Lord Vishnu

শ্রী বিষ্ণু সহস্রনাম স্তোত্রম্

(Vishnu Sahasranama Stotram in Bengali)

From Mahabharata (Anushasana Parva), attributed to Vyasa

Also known as Vishnu Sahasranamam · Vishnu Sahasranama · Sri Vishnu Sahasranamam

Language:Sanskrit
Translation:English

The Vishnu Sahasranama is one of the most sacred and widely recited hymns in Hinduism, comprising one thousand names of Lord Vishnu. As recorded in the Mahabharata, these names were imparted by Bhishma Pitamaha to Yudhishthira while he lay on a bed of arrows. It is a profound philosophical synthesis, asserting that the Supreme Being is omnipresent, omnipotent, and the ultimate essence of the universe. Devotees recite this stotra daily to cultivate inner peace, mental clarity, and spiritual liberation. It is believed that sincere chanting removes obstacles, purifies the mind, and grants the grace of the Supreme Lord.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 215

Table of Contents

শ্রীবিষ্ণুসহস্রনামস্তোত্রম্
ওঁ
শ্রীপরমাত্মনে নমঃ ।
নারাযণং নমস্কৃত্য নরং চৈব নরোত্তমম্ ।
দেবীং সরস্বতীং ব্যাসং ততো জযমুদীরযেত্ ॥
ওঁ অথ সকলসৌভাগ্যদাযকং শ্রীবিষ্ণুসহস্রনামস্তোত্রম্ ।
হরিঃ ওঁ ॥
শুক্লাম্বরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যাযেত্ সর্ববিঘ্নোপশান্তযে ॥ ১॥
যস্য দ্বিরদবক্ত্রাদ্যাঃ পারিষদ্যাঃ পরঃ শতম্ ।
বিঘ্নং নিঘ্নন্তি সততং বিষ্বক্সেনং তমাশ্রযে ॥ ২॥
ব্যাসং বসিষ্ঠনপ্তারং শক্তেঃ পৌত্রমকল্মষম্ ।
পরাশরাত্মজং বন্দে শুকতাতং তপোনিধিম্ ॥ ৩॥
ব্যাসায বিষ্ণুরূপায ব্যাসরূপায বিষ্ণবে ।
নমো বৈ ব্রহ্মনিধযে বাসিষ্ঠায নমো নমঃ ॥ ৪॥
অবিকারায শুদ্ধায নিত্যায পরমাত্মনে ।
সদৈকরূপরূপায বিষ্ণবে সর্বজিষ্ণবে ॥ ৫॥
যস্য স্মরণমাত্রেণ জন্মসংসারবন্ধনাত্ ।
বিমুচ্যতে নমস্তস্মৈ বিষ্ণবে প্রভবিষ্ণবে ॥ ৬॥
(নমঃ সমস্তভূতানামাদিভূতায ভূভৃতে ।
অনেকরূপরূপায বিষ্ণবে প্রভবিষ্ণবে ॥)
ওঁ নমো বিষ্ণবে প্রভবিষ্ণবে ॥
শ্রীবৈশম্পাযন উবাচ---
শ্রুত্বা ধর্মানশেষেণ পাবনানি চ সর্বশঃ ।
যুধিষ্ঠিরঃ শান্তনবং পুনরেবাভ্যভাষত ॥ ৭॥
যুধিষ্ঠির উবাচ---
কিমেকং দৈবতং লোকে কিং বাপ্যেকং পরাযণম্ ।
স্তুবন্তঃ কং কমর্চন্তঃ প্রাপ্নুযুর্মানবাঃ শুভম্ ॥ ৮॥
কো ধর্মঃ সর্বধর্মাণাং ভবতঃ পরমো মতঃ ।
কিং জপন্মুচ্যতে জন্তুর্জন্মসংসারবন্ধনাত্ ॥ ৯॥
ভীষ্ম উবাচ---
জগত্প্রভুং দেবদেবমনন্তং পুরুষোত্তমম্ ।
স্তুবন্ নামসহস্রেণ পুরুষঃ সততোত্থিতঃ ॥ ১০॥
তমেব চার্চযন্নিত্যং ভক্ত্যা পুরুষমব্যযম্ ।
ধ্যাযন্ স্তুবন্ নমস্যংশ্চ যজমানস্তমেব চ ॥ ১১॥
অনাদিনিধনং বিষ্ণুং সর্বলোকমহেশ্বরম্ ।
লোকাধ্যক্ষং স্তুবন্নিত্যং সর্বদুঃখাতিগো ভবেত্ ॥ ১২॥
ব্রহ্মণ্যং সর্বধর্মজ্ঞং লোকানাং কীর্তিবর্ধনম্ ।
লোকনাথং মহদ্ভূতং সর্বভূতভবোদ্ভবম্ ॥ ১৩॥
এষ মে সর্বধর্মাণাং ধর্মোঽধিকতমো মতঃ ।
যদ্ভক্ত্যা পুণ্ডরীকাক্ষং স্তবৈরর্চেন্নরঃ সদা ॥ ১৪॥
পরমং যো মহত্তেজঃ পরমং যো মহত্তপঃ ।
পরমং যো মহদ্ব্রহ্ম পরমং যঃ পরাযণম্ ॥ ১৫॥
পবিত্রাণাং পবিত্রং যো মঙ্গলানাং চ মঙ্গলম্ ।
দৈবতং দৈবতানাং চ ভূতানাং যোঽব্যযঃ পিতা ॥ ১৬॥
যতঃ সর্বাণি ভূতানি ভবন্ত্যাদিযুগাগমে ।
যস্মিংশ্চ প্রলযং যান্তি পুনরেব যুগক্ষযে ॥ ১৭॥
তস্য লোকপ্রধানস্য জগন্নাথস্য ভূপতে ।
বিষ্ণোর্নামসহস্রং মে শৃণু পাপভযাপহম্ ॥ ১৮॥
যানি নামানি গৌণানি বিখ্যাতানি মহাত্মনঃ ।
ঋষিভিঃ পরিগীতানি তানি বক্ষ্যামি ভূতযে ॥ ১৯॥
ঋষির্নাম্নাং সহস্রস্য বেদব্যাসো মহামুনিঃ ।
ছন্দোঽনুষ্টুপ্ তথা দেবো ভগবান্ দেবকীসুতঃ ॥ ২০॥
অমৃতাংশূদ্ভবো বীজং শক্তির্দেবকীনন্দনঃ ।
ত্রিসামা হৃদযং তস্য শান্ত্যর্থে বিনিযোজ্যতে ॥ ২১॥
বিষ্ণুং জিষ্ণুং মহাবিষ্ণুং প্রভবিষ্ণুং মহেশ্বরম্ ।
অনেকরূপদৈত্যান্তং নমামি পুরুষোত্তমম্ ॥ ২২॥
পূর্বন্যাসঃ
শ্রীবেদব্যাস উবাচ---
ওঁ অস্য শ্রীবিষ্ণোর্দিব্যসহস্রনামস্তোত্রমহামন্ত্রস্য ।
শ্রীবেদব্যাসো ভগবান্ ঋষিঃ ।
অনুষ্টুপ্ ছন্দঃ ।
শ্রীমহাবিষ্ণুঃ পরমাত্মা শ্রীমন্নারাযণো দেবতা ।
অমৃতাংশূদ্ভবো ভানুরিতি বীজম্ ।
দেবকীনন্দনঃ স্রষ্টেতি শক্তিঃ ।
উদ্ভবঃ ক্ষোভণো দেব ইতি পরমো মন্ত্রঃ ।
শঙ্খভৃন্নন্দকী চক্রীতি কীলকম্ ।
শার্ঙ্গধন্বা গদাধর ইত্যস্ত্রম্ ।
রথাঙ্গপাণিরক্ষোভ্য ইতি নেত্রম্ ।
ত্রিসামা সামগঃ সামেতি কবচম্ ।
আনন্দং পরব্রহ্মেতি যোনিঃ ।
ঋতুঃ সুদর্শনঃ কাল ইতি দিগ্বন্ধঃ ।
শ্রীবিশ্বরূপ ইতি ধ্যানম্ ।
শ্রীমহাবিষ্ণুপ্রীত্যর্থে সহস্রনামস্তোত্রপাঠে বিনিযোগঃ ॥
অথ ন্যাসঃ ।
ওঁ শিরসি বেদব্যাসর্ষযে নমঃ ।
মুখে অনুষ্টুপ্ছন্দসে নমঃ ।
হৃদি শ্রীকৃষ্ণপরমাত্মদেবতাযৈ নমঃ ।
গুহ্যে অমৃতাংশূদ্ভবো ভানুরিতি বীজায নমঃ ।
পাদযোর্দেবকীনন্দনঃ স্রষ্টেতি শক্তযে নমঃ ।
সর্বাঙ্গে শঙ্খভৃন্নন্দকী চক্রীতি কীলকায নমঃ ।
করসম্পূটে মম শ্রীকৃষ্ণপ্রীত্যর্থে জপে বিনিযোগঃ ॥
ইতি ঋষ্যাদিন্যাসঃ ॥
অথ করন্যাসঃ ।
ওঁ বিশ্বং বিষ্ণুর্বষট্কার ইত্যঙ্গুষ্ঠাভ্যাং নমঃ ।
অমৃতাংশূদ্ভবো ভানুরিতি তর্জনীভ্যাং নমঃ ।
ব্রহ্মণ্যো ব্রহ্মকৃদ্ব্রহ্মেতি মধ্যমাভ্যাং নমঃ ।
সুবর্ণবিন্দুরক্ষোভ্য ইত্যনামিকাভ্যাং নমঃ ।
নিমিষোঽনিমিষঃ স্রগ্বীতি কনিষ্ঠিকাভ্যাং নমঃ ।
রথাঙ্গপাণিরক্ষোভ্য ইতি করতলকরপৃষ্ঠাভ্যাং নমঃ ।
ইতি করন্যাসঃ ॥
অথ ষডঙ্গন্যাসঃ ।
ওঁ বিশ্বং বিষ্ণুর্বষট্কার ইতি হৃদযায নমঃ ।
অমৃতাংশূদ্ভবো ভানুরিতি শিরসে স্বাহা ।
ব্রহ্মণ্যো ব্রহ্মকৃদ্ব্রহ্মেতি শিখাযৈ বষট্ ।
সুবর্ণবিন্দুরক্ষোভ্য ইতি কবচায হুম্ ।
নিমিষোঽনিমিষঃ স্রগ্বীতি নেত্রত্রযায বৌষট্ ।
রথাঙ্গপাণিরক্ষোভ্য ইত্যস্ত্রায ফট্ ।

(সুব্রতঃ সুমুখঃ সূক্ষ্মেতি জ্ঞানায হৃদযায নমঃ ।
সহস্রমূর্ধা বিশ্বাত্মেতি ঐশ্বরায শিরসে স্বাহা ।
সহস্রার্চিঃ সপ্তজিহ্বেতি শক্ত্যৈ শিখাযৈ বষট্ ।
ত্রিসামা সামগঃ সামেতি বলায কবচায হুম্ ।
রথাঙ্গপাণিরক্ষোভ্য ইতি তেজসে নেত্রত্রযায বৌষট্ ।
শার্ঙ্গধন্বা গদাধর ইতি বীর্যায অস্ত্রায ফট্ ।
ঋতুঃ সুদর্শনঃ কাল ইতি ভূর্ভুবঃসুবরোমিতি দিগ্বন্ধঃ ॥)
ইতি ষডঙ্গন্যাসঃ ॥
শ্রীকৃষ্ণপ্রীত্যর্থে বিষ্ণোর্দিব্যসহস্রনামজপমহং
করিষ্যে ইতি সঙ্কল্পঃ ।

অথ ধ্যানম্ ।
ক্ষীরোদন্বত্প্রদেশে শুচিমণিবিলসত্সৈকতে মৌক্তিকানাং
মালাকৢপ্তাসনস্থঃ স্ফটিকমণিনিভৈর্মৌক্তিকৈর্মণ্ডিতাঙ্গঃ ।
শুভ্রৈরভ্রৈরদভ্রৈরুপরিবিরচিতৈর্মুক্তপীযূষবর্ষৈ-
রানন্দী নঃ পুনীযাদরিনলিনগদাশঙ্খপাণির্মুকুন্দঃ ॥ ১॥
ভূঃ পাদৌ যস্য নাভির্বিযদসুরনিলশ্চন্দ্রসূর্যৌ চ নেত্রে
কর্ণাবাশাঃ শিরো দ্যৌর্মুখমপি দহনো যস্য বাস্তেযমব্ধিঃ ।
অন্তঃস্থং যস্য বিশ্বং সুরনরখগগোভোগিগন্ধর্বদৈত্যৈঃ
চিত্রং রংরম্যতে তং ত্রিভুবনবপুষং বিষ্ণুমীশং নমামি ॥ ২॥
ওঁ নমো ভগবতে বাসুদেবায ॥
ওঁ শান্তাকারং ভুজগশযনং পদ্মনাভং সুরেশং
বিশ্বাধারং গগনসদৃশং মেঘবর্ণং শুভাঙ্গম্ ।
লক্ষ্মীকান্তং কমলনযনং যোগিভির্ধ্যানগম্যং (যোগিহৃদ্ধ্যানগম্যং)
বন্দে বিষ্ণুং ভবভযহরং সর্বলোকৈকনাথম্ ॥ ৩॥
মেঘশ্যামং পীতকৌশেযবাসং
শ্রীবত্সাঙ্কং কৌস্তুভোদ্ভাসিতাঙ্গম্ ।
পুণ্যোপেতং পুণ্ডরীকাযতাক্ষং
বিষ্ণুং বন্দে সর্বলোকৈকনাথম্ ॥ ৪॥
নমঃ সমস্তভূতানামাদিভূতায ভূভৃতে ।
অনেকরূপরূপায বিষ্ণবে প্রভবিষ্ণবে ॥ ৫॥
সশঙ্খচক্রং সকিরীটকুণ্ডলং
সপীতবস্ত্রং সরসীরুহেক্ষণম্ ।
সহারবক্ষঃস্থলকৌস্তুভশ্রিযং (স্থলশোভিকৌস্তুভং)
নমামি বিষ্ণুং শিরসা চতুর্ভুজম্ ॥ ৬॥
ছাযাযাং পারিজাতস্য হেমসিংহাসনোপরি
আসীনমম্বুদশ্যামমাযতাক্ষমলংকৃতম্ ।
চন্দ্রাননং চতুর্বাহুং শ্রীবত্সাঙ্কিতবক্ষসং
রুক্মিণীসত্যভামাভ্যাং সহিতং কৃষ্ণমাশ্রযে ॥ ৭॥
স্তোত্রম্
হরিঃ ওঁ ।
ওঁ বিশ্বং বিষ্ণুর্বষট্কারো ভূতভব্যভবত্প্রভুঃ ।
ভূতকৃদ্ভূতভৃদ্ভাবো ভূতাত্মা ভূতভাবনঃ ॥ ১॥
পূতাত্মা পরমাত্মা চ মুক্তানাং পরমা গতিঃ ।
অব্যযঃ পুরুষঃ সাক্ষী ক্ষেত্রজ্ঞোঽক্ষর এব চ ॥ ২॥
যোগো যোগবিদাং নেতা প্রধানপুরুষেশ্বরঃ ।
নারসিংহবপুঃ শ্রীমান্ কেশবঃ পুরুষোত্তমঃ ॥ ৩॥
সর্বঃ শর্বঃ শিবঃ স্থাণুর্ভূতাদির্নিধিরব্যযঃ ।
সম্ভবো ভাবনো ভর্তা প্রভবঃ প্রভুরীশ্বরঃ ॥ ৪॥
স্বযম্ভূঃ শম্ভুরাদিত্যঃ পুষ্করাক্ষো মহাস্বনঃ ।
অনাদিনিধনো ধাতা বিধাতা ধাতুরুত্তমঃ ॥ ৫॥
অপ্রমেযো হৃষীকেশঃ পদ্মনাভোঽমরপ্রভুঃ ।
বিশ্বকর্মা মনুস্ত্বষ্টা স্থবিষ্ঠঃ স্থবিরো ধ্রুবঃ ॥ ৬॥
অগ্রাহ্যঃ শাশ্বতঃ কৃষ্ণো লোহিতাক্ষঃ প্রতর্দনঃ ।
প্রভূতস্ত্রিককুব্ধাম পবিত্রং মঙ্গলং পরম্ ॥ ৭॥
ঈশানঃ প্রাণদঃ প্রাণো জ্যেষ্ঠঃ শ্রেষ্ঠঃ প্রজাপতিঃ ।
হিরণ্যগর্ভো ভূগর্ভো মাধবো মধুসূদনঃ ॥ ৮॥
ঈশ্বরো বিক্রমী ধন্বী মেধাবী বিক্রমঃ ক্রমঃ ।
অনুত্তমো দুরাধর্ষঃ কৃতজ্ঞঃ কৃতিরাত্মবান্ ॥ ৯॥
সুরেশঃ শরণং শর্ম বিশ্বরেতাঃ প্রজাভবঃ ।
অহঃ সংবত্সরো ব্যালঃ প্রত্যযঃ সর্বদর্শনঃ ॥ ১০॥
অজঃ সর্বেশ্বরঃ সিদ্ধঃ সিদ্ধিঃ সর্বাদিরচ্যুতঃ ।
বৃষাকপিরমেযাত্মা সর্বযোগবিনিঃসৃতঃ ॥ ১১॥
বসুর্বসুমনাঃ সত্যঃ সমাত্মাঽসম্মিতঃ সমঃ ।
অমোঘঃ পুণ্ডরীকাক্ষো বৃষকর্মা বৃষাকৃতিঃ ॥ ১২॥
রুদ্রো বহুশিরা বভ্রুর্বিশ্বযোনিঃ শুচিশ্রবাঃ ।
অমৃতঃ শাশ্বতস্থাণুর্বরারোহো মহাতপাঃ ॥ ১৩॥
সর্বগঃ সর্ববিদ্ভানুর্বিষ্বক্সেনো জনার্দনঃ ।
বেদো বেদবিদব্যঙ্গো বেদাঙ্গো বেদবিত্ কবিঃ ॥ ১৪॥
লোকাধ্যক্ষঃ সুরাধ্যক্ষো ধর্মাধ্যক্ষঃ কৃতাকৃতঃ ।
চতুরাত্মা চতুর্ব্যূহশ্চতুর্দংষ্ট্রশ্চতুর্ভুজঃ ॥ ১৫॥
ভ্রাজিষ্ণুর্ভোজনং ভোক্তা সহিষ্ণুর্জগদাদিজঃ ।
অনঘো বিজযো জেতা বিশ্বযোনিঃ পুনর্বসুঃ ॥ ১৬॥
উপেন্দ্রো বামনঃ প্রাংশুরমোঘঃ শুচিরূর্জিতঃ ।
অতীন্দ্রঃ সঙ্গ্রহঃ সর্গো ধৃতাত্মা নিযমো যমঃ ॥ ১৭॥
বেদ্যো বৈদ্যঃ সদাযোগী বীরহা মাধবো মধুঃ ।
অতীন্দ্রিযো মহামাযো মহোত্সাহো মহাবলঃ ॥ ১৮॥
মহাবুদ্ধির্মহাবীর্যো মহাশক্তির্মহাদ্যুতিঃ ।
অনির্দেশ্যবপুঃ শ্রীমানমেযাত্মা মহাদ্রিধৃক্ ॥ ১৯॥
মহেষ্বাসো মহীভর্তা শ্রীনিবাসঃ সতাং গতিঃ ।
অনিরুদ্ধঃ সুরানন্দো গোবিন্দো গোবিদাং পতিঃ ॥ ২০॥
মরীচির্দমনো হংসঃ সুপর্ণো ভুজগোত্তমঃ ।
হিরণ্যনাভঃ সুতপাঃ পদ্মনাভঃ প্রজাপতিঃ ॥ ২১॥
অমৃত্যুঃ সর্বদৃক্ সিংহঃ সন্ধাতা সন্ধিমান্ স্থিরঃ ।
অজো দুর্মর্ষণঃ শাস্তা বিশ্রুতাত্মা সুরারিহা ॥ ২২॥
গুরুর্গুরুতমো ধাম সত্যঃ সত্যপরাক্রমঃ ।
নিমিষোঽনিমিষঃ স্রগ্বী বাচস্পতিরুদারধীঃ ॥ ২৩॥
অগ্রণীর্গ্রামণীঃ শ্রীমান্ ন্যাযো নেতা সমীরণঃ ।
সহস্রমূর্ধা বিশ্বাত্মা সহস্রাক্ষঃ সহস্রপাত্ ॥ ২৪॥
আবর্তনো নিবৃত্তাত্মা সংবৃতঃ সম্প্রমর্দনঃ ।
অহঃ সংবর্তকো বহ্নিরনিলো ধরণীধরঃ ॥ ২৫॥
সুপ্রসাদঃ প্রসন্নাত্মা বিশ্বধৃগ্বিশ্বভুগ্বিভুঃ ।
সত্কর্তা সত্কৃতঃ সাধুর্জহ্নুর্নারাযণো নরঃ ॥ ২৬॥
অসঙ্খ্যেযোঽপ্রমেযাত্মা বিশিষ্টঃ শিষ্টকৃচ্ছুচিঃ ।
সিদ্ধার্থঃ সিদ্ধসঙ্কল্পঃ সিদ্ধিদঃ সিদ্ধিসাধনঃ ॥ ২৭॥
বৃষাহী বৃষভো বিষ্ণুর্বৃষপর্বা বৃষোদরঃ ।
বর্ধনো বর্ধমানশ্চ বিবিক্তঃ শ্রুতিসাগরঃ ॥ ২৮॥
সুভুজো দুর্ধরো বাগ্মী মহেন্দ্রো বসুদো বসুঃ ।
নৈকরূপো বৃহদ্রূপঃ শিপিবিষ্টঃ প্রকাশনঃ ॥ ২৯॥
ওজস্তেজোদ্যুতিধরঃ প্রকাশাত্মা প্রতাপনঃ ।
ঋদ্ধঃ স্পষ্টাক্ষরো মন্ত্রশ্চন্দ্রাংশুর্ভাস্করদ্যুতিঃ ॥ ৩০॥
অমৃতাংশূদ্ভবো ভানুঃ শশবিন্দুঃ সুরেশ্বরঃ ।
ঔষধং জগতঃ সেতুঃ সত্যধর্মপরাক্রমঃ ॥ ৩১॥
ভূতভব্যভবন্নাথঃ পবনঃ পাবনোঽনলঃ ।
কামহা কামকৃত্কান্তঃ কামঃ কামপ্রদঃ প্রভুঃ ॥ ৩২॥
যুগাদিকৃদ্যুগাবর্তো নৈকমাযো মহাশনঃ ।
অদৃশ্যো ব্যক্তরূপশ্চ সহস্রজিদনন্তজিত্ ॥ ৩৩॥
ইষ্টোঽবিশিষ্টঃ শিষ্টেষ্টঃ শিখণ্ডী নহুষো বৃষঃ ।
ক্রোধহা ক্রোধকৃত্কর্তা বিশ্ববাহুর্মহীধরঃ ॥ ৩৪॥
অচ্যুতঃ প্রথিতঃ প্রাণঃ প্রাণদো বাসবানুজঃ ।
অপাংনিধিরধিষ্ঠানমপ্রমত্তঃ প্রতিষ্ঠিতঃ ॥ ৩৫॥
স্কন্দঃ স্কন্দধরো ধুর্যো বরদো বাযুবাহনঃ ।
বাসুদেবো বৃহদ্ভানুরাদিদেবঃ পুরন্দরঃ ॥ ৩৬॥
অশোকস্তারণস্তারঃ শূরঃ শৌরির্জনেশ্বরঃ ।
অনুকূলঃ শতাবর্তঃ পদ্মী পদ্মনিভেক্ষণঃ ॥ ৩৭॥
পদ্মনাভোঽরবিন্দাক্ষঃ পদ্মগর্ভঃ শরীরভৃত্ ।
মহর্দ্ধিরৃদ্ধো বৃদ্ধাত্মা মহাক্ষো গরুডধ্বজঃ ॥ ৩৮॥
অতুলঃ শরভো ভীমঃ সমযজ্ঞো হবির্হরিঃ ।
সর্বলক্ষণলক্ষণ্যো লক্ষ্মীবান্ সমিতিঞ্জযঃ ॥ ৩৯॥
বিক্ষরো রোহিতো মার্গো হেতুর্দামোদরঃ সহঃ ।
মহীধরো মহাভাগো বেগবানমিতাশনঃ ॥ ৪০॥
উদ্ভবঃ ক্ষোভণো দেবঃ শ্রীগর্ভঃ পরমেশ্বরঃ ।
করণং কারণং কর্তা বিকর্তা গহনো গুহঃ ॥ ৪১॥
ব্যবসাযো ব্যবস্থানঃ সংস্থানঃ স্থানদো ধ্রুবঃ ।
পরর্দ্ধিঃ পরমস্পষ্টস্তুষ্টঃ পুষ্টঃ শুভেক্ষণঃ ॥ ৪২॥
রামো বিরামো বিরজো মার্গো নেযো নযোঽনযঃ । (বিরামো বিরতো)
বীরঃ শক্তিমতাং শ্রেষ্ঠো ধর্মো ধর্মবিদুত্তমঃ ॥ ৪৩॥
বৈকুণ্ঠঃ পুরুষঃ প্রাণঃ প্রাণদঃ প্রণবঃ পৃথুঃ ।
হিরণ্যগর্ভঃ শত্রুঘ্নো ব্যাপ্তো বাযুরধোক্ষজঃ ॥ ৪৪॥
ঋতুঃ সুদর্শনঃ কালঃ পরমেষ্ঠী পরিগ্রহঃ ।
উগ্রঃ সংবত্সরো দক্ষো বিশ্রামো বিশ্বদক্ষিণঃ ॥ ৪৫॥
বিস্তারঃ স্থাবরস্থাণুঃ প্রমাণং বীজমব্যযম্ ।
অর্থোঽনর্থো মহাকোশো মহাভোগো মহাধনঃ ॥ ৪৬॥
অনির্বিণ্ণঃ স্থবিষ্ঠোঽভূর্ধর্মযূপো মহামখঃ ।
নক্ষত্রনেমির্নক্ষত্রী ক্ষমঃ ক্ষামঃ সমীহনঃ ॥ ৪৭॥
যজ্ঞ ইজ্যো মহেজ্যশ্চ ক্রতুঃ সত্রং সতাং গতিঃ ।
সর্বদর্শী বিমুক্তাত্মা সর্বজ্ঞো জ্ঞানমুত্তমম্ ॥ ৪৮॥
সুব্রতঃ সুমুখঃ সূক্ষ্মঃ সুঘোষঃ সুখদঃ সুহৃত্ ।
মনোহরো জিতক্রোধো বীরবাহুর্বিদারণঃ ॥ ৪৯॥
স্বাপনঃ স্ববশো ব্যাপী নৈকাত্মা নৈককর্মকৃত্ ।
বত্সরো বত্সলো বত্সী রত্নগর্ভো ধনেশ্বরঃ ॥ ৫০॥
ধর্মগুব্ধর্মকৃদ্ধর্মী সদসত্ক্ষরমক্ষরম্ ।
অবিজ্ঞাতা সহস্রাংশুর্বিধাতা কৃতলক্ষণঃ ॥ ৫১॥
গভস্তিনেমিঃ সত্ত্বস্থঃ সিংহো ভূতমহেশ্বরঃ ।
আদিদেবো মহাদেবো দেবেশো দেবভৃদ্গুরুঃ ॥ ৫২॥
উত্তরো গোপতির্গোপ্তা জ্ঞানগম্যঃ পুরাতনঃ ।
শরীরভূতভৃদ্ভোক্তা কপীন্দ্রো ভূরিদক্ষিণঃ ॥ ৫৩॥
সোমপোঽমৃতপঃ সোমঃ পুরুজিত্পুরুসত্তমঃ ।
বিনযো জযঃ সত্যসন্ধো দাশার্হঃ সাত্বতাম্পতিঃ ॥ ৫৪॥ বিনিযোজ্যঃ
জীবো বিনযিতা সাক্ষী মুকুন্দোঽমিতবিক্রমঃ ।
অম্ভোনিধিরনন্তাত্মা মহোদধিশযোঽন্তকঃ ॥ ৫৫॥
অজো মহার্হঃ স্বাভাব্যো জিতামিত্রঃ প্রমোদনঃ ।
আনন্দো নন্দনো নন্দঃ সত্যধর্মা ত্রিবিক্রমঃ ॥ ৫৬॥
মহর্ষিঃ কপিলাচার্যঃ কৃতজ্ঞো মেদিনীপতিঃ ।
ত্রিপদস্ত্রিদশাধ্যক্ষো মহাশৃঙ্গঃ কৃতান্তকৃত্ ॥ ৫৭॥
মহাবরাহো গোবিন্দঃ সুষেণঃ কনকাঙ্গদী ।
গুহ্যো গভীরো গহনো গুপ্তশ্চক্রগদাধরঃ ॥ ৫৮॥
বেধাঃ স্বাঙ্গোঽজিতঃ কৃষ্ণো দৃঢঃ সঙ্কর্ষণোঽচ্যুতঃ ।
বরুণো বারুণো বৃক্ষঃ পুষ্করাক্ষো মহামনাঃ ॥ ৫৯॥
ভগবান্ ভগহাঽঽনন্দী বনমালী হলাযুধঃ ।
আদিত্যো জ্যোতিরাদিত্যঃ সহিষ্ণুর্গতিসত্তমঃ ॥ ৬০॥
সুধন্বা খণ্ডপরশুর্দারুণো দ্রবিণপ্রদঃ ।
দিবস্পৃক্ সর্বদৃগ্ব্যাসো বাচস্পতিরযোনিজঃ ॥ ৬১॥ (দিবিস্পৃক্)
ত্রিসামা সামগঃ সাম নির্বাণং ভেষজং ভিষক্ ।
সংন্যাসকৃচ্ছমঃ শান্তো নিষ্ঠা শান্তিঃ পরাযণম্ ॥ ৬২॥
শুভাঙ্গঃ শান্তিদঃ স্রষ্টা কুমুদঃ কুবলেশযঃ ।
গোহিতো গোপতির্গোপ্তা বৃষভাক্ষো বৃষপ্রিযঃ ॥ ৬৩॥
অনিবর্তী নিবৃত্তাত্মা সঙ্ক্ষেপ্তা ক্ষেমকৃচ্ছিবঃ ।
শ্রীবত্সবক্ষাঃ শ্রীবাসঃ শ্রীপতিঃ শ্রীমতাংবরঃ ॥ ৬৪॥
শ্রীদঃ শ্রীশঃ শ্রীনিবাসঃ শ্রীনিধিঃ শ্রীবিভাবনঃ ।
শ্রীধরঃ শ্রীকরঃ শ্রেযঃ শ্রীমাঁল্লোকত্রযাশ্রযঃ ॥ ৬৫॥
স্বক্ষঃ স্বঙ্গঃ শতানন্দো নন্দির্জ্যোতির্গণেশ্বরঃ ।
বিজিতাত্মাঽবিধেযাত্মা সত্কীর্তিশ্ছিন্নসংশযঃ ॥ ৬৬॥
উদীর্ণঃ সর্বতশ্চক্ষুরনীশঃ শাশ্বতস্থিরঃ ।
ভূশযো ভূষণো ভূতির্বিশোকঃ শোকনাশনঃ ॥ ৬৭॥
অর্চিষ্মানর্চিতঃ কুম্ভো বিশুদ্ধাত্মা বিশোধনঃ ।
অনিরুদ্ধোঽপ্রতিরথঃ প্রদ্যুম্নোঽমিতবিক্রমঃ ॥ ৬৮॥
কালনেমিনিহা বীরঃ শৌরিঃ শূরজনেশ্বরঃ ।
ত্রিলোকাত্মা ত্রিলোকেশঃ কেশবঃ কেশিহা হরিঃ ॥ ৬৯॥
কামদেবঃ কামপালঃ কামী কান্তঃ কৃতাগমঃ ।
অনির্দেশ্যবপুর্বিষ্ণুর্বীরোঽনন্তো ধনঞ্জযঃ ॥ ৭০॥
ব্রহ্মণ্যো ব্রহ্মকৃদ্ ব্রহ্মা ব্রহ্ম ব্রহ্মবিবর্ধনঃ ।
ব্রহ্মবিদ্ ব্রাহ্মণো ব্রহ্মী ব্রহ্মজ্ঞো ব্রাহ্মণপ্রিযঃ ॥ ৭১॥
মহাক্রমো মহাকর্মা মহাতেজা মহোরগঃ ।
মহাক্রতুর্মহাযজ্বা মহাযজ্ঞো মহাহবিঃ ॥ ৭২॥
স্তব্যঃ স্তবপ্রিযঃ স্তোত্রং স্তুতিঃ স্তোতা রণপ্রিযঃ ।
পূর্ণঃ পূরযিতা পুণ্যঃ পুণ্যকীর্তিরনামযঃ ॥ ৭৩॥
মনোজবস্তীর্থকরো বসুরেতা বসুপ্রদঃ ।
বসুপ্রদো বাসুদেবো বসুর্বসুমনা হবিঃ ॥ ৭৪॥
সদ্গতিঃ সত্কৃতিঃ সত্তা সদ্ভূতিঃ সত্পরাযণঃ ।
শূরসেনো যদুশ্রেষ্ঠঃ সন্নিবাসঃ সুযামুনঃ ॥ ৭৫॥
ভূতাবাসো বাসুদেবঃ সর্বাসুনিলযোঽনলঃ ।
দর্পহা দর্পদো দৃপ্তো দুর্ধরোঽথাপরাজিতঃ ॥ ৭৬॥
বিশ্বমূর্তির্মহামূর্তির্দীপ্তমূর্তিরমূর্তিমান্ ।
অনেকমূর্তিরব্যক্তঃ শতমূর্তিঃ শতাননঃ ॥ ৭৭॥
একো নৈকঃ সবঃ কঃ কিং যত্ তত্পদমনুত্তমম্ ।
লোকবন্ধুর্লোকনাথো মাধবো ভক্তবত্সলঃ ॥ ৭৮॥
সুবর্ণবর্ণো হেমাঙ্গো বরাঙ্গশ্চন্দনাঙ্গদী ।
বীরহা বিষমঃ শূন্যো ঘৃতাশীরচলশ্চলঃ ॥ ৭৯॥
অমানী মানদো মান্যো লোকস্বামী ত্রিলোকধৃক্ ।
সুমেধা মেধজো ধন্যঃ সত্যমেধা ধরাধরঃ ॥ ৮০॥
তেজোবৃষো দ্যুতিধরঃ সর্বশস্ত্রভৃতাং বরঃ ।
প্রগ্রহো নিগ্রহো ব্যগ্রো নৈকশৃঙ্গো গদাগ্রজঃ ॥ ৮১॥
চতুর্মূর্তিশ্চতুর্বাহুশ্চতুর্ব্যূহশ্চতুর্গতিঃ ।
চতুরাত্মা চতুর্ভাবশ্চতুর্বেদবিদেকপাত্ ॥ ৮২॥
সমাবর্তোঽনিবৃত্তাত্মা দুর্জযো দুরতিক্রমঃ ।
দুর্লভো দুর্গমো দুর্গো দুরাবাসো দুরারিহা ॥ ৮৩॥
শুভাঙ্গো লোকসারঙ্গঃ সুতন্তুস্তন্তুবর্ধনঃ ।
ইন্দ্রকর্মা মহাকর্মা কৃতকর্মা কৃতাগমঃ ॥ ৮৪॥
উদ্ভবঃ সুন্দরঃ সুন্দো রত্ননাভঃ সুলোচনঃ ।
অর্কো বাজসনঃ শৃঙ্গী জযন্তঃ সর্ববিজ্জযী ॥ ৮৫॥
সুবর্ণবিন্দুরক্ষোভ্যঃ সর্ববাগীশ্বরেশ্বরঃ ।
মহাহ্রদো মহাগর্তো মহাভূতো মহানিধিঃ ॥ ৮৬॥
কুমুদঃ কুন্দরঃ কুন্দঃ পর্জন্যঃ পাবনোঽনিলঃ ।
অমৃতাশোঽমৃতবপুঃ সর্বজ্ঞঃ সর্বতোমুখঃ ॥ ৮৭॥
সুলভঃ সুব্রতঃ সিদ্ধঃ শত্রুজিচ্ছত্রুতাপনঃ ।
ন্যগ্রোধোঽদুম্বরোঽশ্বত্থশ্চাণূরান্ধ্রনিষূদনঃ ॥ ৮৮॥
সহস্রার্চিঃ সপ্তজিহ্বঃ সপ্তৈধাঃ সপ্তবাহনঃ ।
অমূর্তিরনঘোঽচিন্ত্যো ভযকৃদ্ভযনাশনঃ ॥ ৮৯॥
অণুর্বৃহত্কৃশঃ স্থূলো গুণভৃন্নির্গুণো মহান্ ।
অধৃতঃ স্বধৃতঃ স্বাস্যঃ প্রাগ্বংশো বংশবর্ধনঃ ॥ ৯০॥
ভারভৃত্ কথিতো যোগী যোগীশঃ সর্বকামদঃ ।
আশ্রমঃ শ্রমণঃ ক্ষামঃ সুপর্ণো বাযুবাহনঃ ॥ ৯১॥
ধনুর্ধরো ধনুর্বেদো দণ্ডো দমযিতা দমঃ ।
অপরাজিতঃ সর্বসহো নিযন্তাঽনিযমোঽযমঃ ॥ ৯২॥
সত্ত্ববান্ সাত্ত্বিকঃ সত্যঃ সত্যধর্মপরাযণঃ ।
অভিপ্রাযঃ প্রিযার্হোঽর্হঃ প্রিযকৃত্ প্রীতিবর্ধনঃ ॥ ৯৩॥
বিহাযসগতির্জ্যোতিঃ সুরুচির্হুতভুগ্বিভুঃ ।
রবির্বিরোচনঃ সূর্যঃ সবিতা রবিলোচনঃ ॥ ৯৪॥
অনন্তো হুতভুগ্ভোক্তা সুখদো নৈকজোঽগ্রজঃ ।
অনির্বিণ্ণঃ সদামর্ষী লোকাধিষ্ঠানমদ্ভুতঃ ॥ ৯৫॥
সনাত্সনাতনতমঃ কপিলঃ কপিরব্যযঃ ।
স্বস্তিদঃ স্বস্তিকৃত্স্বস্তি স্বস্তিভুক্স্বস্তিদক্ষিণঃ ॥ ৯৬॥
অরৌদ্রঃ কুণ্ডলী চক্রী বিক্রম্যূর্জিতশাসনঃ ।
শব্দাতিগঃ শব্দসহঃ শিশিরঃ শর্বরীকরঃ ॥ ৯৭॥
অক্রূরঃ পেশলো দক্ষো দক্ষিণঃ ক্ষমিণাংবরঃ ।
বিদ্বত্তমো বীতভযঃ পুণ্যশ্রবণকীর্তনঃ ॥ ৯৮॥
উত্তারণো দুষ্কৃতিহা পুণ্যো দুঃস্বপ্ননাশনঃ ।
বীরহা রক্ষণঃ সন্তো জীবনঃ পর্যবস্থিতঃ ॥ ৯৯॥
অনন্তরূপোঽনন্তশ্রীর্জিতমন্যুর্ভযাপহঃ ।
চতুরশ্রো গভীরাত্মা বিদিশো ব্যাদিশো দিশঃ ॥ ১০০॥
অনাদির্ভূর্ভুবো লক্ষ্মীঃ সুবীরো রুচিরাঙ্গদঃ ।
জননো জনজন্মাদির্ভীমো ভীমপরাক্রমঃ ॥ ১০১॥
আধারনিলযোঽধাতা পুষ্পহাসঃ প্রজাগরঃ ।
ঊর্ধ্বগঃ সত্পথাচারঃ প্রাণদঃ প্রণবঃ পণঃ ॥ ১০২॥
প্রমাণং প্রাণনিলযঃ প্রাণভৃত্প্রাণজীবনঃ ।
তত্ত্বং তত্ত্ববিদেকাত্মা জন্মমৃত্যুজরাতিগঃ ॥ ১০৩॥
ভূর্ভুবঃস্বস্তরুস্তারঃ সবিতা প্রপিতামহঃ ।
যজ্ঞো যজ্ঞপতির্যজ্বা যজ্ঞাঙ্গো যজ্ঞবাহনঃ ॥ ১০৪॥
যজ্ঞভৃদ্ যজ্ঞকৃদ্ যজ্ঞী যজ্ঞভুগ্ যজ্ঞসাধনঃ ।
যজ্ঞান্তকৃদ্ যজ্ঞগুহ্যমন্নমন্নাদ এব চ ॥ ১০৫॥
আত্মযোনিঃ স্বযঞ্জাতো বৈখানঃ সামগাযনঃ ।
দেবকীনন্দনঃ স্রষ্টা ক্ষিতীশঃ পাপনাশনঃ ॥ ১০৬॥
শঙ্খভৃন্নন্দকী চক্রী শার্ঙ্গধন্বা গদাধরঃ ।
রথাঙ্গপাণিরক্ষোভ্যঃ সর্বপ্রহরণাযুধঃ ॥ ১০৭॥
সর্বপ্রহরণাযুধ ওঁ নম ইতি ।
বনমালী গদী শার্ঙ্গী শঙ্খী চক্রী চ নন্দকী ।
শ্রীমান্ নারাযণো বিষ্ণুর্বাসুদেবোঽভিরক্ষতু ॥ ১০৮॥
শ্রীবাসুদেবোঽভিরক্ষতু ওঁ নম ইতি ।
উত্তরন্যাসঃ, ফলশ্রুতিঃ
ভীষ্ম উবাচ---

ইতীদং কীর্তনীযস্য কেশবস্য মহাত্মনঃ ।
নাম্নাং সহস্রং দিব্যানামশেষেণ প্রকীর্তিতম্ ॥ ১॥
য ইদং শৃণুযান্নিত্যং যশ্চাপি পরিকীর্তযেত্ ।
নাশুভং প্রাপ্নুযাত্কিঞ্চিত্সোঽমুত্রেহ চ মানবঃ ॥ ২॥
বেদান্তগো ব্রাহ্মণঃ স্যাত্ক্ষত্রিযো বিজযী ভবেত্ ।
বৈশ্যো ধনসমৃদ্ধঃ স্যাচ্ছূদ্রঃ সুখমবাপ্নুযাত্ ॥ ৩॥
ধর্মার্থী প্রাপ্নুযাদ্ধর্মমর্থার্থী চার্থমাপ্নুযাত্ ।
কামানবাপ্নুযাত্কামী প্রজার্থী প্রাপ্নুযাত্প্রজাম্ ॥ ৪॥
ভক্তিমান্ যঃ সদোত্থায শুচিস্তদ্গতমানসঃ ।
সহস্রং বাসুদেবস্য নাম্নামেতত্প্রকীর্তযেত্ ॥ ৫॥
যশঃ প্রাপ্নোতি বিপুলং জ্ঞাতিপ্রাধান্যমেব চ ।
অচলাং শ্রিযমাপ্নোতি শ্রেযঃ প্রাপ্নোত্যনুত্তমম্ ॥ ৬॥
ন ভযং ক্বচিদাপ্নোতি বীর্যং তেজশ্চ বিন্দতি ।
ভবত্যরোগো দ্যুতিমান্বলরূপগুণান্বিতঃ ॥ ৭॥
রোগার্তো মুচ্যতে রোগাদ্বদ্ধো মুচ্যেত বন্ধনাত্ ।
ভযান্মুচ্যেত ভীতস্তু মুচ্যেতাপন্ন আপদঃ ॥ ৮॥
দুর্গাণ্যতিতরত্যাশু পুরুষঃ পুরুষোত্তমম্ ।
স্তুবন্নামসহস্রেণ নিত্যং ভক্তিসমন্বিতঃ ॥ ৯॥
বাসুদেবাশ্রযো মর্ত্যো বাসুদেবপরাযণঃ ।
সর্বপাপবিশুদ্ধাত্মা যাতি ব্রহ্ম সনাতনম্ ॥ ১০॥
ন বাসুদেবভক্তানামশুভং বিদ্যতে ক্বচিত্ ।
জন্মমৃত্যুজরাব্যাধিভযং নৈবোপজাযতে ॥ ১১॥
ইমং স্তবমধীযানঃ শ্রদ্ধাভক্তিসমন্বিতঃ ।
যুজ্যেতাত্মসুখক্ষান্তিশ্রীধৃতিস্মৃতিকীর্তিভিঃ ॥ ১২॥
ন ক্রোধো ন চ মাত্সর্যং ন লোভো নাশুভা মতিঃ ।
ভবন্তি কৃতপুণ্যানাং ভক্তানাং পুরুষোত্তমে ॥ ১৩॥
দ্যৌঃ সচন্দ্রার্কনক্ষত্রা খং দিশো ভূর্মহোদধিঃ ।
বাসুদেবস্য বীর্যেণ বিধৃতানি মহাত্মনঃ ॥ ১৪॥
সসুরাসুরগন্ধর্বং সযক্ষোরগরাক্ষসম্ ।
জগদ্বশে বর্ততেদং কৃষ্ণস্য সচরাচরম্ ॥ ১৫॥
ইন্দ্রিযাণি মনো বুদ্ধিঃ সত্ত্বং তেজো বলং ধৃতিঃ ।
বাসুদেবাত্মকান্যাহুঃ ক্ষেত্রং ক্ষেত্রজ্ঞ এব চ ॥ ১৬॥
সর্বাগমানামাচারঃ প্রথমং পরিকল্প্যতে । (পরিকল্পতে, পরিকল্পিতঃ)
আচারপ্রভবো ধর্মো ধর্মস্য প্রভুরচ্যুতঃ ॥ ১৭॥
ঋষযঃ পিতরো দেবা মহাভূতানি ধাতবঃ ।
জঙ্গমাজঙ্গমং চেদং জগন্নারাযণোদ্ভবম্ ॥ ১৮॥
যোগো জ্ঞানং তথা সাঙ্খ্যং বিদ্যাঃ শিল্পাদিকর্ম চ ।
বেদাঃ শাস্ত্রাণি বিজ্ঞানমেতত্সর্বং জনার্দনাত্ ॥ ১৯॥
একো বিষ্ণুর্মহদ্ভূতং পৃথগ্ভূতান্যনেকশঃ ।
ত্রীংল্লোকান্ব্যাপ্য ভূতাত্মা ভুঙ্ক্তে বিশ্বভুগব্যযঃ ॥ ২০॥
ইমং স্তবং ভগবতো বিষ্ণোর্ব্যাসেন কীর্তিতম্ ।
পঠেদ্য ইচ্ছেত্পুরুষঃ শ্রেযঃ প্রাপ্তুং সুখানি চ ॥ ২১॥
বিশ্বেশ্বরমজং দেবং জগতঃ প্রভুমব্যযম্ ।
ভজন্তি যে পুষ্করাক্ষং ন তে যান্তি পরাভবম্ ॥ ২২॥
ন তে যান্তি পরাভবম্ ওঁ নম ইতি ।
অর্জুন উবাচ---
পদ্মপত্রবিশালাক্ষ পদ্মনাভ সুরোত্তম ।
ভক্তানামনুরক্তানাং ত্রাতা ভব জনার্দন ॥ ২৩॥
শ্রীভগবানুবাচ ---
যো মাং নামসহস্রেণ স্তোতুমিচ্ছতি পাণ্ডব ।
সোহঽমেকেন শ্লোকেন স্তুত এব ন সংশযঃ ॥ ২৪॥
স্তুত এব ন সংশয ওঁ নম ইতি ।
ব্যাস উবাচ---
বাসনাদ্বাসুদেবস্য বাসিতং ভুবনত্রযম্ ।
সর্বভূতনিবাসোঽসি বাসুদেব নমোঽস্তু তে ॥ ২৫॥
শ্রীবাসুদেব নমোঽস্তু ত ওঁ নম ইতি ।
পার্বত্যুবাচ---
কেনোপাযেন লঘুনা বিষ্ণোর্নামসহস্রকম্ ।
পঠ্যতে পণ্ডিতৈর্নিত্যং শ্রোতুমিচ্ছাম্যহং প্রভো ॥ ২৬॥
ঈশ্বর উবাচ---
শ্রীরামরামরামেতি রমে রামে মনোরমে । (রামরামেতি রামেতি)
সহস্রনামতত্তুল্যং রামনাম বরাননে ॥ ২৭॥
শ্রীরামনাম বরানন ওঁ নম ইতি ।
ব্রহ্মোবাচ ---
নমোঽস্ত্বনন্তায সহস্রমূর্তযে
সহস্রপাদাক্ষিশিরোরুবাহবে ।
সহস্রনাম্নে পুরুষায শাশ্বতে
সহস্রকোটিযুগধারিণে নমঃ ॥ ২৮॥
সহস্রকোটিযুগধারিণে নম ওঁ নম ইতি ।
ওঁ তত্সদিতি শ্রীমহাভারতে শতসাহস্র্যাং সংহিতাযাং বৈযাসিক্যামানুশাসনিকে
পর্বণি ভীষ্মযুধিষ্ঠিরসংবাদে শ্রীবিষ্ণোর্দিব্যসহস্রনামস্তোত্রম্ ॥
সঞ্জয উবাচ---
যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্বিজযো ভূতির্ধ্রুবা নীতির্মতির্মম ॥ ২৯॥
শ্রীভগবানুবাচ ---
অনন্যাশ্চিন্তযন্তো মাং যে জনাঃ পর্যুপাসতে ।
তেষাং নিত্যাভিযুক্তানাং যোগক্ষেমং বহাম্যহম্ ॥ ৩০॥
পরিত্রাণায সাধূনাং বিনাশায চ দুষ্কৃতাম্ ।
ধর্মসংস্থাপনার্থায সম্ভবামি যুগে যুগে ॥ ৩১॥
আর্তা বিষণ্ণাঃ শিথিলাশ্চ ভীতা ঘোরেষু চ ব্যাধিষু বর্তমানাঃ ।
সঙ্কীর্ত্য নারাযণশব্দমাত্রং বিমুক্তদুঃখাঃ সুখিনো ভবন্তি ॥ ৩২॥ (ভবন্তু)
কাযেন বাচা মনসেন্দ্রিযৈর্বা বুদ্ধ্যাত্মনা বা প্রকৃতেঃ স্বভাবাত্ । (প্রকৃতিস্বভাবাত্ ।)
করোমি যদ্যত্ সকলং পরস্মৈ নারাযণাযেতি সমর্পযামি ॥ ৩৩॥
ইতি শ্রীবিষ্ণোর্দিব্যসহস্রনামস্তোত্রং সম্পূর্ণম্ ।
ওঁ তত্ সত্ ।
মহাভারতে অনুশাসনপর্বণি অধ্যাযঃ ১৪৯
ওঁ আপদামপহর্তারং দাতারং সর্বসম্পদাম্ ।
লোকাভিরামং শ্রীরামং ভূযো ভূযো নমাম্যহম্ ॥
আর্তানামার্তিহন্তারং ভীতানাং ভীতিনাশনম্ ।
দ্বিষতাং কালদণ্ডং তং রামচন্দ্রং নমাম্যহম্ ॥
নমঃ কোদণ্ডহস্তায সন্ধীকৃতশরায চ ।
খণ্ডিতাখিলদৈত্যায রামাযাপন্নিবারিণে ॥
রামায রামভদ্রায রামচন্দ্রায বেধসে ।
রঘুনাথায নাথায সীতাযাঃ পতযে নমঃ ॥
অগ্রতঃ পৃষ্ঠতশ্চৈব পার্শ্বতশ্চ মহাবলৌ ।
আকর্ণপূর্ণধন্বানৌ রক্ষেতাং রামলক্ষ্মণৌ ॥
সন্নদ্ধঃ কবচী খড্গী চাপবাণধরো যুবা ।
গচ্ছন্ মমাগ্রতো নিত্যং রামঃ পাতু সলক্ষ্মণঃ ॥
অচ্যুতানন্তগোবিন্দনামোচ্চারণভেষজাত্ ।
নশ্যন্তি সকলা রোগাস্সত্যং সত্যং বদাম্যহম্ ॥
সত্যং সত্যং পুনস্সত্যমুদ্ধৃত্য ভুজমুচ্যতে ।
বেদাচ্ছাস্ত্রং পরং নাস্তি ন দৈবং কেশবাত্পরম্ ॥ (ন দেবঃ কেশবাত্পরঃ - গরুডপুরাণ ৩.১০.৫৫)
শরীরে জর্জরীভূতে ব্যাধিগ্রস্তে কলেবরে ।
ঔষধং জাহ্নবীতোযং বৈদ্যো নারাযণো হরিঃ ॥
আলোড্য সর্বশাস্ত্রাণি বিচার্য চ পুনঃ পুনঃ ।
ইদমেকং সুনিষ্পন্নং ধ্যেযো নারাযণো হরিঃ ॥
যদক্ষরপদভ্রষ্টং মাত্রাহীনং তু যদ্ভবেত্ ।
তত্সর্বং ক্ষম্যতাং দেব নারাযণ নমোঽস্তু তে ॥
বিসর্গবিন্দুমাত্রাণি পদপাদাক্ষরাণি চ ।
ন্যূনানি চাতিরিক্তানি ক্ষমস্ব পুরুষোত্তম ॥

Alternate Concluding Shlokas

নমঃ কমলনাভায নমস্তে জলশাযিনে ।
নমস্তে কেশবানন্ত বাসুদেব নমোঽস্তুতে ॥
নমো ব্রহ্মণ্যদেবায গোব্রাহ্মণহিতায চ ।
জগদ্ধিতায কৃষ্ণায গোবিন্দায নমো নমঃ ॥
আকাশাত্পতিতং তোযং যথা গচ্ছতি সাগরম্ ।
সর্বদেবনমস্কারঃ কেশবং প্রতি গচ্ছতি ॥
এষ নিষ্কণ্টকঃ পন্থা যত্র সম্পূজ্যতে হরিঃ ।
কুপথং তং বিজানীযাদ্ গোবিন্দরহিতাগমম্ ॥
সর্ববেদেষু যত্পুণ্যং সর্বতীর্থেষু যত্ফলম্ ।
তত্ফলং সমবাপ্নোতি স্তুত্বা দেবং জনার্দনম্ ॥
যো নরঃ পঠতে নিত্যং ত্রিকালং কেশবালযে ।
দ্বিকালমেককালং বা ক্রূরং সর্বং ব্যপোহতি ॥
দহ্যন্তে রিপবস্তস্য সৌম্যাঃ সর্বে সদা গ্রহাঃ ।
বিলীযন্তে চ পাপানি স্তবে হ্যস্মিন্ প্রকীর্তিতে ॥
যেন ধ্যাতঃ শ্রুতো যেন যেনাযং পঠ্যতে স্তবঃ ।
দত্তানি সর্বদানানি সুরাঃ সর্বে সমর্চিতাঃ ॥
ইহ লোকে পরে বাপি ন ভযং বিদ্যতে ক্বচিত্ ।
নাম্নাং সহস্রং যোঽধীতে দ্বাদশ্যাং মম সন্নিধৌ ॥
শনৈর্দহন্তি পাপানি কল্পকোটিশতানি চ ।
অশ্বত্থসন্নিধৌ পার্থ ধ্যাত্বা মনসি কেশবম্ ॥
পঠেন্নামসহস্রং তু গবাং কোটিফলং লভেত্ ।
শিবালযে পঠেন্নিত্যং তুলসীবনসংস্থিতঃ ॥
নরো মুক্তিমবাপ্নোতি চক্রপাণের্বচো যথা ।
ব্রহ্মহত্যাদিকং ঘোরং সর্বপাপং বিনশ্যতি ॥
বিলযং যান্তি পাপানি চান্যপাপস্য কা কথা ।
সর্বপাপবিনির্মুক্তো বিষ্ণুলোকং স গচ্ছতি ॥
॥ হরিঃ ওঁ তত্সত্ ॥

More Vishnu Stotras

श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
श्रीशिवसहस्रनामस्तोत्रम्
Shiva Sahasranama Stotram
श्रीदुर्गासप्तशतीसहस्रनामस्तोत्रम्
Shri Durga Saptashati Sahasranama Stotram
View All Sahasranama Collection →

Also Chanted For

Devotion & Liberation

Explore More

Sahasranama CollectionWealthObstaclesHealthProtectionWisdomHome