰ্যো ৱৰদো ৱাযুৱাহনঃ ।
ৱাসুদেৱো বৃহদ্ভানুৰাদিদেৱঃ পুৰন্দৰঃ ॥ ৩৬॥
অশোকস্তাৰণস্তাৰঃ শূৰঃ শৌৰিৰ্জনেশ্ৱৰঃ ।
অনুকূলঃ শতাৱৰ্তঃ পদ্মী পদ্মনিভেক্ষণঃ ॥ ৩৭॥
পদ্মনাভোঽৰৱিন্দাক্ষঃ পদ্মগৰ্ভঃ শৰীৰভৃত্ ।
মহৰ্দ্ধিৰৃদ্ধো ৱৃদ্ধাত্মা মহাক্ষো গৰুডধ্ৱজঃ ॥ ৩৮॥
অতুলঃ শৰভো ভীমঃ সমযজ্ঞো হৱিৰ্হৰিঃ ।
সৰ্ৱলক্ষণলক্ষণ্যো লক্ষ্মীৱান্ সমিতিঞ্জযঃ ॥ ৩৯॥
ৱিক্ষৰো ৰোহিতো মাৰ্গো হেতুৰ্দামোদৰঃ সহঃ ।
মহীধৰো মহাভাগো ৱেগৱানমিতাশনঃ ॥ ৪০॥
উদ্ভৱঃ ক্ষোভণো দেৱঃ শ্ৰীগৰ্ভঃ পৰমেশ্ৱৰঃ ।
কৰণং কাৰণং কৰ্তা ৱিকৰ্তা গহনো গুহঃ ॥ ৪১॥
ৱ্যৱসাযো ৱ্যৱস্থানঃ সংস্থানঃ স্থানদো ধ্ৰুৱঃ ।
পৰৰ্দ্ধিঃ পৰমস্পষ্টস্তুষ্টঃ পুষ্টঃ শুভেক্ষণঃ ॥ ৪২॥
ৰামো ৱিৰামো ৱিৰজো মাৰ্গো নেযো নযোঽনযঃ । (ৱিৰামো ৱিৰতো)
ৱীৰঃ শক্তিমতাং শ্ৰেষ্ঠো ধৰ্মো ধৰ্মৱিদুত্তমঃ ॥ ৪৩॥
ৱৈকুণ্ঠঃ পুৰুষঃ প্ৰাণঃ প্ৰাণদঃ প্ৰণৱঃ পৃথুঃ ।
হিৰণ্যগৰ্ভঃ শত্ৰুঘ্নো ৱ্যাপ্তো ৱাযুৰধোক্ষজঃ ॥ ৪৪॥
ঋতুঃ সুদৰ্শনঃ কালঃ পৰমেষ্ঠী পৰিগ্ৰহঃ ।
উগ্ৰঃ সংৱত্সৰো দক্ষো ৱিশ্ৰামো ৱিশ্ৱদক্ষিণঃ ॥ ৪৫॥
ৱিস্তাৰঃ স্থাৱৰস্থাণুঃ প্ৰমাণং বীজমৱ্যযম্ ।
অৰ্থোঽনৰ্থো মহাকোশো মহাভোগো মহাধনঃ ॥ ৪৬॥
অনিৰ্ৱিণ্ণঃ স্থৱিষ্ঠোঽভূৰ্ধৰ্মযূপো মহামখঃ ।
নক্ষত্ৰনেমিৰ্নক্ষত্ৰী ক্ষমঃ ক্ষামঃ সমীহনঃ ॥ ৪৭॥
যজ্ঞ ইজ্যো মহেজ্যশ্চ ক্ৰতুঃ সত্ৰং সতাং গতিঃ ।
সৰ্ৱদৰ্শী ৱিমুক্তাত্মা সৰ্ৱজ্ঞো জ্ঞানমুত্তমম্ ॥ ৪৮॥
সুৱ্ৰতঃ সুমুখঃ সূক্ষ্মঃ সুঘোষঃ সুখদঃ সুহৃত্ ।
মনোহৰো জিতক্ৰোধো ৱীৰবাহুৰ্ৱিদাৰণঃ ॥ ৪৯॥
স্ৱাপনঃ স্ৱৱশো ৱ্যাপী নৈকাত্মা নৈককৰ্মকৃত্ ।
ৱত্সৰো ৱত্সলো ৱত্সী ৰত্নগৰ্ভো ধনেশ্ৱৰঃ ॥ ৫০॥
ধৰ্মগুব্ধৰ্মকৃদ্ধৰ্মী সদসত্ক্ষৰমক্ষৰম্ ।
অৱিজ্ঞাতা সহস্ৰাংশুৰ্ৱিধাতা কৃতলক্ষণঃ ॥ ৫১॥
গভস্তিনেমিঃ সত্ত্ৱস্থঃ সিংহো ভূতমহেশ্ৱৰঃ ।
আদিদেৱো মহাদেৱো দেৱেশো দেৱভৃদ্গুৰুঃ ॥ ৫২॥
উত্তৰো গোপতিৰ্গোপ্তা জ্ঞানগম্যঃ পুৰাতনঃ ।
শৰীৰভূতভৃদ্ভোক্তা কপীন্দ্ৰো ভূৰিদক্ষিণঃ ॥ ৫৩॥
সোমপোঽমৃতপঃ সোমঃ পুৰুজিত্পুৰুসত্তমঃ ।
ৱিনযো জযঃ সত্যসন্ধো দাশাৰ্হঃ সাত্ৱতাম্পতিঃ ॥ ৫৪॥ ৱিনিযোজ্যঃ
জীৱো ৱিনযিতা সাক্ষী মুকুন্দোঽমিতৱিক্ৰমঃ ।
অম্ভোনিধিৰনন্তাত্মা মহোদধিশযোঽন্তকঃ ॥ ৫৫॥
অজো মহাৰ্হঃ স্ৱাভাৱ্যো জিতামিত্ৰঃ প্ৰমোদনঃ ।
আনন্দো নন্দনো নন্দঃ সত্যধৰ্মা ত্ৰিৱিক্ৰমঃ ॥ ৫৬॥
মহৰ্ষিঃ কপিলাচাৰ্যঃ কৃতজ্ঞো মেদিনীপতিঃ ।
ত্ৰিপদস্ত্ৰিদশাধ্যক্ষো মহাশৃঙ্গঃ কৃতান্তকৃত্ ॥ ৫৭॥
মহাৱৰাহো গোৱিন্দঃ সুষেণঃ কনকাঙ্গদী ।
গুহ্যো গভীৰো গহনো গুপ্তশ্চক্ৰগদাধৰঃ ॥ ৫৮॥
ৱেধাঃ স্ৱাঙ্গোঽজিতঃ কৃষ্ণো দৃঢঃ সঙ্কৰ্ষণোঽচ্যুতঃ ।
ৱৰুণো ৱাৰুণো ৱৃক্ষঃ পুষ্কৰাক্ষো মহামনাঃ ॥ ৫৯॥
ভগৱান্ ভগহাঽঽনন্দী ৱনমালী হলাযুধঃ ।
আদিত্যো জ্যোতিৰাদিত্যঃ সহিষ্ণুৰ্গতিসত্তমঃ ॥ ৬০॥
সুধন্ৱা খণ্ডপৰশুৰ্দাৰুণো দ্ৰৱিণপ্ৰদঃ ।
দিৱস্পৃক্ সৰ্ৱদৃগ্ৱ্যাসো ৱাচস্পতিৰযোনিজঃ ॥ ৬১॥ (দিৱিস্পৃক্)
ত্ৰিসামা সামগঃ সাম নিৰ্ৱাণং ভেষজং ভিষক্ ।
সংন্যাসকৃচ্ছমঃ শান্তো নিষ্ঠা শান্তিঃ পৰাযণম্ ॥ ৬২॥
শুভাঙ্গঃ শান্তিদঃ স্ৰষ্টা কুমুদঃ কুৱলেশযঃ ।
গোহিতো গোপতিৰ্গোপ্তা ৱৃষভাক্ষো ৱৃষপ্ৰিযঃ ॥ ৬৩॥
অনিৱৰ্তী নিৱৃত্তাত্মা সঙ্ক্ষেপ্তা ক্ষেমকৃচ্ছিৱঃ ।
শ্ৰীৱত্সৱক্ষাঃ শ্ৰীৱাসঃ শ্ৰীপতিঃ শ্ৰীমতাংৱৰঃ ॥ ৬৪॥
শ্ৰীদঃ শ্ৰীশঃ শ্ৰীনিৱাসঃ শ্ৰীনিধিঃ শ্ৰীৱিভাৱনঃ ।
শ্ৰীধৰঃ শ্ৰীকৰঃ শ্ৰেযঃ শ্ৰীমাঁল্লোকত্ৰযাশ্ৰযঃ ॥ ৬৫॥
স্ৱক্ষঃ স্ৱঙ্গঃ শতানন্দো নন্দিৰ্জ্যোতিৰ্গণেশ্ৱৰঃ ।
ৱিজিতাত্মাঽৱিধেযাত্মা সত্কীৰ্তিশ্ছিন্নসংশযঃ ॥ ৬৬॥
উদীৰ্ণঃ সৰ্ৱতশ্চক্ষুৰনীশঃ শাশ্ৱতস্থিৰঃ ।
ভূশযো ভূষণো ভূতিৰ্ৱিশোকঃ শোকনাশনঃ ॥ ৬৭॥
অৰ্চিষ্মানৰ্চিতঃ কুম্ভো ৱিশুদ্ধাত্মা ৱিশোধনঃ ।
অনিৰুদ্ধোঽপ্ৰতিৰথঃ প্ৰদ্যুম্নোঽমিতৱিক্ৰমঃ ॥ ৬৮॥
কালনেমিনিহা ৱীৰঃ শৌৰিঃ শূৰজনেশ্ৱৰঃ ।
ত্ৰিলোকাত্মা ত্ৰিলোকেশঃ কেশৱঃ কেশিহা হৰিঃ ॥ ৬৯॥
কামদেৱঃ কামপালঃ কামী কান্তঃ কৃতাগমঃ ।
অনিৰ্দেশ্যৱপুৰ্ৱিষ্ণুৰ্ৱীৰোঽনন্তো ধনঞ্জযঃ ॥ ৭০॥
ব্ৰহ্মণ্যো ব্ৰহ্মকৃদ্ ব্ৰহ্মা ব্ৰহ্ম ব্ৰহ্মৱিৱৰ্ধনঃ ।
ব্ৰহ্মৱিদ্ ব্ৰাহ্মণো ব্ৰহ্মী ব্ৰহ্মজ্ঞো ব্ৰাহ্মণপ্ৰিযঃ ॥ ৭১॥
মহাক্ৰমো মহাকৰ্মা মহাতেজা মহোৰগঃ ।
মহাক্ৰতুৰ্মহাযজ্ৱা মহাযজ্ঞো মহাহৱিঃ ॥ ৭২॥
স্তৱ্যঃ স্তৱপ্ৰিযঃ স্তোত্ৰং স্তুতিঃ স্তোতা ৰণপ্ৰিযঃ ।
পূৰ্ণঃ পূৰযিতা পুণ্যঃ পুণ্যকীৰ্তিৰনামযঃ ॥ ৭৩॥
মনোজৱস্তীৰ্থকৰো ৱসুৰেতা ৱসুপ্ৰদঃ ।
ৱসুপ্ৰদো ৱাসুদেৱো ৱসুৰ্ৱসুমনা হৱিঃ ॥ ৭৪॥
সদ্গতিঃ সত্কৃতিঃ সত্তা সদ্ভূতিঃ সত্পৰাযণঃ ।
শূৰসেনো যদুশ্ৰেষ্ঠঃ সন্নিৱাসঃ সুযামুনঃ ॥ ৭৫॥
ভূতাৱাসো ৱাসুদেৱঃ সৰ্ৱাসুনিলযোঽনলঃ ।
দৰ্পহা দৰ্পদো দৃপ্তো দুৰ্ধৰোঽথাপৰাজিতঃ ॥ ৭৬॥
ৱিশ্ৱমূৰ্তিৰ্মহামূৰ্তিৰ্দীপ্তমূৰ্তিৰমূৰ্তিমান্ ।
অনেকমূৰ্তিৰৱ্যক্তঃ শতমূৰ্তিঃ শতাননঃ ॥ ৭৭॥
একো নৈকঃ সৱঃ কঃ কিং যত্ তত্পদমনুত্তমম্ ।
লোকবন্ধুৰ্লোকনাথো মাধৱো ভক্তৱত্সলঃ ॥ ৭৮॥
সুৱৰ্ণৱৰ্ণো হেমাঙ্গো ৱৰাঙ্গশ্চন্দনাঙ্গদী ।
ৱীৰহা ৱিষমঃ শূন্যো ঘৃতাশীৰচলশ্চলঃ ॥ ৭৯॥
অমানী মানদো মান্যো লোকস্ৱামী ত্ৰিলোকধৃক্ ।
সুমেধা মেধজো ধন্যঃ সত্যমেধা ধৰাধৰঃ ॥ ৮০॥
তেজোৱৃষো দ্যুতিধৰঃ সৰ্ৱশস্ত্ৰভৃতাং ৱৰঃ ।
প্ৰগ্ৰহো নিগ্ৰহো ৱ্যগ্ৰো নৈকশৃঙ্গো গদাগ্ৰজঃ ॥ ৮১॥
চতুৰ্মূৰ্তিশ্চতুৰ্বাহুশ্চতুৰ্ৱ্যূহশ্চতুৰ্গতিঃ ।
চতুৰাত্মা চতুৰ্ভাৱশ্চতুৰ্ৱেদৱিদেকপাত্ ॥ ৮২॥
সমাৱৰ্তোঽনিৱৃত্তাত্মা দুৰ্জযো দুৰতিক্ৰমঃ ।
দুৰ্লভো দুৰ্গমো দুৰ্গো দুৰাৱাসো দুৰাৰিহা ॥ ৮৩॥
শুভাঙ্গো লোকসাৰঙ্গঃ সুতন্তুস্তন্তুৱৰ্ধনঃ ।
ইন্দ্ৰকৰ্মা মহাকৰ্মা কৃতকৰ্মা কৃতাগমঃ ॥ ৮৪॥
উদ্ভৱঃ সুন্দৰঃ সুন্দো ৰত্ননাভঃ সুলোচনঃ ।
অৰ্কো ৱাজসনঃ শৃঙ্গী জযন্তঃ সৰ্ৱৱিজ্জযী ॥ ৮৫॥
সুৱৰ্ণবিন্দুৰক্ষোভ্যঃ সৰ্ৱৱাগীশ্ৱৰেশ্ৱৰঃ ।
মহাহ্ৰদো মহাগৰ্তো মহাভূতো মহানিধিঃ ॥ ৮৬॥
কুমুদঃ কুন্দৰঃ কুন্দঃ পৰ্জন্যঃ পাৱনোঽনিলঃ ।
অমৃতাশোঽমৃতৱপুঃ সৰ্ৱজ্ঞঃ সৰ্ৱতোমুখঃ ॥ ৮৭॥
সুলভঃ সুৱ্ৰতঃ সিদ্ধঃ শত্ৰুজিচ্ছত্ৰুতাপনঃ ।
ন্যগ্ৰোধোঽদুম্বৰোঽশ্ৱত্থশ্চাণূৰান্ধ্ৰনিষূদনঃ ॥ ৮৮॥
সহস্ৰাৰ্চিঃ সপ্তজিহ্ৱঃ সপ্তৈধাঃ সপ্তৱাহনঃ ।
অমূৰ্তিৰনঘোঽচিন্ত্যো ভযকৃদ্ভযনাশনঃ ॥ ৮৯॥
অণুৰ্বৃহত্কৃশঃ স্থূলো গুণভৃন্নিৰ্গুণো মহান্ ।
অধৃতঃ স্ৱধৃতঃ স্ৱাস্যঃ প্ৰাগ্ৱংশো ৱংশৱৰ্ধনঃ ॥ ৯০॥
ভাৰভৃত্ কথিতো যোগী যোগীশঃ সৰ্ৱকামদঃ ।
আশ্ৰমঃ শ্ৰমণঃ ক্ষামঃ সুপৰ্ণো ৱাযুৱাহনঃ ॥ ৯১॥
ধনুৰ্ধৰো ধনুৰ্ৱেদো দণ্ডো দমযিতা দমঃ ।
অপৰাজিতঃ সৰ্ৱসহো নিযন্তাঽনিযমোঽযমঃ ॥ ৯২॥
সত্ত্ৱৱান্ সাত্ত্ৱিকঃ সত্যঃ সত্যধৰ্মপৰাযণঃ ।
অভিপ্ৰাযঃ প্ৰিযাৰ্হোঽৰ্হঃ প্ৰিযকৃত্ প্ৰীতিৱৰ্ধনঃ ॥ ৯৩॥
ৱিহাযসগতিৰ্জ্যোতিঃ সুৰুচিৰ্হুতভুগ্ৱিভুঃ ।
ৰৱিৰ্ৱিৰোচনঃ সূৰ্যঃ সৱিতা ৰৱিলোচনঃ ॥ ৯৪॥
অনন্তো হুতভুগ্ভোক্তা সুখদো নৈকজোঽগ্ৰজঃ ।
অনিৰ্ৱিণ্ণঃ সদামৰ্ষী লোকাধিষ্ঠানমদ্ভুতঃ ॥ ৯৫॥
সনাত্সনাতনতমঃ কপিলঃ কপিৰৱ্যযঃ ।
স্ৱস্তিদঃ স্ৱস্তিকৃত্স্ৱস্তি স্ৱস্তিভুক্স্ৱস্তিদক্ষিণঃ ॥ ৯৬॥
অৰৌদ্ৰঃ কুণ্ডলী চক্ৰী ৱিক্ৰম্যূৰ্জিতশাসনঃ ।
শব্দাতিগঃ শব্দসহঃ শিশিৰঃ শৰ্ৱৰীকৰঃ ॥ ৯৭॥
অক্ৰূৰঃ পেশলো দক্ষো দক্ষিণঃ ক্ষমিণাংৱৰঃ ।
ৱিদ্ৱত্তমো ৱীতভযঃ পুণ্যশ্ৰৱণকীৰ্তনঃ ॥ ৯৮॥
উত্তাৰণো দুষ্কৃতিহা পুণ্যো দুঃস্ৱপ্ননাশনঃ ।
ৱীৰহা ৰক্ষণঃ সন্তো জীৱনঃ পৰ্যৱস্থিতঃ ॥ ৯৯॥
অনন্তৰূপোঽনন্তশ্ৰীৰ্জিতমন্যুৰ্ভযাপহঃ ।
চতুৰশ্ৰো গভীৰাত্মা ৱিদিশো ৱ্যাদিশো দিশঃ ॥ ১০০॥
অনাদিৰ্ভূৰ্ভুৱো লক্ষ্মীঃ সুৱীৰো ৰুচিৰাঙ্গদঃ ।
জননো জনজন্মাদিৰ্ভীমো ভীমপৰাক্ৰমঃ ॥ ১০১॥
আধাৰনিলযোঽধাতা পুষ্পহাসঃ প্ৰজাগৰঃ ।
ঊৰ্ধ্ৱগঃ সত্পথাচাৰঃ প্ৰাণদঃ প্ৰণৱঃ পণঃ ॥ ১০২॥
প্ৰমাণং প্ৰাণনিলযঃ প্ৰাণভৃত্প্ৰাণজীৱনঃ ।
তত্ত্ৱং তত্ত্ৱৱিদেকাত্মা জন্মমৃত্যুজৰাতিগঃ ॥ ১০৩॥
ভূৰ্ভুৱঃস্ৱস্তৰুস্তাৰঃ সৱিতা প্ৰপিতামহঃ ।
যজ্ঞো যজ্ঞপতিৰ্যজ্ৱা যজ্ঞাঙ্গো যজ্ঞৱাহনঃ ॥ ১০৪॥
যজ্ঞভৃদ্ যজ্ঞকৃদ্ যজ্ঞী যজ্ঞভুগ্ যজ্ঞসাধনঃ ।
যজ্ঞান্তকৃদ্ যজ্ঞগুহ্যমন্নমন্নাদ এৱ চ ॥ ১০৫॥
আত্মযোনিঃ স্ৱযঞ্জাতো ৱৈখানঃ সামগাযনঃ ।
দেৱকীনন্দনঃ স্ৰষ্টা ক্ষিতীশঃ পাপনাশনঃ ॥ ১০৬॥
শঙ্খভৃন্নন্দকী চক্ৰী শাৰ্ঙ্গধন্ৱা গদাধৰঃ ।
ৰথাঙ্গপাণিৰক্ষোভ্যঃ সৰ্ৱপ্ৰহৰণাযুধঃ ॥ ১০৭॥
সৰ্ৱপ্ৰহৰণাযুধ ওঁ নম ইতি ।
ৱনমালী গদী শাৰ্ঙ্গী শঙ্খী চক্ৰী চ নন্দকী ।
শ্ৰীমান্ নাৰাযণো ৱিষ্ণুৰ্ৱাসুদেৱোঽভিৰক্ষতু ॥ ১০৮॥
শ্ৰীৱাসুদেৱোঽভিৰক্ষতু ওঁ নম ইতি ।
উত্তৰন্যাসঃ, ফলশ্ৰুতিঃ
ভীষ্ম উৱাচ---

ইতীদং কীৰ্তনীযস্য কেশৱস্য মহাত্মনঃ ।
নাম্নাং সহস্ৰং দিৱ্যানামশেষেণ প্ৰকীৰ্তিতম্ ॥ ১॥
য ইদং শৃণুযান্নিত্যং যশ্চাপি পৰিকীৰ্তযেত্ ।
নাশুভং প্ৰাপ্নুযাত্কিঞ্চিত্সোঽমুত্ৰেহ চ মানৱঃ ॥ ২॥
ৱেদান্তগো ব্ৰাহ্মণঃ স্যাত্ক্ষত্ৰিযো ৱিজযী ভৱেত্ ।
ৱৈশ্যো ধনসমৃদ্ধঃ স্যাচ্ছূদ্ৰঃ সুখমৱাপ্নুযাত্ ॥ ৩॥
ধৰ্মাৰ্থী প্ৰাপ্নুযাদ্ধৰ্মমৰ্থাৰ্থী চাৰ্থমাপ্নুযাত্ ।
কামানৱাপ্নুযাত্কামী প্ৰজাৰ্থী প্ৰাপ্নুযাত্প্ৰজাম্ ॥ ৪॥
ভক্তিমান্ যঃ সদোত্থায শুচিস্তদ্গতমানসঃ ।
সহস্ৰং ৱাসুদেৱস্য নাম্নামেতত্প্ৰকীৰ্তযেত্ ॥ ৫॥
যশঃ প্ৰাপ্নোতি ৱিপুলং জ্ঞাতিপ্ৰাধান্যমেৱ চ ।
অচলাং শ্ৰিযমাপ্নোতি শ্ৰেযঃ প্ৰাপ্নোত্যনুত্তমম্ ॥ ৬॥
ন ভযং ক্ৱচিদাপ্নোতি ৱীৰ্যং তেজশ্চ ৱিন্দতি ।
ভৱত্যৰোগো দ্যুতিমান্বলৰূপগুণান্ৱিতঃ ॥ ৭॥
ৰোগাৰ্তো মুচ্যতে ৰোগাদ্বদ্ধো মুচ্যেত বন্ধনাত্ ।
ভযান্মুচ্যেত ভীতস্তু মুচ্যেতাপন্ন আপদঃ ॥ ৮॥
দুৰ্গাণ্যতিতৰত্যাশু পুৰুষঃ পুৰুষোত্তমম্ ।
স্তুৱন্নামসহস্ৰেণ নিত্যং ভক্তিসমন্ৱিতঃ ॥ ৯॥
ৱাসুদেৱাশ্ৰযো মৰ্ত্যো ৱাসুদেৱপৰাযণঃ ।
সৰ্ৱপাপৱিশুদ্ধাত্মা যাতি ব্ৰহ্ম সনাতনম্ ॥ ১০॥
ন ৱাসুদেৱভক্তানামশুভং ৱিদ্যতে ক্ৱচিত্ ।
জন্মমৃত্যুজৰাৱ্যাধিভযং নৈৱোপজাযতে ॥ ১১॥
ইমং স্তৱমধীযানঃ শ্ৰদ্ধাভক্তিসমন্ৱিতঃ ।
যুজ্যেতাত্মসুখক্ষান্তিশ্ৰীধৃতিস্মৃতিকীৰ্তিভিঃ ॥ ১২॥
ন ক্ৰোধো ন চ মাত্সৰ্যং ন লোভো নাশুভা মতিঃ ।
ভৱন্তি কৃতপুণ্যানাং ভক্তানাং পুৰুষোত্তমে ॥ ১৩॥
দ্যৌঃ সচন্দ্ৰাৰ্কনক্ষত্ৰা খং দিশো ভূৰ্মহোদধিঃ ।
ৱাসুদেৱস্য ৱীৰ্যেণ ৱিধৃতানি মহাত্মনঃ ॥ ১৪॥
সসুৰাসুৰগন্ধৰ্ৱং সযক্ষোৰগৰাক্ষসম্ ।
জগদ্ৱশে ৱৰ্ততেদং কৃষ্ণস্য সচৰাচৰম্ ॥ ১৫॥
ইন্দ্ৰিযাণি মনো বুদ্ধিঃ সত্ত্ৱং তেজো বলং ধৃতিঃ ।
ৱাসুদেৱাত্মকান্যাহুঃ ক্ষেত্ৰং ক্ষেত্ৰজ্ঞ এৱ চ ॥ ১৬॥
সৰ্ৱাগমানামাচাৰঃ প্ৰথমং পৰিকল্প্যতে । (পৰিকল্পতে, পৰিকল্পিতঃ)
আচাৰপ্ৰভৱো ধৰ্মো ধৰ্মস্য প্ৰভুৰচ্যুতঃ ॥ ১৭॥
ঋষযঃ পিতৰো দেৱা মহাভূতানি ধাতৱঃ ।
জঙ্গমাজঙ্গমং চেদং জগন্নাৰাযণোদ্ভৱম্ ॥ ১৮॥
যোগো জ্ঞানং তথা সাঙ্খ্যং ৱিদ্যাঃ শিল্পাদিকৰ্ম চ ।
ৱেদাঃ শাস্ত্ৰাণি ৱিজ্ঞানমেতত্সৰ্ৱং জনাৰ্দনাত্ ॥ ১৯॥
একো ৱিষ্ণুৰ্মহদ্ভূতং পৃথগ্ভূতান্যনেকশঃ ।
ত্ৰীংল্লোকান্ৱ্যাপ্য ভূতাত্মা ভুঙ্ক্তে ৱিশ্ৱভুগৱ্যযঃ ॥ ২০॥
ইমং স্তৱং ভগৱতো ৱিষ্ণোৰ্ৱ্যাসেন কীৰ্তিতম্ ।
পঠেদ্য ইচ্ছেত্পুৰুষঃ শ্ৰেযঃ প্ৰাপ্তুং সুখানি চ ॥ ২১॥
ৱিশ্ৱেশ্ৱৰমজং দেৱং জগতঃ প্ৰভুমৱ্যযম্ ।
ভজন্তি যে পুষ্কৰাক্ষং ন তে যান্তি পৰাভৱম্ ॥ ২২॥
ন তে যান্তি পৰাভৱম্ ওঁ নম ইতি ।
অৰ্জুন উৱাচ---
পদ্মপত্ৰৱিশালাক্ষ পদ্মনাভ সুৰোত্তম ।
ভক্তানামনুৰক্তানাং ত্ৰাতা ভৱ জনাৰ্দন ॥ ২৩॥
শ্ৰীভগৱানুৱাচ ---
যো মাং নামসহস্ৰেণ স্তোতুমিচ্ছতি পাণ্ডৱ ।
সোহঽমেকেন শ্লোকেন স্তুত এৱ ন সংশযঃ ॥ ২৪॥
স্তুত এৱ ন সংশয ওঁ নম ইতি ।
ৱ্যাস উৱাচ---
ৱাসনাদ্ৱাসুদেৱস্য ৱাসিতং ভুৱনত্ৰযম্ ।
সৰ্ৱভূতনিৱাসোঽসি ৱাসুদেৱ নমোঽস্তু তে ॥ ২৫॥
শ্ৰীৱাসুদেৱ নমোঽস্তু ত ওঁ নম ইতি ।
পাৰ্ৱত্যুৱাচ---
কেনোপাযেন লঘুনা ৱিষ্ণোৰ্নামসহস্ৰকম্ ।
পঠ্যতে পণ্ডিতৈৰ্নিত্যং শ্ৰোতুমিচ্ছাম্যহং প্ৰভো ॥ ২৬॥
ঈশ্ৱৰ উৱাচ---
শ্ৰীৰামৰামৰামেতি ৰমে ৰামে মনোৰমে । (ৰামৰামেতি ৰামেতি)
সহস্ৰনামতত্তুল্যং ৰামনাম ৱৰাননে ॥ ২৭॥
শ্ৰীৰামনাম ৱৰানন ওঁ নম ইতি ।
ব্ৰহ্মোৱাচ ---
নমোঽস্ত্ৱনন্তায সহস্ৰমূৰ্তযে
সহস্ৰপাদাক্ষিশিৰোৰুবাহৱে ।
সহস্ৰনাম্নে পুৰুষায শাশ্ৱতে
সহস্ৰকোটিযুগধাৰিণে নমঃ ॥ ২৮॥
সহস্ৰকোটিযুগধাৰিণে নম ওঁ নম ইতি ।
ওঁ তত্সদিতি শ্ৰীমহাভাৰতে শতসাহস্ৰ্যাং সংহিতাযাং ৱৈযাসিক্যামানুশাসনিকে
পৰ্ৱণি ভীষ্মযুধিষ্ঠিৰসংৱাদে শ্ৰীৱিষ্ণোৰ্দিৱ্যসহস্ৰনামস্তোত্ৰম্ ॥
সঞ্জয উৱাচ---
যত্ৰ যোগেশ্ৱৰঃ কৃষ্ণো যত্ৰ পাৰ্থো ধনুৰ্ধৰঃ ।
তত্ৰ শ্ৰীৰ্ৱিজযো ভূতিৰ্ধ্ৰুৱা নীতিৰ্মতিৰ্মম ॥ ২৯॥
শ্ৰীভগৱানুৱাচ ---
অনন্যাশ্চিন্তযন্তো মাং যে জনাঃ পৰ্যুপাসতে ।
তেষাং নিত্যাভিযুক্তানাং যোগক্ষেমং ৱহাম্যহম্ ॥ ৩০॥
পৰিত্ৰাণায সাধূনাং ৱিনাশায চ দুষ্কৃতাম্ ।
ধৰ্মসংস্থাপনাৰ্থায সম্ভৱামি যুগে যুগে ॥ ৩১॥
আৰ্তা ৱিষণ্ণাঃ শিথিলাশ্চ ভীতা ঘোৰেষু চ ৱ্যাধিষু ৱৰ্তমানাঃ ।
সঙ্কীৰ্ত্য নাৰাযণশব্দমাত্ৰং ৱিমুক্তদুঃখাঃ সুখিনো ভৱন্তি ॥ ৩২॥ (ভৱন্তু)
কাযেন ৱাচা মনসেন্দ্ৰিযৈৰ্ৱা বুদ্ধ্যাত্মনা ৱা প্ৰকৃতেঃ স্ৱভাৱাত্ । (প্ৰকৃতিস্ৱভাৱাত্ ।)
কৰোমি যদ্যত্ সকলং পৰস্মৈ নাৰাযণাযেতি সমৰ্পযামি ॥ ৩৩॥
ইতি শ্ৰীৱিষ্ণোৰ্দিৱ্যসহস্ৰনামস্তোত্ৰং সম্পূৰ্ণম্ ।
ওঁ তত্ সত্ ।
মহাভাৰতে অনুশাসনপৰ্ৱণি অধ্যাযঃ ১৪৯
ওঁ আপদামপহৰ্তাৰং দাতাৰং সৰ্ৱসম্পদাম্ ।
লোকাভিৰামং শ্ৰীৰামং ভূযো ভূযো নমাম্যহম্ ॥
আৰ্তানামাৰ্তিহন্তাৰং ভীতানাং ভীতিনাশনম্ ।
দ্ৱিষতাং কালদণ্ডং তং ৰামচন্দ্ৰং নমাম্যহম্ ॥
নমঃ কোদণ্ডহস্তায সন্ধীকৃতশৰায চ ।
খণ্ডিতাখিলদৈত্যায ৰামাযাপন্নিৱাৰিণে ॥
ৰামায ৰামভদ্ৰায ৰামচন্দ্ৰায ৱেধসে ।
ৰঘুনাথায নাথায সীতাযাঃ পতযে নমঃ ॥
অগ্ৰতঃ পৃষ্ঠতশ্চৈৱ পাৰ্শ্ৱতশ্চ মহাবলৌ ।
আকৰ্ণপূৰ্ণধন্ৱানৌ ৰক্ষেতাং ৰামলক্ষ্মণৌ ॥
সন্নদ্ধঃ কৱচী খড্গী চাপবাণধৰো যুৱা ।
গচ্ছন্ মমাগ্ৰতো নিত্যং ৰামঃ পাতু সলক্ষ্মণঃ ॥
অচ্যুতানন্তগোৱিন্দনামোচ্চাৰণভেষজাত্ ।
নশ্যন্তি সকলা ৰোগাস্সত্যং সত্যং ৱদাম্যহম্ ॥
সত্যং সত্যং পুনস্সত্যমুদ্ধৃত্য ভুজমুচ্যতে ।
ৱেদাচ্ছাস্ত্ৰং পৰং নাস্তি ন দৈৱং কেশৱাত্পৰম্ ॥ (ন দেৱঃ কেশৱাত্পৰঃ - গৰুডপুৰাণ ৩.১০.৫৫)
শৰীৰে জৰ্জৰীভূতে ৱ্যাধিগ্ৰস্তে কলেৱৰে ।
ঔষধং জাহ্নৱীতোযং ৱৈদ্যো নাৰাযণো হৰিঃ ॥
আলোড্য সৰ্ৱশাস্ত্ৰাণি ৱিচাৰ্য চ পুনঃ পুনঃ ।
ইদমেকং সুনিষ্পন্নং ধ্যেযো নাৰাযণো হৰিঃ ॥
যদক্ষৰপদভ্ৰষ্টং মাত্ৰাহীনং তু যদ্ভৱেত্ ।
তত্সৰ্ৱং ক্ষম্যতাং দেৱ নাৰাযণ নমোঽস্তু তে ॥
ৱিসৰ্গবিন্দুমাত্ৰাণি পদপাদাক্ষৰাণি চ ।
ন্যূনানি চাতিৰিক্তানি ক্ষমস্ৱ পুৰুষোত্তম ॥

Alternate Concluding Shlokas

নমঃ কমলনাভায নমস্তে জলশাযিনে ।
নমস্তে কেশৱানন্ত ৱাসুদেৱ নমোঽস্তুতে ॥
নমো ব্ৰহ্মণ্যদেৱায গোব্ৰাহ্মণহিতায চ ।
জগদ্ধিতায কৃষ্ণায গোৱিন্দায নমো নমঃ ॥
আকাশাত্পতিতং তোযং যথা গচ্ছতি সাগৰম্ ।
সৰ্ৱদেৱনমস্কাৰঃ কেশৱং প্ৰতি গচ্ছতি ॥
এষ নিষ্কণ্টকঃ পন্থা যত্ৰ সম্পূজ্যতে হৰিঃ ।
কুপথং তং ৱিজানীযাদ্ গোৱিন্দৰহিতাগমম্ ॥
সৰ্ৱৱেদেষু যত্পুণ্যং সৰ্ৱতীৰ্থেষু যত্ফলম্ ।
তত্ফলং সমৱাপ্নোতি স্তুত্ৱা দেৱং জনাৰ্দনম্ ॥
যো নৰঃ পঠতে নিত্যং ত্ৰিকালং কেশৱালযে ।
দ্ৱিকালমেককালং ৱা ক্ৰূৰং সৰ্ৱং ৱ্যপোহতি ॥
দহ্যন্তে ৰিপৱস্তস্য সৌম্যাঃ সৰ্ৱে সদা গ্ৰহাঃ ।
ৱিলীযন্তে চ পাপানি স্তৱে হ্যস্মিন্ প্ৰকীৰ্তিতে ॥
যেন ধ্যাতঃ শ্ৰুতো যেন যেনাযং পঠ্যতে স্তৱঃ ।
দত্তানি সৰ্ৱদানানি সুৰাঃ সৰ্ৱে সমৰ্চিতাঃ ॥
ইহ লোকে পৰে ৱাপি ন ভযং ৱিদ্যতে ক্ৱচিত্ ।
নাম্নাং সহস্ৰং যোঽধীতে দ্ৱাদশ্যাং মম সন্নিধৌ ॥
শনৈৰ্দহন্তি পাপানি কল্পকোটিশতানি চ ।
অশ্ৱত্থসন্নিধৌ পাৰ্থ ধ্যাত্ৱা মনসি কেশৱম্ ॥
পঠেন্নামসহস্ৰং তু গৱাং কোটিফলং লভেত্ ।
শিৱালযে পঠেন্নিত্যং তুলসীৱনসংস্থিতঃ ॥
নৰো মুক্তিমৱাপ্নোতি চক্ৰপাণেৰ্ৱচো যথা ।
ব্ৰহ্মহত্যাদিকং ঘোৰং সৰ্ৱপাপং ৱিনশ্যতি ॥
ৱিলযং যান্তি পাপানি চান্যপাপস্য কা কথা ।
সৰ্ৱপাপৱিনিৰ্মুক্তো ৱিষ্ণুলোকং স গচ্ছতি ॥
॥ হৰিঃ ওঁ তত্সত্ ॥

More Vishnu Stotras

श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
श्रीशिवसहस्रनामस्तोत्रम्
Shiva Sahasranama Stotram
श्रीदुर्गासप्तशतीसहस्रनामस्तोत्रम्
Shri Durga Saptashati Sahasranama Stotram
View All Sahasranama Collection →

Also Chanted For

Devotion & Liberation

Explore More

Sahasranama CollectionWealthObstaclesHealthProtectionWisdomHome