Lord Vishnu

ശ്രീ വിഷ്ണു സഹസ്രനാമ സ്തോത്രമ്

(Vishnu Sahasranama Stotram in Malayalam)

From Mahabharata (Anushasana Parva), attributed to Vyasa

Also known as Vishnu Sahasranamam · Vishnu Sahasranama · Sri Vishnu Sahasranamam

Language:Sanskrit
Translation:English

The Vishnu Sahasranama is one of the most sacred and widely recited hymns in Hinduism, comprising one thousand names of Lord Vishnu. As recorded in the Mahabharata, these names were imparted by Bhishma Pitamaha to Yudhishthira while he lay on a bed of arrows. It is a profound philosophical synthesis, asserting that the Supreme Being is omnipresent, omnipotent, and the ultimate essence of the universe. Devotees recite this stotra daily to cultivate inner peace, mental clarity, and spiritual liberation. It is believed that sincere chanting removes obstacles, purifies the mind, and grants the grace of the Supreme Lord.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 215

Table of Contents

ശ്രീവിഷ്ണുസഹസ്രനാമസ്തോത്രമ്
ഓം
ശ്രീപരമാത്മനേ നമഃ ।
നാരായണം നമസ്കൃത്യ നരം ചൈവ നരോത്തമമ് ।
ദേവീം സരസ്വതീം വ്യാസം തതോ ജയമുദീരയേത് ॥
ഓം അഥ സകലസൌഭാഗ്യദായകം ശ്രീവിഷ്ണുസഹസ്രനാമസ്തോത്രമ് ।
ഹരിഃ ഓം ॥
ശുക്ലാമ്ബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സര്വവിഘ്നോപശാന്തയേ ॥ ൧॥
യസ്യ ദ്വിരദവക്ത്രാദ്യാഃ പാരിഷദ്യാഃ പരഃ ശതമ് ।
വിഘ്നം നിഘ്നന്തി സതതം വിഷ്വക്സേനം തമാശ്രയേ ॥ ൨॥
വ്യാസം വസിഷ്ഠനപ്താരം ശക്തേഃ പൌത്രമകല്മഷമ് ।
പരാശരാത്മജം വന്ദേ ശുകതാതം തപോനിധിമ് ॥ ൩॥
വ്യാസായ വിഷ്ണുരൂപായ വ്യാസരൂപായ വിഷ്ണവേ ।
നമോ വൈ ബ്രഹ്മനിധയേ വാസിഷ്ഠായ നമോ നമഃ ॥ ൪॥
അവികാരായ ശുദ്ധായ നിത്യായ പരമാത്മനേ ।
സദൈകരൂപരൂപായ വിഷ്ണവേ സര്വജിഷ്ണവേ ॥ ൫॥
യസ്യ സ്മരണമാത്രേണ ജന്മസംസാരബന്ധനാത് ।
വിമുച്യതേ നമസ്തസ്മൈ വിഷ്ണവേ പ്രഭവിഷ്ണവേ ॥ ൬॥
(നമഃ സമസ്തഭൂതാനാമാദിഭൂതായ ഭൂഭൃതേ ।
അനേകരൂപരൂപായ വിഷ്ണവേ പ്രഭവിഷ്ണവേ ॥)
ഓം നമോ വിഷ്ണവേ പ്രഭവിഷ്ണവേ ॥
ശ്രീവൈശമ്പായന ഉവാച---
ശ്രുത്വാ ധര്മാനശേഷേണ പാവനാനി ച സര്വശഃ ।
യുധിഷ്ഠിരഃ ശാന്തനവം പുനരേവാഭ്യഭാഷത ॥ ൭॥
യുധിഷ്ഠിര ഉവാച---
കിമേകം ദൈവതം ലോകേ കിം വാപ്യേകം പരായണമ് ।
സ്തുവന്തഃ കം കമര്ചന്തഃ പ്രാപ്നുയുര്മാനവാഃ ശുഭമ് ॥ ൮॥
കോ ധര്മഃ സര്വധര്മാണാം ഭവതഃ പരമോ മതഃ ।
കിം ജപന്മുച്യതേ ജന്തുര്ജന്മസംസാരബന്ധനാത് ॥ ൯॥
ഭീഷ്മ ഉവാച---
ജഗത്പ്രഭും ദേവദേവമനന്തം പുരുഷോത്തമമ് ।
സ്തുവന് നാമസഹസ്രേണ പുരുഷഃ സതതോത്ഥിതഃ ॥ ൧൦॥
തമേവ ചാര്ചയന്നിത്യം ഭക്ത്യാ പുരുഷമവ്യയമ് ।
ധ്യായന് സ്തുവന് നമസ്യംശ്ച യജമാനസ്തമേവ ച ॥ ൧൧॥
അനാദിനിധനം വിഷ്ണും സര്വലോകമഹേശ്വരമ് ।
ലോകാധ്യക്ഷം സ്തുവന്നിത്യം സര്വദുഃഖാതിഗോ ഭവേത് ॥ ൧൨॥
ബ്രഹ്മണ്യം സര്വധര്മജ്ഞം ലോകാനാം കീര്തിവര്ധനമ് ।
ലോകനാഥം മഹദ്ഭൂതം സര്വഭൂതഭവോദ്ഭവമ് ॥ ൧൩॥
ഏഷ മേ സര്വധര്മാണാം ധര്മോഽധികതമോ മതഃ ।
യദ്ഭക്ത്യാ പുണ്ഡരീകാക്ഷം സ്തവൈരര്ചേന്നരഃ സദാ ॥ ൧൪॥
പരമം യോ മഹത്തേജഃ പരമം യോ മഹത്തപഃ ।
പരമം യോ മഹദ്ബ്രഹ്മ പരമം യഃ പരായണമ് ॥ ൧൫॥
പവിത്രാണാം പവിത്രം യോ മങ്ഗലാനാം ച മങ്ഗലമ് ।
ദൈവതം ദൈവതാനാം ച ഭൂതാനാം യോഽവ്യയഃ പിതാ ॥ ൧൬॥
യതഃ സര്വാണി ഭൂതാനി ഭവന്ത്യാദിയുഗാഗമേ ।
യസ്മിംശ്ച പ്രലയം യാന്തി പുനരേവ യുഗക്ഷയേ ॥ ൧൭॥
തസ്യ ലോകപ്രധാനസ്യ ജഗന്നാഥസ്യ ഭൂപതേ ।
വിഷ്ണോര്നാമസഹസ്രം മേ ശൃണു പാപഭയാപഹമ് ॥ ൧൮॥
യാനി നാമാനി ഗൌണാനി വിഖ്യാതാനി മഹാത്മനഃ ।
ഋഷിഭിഃ പരിഗീതാനി താനി വക്ഷ്യാമി ഭൂതയേ ॥ ൧൯॥
ഋഷിര്നാമ്നാം സഹസ്രസ്യ വേദവ്യാസോ മഹാമുനിഃ ।
ഛന്ദോഽനുഷ്ടുപ് തഥാ ദേവോ ഭഗവാന് ദേവകീസുതഃ ॥ ൨൦॥
അമൃതാംശൂദ്ഭവോ ബീജം ശക്തിര്ദേവകീനന്ദനഃ ।
ത്രിസാമാ ഹൃദയം തസ്യ ശാന്ത്യര്ഥേ വിനിയോജ്യതേ ॥ ൨൧॥
വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരമ് ।
അനേകരൂപദൈത്യാന്തം നമാമി പുരുഷോത്തമമ് ॥ ൨൨॥
പൂര്വന്യാസഃ
ശ്രീവേദവ്യാസ ഉവാച---
ഓം അസ്യ ശ്രീവിഷ്ണോര്ദിവ്യസഹസ്രനാമസ്തോത്രമഹാമന്ത്രസ്യ ।
ശ്രീവേദവ്യാസോ ഭഗവാന് ഋഷിഃ ।
അനുഷ്ടുപ് ഛന്ദഃ ।
ശ്രീമഹാവിഷ്ണുഃ പരമാത്മാ ശ്രീമന്നാരായണോ ദേവതാ ।
അമൃതാംശൂദ്ഭവോ ഭാനുരിതി ബീജമ് ।
ദേവകീനന്ദനഃ സ്രഷ്ടേതി ശക്തിഃ ।
ഉദ്ഭവഃ ക്ഷോഭണോ ദേവ ഇതി പരമോ മന്ത്രഃ ।
ശങ്ഖഭൃന്നന്ദകീ ചക്രീതി കീലകമ് ।
ശാര്ങ്ഗധന്വാ ഗദാധര ഇത്യസ്ത്രമ് ।
രഥാങ്ഗപാണിരക്ഷോഭ്യ ഇതി നേത്രമ് ।
ത്രിസാമാ സാമഗഃ സാമേതി കവചമ് ।
ആനന്ദം പരബ്രഹ്മേതി യോനിഃ ।
ഋതുഃ സുദര്ശനഃ കാല ഇതി ദിഗ്ബന്ധഃ ।
ശ്രീവിശ്വരൂപ ഇതി ധ്യാനമ് ।
ശ്രീമഹാവിഷ്ണുപ്രീത്യര്ഥേ സഹസ്രനാമസ്തോത്രപാഠേ വിനിയോഗഃ ॥
അഥ ന്യാസഃ ।
ഓം ശിരസി വേദവ്യാസര്ഷയേ നമഃ ।
മുഖേ അനുഷ്ടുപ്ഛന്ദസേ നമഃ ।
ഹൃദി ശ്രീകൃഷ്ണപരമാത്മദേവതായൈ നമഃ ।
ഗുഹ്യേ അമൃതാംശൂദ്ഭവോ ഭാനുരിതി ബീജായ നമഃ ।
പാദയോര്ദേവകീനന്ദനഃ സ്രഷ്ടേതി ശക്തയേ നമഃ ।
സര്വാങ്ഗേ ശങ്ഖഭൃന്നന്ദകീ ചക്രീതി കീലകായ നമഃ ।
കരസമ്പൂടേ മമ ശ്രീകൃഷ്ണപ്രീത്യര്ഥേ ജപേ വിനിയോഗഃ ॥
ഇതി ഋഷ്യാദിന്യാസഃ ॥
അഥ കരന്യാസഃ ।
ഓം വിശ്വം വിഷ്ണുര്വഷട്കാര ഇത്യങ്ഗുഷ്ഠാഭ്യാം നമഃ ।
അമൃതാംശൂദ്ഭവോ ഭാനുരിതി തര്ജനീഭ്യാം നമഃ ।
ബ്രഹ്മണ്യോ ബ്രഹ്മകൃദ്ബ്രഹ്മേതി മധ്യമാഭ്യാം നമഃ ।
സുവര്ണബിന്ദുരക്ഷോഭ്യ ഇത്യനാമികാഭ്യാം നമഃ ।
നിമിഷോഽനിമിഷഃ സ്രഗ്വീതി കനിഷ്ഠികാഭ്യാം നമഃ ।
രഥാങ്ഗപാണിരക്ഷോഭ്യ ഇതി കരതലകരപൃഷ്ഠാഭ്യാം നമഃ ।
ഇതി കരന്യാസഃ ॥
അഥ ഷഡങ്ഗന്യാസഃ ।
ഓം വിശ്വം വിഷ്ണുര്വഷട്കാര ഇതി ഹൃദയായ നമഃ ।
അമൃതാംശൂദ്ഭവോ ഭാനുരിതി ശിരസേ സ്വാഹാ ।
ബ്രഹ്മണ്യോ ബ്രഹ്മകൃദ്ബ്രഹ്മേതി ശിഖായൈ വഷട് ।
സുവര്ണബിന്ദുരക്ഷോഭ്യ ഇതി കവചായ ഹുമ് ।
നിമിഷോഽനിമിഷഃ സ്രഗ്വീതി നേത്രത്രയായ വൌഷട് ।
രഥാങ്ഗപാണിരക്ഷോഭ്യ ഇത്യസ്ത്രായ ഫട് ।

(സുവ്രതഃ സുമുഖഃ സൂക്ഷ്മേതി ജ്ഞാനായ ഹൃദയായ നമഃ ।
സഹസ്രമൂര്ധാ വിശ്വാത്മേതി ഐശ്വരായ ശിരസേ സ്വാഹാ ।
സഹസ്രാര്ചിഃ സപ്തജിഹ്വേതി ശക്ത്യൈ ശിഖായൈ വഷട് ।
ത്രിസാമാ സാമഗഃ സാമേതി ബലായ കവചായ ഹുമ് ।
രഥാങ്ഗപാണിരക്ഷോഭ്യ ഇതി തേജസേ നേത്രത്രയായ വൌഷട് ।
ശാര്ങ്ഗധന്വാ ഗദാധര ഇതി വീര്യായ അസ്ത്രായ ഫട് ।
ഋതുഃ സുദര്ശനഃ കാല ഇതി ഭൂര്ഭുവഃസുവരോമിതി ദിഗ്ബന്ധഃ ॥)
ഇതി ഷഡങ്ഗന്യാസഃ ॥
ശ്രീകൃഷ്ണപ്രീത്യര്ഥേ വിഷ്ണോര്ദിവ്യസഹസ്രനാമജപമഹം
കരിഷ്യേ ഇതി സങ്കല്പഃ ।

അഥ ധ്യാനമ് ।
ക്ഷീരോദന്വത്പ്രദേശേ ശുചിമണിവിലസത്സൈകതേ മൌക്തികാനാം
മാലാകൢപ്താസനസ്ഥഃ സ്ഫടികമണിനിഭൈര്മൌക്തികൈര്മണ്ഡിതാങ്ഗഃ ।
ശുഭ്രൈരഭ്രൈരദഭ്രൈരുപരിവിരചിതൈര്മുക്തപീയൂഷവര്ഷൈ-
രാനന്ദീ നഃ പുനീയാദരിനലിനഗദാശങ്ഖപാണിര്മുകുന്ദഃ ॥ ൧॥
ഭൂഃ പാദൌ യസ്യ നാഭിര്വിയദസുരനിലശ്ചന്ദ്രസൂര്യൌ ച നേത്രേ
കര്ണാവാശാഃ ശിരോ ദ്യൌര്മുഖമപി ദഹനോ യസ്യ വാസ്തേയമബ്ധിഃ ।
അന്തഃസ്ഥം യസ്യ വിശ്വം സുരനരഖഗഗോഭോഗിഗന്ധര്വദൈത്യൈഃ
ചിത്രം രംരമ്യതേ തം ത്രിഭുവനവപുഷം വിഷ്ണുമീശം നമാമി ॥ ൨॥
ഓം നമോ ഭഗവതേ വാസുദേവായ ॥
ഓം ശാന്താകാരം ഭുജഗശയനം പദ്മനാഭം സുരേശം
വിശ്വാധാരം ഗഗനസദൃശം മേഘവര്ണം ശുഭാങ്ഗമ് ।
ലക്ഷ്മീകാന്തം കമലനയനം യോഗിഭിര്ധ്യാനഗമ്യം (യോഗിഹൃദ്ധ്യാനഗമ്യം)
വന്ദേ വിഷ്ണും ഭവഭയഹരം സര്വലോകൈകനാഥമ് ॥ ൩॥
മേഘശ്യാമം പീതകൌശേയവാസം
ശ്രീവത്സാങ്കം കൌസ്തുഭോദ്ഭാസിതാങ്ഗമ് ।
പുണ്യോപേതം പുണ്ഡരീകായതാക്ഷം
വിഷ്ണും വന്ദേ സര്വലോകൈകനാഥമ് ॥ ൪॥
നമഃ സമസ്തഭൂതാനാമാദിഭൂതായ ഭൂഭൃതേ ।
അനേകരൂപരൂപായ വിഷ്ണവേ പ്രഭവിഷ്ണവേ ॥ ൫॥
സശങ്ഖചക്രം സകിരീടകുണ്ഡലം
സപീതവസ്ത്രം സരസീരുഹേക്ഷണമ് ।
സഹാരവക്ഷഃസ്ഥലകൌസ്തുഭശ്രിയം (സ്ഥലശോഭികൌസ്തുഭം)
നമാമി വിഷ്ണും ശിരസാ ചതുര്ഭുജമ് ॥ ൬॥
ഛായായാം പാരിജാതസ്യ ഹേമസിംഹാസനോപരി
ആസീനമമ്ബുദശ്യാമമായതാക്ഷമലംകൃതമ് ।
ചന്ദ്രാനനം ചതുര്ബാഹും ശ്രീവത്സാങ്കിതവക്ഷസം
രുക്മിണീസത്യഭാമാഭ്യാം സഹിതം കൃഷ്ണമാശ്രയേ ॥ ൭॥
സ്തോത്രമ്
ഹരിഃ ഓം ।
ഓം വിശ്വം വിഷ്ണുര്വഷട്കാരോ ഭൂതഭവ്യഭവത്പ്രഭുഃ ।
ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ ॥ ൧॥
പൂതാത്മാ പരമാത്മാ ച മുക്താനാം പരമാ ഗതിഃ ।
അവ്യയഃ പുരുഷഃ സാക്ഷീ ക്ഷേത്രജ്ഞോഽക്ഷര ഏവ ച ॥ ൨॥
യോഗോ യോഗവിദാം നേതാ പ്രധാനപുരുഷേശ്വരഃ ।
നാരസിംഹവപുഃ ശ്രീമാന് കേശവഃ പുരുഷോത്തമഃ ॥ ൩॥
സര്വഃ ശര്വഃ ശിവഃ സ്ഥാണുര്ഭൂതാദിര്നിധിരവ്യയഃ ।
സമ്ഭവോ ഭാവനോ ഭര്താ പ്രഭവഃ പ്രഭുരീശ്വരഃ ॥ ൪॥
സ്വയമ്ഭൂഃ ശമ്ഭുരാദിത്യഃ പുഷ്കരാക്ഷോ മഹാസ്വനഃ ।
അനാദിനിധനോ ധാതാ വിധാതാ ധാതുരുത്തമഃ ॥ ൫॥
അപ്രമേയോ ഹൃഷീകേശഃ പദ്മനാഭോഽമരപ്രഭുഃ ।
വിശ്വകര്മാ മനുസ്ത്വഷ്ടാ സ്ഥവിഷ്ഠഃ സ്ഥവിരോ ധ്രുവഃ ॥ ൬॥
അഗ്രാഹ്യഃ ശാശ്വതഃ കൃഷ്ണോ ലോഹിതാക്ഷഃ പ്രതര്ദനഃ ।
പ്രഭൂതസ്ത്രികകുബ്ധാമ പവിത്രം മങ്ഗലം പരമ് ॥ ൭॥
ഈശാനഃ പ്രാണദഃ പ്രാണോ ജ്യേഷ്ഠഃ ശ്രേഷ്ഠഃ പ്രജാപതിഃ ।
ഹിരണ്യഗര്ഭോ ഭൂഗര്ഭോ മാധവോ മധുസൂദനഃ ॥ ൮॥
ഈശ്വരോ വിക്രമീ ധന്വീ മേധാവീ വിക്രമഃ ക്രമഃ ।
അനുത്തമോ ദുരാധര്ഷഃ കൃതജ്ഞഃ കൃതിരാത്മവാന് ॥ ൯॥
സുരേശഃ ശരണം ശര്മ വിശ്വരേതാഃ പ്രജാഭവഃ ।
അഹഃ സംവത്സരോ വ്യാലഃ പ്രത്യയഃ സര്വദര്ശനഃ ॥ ൧൦॥
അജഃ സര്വേശ്വരഃ സിദ്ധഃ സിദ്ധിഃ സര്വാദിരച്യുതഃ ।
വൃഷാകപിരമേയാത്മാ സര്വയോഗവിനിഃസൃതഃ ॥ ൧൧॥
വസുര്വസുമനാഃ സത്യഃ സമാത്മാഽസമ്മിതഃ സമഃ ।
അമോഘഃ പുണ്ഡരീകാക്ഷോ വൃഷകര്മാ വൃഷാകൃതിഃ ॥ ൧൨॥
രുദ്രോ ബഹുശിരാ ബഭ്രുര്വിശ്വയോനിഃ ശുചിശ്രവാഃ ।
അമൃതഃ ശാശ്വതസ്ഥാണുര്വരാരോഹോ മഹാതപാഃ ॥ ൧൩॥
സര്വഗഃ സര്വവിദ്ഭാനുര്വിഷ്വക്സേനോ ജനാര്ദനഃ ।
വേദോ വേദവിദവ്യങ്ഗോ വേദാങ്ഗോ വേദവിത് കവിഃ ॥ ൧൪॥
ലോകാധ്യക്ഷഃ സുരാധ്യക്ഷോ ധര്മാധ്യക്ഷഃ കൃതാകൃതഃ ।
ചതുരാത്മാ ചതുര്വ്യൂഹശ്ചതുര്ദംഷ്ട്രശ്ചതുര്ഭുജഃ ॥ ൧൫॥
ഭ്രാജിഷ്ണുര്ഭോജനം ഭോക്താ സഹിഷ്ണുര്ജഗദാദിജഃ ।
അനഘോ വിജയോ ജേതാ വിശ്വയോനിഃ പുനര്വസുഃ ॥ ൧൬॥
ഉപേന്ദ്രോ വാമനഃ പ്രാംശുരമോഘഃ ശുചിരൂര്ജിതഃ ।
അതീന്ദ്രഃ സങ്ഗ്രഹഃ സര്ഗോ ധൃതാത്മാ നിയമോ യമഃ ॥ ൧൭॥
വേദ്യോ വൈദ്യഃ സദായോഗീ വീരഹാ മാധവോ മധുഃ ।
അതീന്ദ്രിയോ മഹാമായോ മഹോത്സാഹോ മഹാബലഃ ॥ ൧൮॥
മഹാബുദ്ധിര്മഹാവീര്യോ മഹാശക്തിര്മഹാദ്യുതിഃ ।
അനിര്ദേശ്യവപുഃ ശ്രീമാനമേയാത്മാ മഹാദ്രിധൃക് ॥ ൧൯॥
മഹേഷ്വാസോ മഹീഭര്താ ശ്രീനിവാസഃ സതാം ഗതിഃ ।
അനിരുദ്ധഃ സുരാനന്ദോ ഗോവിന്ദോ ഗോവിദാം പതിഃ ॥ ൨൦॥
മരീചിര്ദമനോ ഹംസഃ സുപര്ണോ ഭുജഗോത്തമഃ ।
ഹിരണ്യനാഭഃ സുതപാഃ പദ്മനാഭഃ പ്രജാപതിഃ ॥ ൨൧॥
അമൃത്യുഃ സര്വദൃക് സിംഹഃ സന്ധാതാ സന്ധിമാന് സ്ഥിരഃ ।
അജോ ദുര്മര്ഷണഃ ശാസ്താ വിശ്രുതാത്മാ സുരാരിഹാ ॥ ൨൨॥
ഗുരുര്ഗുരുതമോ ധാമ സത്യഃ സത്യപരാക്രമഃ ।
നിമിഷോഽനിമിഷഃ സ്രഗ്വീ വാചസ്പതിരുദാരധീഃ ॥ ൨൩॥
അഗ്രണീര്ഗ്രാമണീഃ ശ്രീമാന് ന്യായോ നേതാ സമീരണഃ ।
സഹസ്രമൂര്ധാ വിശ്വാത്മാ സഹസ്രാക്ഷഃ സഹസ്രപാത് ॥ ൨൪॥
ആവര്തനോ നിവൃത്താത്മാ സംവൃതഃ സമ്പ്രമര്ദനഃ ।
അഹഃ സംവര്തകോ വഹ്നിരനിലോ ധരണീധരഃ ॥ ൨൫॥
സുപ്രസാദഃ പ്രസന്നാത്മാ വിശ്വധൃഗ്വിശ്വഭുഗ്വിഭുഃ ।
സത്കര്താ സത്കൃതഃ സാധുര്ജഹ്നുര്നാരായണോ നരഃ ॥ ൨൬॥
അസങ്ഖ്യേയോഽപ്രമേയാത്മാ വിശിഷ്ടഃ ശിഷ്ടകൃച്ഛുചിഃ ।
സിദ്ധാര്ഥഃ സിദ്ധസങ്കല്പഃ സിദ്ധിദഃ സിദ്ധിസാധനഃ ॥ ൨൭॥
വൃഷാഹീ വൃഷഭോ വിഷ്ണുര്വൃഷപര്വാ വൃഷോദരഃ ।
വര്ധനോ വര്ധമാനശ്ച വിവിക്തഃ ശ്രുതിസാഗരഃ ॥ ൨൮॥
സുഭുജോ ദുര്ധരോ വാഗ്മീ മഹേന്ദ്രോ വസുദോ വസുഃ ।
നൈകരൂപോ ബൃഹദ്രൂപഃ ശിപിവിഷ്ടഃ പ്രകാശനഃ ॥ ൨൯॥
ഓജസ്തേജോദ്യുതിധരഃ പ്രകാശാത്മാ പ്രതാപനഃ ।
ഋദ്ധഃ സ്പഷ്ടാക്ഷരോ മന്ത്രശ്ചന്ദ്രാംശുര്ഭാസ്കരദ്യുതിഃ ॥ ൩൦॥
അമൃതാംശൂദ്ഭവോ ഭാനുഃ ശശബിന്ദുഃ സുരേശ്വരഃ ।
ഔഷധം ജഗതഃ സേതുഃ സത്യധര്മപരാക്രമഃ ॥ ൩൧॥
ഭൂതഭവ്യഭവന്നാഥഃ പവനഃ പാവനോഽനലഃ ।
കാമഹാ കാമകൃത്കാന്തഃ കാമഃ കാമപ്രദഃ പ്രഭുഃ ॥ ൩൨॥
യുഗാദികൃദ്യുഗാവര്തോ നൈകമായോ മഹാശനഃ ।
അദൃശ്യോ വ്യക്തരൂപശ്ച സഹസ്രജിദനന്തജിത് ॥ ൩൩॥
ഇഷ്ടോഽവിശിഷ്ടഃ ശിഷ്ടേഷ്ടഃ ശിഖണ്ഡീ നഹുഷോ വൃഷഃ ।
ക്രോധഹാ ക്രോധകൃത്കര്താ വിശ്വബാഹുര്മഹീധരഃ ॥ ൩൪॥
അച്യുതഃ പ്രഥിതഃ പ്രാണഃ പ്രാണദോ വാസവാനുജഃ ।
അപാംനിധിരധിഷ്ഠാനമപ്രമത്തഃ പ്രതിഷ്ഠിതഃ ॥ ൩൫॥
സ്കന്ദഃ സ്കന്ദധരോ ധുര്യോ വരദോ വായുവാഹനഃ ।
വാസുദേവോ ബൃഹദ്ഭാനുരാദിദേവഃ പുരന്ദരഃ ॥ ൩൬॥
അശോകസ്താരണസ്താരഃ ശൂരഃ ശൌരിര്ജനേശ്വരഃ ।
അനുകൂലഃ ശതാവര്തഃ പദ്മീ പദ്മനിഭേക്ഷണഃ ॥ ൩൭॥
പദ്മനാഭോഽരവിന്ദാക്ഷഃ പദ്മഗര്ഭഃ ശരീരഭൃത് ।
മഹര്ദ്ധിരൃദ്ധോ വൃദ്ധാത്മാ മഹാക്ഷോ ഗരുഡധ്വജഃ ॥ ൩൮॥
അതുലഃ ശരഭോ ഭീമഃ സമയജ്ഞോ ഹവിര്ഹരിഃ ।
സര്വലക്ഷണലക്ഷണ്യോ ലക്ഷ്മീവാന് സമിതിഞ്ജയഃ ॥ ൩൯॥
വിക്ഷരോ രോഹിതോ മാര്ഗോ ഹേതുര്ദാമോദരഃ സഹഃ ।
മഹീധരോ മഹാഭാഗോ വേഗവാനമിതാശനഃ ॥ ൪൦॥
ഉദ്ഭവഃ ക്ഷോഭണോ ദേവഃ ശ്രീഗര്ഭഃ പരമേശ്വരഃ ।
കരണം കാരണം കര്താ വികര്താ ഗഹനോ ഗുഹഃ ॥ ൪൧॥
വ്യവസായോ വ്യവസ്ഥാനഃ സംസ്ഥാനഃ സ്ഥാനദോ ധ്രുവഃ ।
പരര്ദ്ധിഃ പരമസ്പഷ്ടസ്തുഷ്ടഃ പുഷ്ടഃ ശുഭേക്ഷണഃ ॥ ൪൨॥
രാമോ വിരാമോ വിരജോ മാര്ഗോ നേയോ നയോഽനയഃ । (വിരാമോ വിരതോ)
വീരഃ ശക്തിമതാം ശ്രേഷ്ഠോ ധര്മോ ധര്മവിദുത്തമഃ ॥ ൪൩॥
വൈകുണ്ഠഃ പുരുഷഃ പ്രാണഃ പ്രാണദഃ പ്രണവഃ പൃഥുഃ ।
ഹിരണ്യഗര്ഭഃ ശത്രുഘ്നോ വ്യാപ്തോ വായുരധോക്ഷജഃ ॥ ൪൪॥
ഋതുഃ സുദര്ശനഃ കാലഃ പരമേഷ്ഠീ പരിഗ്രഹഃ ।
ഉഗ്രഃ സംവത്സരോ ദക്ഷോ വിശ്രാമോ വിശ്വദക്ഷിണഃ ॥ ൪൫॥
വിസ്താരഃ സ്ഥാവരസ്ഥാണുഃ പ്രമാണം ബീജമവ്യയമ് ।
അര്ഥോഽനര്ഥോ മഹാകോശോ മഹാഭോഗോ മഹാധനഃ ॥ ൪൬॥
അനിര്വിണ്ണഃ സ്ഥവിഷ്ഠോഽഭൂര്ധര്മയൂപോ മഹാമഖഃ ।
നക്ഷത്രനേമിര്നക്ഷത്രീ ക്ഷമഃ ക്ഷാമഃ സമീഹനഃ ॥ ൪൭॥
യജ്ഞ ഇജ്യോ മഹേജ്യശ്ച ക്രതുഃ സത്രം സതാം ഗതിഃ ।
സര്വദര്ശീ വിമുക്താത്മാ സര്വജ്ഞോ ജ്ഞാനമുത്തമമ് ॥ ൪൮॥
സുവ്രതഃ സുമുഖഃ സൂക്ഷ്മഃ സുഘോഷഃ സുഖദഃ സുഹൃത് ।
മനോഹരോ ജിതക്രോധോ വീരബാഹുര്വിദാരണഃ ॥ ൪൯॥
സ്വാപനഃ സ്വവശോ വ്യാപീ നൈകാത്മാ നൈകകര്മകൃത് ।
വത്സരോ വത്സലോ വത്സീ രത്നഗര്ഭോ ധനേശ്വരഃ ॥ ൫൦॥
ധര്മഗുബ്ധര്മകൃദ്ധര്മീ സദസത്ക്ഷരമക്ഷരമ് ।
അവിജ്ഞാതാ സഹസ്രാംശുര്വിധാതാ കൃതലക്ഷണഃ ॥ ൫൧॥
ഗഭസ്തിനേമിഃ സത്ത്വസ്ഥഃ സിംഹോ ഭൂതമഹേശ്വരഃ ।
ആദിദേവോ മഹാദേവോ ദേവേശോ ദേവഭൃദ്ഗുരുഃ ॥ ൫൨॥
ഉത്തരോ ഗോപതിര്ഗോപ്താ ജ്ഞാനഗമ്യഃ പുരാതനഃ ।
ശരീരഭൂതഭൃദ്ഭോക്താ കപീന്ദ്രോ ഭൂരിദക്ഷിണഃ ॥ ൫൩॥
സോമപോഽമൃതപഃ സോമഃ പുരുജിത്പുരുസത്തമഃ ।
വിനയോ ജയഃ സത്യസന്ധോ ദാശാര്ഹഃ സാത്വതാമ്പതിഃ ॥ ൫൪॥ വിനിയോജ്യഃ
ജീവോ വിനയിതാ സാക്ഷീ മുകുന്ദോഽമിതവിക്രമഃ ।
അമ്ഭോനിധിരനന്താത്മാ മഹോദധിശയോഽന്തകഃ ॥ ൫൫॥
അജോ മഹാര്ഹഃ സ്വാഭാവ്യോ ജിതാമിത്രഃ പ്രമോദനഃ ।
ആനന്ദോ നന്ദനോ നന്ദഃ സത്യധര്മാ ത്രിവിക്രമഃ ॥ ൫൬॥
മഹര്ഷിഃ കപിലാചാര്യഃ കൃതജ്ഞോ മേദിനീപതിഃ ।
ത്രിപദസ്ത്രിദശാധ്യക്ഷോ മഹാശൃങ്ഗഃ കൃതാന്തകൃത് ॥ ൫൭॥
മഹാവരാഹോ ഗോവിന്ദഃ സുഷേണഃ കനകാങ്ഗദീ ।
ഗുഹ്യോ ഗഭീരോ ഗഹനോ ഗുപ്തശ്ചക്രഗദാധരഃ ॥ ൫൮॥
വേധാഃ സ്വാങ്ഗോഽജിതഃ കൃഷ്ണോ ദൃഢഃ സങ്കര്ഷണോഽച്യുതഃ ।
വരുണോ വാരുണോ വൃക്ഷഃ പുഷ്കരാക്ഷോ മഹാമനാഃ ॥ ൫൯॥
ഭഗവാന് ഭഗഹാഽഽനന്ദീ വനമാലീ ഹലായുധഃ ।
ആദിത്യോ ജ്യോതിരാദിത്യഃ സഹിഷ്ണുര്ഗതിസത്തമഃ ॥ ൬൦॥
സുധന്വാ ഖണ്ഡപരശുര്ദാരുണോ ദ്രവിണപ്രദഃ ।
ദിവസ്പൃക് സര്വദൃഗ്വ്യാസോ വാചസ്പതിരയോനിജഃ ॥ ൬൧॥ (ദിവിസ്പൃക്)
ത്രിസാമാ സാമഗഃ സാമ നിര്വാണം ഭേഷജം ഭിഷക് ।
സംന്യാസകൃച്ഛമഃ ശാന്തോ നിഷ്ഠാ ശാന്തിഃ പരായണമ് ॥ ൬൨॥
ശുഭാങ്ഗഃ ശാന്തിദഃ സ്രഷ്ടാ കുമുദഃ കുവലേശയഃ ।
ഗോഹിതോ ഗോപതിര്ഗോപ്താ വൃഷഭാക്ഷോ വൃഷപ്രിയഃ ॥ ൬൩॥
അനിവര്തീ നിവൃത്താത്മാ സങ്ക്ഷേപ്താ ക്ഷേമകൃച്ഛിവഃ ।
ശ്രീവത്സവക്ഷാഃ ശ്രീവാസഃ ശ്രീപതിഃ ശ്രീമതാംവരഃ ॥ ൬൪॥
ശ്രീദഃ ശ്രീശഃ ശ്രീനിവാസഃ ശ്രീനിധിഃ ശ്രീവിഭാവനഃ ।
ശ്രീധരഃ ശ്രീകരഃ ശ്രേയഃ ശ്രീമാഁല്ലോകത്രയാശ്രയഃ ॥ ൬൫॥
സ്വക്ഷഃ സ്വങ്ഗഃ ശതാനന്ദോ നന്ദിര്ജ്യോതിര്ഗണേശ്വരഃ ।
വിജിതാത്മാഽവിധേയാത്മാ സത്കീര്തിശ്ഛിന്നസംശയഃ ॥ ൬൬॥
ഉദീര്ണഃ സര്വതശ്ചക്ഷുരനീശഃ ശാശ്വതസ്ഥിരഃ ।
ഭൂശയോ ഭൂഷണോ ഭൂതിര്വിശോകഃ ശോകനാശനഃ ॥ ൬൭॥
അര്ചിഷ്മാനര്ചിതഃ കുമ്ഭോ വിശുദ്ധാത്മാ വിശോധനഃ ।
അനിരുദ്ധോഽപ്രതിരഥഃ പ്രദ്യുമ്നോഽമിതവിക്രമഃ ॥ ൬൮॥
കാലനേമിനിഹാ വീരഃ ശൌരിഃ ശൂരജനേശ്വരഃ ।
ത്രിലോകാത്മാ ത്രിലോകേശഃ കേശവഃ കേശിഹാ ഹരിഃ ॥ ൬൯॥
കാമദേവഃ കാമപാലഃ കാമീ കാന്തഃ കൃതാഗമഃ ।
അനിര്ദേശ്യവപുര്വിഷ്ണുര്വീരോഽനന്തോ ധനഞ്ജയഃ ॥ ൭൦॥
ബ്രഹ്മണ്യോ ബ്രഹ്മകൃദ് ബ്രഹ്മാ ബ്രഹ്മ ബ്രഹ്മവിവര്ധനഃ ।
ബ്രഹ്മവിദ് ബ്രാഹ്മണോ ബ്രഹ്മീ ബ്രഹ്മജ്ഞോ ബ്രാഹ്മണപ്രിയഃ ॥ ൭൧॥
മഹാക്രമോ മഹാകര്മാ മഹാതേജാ മഹോരഗഃ ।
മഹാക്രതുര്മഹായജ്വാ മഹായജ്ഞോ മഹാഹവിഃ ॥ ൭൨॥
സ്തവ്യഃ സ്തവപ്രിയഃ സ്തോത്രം സ്തുതിഃ സ്തോതാ രണപ്രിയഃ ।
പൂര്ണഃ പൂരയിതാ പുണ്യഃ പുണ്യകീര്തിരനാമയഃ ॥ ൭൩॥
മനോജവസ്തീര്ഥകരോ വസുരേതാ വസുപ്രദഃ ।
വസുപ്രദോ വാസുദേവോ വസുര്വസുമനാ ഹവിഃ ॥ ൭൪॥
സദ്ഗതിഃ സത്കൃതിഃ സത്താ സദ്ഭൂതിഃ സത്പരായണഃ ।
ശൂരസേനോ യദുശ്രേഷ്ഠഃ സന്നിവാസഃ സുയാമുനഃ ॥ ൭൫॥
ഭൂതാവാസോ വാസുദേവഃ സര്വാസുനിലയോഽനലഃ ।
ദര്പഹാ ദര്പദോ ദൃപ്തോ ദുര്ധരോഽഥാപരാജിതഃ ॥ ൭൬॥
വിശ്വമൂര്തിര്മഹാമൂര്തിര്ദീപ്തമൂര്തിരമൂര്തിമാന് ।
അനേകമൂര്തിരവ്യക്തഃ ശതമൂര്തിഃ ശതാനനഃ ॥ ൭൭॥
ഏകോ നൈകഃ സവഃ കഃ കിം യത് തത്പദമനുത്തമമ് ।
ലോകബന്ധുര്ലോകനാഥോ മാധവോ ഭക്തവത്സലഃ ॥ ൭൮॥
സുവര്ണവര്ണോ ഹേമാങ്ഗോ വരാങ്ഗശ്ചന്ദനാങ്ഗദീ ।
വീരഹാ വിഷമഃ ശൂന്യോ ഘൃതാശീരചലശ്ചലഃ ॥ ൭൯॥
അമാനീ മാനദോ മാന്യോ ലോകസ്വാമീ ത്രിലോകധൃക് ।
സുമേധാ മേധജോ ധന്യഃ സത്യമേധാ ധരാധരഃ ॥ ൮൦॥
തേജോവൃഷോ ദ്യുതിധരഃ സര്വശസ്ത്രഭൃതാം വരഃ ।
പ്രഗ്രഹോ നിഗ്രഹോ വ്യഗ്രോ നൈകശൃങ്ഗോ ഗദാഗ്രജഃ ॥ ൮൧॥
ചതുര്മൂര്തിശ്ചതുര്ബാഹുശ്ചതുര്വ്യൂഹശ്ചതുര്ഗതിഃ ।
ചതുരാത്മാ ചതുര്ഭാവശ്ചതുര്വേദവിദേകപാത് ॥ ൮൨॥
സമാവര്തോഽനിവൃത്താത്മാ ദുര്ജയോ ദുരതിക്രമഃ ।
ദുര്ലഭോ ദുര്ഗമോ ദുര്ഗോ ദുരാവാസോ ദുരാരിഹാ ॥ ൮൩॥
ശുഭാങ്ഗോ ലോകസാരങ്ഗഃ സുതന്തുസ്തന്തുവര്ധനഃ ।
ഇന്ദ്രകര്മാ മഹാകര്മാ കൃതകര്മാ കൃതാഗമഃ ॥ ൮൪॥
ഉദ്ഭവഃ സുന്ദരഃ സുന്ദോ രത്നനാഭഃ സുലോചനഃ ।
അര്കോ വാജസനഃ ശൃങ്ഗീ ജയന്തഃ സര്വവിജ്ജയീ ॥ ൮൫॥
സുവര്ണബിന്ദുരക്ഷോഭ്യഃ സര്വവാഗീശ്വരേശ്വരഃ ।
മഹാഹ്രദോ മഹാഗര്തോ മഹാഭൂതോ മഹാനിധിഃ ॥ ൮൬॥
കുമുദഃ കുന്ദരഃ കുന്ദഃ പര്ജന്യഃ പാവനോഽനിലഃ ।
അമൃതാശോഽമൃതവപുഃ സര്വജ്ഞഃ സര്വതോമുഖഃ ॥ ൮൭॥
സുലഭഃ സുവ്രതഃ സിദ്ധഃ ശത്രുജിച്ഛത്രുതാപനഃ ।
ന്യഗ്രോധോഽദുമ്ബരോഽശ്വത്ഥശ്ചാണൂരാന്ധ്രനിഷൂദനഃ ॥ ൮൮॥
സഹസ്രാര്ചിഃ സപ്തജിഹ്വഃ സപ്തൈധാഃ സപ്തവാഹനഃ ।
അമൂര്തിരനഘോഽചിന്ത്യോ ഭയകൃദ്ഭയനാശനഃ ॥ ൮൯॥
അണുര്ബൃഹത്കൃശഃ സ്ഥൂലോ ഗുണഭൃന്നിര്ഗുണോ മഹാന് ।
അധൃതഃ സ്വധൃതഃ സ്വാസ്യഃ പ്രാഗ്വംശോ വംശവര്ധനഃ ॥ ൯൦॥
ഭാരഭൃത് കഥിതോ യോഗീ യോഗീശഃ സര്വകാമദഃ ।
ആശ്രമഃ ശ്രമണഃ ക്ഷാമഃ സുപര്ണോ വായുവാഹനഃ ॥ ൯൧॥
ധനുര്ധരോ ധനുര്വേദോ ദണ്ഡോ ദമയിതാ ദമഃ ।
അപരാജിതഃ സര്വസഹോ നിയന്താഽനിയമോഽയമഃ ॥ ൯൨॥
സത്ത്വവാന് സാത്ത്വികഃ സത്യഃ സത്യധര്മപരായണഃ ।
അഭിപ്രായഃ പ്രിയാര്ഹോഽര്ഹഃ പ്രിയകൃത് പ്രീതിവര്ധനഃ ॥ ൯൩॥
വിഹായസഗതിര്ജ്യോതിഃ സുരുചിര്ഹുതഭുഗ്വിഭുഃ ।
രവിര്വിരോചനഃ സൂര്യഃ സവിതാ രവിലോചനഃ ॥ ൯൪॥
അനന്തോ ഹുതഭുഗ്ഭോക്താ സുഖദോ നൈകജോഽഗ്രജഃ ।
അനിര്വിണ്ണഃ സദാമര്ഷീ ലോകാധിഷ്ഠാനമദ്ഭുതഃ ॥ ൯൫॥
സനാത്സനാതനതമഃ കപിലഃ കപിരവ്യയഃ ।
സ്വസ്തിദഃ സ്വസ്തികൃത്സ്വസ്തി സ്വസ്തിഭുക്സ്വസ്തിദക്ഷിണഃ ॥ ൯൬॥
അരൌദ്രഃ കുണ്ഡലീ ചക്രീ വിക്രമ്യൂര്ജിതശാസനഃ ।
ശബ്ദാതിഗഃ ശബ്ദസഹഃ ശിശിരഃ ശര്വരീകരഃ ॥ ൯൭॥
അക്രൂരഃ പേശലോ ദക്ഷോ ദക്ഷിണഃ ക്ഷമിണാംവരഃ ।
വിദ്വത്തമോ വീതഭയഃ പുണ്യശ്രവണകീര്തനഃ ॥ ൯൮॥
ഉത്താരണോ ദുഷ്കൃതിഹാ പുണ്യോ ദുഃസ്വപ്നനാശനഃ ।
വീരഹാ രക്ഷണഃ സന്തോ ജീവനഃ പര്യവസ്ഥിതഃ ॥ ൯൯॥
അനന്തരൂപോഽനന്തശ്രീര്ജിതമന്യുര്ഭയാപഹഃ ।
ചതുരശ്രോ ഗഭീരാത്മാ വിദിശോ വ്യാദിശോ ദിശഃ ॥ ൧൦൦॥
അനാദിര്ഭൂര്ഭുവോ ലക്ഷ്മീഃ സുവീരോ രുചിരാങ്ഗദഃ ।
ജനനോ ജനജന്മാദിര്ഭീമോ ഭീമപരാക്രമഃ ॥ ൧൦൧॥
ആധാരനിലയോഽധാതാ പുഷ്പഹാസഃ പ്രജാഗരഃ ।
ഊര്ധ്വഗഃ സത്പഥാചാരഃ പ്രാണദഃ പ്രണവഃ പണഃ ॥ ൧൦൨॥
പ്രമാണം പ്രാണനിലയഃ പ്രാണഭൃത്പ്രാണജീവനഃ ।
തത്ത്വം തത്ത്വവിദേകാത്മാ ജന്മമൃത്യുജരാതിഗഃ ॥ ൧൦൩॥
ഭൂര്ഭുവഃസ്വസ്തരുസ്താരഃ സവിതാ പ്രപിതാമഹഃ ।
യജ്ഞോ യജ്ഞപതിര്യജ്വാ യജ്ഞാങ്ഗോ യജ്ഞവാഹനഃ ॥ ൧൦൪॥
യജ്ഞഭൃദ് യജ്ഞകൃദ് യജ്ഞീ യജ്ഞഭുഗ് യജ്ഞസാധനഃ ।
യജ്ഞാന്തകൃദ് യജ്ഞഗുഹ്യമന്നമന്നാദ ഏവ ച ॥ ൧൦൫॥
ആത്മയോനിഃ സ്വയഞ്ജാതോ വൈഖാനഃ സാമഗായനഃ ।
ദേവകീനന്ദനഃ സ്രഷ്ടാ ക്ഷിതീശഃ പാപനാശനഃ ॥ ൧൦൬॥
ശങ്ഖഭൃന്നന്ദകീ ചക്രീ ശാര്ങ്ഗധന്വാ ഗദാധരഃ ।
രഥാങ്ഗപാണിരക്ഷോഭ്യഃ സര്വപ്രഹരണായുധഃ ॥ ൧൦൭॥
സര്വപ്രഹരണായുധ ഓം നമ ഇതി ।
വനമാലീ ഗദീ ശാര്ങ്ഗീ ശങ്ഖീ ചക്രീ ച നന്ദകീ ।
ശ്രീമാന് നാരായണോ വിഷ്ണുര്വാസുദേവോഽഭിരക്ഷതു ॥ ൧൦൮॥
ശ്രീവാസുദേവോഽഭിരക്ഷതു ഓം നമ ഇതി ।
ഉത്തരന്യാസഃ, ഫലശ്രുതിഃ
ഭീഷ്മ ഉവാച---

ഇതീദം കീര്തനീയസ്യ കേശവസ്യ മഹാത്മനഃ ।
നാമ്നാം സഹസ്രം ദിവ്യാനാമശേഷേണ പ്രകീര്തിതമ് ॥ ൧॥
യ ഇദം ശൃണുയാന്നിത്യം യശ്ചാപി പരികീര്തയേത് ।
നാശുഭം പ്രാപ്നുയാത്കിഞ്ചിത്സോഽമുത്രേഹ ച മാനവഃ ॥ ൨॥
വേദാന്തഗോ ബ്രാഹ്മണഃ സ്യാത്ക്ഷത്രിയോ വിജയീ ഭവേത് ।
വൈശ്യോ ധനസമൃദ്ധഃ സ്യാച്ഛൂദ്രഃ സുഖമവാപ്നുയാത് ॥ ൩॥
ധര്മാര്ഥീ പ്രാപ്നുയാദ്ധര്മമര്ഥാര്ഥീ ചാര്ഥമാപ്നുയാത് ।
കാമാനവാപ്നുയാത്കാമീ പ്രജാര്ഥീ പ്രാപ്നുയാത്പ്രജാമ് ॥ ൪॥
ഭക്തിമാന് യഃ സദോത്ഥായ ശുചിസ്തദ്ഗതമാനസഃ ।
സഹസ്രം വാസുദേവസ്യ നാമ്നാമേതത്പ്രകീര്തയേത് ॥ ൫॥
യശഃ പ്രാപ്നോതി വിപുലം ജ്ഞാതിപ്രാധാന്യമേവ ച ।
അചലാം ശ്രിയമാപ്നോതി ശ്രേയഃ പ്രാപ്നോത്യനുത്തമമ് ॥ ൬॥
ന ഭയം ക്വചിദാപ്നോതി വീര്യം തേജശ്ച വിന്ദതി ।
ഭവത്യരോഗോ ദ്യുതിമാന്ബലരൂപഗുണാന്വിതഃ ॥ ൭॥
രോഗാര്തോ മുച്യതേ രോഗാദ്ബദ്ധോ മുച്യേത ബന്ധനാത് ।
ഭയാന്മുച്യേത ഭീതസ്തു മുച്യേതാപന്ന ആപദഃ ॥ ൮॥
ദുര്ഗാണ്യതിതരത്യാശു പുരുഷഃ പുരുഷോത്തമമ് ।
സ്തുവന്നാമസഹസ്രേണ നിത്യം ഭക്തിസമന്വിതഃ ॥ ൯॥
വാസുദേവാശ്രയോ മര്ത്യോ വാസുദേവപരായണഃ ।
സര്വപാപവിശുദ്ധാത്മാ യാതി ബ്രഹ്മ സനാതനമ് ॥ ൧൦॥
ന വാസുദേവഭക്താനാമശുഭം വിദ്യതേ ക്വചിത് ।
ജന്മമൃത്യുജരാവ്യാധിഭയം നൈവോപജായതേ ॥ ൧൧॥
ഇമം സ്തവമധീയാനഃ ശ്രദ്ധാഭക്തിസമന്വിതഃ ।
യുജ്യേതാത്മസുഖക്ഷാന്തിശ്രീധൃതിസ്മൃതികീര്തിഭിഃ ॥ ൧൨॥
ന ക്രോധോ ന ച മാത്സര്യം ന ലോഭോ നാശുഭാ മതിഃ ।
ഭവന്തി കൃതപുണ്യാനാം ഭക്താനാം പുരുഷോത്തമേ ॥ ൧൩॥
ദ്യൌഃ സചന്ദ്രാര്കനക്ഷത്രാ ഖം ദിശോ ഭൂര്മഹോദധിഃ ।
വാസുദേവസ്യ വീര്യേണ വിധൃതാനി മഹാത്മനഃ ॥ ൧൪॥
സസുരാസുരഗന്ധര്വം സയക്ഷോരഗരാക്ഷസമ് ।
ജഗദ്വശേ വര്തതേദം കൃഷ്ണസ്യ സചരാചരമ് ॥ ൧൫॥
ഇന്ദ്രിയാണി മനോ ബുദ്ധിഃ സത്ത്വം തേജോ ബലം ധൃതിഃ ।
വാസുദേവാത്മകാന്യാഹുഃ ക്ഷേത്രം ക്ഷേത്രജ്ഞ ഏവ ച ॥ ൧൬॥
സര്വാഗമാനാമാചാരഃ പ്രഥമം പരികല്പ്യതേ । (പരികല്പതേ, പരികല്പിതഃ)
ആചാരപ്രഭവോ ധര്മോ ധര്മസ്യ പ്രഭുരച്യുതഃ ॥ ൧൭॥
ഋഷയഃ പിതരോ ദേവാ മഹാഭൂതാനി ധാതവഃ ।
ജങ്ഗമാജങ്ഗമം ചേദം ജഗന്നാരായണോദ്ഭവമ് ॥ ൧൮॥
യോഗോ ജ്ഞാനം തഥാ സാങ്ഖ്യം വിദ്യാഃ ശില്പാദികര്മ ച ।
വേദാഃ ശാസ്ത്രാണി വിജ്ഞാനമേതത്സര്വം ജനാര്ദനാത് ॥ ൧൯॥
ഏകോ വിഷ്ണുര്മഹദ്ഭൂതം പൃഥഗ്ഭൂതാന്യനേകശഃ ।
ത്രീംല്ലോകാന്വ്യാപ്യ ഭൂതാത്മാ ഭുങ്ക്തേ വിശ്വഭുഗവ്യയഃ ॥ ൨൦॥
ഇമം സ്തവം ഭഗവതോ വിഷ്ണോര്വ്യാസേന കീര്തിതമ് ।
പഠേദ്യ ഇച്ഛേത്പുരുഷഃ ശ്രേയഃ പ്രാപ്തും സുഖാനി ച ॥ ൨൧॥
വിശ്വേശ്വരമജം ദേവം ജഗതഃ പ്രഭുമവ്യയമ് ।
ഭജന്തി യേ പുഷ്കരാക്ഷം ന തേ യാന്തി പരാഭവമ് ॥ ൨൨॥
ന തേ യാന്തി പരാഭവമ് ഓം നമ ഇതി ।
അര്ജുന ഉവാച---
പദ്മപത്രവിശാലാക്ഷ പദ്മനാഭ സുരോത്തമ ।
ഭക്താനാമനുരക്താനാം ത്രാതാ ഭവ ജനാര്ദന ॥ ൨൩॥
ശ്രീഭഗവാനുവാച ---
യോ മാം നാമസഹസ്രേണ സ്തോതുമിച്ഛതി പാണ്ഡവ ।
സോഹഽമേകേന ശ്ലോകേന സ്തുത ഏവ ന സംശയഃ ॥ ൨൪॥
സ്തുത ഏവ ന സംശയ ഓം നമ ഇതി ।
വ്യാസ ഉവാച---
വാസനാദ്വാസുദേവസ്യ വാസിതം ഭുവനത്രയമ് ।
സര്വഭൂതനിവാസോഽസി വാസുദേവ നമോഽസ്തു തേ ॥ ൨൫॥
ശ്രീവാസുദേവ നമോഽസ്തു ത ഓം നമ ഇതി ।
പാര്വത്യുവാച---
കേനോപായേന ലഘുനാ വിഷ്ണോര്നാമസഹസ്രകമ് ।
പഠ്യതേ പണ്ഡിതൈര്നിത്യം ശ്രോതുമിച്ഛാമ്യഹം പ്രഭോ ॥ ൨൬॥
ഈശ്വര ഉവാച---
ശ്രീരാമരാമരാമേതി രമേ രാമേ മനോരമേ । (രാമരാമേതി രാമേതി)
സഹസ്രനാമതത്തുല്യം രാമനാമ വരാനനേ ॥ ൨൭॥
ശ്രീരാമനാമ വരാനന ഓം നമ ഇതി ।
ബ്രഹ്മോവാച ---
നമോഽസ്ത്വനന്തായ സഹസ്രമൂര്തയേ
സഹസ്രപാദാക്ഷിശിരോരുബാഹവേ ।
സഹസ്രനാമ്നേ പുരുഷായ ശാശ്വതേ
സഹസ്രകോടിയുഗധാരിണേ നമഃ ॥ ൨൮॥
സഹസ്രകോടിയുഗധാരിണേ നമ ഓം നമ ഇതി ।
ഓം തത്സദിതി ശ്രീമഹാഭാരതേ ശതസാഹസ്ര്യാം സംഹിതായാം വൈയാസിക്യാമാനുശാസനികേ
പര്വണി ഭീഷ്മയുധിഷ്ഠിരസംവാദേ ശ്രീവിഷ്ണോര്ദിവ്യസഹസ്രനാമസ്തോത്രമ് ॥
സഞ്ജയ ഉവാച---
യത്ര യോഗേശ്വരഃ കൃഷ്ണോ യത്ര പാര്ഥോ ധനുര്ധരഃ ।
തത്ര ശ്രീര്വിജയോ ഭൂതിര്ധ്രുവാ നീതിര്മതിര്മമ ॥ ൨൯॥
ശ്രീഭഗവാനുവാച ---
അനന്യാശ്ചിന്തയന്തോ മാം യേ ജനാഃ പര്യുപാസതേ ।
തേഷാം നിത്യാഭിയുക്താനാം യോഗക്ഷേമം വഹാമ്യഹമ് ॥ ൩൦॥
പരിത്രാണായ സാധൂനാം വിനാശായ ച ദുഷ്കൃതാമ് ।
ധര്മസംസ്ഥാപനാര്ഥായ സമ്ഭവാമി യുഗേ യുഗേ ॥ ൩൧॥
ആര്താ വിഷണ്ണാഃ ശിഥിലാശ്ച ഭീതാ ഘോരേഷു ച വ്യാധിഷു വര്തമാനാഃ ।
സങ്കീര്ത്യ നാരായണശബ്ദമാത്രം വിമുക്തദുഃഖാഃ സുഖിനോ ഭവന്തി ॥ ൩൨॥ (ഭവന്തു)
കായേന വാചാ മനസേന്ദ്രിയൈര്വാ ബുദ്ധ്യാത്മനാ വാ പ്രകൃതേഃ സ്വഭാവാത് । (പ്രകൃതിസ്വഭാവാത് ।)
കരോമി യദ്യത് സകലം പരസ്മൈ നാരായണായേതി സമര്പയാമി ॥ ൩൩॥
ഇതി ശ്രീവിഷ്ണോര്ദിവ്യസഹസ്രനാമസ്തോത്രം സമ്പൂര്ണമ് ।
ഓം തത് സത് ।
മഹാഭാരതേ അനുശാസനപര്വണി അധ്യായഃ ൧൪൯
ഓം ആപദാമപഹര്താരം ദാതാരം സര്വസമ്പദാമ് ।
ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥
ആര്താനാമാര്തിഹന്താരം ഭീതാനാം ഭീതിനാശനമ് ।
ദ്വിഷതാം കാലദണ്ഡം തം രാമചന്ദ്രം നമാമ്യഹമ് ॥
നമഃ കോദണ്ഡഹസ്തായ സന്ധീകൃതശരായ ച ।
ഖണ്ഡിതാഖിലദൈത്യായ രാമായാപന്നിവാരിണേ ॥
രാമായ രാമഭദ്രായ രാമചന്ദ്രായ വേധസേ ।
രഘുനാഥായ നാഥായ സീതായാഃ പതയേ നമഃ ॥
അഗ്രതഃ പൃഷ്ഠതശ്ചൈവ പാര്ശ്വതശ്ച മഹാബലൌ ।
ആകര്ണപൂര്ണധന്വാനൌ രക്ഷേതാം രാമലക്ഷ്മണൌ ॥
സന്നദ്ധഃ കവചീ ഖഡ്ഗീ ചാപബാണധരോ യുവാ ।
ഗച്ഛന് മമാഗ്രതോ നിത്യം രാമഃ പാതു സലക്ഷ്മണഃ ॥
അച്യുതാനന്തഗോവിന്ദനാമോച്ചാരണഭേഷജാത് ।
നശ്യന്തി സകലാ രോഗാസ്സത്യം സത്യം വദാമ്യഹമ് ॥
സത്യം സത്യം പുനസ്സത്യമുദ്ധൃത്യ ഭുജമുച്യതേ ।
വേദാച്ഛാസ്ത്രം പരം നാസ്തി ന ദൈവം കേശവാത്പരമ് ॥ (ന ദേവഃ കേശവാത്പരഃ - ഗരുഡപുരാണ ൩.൧൦.൫൫)
ശരീരേ ജര്ജരീഭൂതേ വ്യാധിഗ്രസ്തേ കലേവരേ ।
ഔഷധം ജാഹ്നവീതോയം വൈദ്യോ നാരായണോ ഹരിഃ ॥
ആലോഡ്യ സര്വശാസ്ത്രാണി വിചാര്യ ച പുനഃ പുനഃ ।
ഇദമേകം സുനിഷ്പന്നം ധ്യേയോ നാരായണോ ഹരിഃ ॥
യദക്ഷരപദഭ്രഷ്ടം മാത്രാഹീനം തു യദ്ഭവേത് ।
തത്സര്വം ക്ഷമ്യതാം ദേവ നാരായണ നമോഽസ്തു തേ ॥
വിസര്ഗബിന്ദുമാത്രാണി പദപാദാക്ഷരാണി ച ।
ന്യൂനാനി ചാതിരിക്താനി ക്ഷമസ്വ പുരുഷോത്തമ ॥

Alternate Concluding Shlokas

നമഃ കമലനാഭായ നമസ്തേ ജലശായിനേ ।
നമസ്തേ കേശവാനന്ത വാസുദേവ നമോഽസ്തുതേ ॥
നമോ ബ്രഹ്മണ്യദേവായ ഗോബ്രാഹ്മണഹിതായ ച ।
ജഗദ്ധിതായ കൃഷ്ണായ ഗോവിന്ദായ നമോ നമഃ ॥
ആകാശാത്പതിതം തോയം യഥാ ഗച്ഛതി സാഗരമ് ।
സര്വദേവനമസ്കാരഃ കേശവം പ്രതി ഗച്ഛതി ॥
ഏഷ നിഷ്കണ്ടകഃ പന്ഥാ യത്ര സമ്പൂജ്യതേ ഹരിഃ ।
കുപഥം തം വിജാനീയാദ് ഗോവിന്ദരഹിതാഗമമ് ॥
സര്വവേദേഷു യത്പുണ്യം സര്വതീര്ഥേഷു യത്ഫലമ് ।
തത്ഫലം സമവാപ്നോതി സ്തുത്വാ ദേവം ജനാര്ദനമ് ॥
യോ നരഃ പഠതേ നിത്യം ത്രികാലം കേശവാലയേ ।
ദ്വികാലമേകകാലം വാ ക്രൂരം സര്വം വ്യപോഹതി ॥
ദഹ്യന്തേ രിപവസ്തസ്യ സൌമ്യാഃ സര്വേ സദാ ഗ്രഹാഃ ।
വിലീയന്തേ ച പാപാനി സ്തവേ ഹ്യസ്മിന് പ്രകീര്തിതേ ॥
യേന ധ്യാതഃ ശ്രുതോ യേന യേനായം പഠ്യതേ സ്തവഃ ।
ദത്താനി സര്വദാനാനി സുരാഃ സര്വേ സമര്ചിതാഃ ॥
ഇഹ ലോകേ പരേ വാപി ന ഭയം വിദ്യതേ ക്വചിത് ।
നാമ്നാം സഹസ്രം യോഽധീതേ ദ്വാദശ്യാം മമ സന്നിധൌ ॥
ശനൈര്ദഹന്തി പാപാനി കല്പകോടിശതാനി ച ।
അശ്വത്ഥസന്നിധൌ പാര്ഥ ധ്യാത്വാ മനസി കേശവമ് ॥
പഠേന്നാമസഹസ്രം തു ഗവാം കോടിഫലം ലഭേത് ।
ശിവാലയേ പഠേന്നിത്യം തുലസീവനസംസ്ഥിതഃ ॥
നരോ മുക്തിമവാപ്നോതി ചക്രപാണേര്വചോ യഥാ ।
ബ്രഹ്മഹത്യാദികം ഘോരം സര്വപാപം വിനശ്യതി ॥
വിലയം യാന്തി പാപാനി ചാന്യപാപസ്യ കാ കഥാ ।
സര്വപാപവിനിര്മുക്തോ വിഷ്ണുലോകം സ ഗച്ഛതി ॥
॥ ഹരിഃ ഓം തത്സത് ॥

More Vishnu Stotras

श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
श्रीशिवसहस्रनामस्तोत्रम्
Shiva Sahasranama Stotram
श्रीदुर्गासप्तशतीसहस्रनामस्तोत्रम्
Shri Durga Saptashati Sahasranama Stotram
View All Sahasranama Collection →

Also Chanted For

Devotion & Liberation

Explore More

Sahasranama CollectionWealthObstaclesHealthProtectionWisdomHome