Goddess Durga

দেৱী কৱচম্

(Devi Kavacham in Assamese)

From Markandeya Purana

Also known as om asya sri candikavacasya

Language:Sanskrit
Translation:English

The Devi Kavacham, a vital component of the Durga Saptashati, is a powerful protective armor addressed to Goddess Durga. In this hymn, the devotee invokes various aspects of the Divine Mother to guard every limb and organ of the physical body. Attributed to the Markandeya Purana, it is recited during the Navaratri festival and as part of the daily Chandi Path. By chanting this stotra, the practitioner seeks to dissolve fear, neutralize negative energies, and invite the protective grace of the Goddess, fostering a sense of invulnerability and deep spiritual fortification against both internal and external obstacles.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ওঁ অস্য শ্ৰী চণ্ডীকৱচস্য ॥
ব্ৰহ্মা ঋষিঃ । অনুষ্টুপ্ ছন্দঃ । চামুণ্ডা দেৱতা ।
অঙ্গন্যাসোক্তমাতৰো বীজম্ । দিগ্বন্ধ দেৱতাস্তত্ত্ৱম্ ।
শ্ৰীজগদম্বাপ্ৰীত্যৰ্থে সপ্তশতী পাঠাঙ্গত্ৱেন জপে ৱিনিযোগঃ ॥
॥ ওঁ নমশ্চণ্ডিকাযৈ ॥
মাৰ্কণ্ডেয উৱাচ।

ওঁ যদ্গুহ্যং পৰমং লোকে সৰ্ৱৰক্ষাকৰং নৃণাম্ ।
যন্ন কস্যচিদাখ্যাতং তন্মে ব্ৰূহি পিতামহ ॥ ১॥
ব্ৰহ্মোৱাচ ।

অস্তি গুহ্যতমং ৱিপ্ৰ সৰ্ৱভূতোপকাৰকম্ ।
দেৱ্যাস্তু কৱচং পুণ্যং তচ্ছৃণুষ্ৱ মহামুনে ॥ ২॥
প্ৰথমং শৈলপুত্ৰী চ দ্ৱিতীযং ব্ৰহ্মচাৰিণী ।
তৃতীযং চন্দ্ৰঘণ্টেতি কূষ্মাণ্ডেতি চতুৰ্থকম্ ॥ ৩॥
পঞ্চমং স্কন্দমাতেতি ষষ্ঠং কাত্যাযনীতি চ ।
সপ্তমং কালৰাত্ৰীতি মহাগৌৰীতি চাষ্টমম্ ॥ ৪॥
নৱমং সিদ্ধিদাত্ৰী চ নৱদুৰ্গাঃ প্ৰকীৰ্তিতাঃ ।
উক্তান্যেতানি নামানি ব্ৰহ্মণৈৱ মহাত্মনা ॥ ৫॥
অগ্নিনা দহ্যমানস্তু শত্ৰুমধ্যে গতো ৰণে ।
ৱিষমে দুৰ্গমে চৈৱ ভযাৰ্ত্তাঃ শৰণং গতাঃ ॥ ৬॥
ন তেষাং জাযতে কিংচিদশুভং ৰণসংকটে ।
নাপদং তস্য পশ্যামি শোকদুঃখভযং ন হি ॥ ৭॥
যৈস্তু ভক্ত্যা স্মৃতা নূনং তেষাং ৱৃদ্ধিঃ প্ৰজাযতে ।
যে ত্ৱাং স্মৰন্তি দেৱেশি ৰক্ষসে তান্ন সংশযঃ ॥ ৮॥
প্ৰেতসংস্থা তু চামুণ্ডা ৱাৰাহী মহিষাসনা ।
ঐন্দ্ৰী গজসমাৰূঢা ৱৈষ্ণৱী গৰুডাসনা ॥ ৯॥
মাহেশ্ৱৰী ৱৃষাৰূঢা কৌমাৰী শিখিৱাহনা ।
লক্ষ্মীঃ পদ্মাসনা দেৱী পদ্মহস্তা হৰিপ্ৰিযা ॥ ১০॥
শ্ৱেতৰূপধৰা দেৱী ঈশ্ৱৰী ৱৃষৱাহনা ।
ব্ৰাহ্মী হংসসমাৰূঢা সৰ্ৱাভৰণভূষিতা ॥ ১১॥
ইত্যেতা মাতৰঃ সৰ্ৱাঃ সৰ্ৱযোগসমন্ৱিতাঃ ।
নানাভৰণশোভাঢ্যা নানাৰত্নোপশোভিতাঃ ॥ ১২॥
দৃশ্যন্তে ৰথমাৰূঢা দেৱ্যঃ ক্ৰোধসমাকুলাঃ ।
শঙ্খং চক্ৰং গদাং শক্তিং হলং চ মুসলাযুধম্ ॥ ১৩॥
খেটকং তোমৰং চৈৱ পৰশুং পাশমেৱ চ ।
কুন্তাযুধং ত্ৰিশূলং চ শাৰ্ঙ্গমাযুধমুত্তমম্ ॥ ১৪॥
দৈত্যানাং দেহনাশায ভক্তানামভযায চ ।
ধাৰযন্ত্যাযুধানীত্থং দেৱানাং চ হিতায ৱৈ ॥ ১৫॥
নমস্তেঽস্তু মহাৰৌদ্ৰে মহাঘোৰপৰাক্ৰমে ।
মহাবলে মহোত্সাহে মহাভযৱিনাশিনি ॥ ১৬॥
ত্ৰাহি মাং দেৱি দুষ্প্ৰেক্ষ্যে শত্ৰূণাং ভযৱৰ্দ্ধিনি ।
প্ৰাচ্যাং ৰক্ষতু মামৈন্দ্ৰী আগ্নেয্যামগ্নিদেৱতা ॥ ১৭॥
দক্ষিণেঽৱতু ৱাৰাহী নৈৰৃত্যাং খড্গধাৰিণী ।
প্ৰতীচ্যাং ৱাৰুণী ৰক্ষেদ্ৱাযৱ্যাং মৃগৱাহিনী ॥ ১৮॥
উদীচ্যাং পাতু কৌমাৰী ঐশান্যাং শূলধাৰিণী ।
ঊৰ্ধ্ৱং ব্ৰহ্মাণি মে ৰক্ষেদধস্তাদ্ৱৈষ্ণৱী তথা ॥ ১৯॥
এৱং দশ দিশো ৰক্ষেচ্চামুণ্ডা শৱৱাহনা ।
জযা মে চাগ্ৰতঃ পাতু ৱিজযা পাতু পৃষ্ঠতঃ ॥ ২০॥
অজিতা ৱামপাৰ্শ্ৱে তু দক্ষিণে চাপৰাজিতা ।
শিখামুদ্যোতিনী ৰক্ষেদুমা মূৰ্ধ্নি ৱ্যৱস্থিতা ॥ ২১॥
মালাধৰী ললাটে চ ভ্ৰুৱৌ ৰক্ষেদ্যশস্ৱিনী ।
ত্ৰিনেত্ৰা চ ভ্ৰুৱোৰ্মধ্যে যমঘণ্টা চ নাসিকে ॥ ২২॥
শঙ্খিনী চক্ষুষোৰ্মধ্যে শ্ৰোত্ৰযোৰ্দ্ৱাৰৱাসিনী ।
কপোলৌ কালিকা ৰক্ষেত্কৰ্ণমূলে তু শাঙ্কৰী ॥ ২৩॥
নাসিকাযাং সুগন্ধা চ উত্তৰোষ্ঠে চ চৰ্চিকা ।
অধৰে চামৃতকলা জিহ্ৱাযাং চ সৰস্ৱতী ॥ ২৪॥
দন্তান্ ৰক্ষতু কৌমাৰী কণ্ঠদেশে তু চণ্ডিকা ।
ঘণ্টিকাং চিত্ৰঘণ্টা চ মহামাযা চ তালুকে ॥ ২৫॥
কামাক্ষী চিবুকং ৰক্ষেদ্ৱাচং মে সৰ্ৱমঙ্গলা ।
গ্ৰীৱাযাং ভদ্ৰকালী চ পৃষ্ঠৱংশে ধনুৰ্ধৰী ॥ ২৬॥
নীলগ্ৰীৱা বহিঃকণ্ঠে নলিকাং নলকূবৰী ।
স্কন্ধযোঃ খড্গিনী ৰক্ষেদ্বাহূ মে ৱজ্ৰধাৰিণী ॥ ২৭॥
হস্তযোৰ্দণ্ডিনী ৰক্ষেদম্বিকা চাঙ্গুলীষু চ ।
নখাঞ্ছূলেশ্ৱৰী ৰক্ষেত্কুক্ষৌ ৰক্ষেত্কুলেশ্ৱৰী ॥ ২৮॥
স্তনৌ ৰক্ষেন্মহাদেৱী মনঃশোকৱিনাশিনী ।
হৃদযে ললিতা দেৱী উদৰে শূলধাৰিণী ॥ ২৯॥
নাভৌ চ কামিনী ৰক্ষেদ্গুহ্যং গুহ্যেশ্ৱৰী তথা ।
পূতনা কামিকা মেঢ্ৰং গুদে মহিষৱাহিনী ॥ ৩০॥
কট্যাং ভগৱতী ৰক্ষেজ্জানুনী ৱিন্ধ্যৱাসিনী ।
জঙ্ঘে মহাবলা ৰক্ষেত্সৰ্ৱকামপ্ৰদাযিনী ॥ ৩১॥
গুল্ফযোৰ্নাৰসিংহী চ পাদপৃষ্ঠে তু তৈজসী ।
পাদাঙ্গুলীষু শ্ৰী ৰক্ষেত্পাদাধস্তলৱাসিনী ॥ ৩২॥
নখান্ দংষ্ট্ৰাকৰালী চ কেশাংশ্চৈৱোৰ্ধ্ৱকেশিনী ।
ৰোমকূপেষু কৌবেৰী ত্ৱচং ৱাগীশ্ৱৰী তথা ॥ ৩৩॥
ৰক্তমজ্জাৱসামাংসান্যস্থিমেদাংসি পাৰ্ৱতী ।
অন্ত্ৰাণি কালৰাত্ৰিশ্চ পিত্তং চ মুকুটেশ্ৱৰী ॥ ৩৪॥
পদ্মাৱতী পদ্মকোশে কফে চূডামণিস্তথা ।
জ্ৱালামুখী নখজ্ৱালামভেদ্যা সৰ্ৱসন্ধিষু ॥ ৩৫॥
শুক্ৰং ব্ৰহ্মাণি মে ৰক্ষেচ্ছাযাং ছত্ৰেশ্ৱৰী তথা ।
অহংকাৰং মনো বুদ্ধিং ৰক্ষেন্মে ধৰ্মধাৰিণী ॥ ৩৬॥
প্ৰাণাপানৌ তথা ৱ্যানমুদানং চ সমানকম্ ।
ৱজ্ৰহস্তা চ মে ৰক্ষেত্প্ৰাণং কল্যাণশোভনা ॥ ৩৭॥
ৰসে ৰূপে চ গন্ধে চ শব্দে স্পৰ্শে চ যোগিনী ।
সত্ত্ৱং ৰজস্তমশ্চৈৱ ৰক্ষেন্নাৰাযণী সদা ॥ ৩৮॥
আযূ ৰক্ষতু ৱাৰাহী ধৰ্মং ৰক্ষতু ৱৈষ্ণৱী ।
যশঃ কীৰ্তিং চ লক্ষ্মীং চ ধনং ৱিদ্যাং চ চক্ৰিণী ॥ ৩৯॥
গোত্ৰমিন্দ্ৰাণি মে ৰক্ষেত্পশূন্মে ৰক্ষ চণ্ডিকে ।
পুত্ৰান্ ৰক্ষেন্মহালক্ষ্মীৰ্ভাৰ্যাং ৰক্ষতু ভৈৰৱী ॥ ৪০॥
পন্থানং সুপথা ৰক্ষেন্মাৰ্গং ক্ষেমকৰী তথা ।
ৰাজদ্ৱাৰে মহালক্ষ্মীৰ্ৱিজযা সৰ্ৱতঃ স্থিতা ॥ ৪১॥
ৰক্ষাহীনং তু যত্স্থানং ৱৰ্জিতং কৱচেন তু ।
তত্সৰ্ৱং ৰক্ষ মে দেৱি জযন্তী পাপনাশিনী ॥ ৪২॥
পদমেকং ন গচ্ছেত্তু যদীচ্ছেচ্ছুভমাত্মনঃ ।
কৱচেনাৱৃতো নিত্যং যত্ৰ যত্ৰৈৱ গচ্ছতি ॥ ৪৩॥
তত্ৰ তত্ৰাৰ্থলাভশ্চ ৱিজযঃ সাৰ্ৱকামিকঃ ।
যং যং চিন্তযতে কামং তং তং প্ৰাপ্নোতি নিশ্চিতম্ ।
পৰমৈশ্ৱৰ্যমতুলং প্ৰাপ্স্যতে ভূতলে পুমান্ ॥ ৪৪॥
নিৰ্ভযো জাযতে মৰ্ত্যঃ সংগ্ৰামেষ্ৱপৰাজিতঃ ।
ত্ৰৈলোক্যে তু ভৱেত্পূজ্যঃ কৱচেনাৱৃতঃ পুমান্ ॥ ৪৫॥
ইদং তু দেৱ্যাঃ কৱচং দেৱানামপি দুৰ্লভম্ ।
যঃ পঠেত্প্ৰযতো নিত্যং ত্ৰিসন্ধ্যং শ্ৰদ্ধযান্ৱিতঃ ॥ ৪৬॥
দৈৱী কলা ভৱেত্তস্য ত্ৰৈলোক্যেষ্ৱপৰাজিতঃ ।
জীৱেদ্ৱৰ্ষশতং সাগ্ৰমপমৃত্যুৱিৱৰ্জিতঃ ॥ ৪৭॥
নশ্যন্তি ৱ্যাধযঃ সৰ্ৱে লূতাৱিস্ফোটকাদযঃ ।
স্থাৱৰং জঙ্গমং চৈৱ কৃত্ৰিমং চাপি যদ্ৱিষম্ ॥ ৪৮॥
অভিচাৰাণি সৰ্ৱাণি মন্ত্ৰযন্ত্ৰাণি ভূতলে ।
ভূচৰাঃ খেচৰাশ্চৈৱ জলজাশ্চৌপদেশিকাঃ ॥ ৪৯॥
সহজা কুলজা মালা ডাকিনী শাকিনী তথা ।
অন্তৰিক্ষচৰা ঘোৰা ডাকিন্যশ্চ মহাবলাঃ ॥ ৫০॥
গ্ৰহভূতপিশাচাশ্চ যক্ষগন্ধৰ্ৱৰাক্ষসাঃ ।
ব্ৰহ্মৰাক্ষসৱেতালাঃ কুষ্মাণ্ডা ভৈৰৱাদযঃ ॥ ৫১॥
নশ্যন্তি দৰ্শনাত্তস্য কৱচে হৃদি সংস্থিতে ।
মানোন্নতিৰ্ভৱেদ্ৰাজ্ঞস্তেজোৱৃদ্ধিকৰং পৰম্ ॥ ৫২॥
যশসা ৱৰ্ধতে সোঽপি কীৰ্তিমণ্ডিতভূতলে ।
জপেত্সপ্তশতীং চণ্ডীং কৃত্ৱা তু কৱচং পুৰা ॥ ৫৩॥
যাৱদ্ভূমণ্ডলং ধত্তে সশৈলৱনকাননম্ ।
তাৱত্তিষ্ঠতি মেদিন্যাং সন্ততিঃ পুত্ৰপৌত্ৰিকী ॥ ৫৪॥
দেহান্তে পৰমং স্থানং যত্সুৰৈৰপি দুৰ্লভম্ ।
প্ৰাপ্নোতি পুৰুষো নিত্যং মহামাযা প্ৰসাদতঃ ॥ ৫৫॥
লভতে পৰমং ৰূপং শিৱেন সহ মোদতে ॥ ওঁ ॥ ৫৬॥

More Durga Stotras

श्रीकुब्जिकातन्त्रे दुर्गाकवचं
Durga Devi Kavacham
दुर्गा कवचम्
Durga Kavacham
दुर्गा कवचम् (ब्रह्माण्ड पुराणम्)
Durga Kavacham (Brahmanda Puranam)
एकाक्षर गणपति कवचम्
Ekaksara Ganapati Kavacam
गणेश कवचम्
Ganesha Kavacham
श्री गणपति रक्षा कवचम्
Ganpati Raksha kavacham
गोपाल अक्षय कवचम्
Gopal Akshay Kavacham
हरिद्रा गणेश कवचम्
Haridra Ganesh Kavacham
View All Kavacham Collection →

Also Chanted For

Peace & Protection

Explore More

Kavacham CollectionWealthObstaclesHealthProtectionWisdomHome