What is Yama Krta Ganesastottarasatanama Stotra?

Read Yama Krta Ganesastottarasatanama Stotra in Assamese script — full lyrics with English meaning and transliteration. A hundred and eight names spoken by Yama, from the twenty-sixth chapter of the Lambodara Charita in the Mudgala Purana, and they are not addressed to Ganesha at all. Every verse is an order shouted at the obstacles: let him go, get far off, wander in fear. The names are the grounds given for the order — Ganesha, Heramba, Gajanana, Mahodara, revealer of one's own experience, lover of accomplishment, lord of understanding; ender of many obstacles, curved-trunk, four-armed, lord of poets, destroyer of Devantaka — and each run of them closes on the same dismissal. The chapter around it concerns the power of touching shami and mandara, and its opening verses put that to the same use: whichever of the two is on his body is the measure, so leave, and go in fear.

Which deity is Yama Krta Ganesastottarasatanama Stotra dedicated to?

Yama Krta Ganesastottarasatanama Stotra is a Sanskrit hymn dedicated to Lord Ganesha.

Yama Krta Ganesastottarasatanama Stotra in Assamese

মন্দাৰমালাশমিকাষ্ঠজা চ যস্যৈৱ দেহে ভৱতি প্ৰমাণম্ ।
পুষ্পং তযোঃ পত্ৰযুতং চ শূৰাঃ সন্ত্যজ্য দূৰং চৰত প্ৰভীতাঃ ॥ ৩৩॥

দূৰ্ৱাযুতং ৱিঘ্নহৰস্য গাথাং সঙ্গাযমানং যদি পাপযুক্তম্ ।
পূজাদিকাৰং গণনাযকস্য সন্ত্যজ্য দূৰং চৰত প্ৰভীতাঃ ॥ ৩৪॥

ওঁ গণেশ হেৰম্ব গজাননেতি মহোদৰ স্ৱানুভৱপ্ৰকাশিন্ ।
ৱৰিষ্ঠ সিদ্ধিপ্ৰিয বুদ্ধিনাথ ৱদন্তমেৱং ত্যজত প্ৰভীতাঃ ॥ ৩৫॥

অনেকৱিঘ্নান্তক ৱক্ৰতুণ্ড স্ৱসংজ্ঞৱাসিংশ্চ চতুৰ্ভুজেতি ।
কৱীশ দেৱান্তকনাশকাৰিন্ ৱদন্তমেৱং ত্যজত প্ৰভীতাঃ ॥ ৩৬॥

মহেশসূনো গজদৈত্যশত্ৰো ৱৰেণ্যসূনো ৱিকট ত্ৰিনেত্ৰ ।
পৰেশ ধৰণীধৰ একদন্ত ৱদন্তমেৱং ত্যজত প্ৰভীতাঃ ॥ ৩৭॥

প্ৰমোদমোদেতি নৰান্তকাৰে ষডূৰ্মিহন্তৰ্গজকৰ্ণ ঢুণ্ঢে ।
দ্ৱন্দ্ৱাৰিসিন্ধৌ স্থিৰভাৱকাৰিন্ ৱদন্তমেৱং ত্যজত প্ৰভীতাঃ ॥ ৩৮॥

ৱিনাযক জ্ঞানৱিঘাতশত্ৰো পৰাশৰস্যাত্মজ ৱিষ্ণুপুত্ৰ ।
অনাদিপূজ্যাখুগ সৰ্ৱপূজ্য ৱদন্তমেৱং ত্যজত প্ৰভীতাঃ ॥ ৩৯॥

ৱিধেৰ্জ লম্বোদৰ ধূম্ৰৱৰ্ণ মযূৰপালেতি মযূৰৱাহিন্ ।
সুৰাসুৰৈঃ সেৱিতপাদপদ্ম ৱদন্তমেৱং ত্যজত প্ৰভীতাঃ ॥ ৪০॥

ৱৰিন্ মহাখুধ্ৱজ শূৰ্পকৰ্ণ শিৱাজ সিংহস্থ অনন্তৱাহ ।
দিতৌজ ৱিঘ্নেশ্ৱৰ শেষনাভে ৱদন্তমেৱং ত্যজত প্ৰভীতাঃ ॥ ৪১॥

অণোৰণীযন্ মহতো মহীযন্ ৰৱেৰ্জ যোগেশ ৱৰিষ্ঠৰাজ ।
নিধীশ মন্ত্ৰেশ চ শেষপুত্ৰ ৱদন্তমেৱং ত্যজত প্ৰভীতাঃ ॥ ৪২॥

ৱৰপ্ৰদাতৰ্হ্যদিতেশ্চ সূনো পৰাশৰজ্ঞানদ তাৰৱক্ত্ৰ ।
গুহাগ্ৰজ ব্ৰহ্মপ পাৰ্শ্ৱপুত্ৰ ৱদন্তমেৱং ত্যজত প্ৰভীতাঃ ॥ ৪৩॥

সিন্ধোশ্চ শত্ৰো পৰশুপ্ৰপাণে শমীশ পুষ্পপ্ৰিয ৱিঘ্নহাৰিন্ ।
দূৰ্ৱাভৰৈৰৰ্চিত দেৱদেৱ ৱদন্তমেৱং ত্যজত প্ৰভীতাঃ ॥ ৪৪॥

ধিযঃ প্ৰদাতশ্চ শমীপ্ৰিযেতি সুসিদ্ধিদাতশ্চ সুশান্তিদাতঃ ।
অমেযমাযামিতৱিক্ৰমেতি ৱদন্তমেৱং ত্যজত প্ৰভীতাঃ ॥ ৪৫॥

দ্ৱিধা চতুৰ্থীপ্ৰিয কশ্যপাজ্জ ধনপ্ৰদ জ্ঞানপ্ৰদ প্ৰকাশ ।
চিন্তামণে চিত্তৱিহাৰকাৰিন্ ৱদন্তমেৱং ত্যজত প্ৰভীতাঃ ॥ ৪৬॥

যমস্য শত্ৰো অভিমানশত্ৰো ৱিধেৰ্জহন্তঃ কপিলস্য সূনো ।
ৱিদেহ স্ৱানন্দ অযোগযোগ ৱদন্তমেৱং ত্যজত প্ৰভীতাঃ ॥ ৪৭॥

গণস্য শত্ৰো কমলস্য শত্ৰো সমস্থ ভাৱজ্ঞ চ ভালচন্দ্ৰ ।
অনাদিমধ্যান্তমযপ্ৰচাৰিন্ ৱদন্তমেৱং ত্যজত প্ৰভীতাঃ ॥ ৪৮॥

ৱিভো জগদ্ৰূপ গুণেশ ভূমন্ পুষ্টেঃ পতে আখুগতেতি বোধ ।
কৰ্তশ্চ পাতশ্চ তু সংহৰেতি ৱদন্তমেৱং ত্যজত প্ৰভীতাঃ ॥ ৪৯॥

ইদমষ্টোত্তৰশতং নাম্নাং তত্ প্ৰপঠন্তি যে ।
শৃণ্ৱন্তি তেষু কুৰুত ভীতা মা ৱৈ প্ৰৱেশনম্ ॥ ৫০॥

ভুক্তিমুক্তিপ্ৰদং ঢুণ্ঢেৰ্ধনধান্যপ্ৰৱৰ্ধনম্ ।
ব্ৰহ্মভূযকৰং স্তোত্ৰং জপতো নিত্যমাদৰাত্ ॥ ৫১॥

যত্ৰ কুত্ৰ গণেশস্য চিহ্নযুক্তানি ৱৈ ভটাঃ ।
ধামানি তত্ৰ কুৰুত সম্ভীতা মা প্ৰৱেশনম্ ॥ ৫২॥

তেন সংস্থাপিতাঃ সৰ্ৱে স্ৱস্ৱকাৰ্যেষু সেৱকাঃ ।
কেশাদ্যাস্তত্ৰ কে যূযং ৱযং ভজত তং সদা ॥ ৫৩॥

এৱমুক্ত্ৱা যমঃ সৰ্ৱান্ কিঙ্কৰান্ মৌনমাদধে ।
যামাঃ সৰ্ৱে গণেশানং ভজতে ভাৱসংযুতাঃ ॥ ৫৪॥

ইদং শমীভৱং পুণ্যং মাহাত্ম্যং যঃ শৃণোতি চেত্ ।
পঠতি সিদ্ধিদং তস্য মন্দাৰস্য ভৱিষ্যতি ॥ ৫৫॥

॥ ইতি শ্ৰীমদান্ত্যে পুৰাণোপনিষদি শ্ৰীমন্মৌদ্গলে মহাপুৰাণে পঞ্চমে খণ্ডে লম্বোদৰচৰিতে শমীমন্দাৰস্পৰ্শমহিমাৱৰ্ণনং নাম ষড্ৱিংশতিতমাঽধ্যাযান্তৰ্গতং যমকৃতং শ্ৰীগণেশাষ্টোত্তৰশতনামস্তোত্ৰং সমাপ্তম্ ॥

যম কৃত গণেশাষ্টোত্তৰশতনাম স্তোত্ৰ

Explore More

More Ganesha Stotras

Explore More