What is Yama Krta Ganesastottarasatanama Stotra?

Read Yama Krta Ganesastottarasatanama Stotra in Bengali script — full lyrics with English meaning and transliteration. A hundred and eight names spoken by Yama, from the twenty-sixth chapter of the Lambodara Charita in the Mudgala Purana, and they are not addressed to Ganesha at all. Every verse is an order shouted at the obstacles: let him go, get far off, wander in fear. The names are the grounds given for the order — Ganesha, Heramba, Gajanana, Mahodara, revealer of one's own experience, lover of accomplishment, lord of understanding; ender of many obstacles, curved-trunk, four-armed, lord of poets, destroyer of Devantaka — and each run of them closes on the same dismissal. The chapter around it concerns the power of touching shami and mandara, and its opening verses put that to the same use: whichever of the two is on his body is the measure, so leave, and go in fear.

Which deity is Yama Krta Ganesastottarasatanama Stotra dedicated to?

Yama Krta Ganesastottarasatanama Stotra is a Sanskrit hymn dedicated to Lord Ganesha.

Yama Krta Ganesastottarasatanama Stotra in Bengali – Lyrics

মন্দারমালাশমিকাষ্ঠজা চ যস্যৈব দেহে ভবতি প্রমাণম্ ।
পুষ্পং তযোঃ পত্রযুতং চ শূরাঃ সন্ত্যজ্য দূরং চরত প্রভীতাঃ ॥ ৩৩॥

দূর্বাযুতং বিঘ্নহরস্য গাথাং সঙ্গাযমানং যদি পাপযুক্তম্ ।
পূজাদিকারং গণনাযকস্য সন্ত্যজ্য দূরং চরত প্রভীতাঃ ॥ ৩৪॥

ওঁ গণেশ হেরম্ব গজাননেতি মহোদর স্বানুভবপ্রকাশিন্ ।
বরিষ্ঠ সিদ্ধিপ্রিয বুদ্ধিনাথ বদন্তমেবং ত্যজত প্রভীতাঃ ॥ ৩৫॥

অনেকবিঘ্নান্তক বক্রতুণ্ড স্বসংজ্ঞবাসিংশ্চ চতুর্ভুজেতি ।
কবীশ দেবান্তকনাশকারিন্ বদন্তমেবং ত্যজত প্রভীতাঃ ॥ ৩৬॥

মহেশসূনো গজদৈত্যশত্রো বরেণ্যসূনো বিকট ত্রিনেত্র ।
পরেশ ধরণীধর একদন্ত বদন্তমেবং ত্যজত প্রভীতাঃ ॥ ৩৭॥

প্রমোদমোদেতি নরান্তকারে ষডূর্মিহন্তর্গজকর্ণ ঢুণ্ঢে ।
দ্বন্দ্বারিসিন্ধৌ স্থিরভাবকারিন্ বদন্তমেবং ত্যজত প্রভীতাঃ ॥ ৩৮॥

বিনাযক জ্ঞানবিঘাতশত্রো পরাশরস্যাত্মজ বিষ্ণুপুত্র ।
অনাদিপূজ্যাখুগ সর্বপূজ্য বদন্তমেবং ত্যজত প্রভীতাঃ ॥ ৩৯॥

বিধের্জ লম্বোদর ধূম্রবর্ণ মযূরপালেতি মযূরবাহিন্ ।
সুরাসুরৈঃ সেবিতপাদপদ্ম বদন্তমেবং ত্যজত প্রভীতাঃ ॥ ৪০॥

বরিন্ মহাখুধ্বজ শূর্পকর্ণ শিবাজ সিংহস্থ অনন্তবাহ ।
দিতৌজ বিঘ্নেশ্বর শেষনাভে বদন্তমেবং ত্যজত প্রভীতাঃ ॥ ৪১॥

অণোরণীযন্ মহতো মহীযন্ রবের্জ যোগেশ বরিষ্ঠরাজ ।
নিধীশ মন্ত্রেশ চ শেষপুত্র বদন্তমেবং ত্যজত প্রভীতাঃ ॥ ৪২॥

বরপ্রদাতর্হ্যদিতেশ্চ সূনো পরাশরজ্ঞানদ তারবক্ত্র ।
গুহাগ্রজ ব্রহ্মপ পার্শ্বপুত্র বদন্তমেবং ত্যজত প্রভীতাঃ ॥ ৪৩॥

সিন্ধোশ্চ শত্রো পরশুপ্রপাণে শমীশ পুষ্পপ্রিয বিঘ্নহারিন্ ।
দূর্বাভরৈরর্চিত দেবদেব বদন্তমেবং ত্যজত প্রভীতাঃ ॥ ৪৪॥

ধিযঃ প্রদাতশ্চ শমীপ্রিযেতি সুসিদ্ধিদাতশ্চ সুশান্তিদাতঃ ।
অমেযমাযামিতবিক্রমেতি বদন্তমেবং ত্যজত প্রভীতাঃ ॥ ৪৫॥

দ্বিধা চতুর্থীপ্রিয কশ্যপাজ্জ ধনপ্রদ জ্ঞানপ্রদ প্রকাশ ।
চিন্তামণে চিত্তবিহারকারিন্ বদন্তমেবং ত্যজত প্রভীতাঃ ॥ ৪৬॥

যমস্য শত্রো অভিমানশত্রো বিধের্জহন্তঃ কপিলস্য সূনো ।
বিদেহ স্বানন্দ অযোগযোগ বদন্তমেবং ত্যজত প্রভীতাঃ ॥ ৪৭॥

গণস্য শত্রো কমলস্য শত্রো সমস্থ ভাবজ্ঞ চ ভালচন্দ্র ।
অনাদিমধ্যান্তমযপ্রচারিন্ বদন্তমেবং ত্যজত প্রভীতাঃ ॥ ৪৮॥

বিভো জগদ্রূপ গুণেশ ভূমন্ পুষ্টেঃ পতে আখুগতেতি বোধ ।
কর্তশ্চ পাতশ্চ তু সংহরেতি বদন্তমেবং ত্যজত প্রভীতাঃ ॥ ৪৯॥

ইদমষ্টোত্তরশতং নাম্নাং তত্ প্রপঠন্তি যে ।
শৃণ্বন্তি তেষু কুরুত ভীতা মা বৈ প্রবেশনম্ ॥ ৫০॥

ভুক্তিমুক্তিপ্রদং ঢুণ্ঢের্ধনধান্যপ্রবর্ধনম্ ।
ব্রহ্মভূযকরং স্তোত্রং জপতো নিত্যমাদরাত্ ॥ ৫১॥

যত্র কুত্র গণেশস্য চিহ্নযুক্তানি বৈ ভটাঃ ।
ধামানি তত্র কুরুত সম্ভীতা মা প্রবেশনম্ ॥ ৫২॥

তেন সংস্থাপিতাঃ সর্বে স্বস্বকার্যেষু সেবকাঃ ।
কেশাদ্যাস্তত্র কে যূযং বযং ভজত তং সদা ॥ ৫৩॥

এবমুক্ত্বা যমঃ সর্বান্ কিঙ্করান্ মৌনমাদধে ।
যামাঃ সর্বে গণেশানং ভজতে ভাবসংযুতাঃ ॥ ৫৪॥

ইদং শমীভবং পুণ্যং মাহাত্ম্যং যঃ শৃণোতি চেত্ ।
পঠতি সিদ্ধিদং তস্য মন্দারস্য ভবিষ্যতি ॥ ৫৫॥

॥ ইতি শ্রীমদান্ত্যে পুরাণোপনিষদি শ্রীমন্মৌদ্গলে মহাপুরাণে পঞ্চমে খণ্ডে লম্বোদরচরিতে শমীমন্দারস্পর্শমহিমাবর্ণনং নাম ষড্বিংশতিতমাঽধ্যাযান্তর্গতং যমকৃতং শ্রীগণেশাষ্টোত্তরশতনামস্তোত্রং সমাপ্তম্ ॥

যম কৃত গণেশাষ্টোত্তরশতনাম স্তোত্র

Explore More

More Ganesha Stotras

Explore More